India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News August 13, 2025
సందిగ్ధంలో కొత్వాల్‌గూడ పార్క్: KTR
రేవంత్ రెడ్డి ప్రభుత్వం ప్రజా సేవపై కాదు, రాజకీయాలు, ప్రచారంపై మాత్రమే ఫోకస్ చేసిందని KTR విమర్శించారు. 13 నెలల క్రితమే కొత్వాల్‌గూడ ఎకో పార్క్ పనులు నెమ్మదిగా జరుగుతున్నాయని తాను ప్రభుత్వానికి గుర్తు చేసినా.. ఇప్పటికీ పూర్తి చేయలేదన్నారు. హైదరాబాదీల కోసం నిర్మించిన ఈ ప్రపంచ స్థాయి పార్క్ ప్రభుత్వ అసమర్థత కారణంగా సందిగ్ధంలో పడిపోయిందన్నారు. ఇది నిరాశాజనక ప్రభుత్వం అంటూ KTR ట్వీట్ చేశారు.
News August 13, 2025
HYDలో వాట్సాప్ ద్వారా బస్ టికెట్
HYDలోని ఆర్టీసీ బస్సుల్లో క్యూ ఆర్ కోడ్ డిజిటల్ టికెటింగ్ సక్సెస్ అయిన నేపథ్యంలో వాట్సాప్ చాట్‌బాట్ ద్వారా టికెట్ అందించే ప్రయత్నాలు అధికారులు చేస్తున్నారు. మియాపూర్, కంటోన్మెంట్ డిపోల నుంచి శంషాబాద్ అంతర్జాతీయ విమానాశ్రయానికి నిత్యం నడిపే పుష్పక్ బస్సుల్లో మొదట పైలెట్ ప్రాజెక్టు కింద అమలు చేసి పరిశీలించనున్నారు. ఇది సక్సెస్ అయితే సిటీలోని మిగతా బస్సులకు సైతం విస్తరించనున్నారు.
News August 13, 2025
HYD: మీ దానం.. స‘జీవం’
తాను మరణించినా మరొకరు బతకాలనే ఆలోచన గొప్పది. ఈ విషయంలో HYD దాతలకు చేతులెత్తి మొక్కాల్సిందే. ఇటీవల నార్సింగికి చెందిన డా.భూమిక బ్రెయిన్‌డెడ్ కావడంతో అవయవదానం చేసి ఆరుగురికి ప్రాణం పోసింది. గతంలో CYB కానిస్టేబుల్ ఆంజనేయులుకు యాక్సిడెంట్‌లో బ్రెయిన్‌డెడ్ అయ్యింది. ఆర్గాన్ డొనేట్ చేసి, 8 మందికి ప్రాణం పోశాడు. ఇలాంటి దాతలు సిటీలో ఎందరో ఉన్నారు. వారికి సెల్యూట్ చేద్దాం.
నేడు ప్రపంచ అవయవదాన దినోత్సవం.
News August 13, 2025
భారీ వర్షాలు.. HYD వాసులకు పోలీసుల సూచనలు
☛15వ తేదీ వరకు వర్ష సూచన
☛సాయంత్రం వేళల్లో భారీ వర్షం కురిసే అవకాశం
☛అత్యవసరం ఉంటేనే బయటకురావాలి
☛వెదర్ అప్‌డేట్స్ ఫాలో అవుతూ పనులు షెడ్యూల్ చేసుకోండి
☛వాహనాల కండీషన్ పరిశీలించండి
☛నీరు నిలిచి ఉండే ప్రాంతాల్లో జాగ్రత్త
☛వర్షంలో చెట్ల కింద, కరెంట్ పోల్స్ దగ్గర నిలబడొద్దు
NOTE: జాగ్రత్తలు పాటించండి.. క్షేమంగా గమ్యం చేరండి అని హైదరాబాద్ పోలీసులు సూచిస్తున్నారు.
SHARE IT
News August 13, 2025
ఓయూలో వివిధ కోర్సుల పరీక్షల ఫీజు స్వీకరణ
HYD ఓయూ పరిధిలోని వివిధ కోర్సుల పరీక్షల ఫీజును స్వీకరించనున్నట్లు అధికారులు మంగళవారం తెలిపారు. బీఎస్సీ ఎయిర్ క్రాఫ్ట్ మెయింటెనెన్స్, బీఎస్సీ ఏవియేషన్ కోర్సుల రెండో సెమిస్టర్ రెగ్యులర్, అన్ని సెమిస్టర్ల బ్యాక్‌లాగ్ పరీక్షల ఫీజును ఈనెల 18వ తేదీలోగా సంబంధిత కళాశాలల్లో చెల్లించాలని చెప్పారు. రూ.500 అపరాధ రుసుముతో 21వ తేదీ వరకు చెల్లించవచ్చన్నారు. ఈ పరీక్షలను వచ్చే నెలలో నిర్వహించనున్నట్లు తెలిపారు.
News August 13, 2025
HYD: ఔటర్ ఆదాయం.. రూపాయల్లో రాబడి.. పైసల్లో కిరాయి..!
రూపాయల్లో ఆదాయం వస్తోంటే.. కిరాయి మాత్రం పైసల్లో.. ఇదీ HYD ఔటర్ రింగ్ రోడ్డు లీజు తీరు. 2023 ఆగస్టు 11 నుంచి ఐఆర్బీ సంస్థకు అప్పటి ప్రభుత్వం 30 ఏళ్లకు రూ.7,380 కోట్లకు ఔటర్ లీజుకిచ్చింది. అయితే ఔటర్ ఆదాయం ఎంత వస్తోందో తెలుసా.. ఈ సంవత్సరం జూన్ వరకు రూ.414 కోట్లు వచ్చాయి. అంటే నెలకు సుమారు 70 కోట్లు.. 30 ఏళ్లకు రూ.25,200 కోట్లు (ఇప్పటి వాహనాల సంఖ్యకు).. ఇక వాహనాలు పెరిగితే.. వామ్మో డబ్బే.. డబ్బు..!
News August 13, 2025
HYD: ఓపెన్ డిగ్రీ, PGలో అడ్మిషన్లు
బీఆర్ అంబేడ్కర్ ఓపెన్ యూనివర్సిటీ యూజీ, పీజీ చేయాలనుకునేవారికి ముఖ్య గమనిక. అడ్మిషన్లకు నేడు చివరి తేదీ అని అధికారులు తెలిపారు. జూన్ 14న వెలువడగా.. ఆగస్టు 13 వరకు అడ్మిషన్లు స్వీకరిస్తామని వెల్లడించారు. రెగ్యూలర్‌గా కాలేజీకి వెళ్లి చదవలేని విద్యార్థులు, ఉద్యోగులకు ఓపెన్ యూనివర్సిటీ ఒక మంచి అవకాశం అని సూచించారు. పూర్తి వివరాలకు https://braou.ac.in వెబ్‌సైట్‌ను సందర్శించండి.
SHARE IT
News August 12, 2025
19న ఉస్మానియా యూనివర్సిటీ 84వ స్నాతకోత్సవం
ఓయూ 84వ స్నాతకోత్సవాన్ని ఈ నెల 19వ తేదీన నిర్వహించనున్నారు. ఠాగూర్ ఆడిటోరియంలో నిర్వహించనున్న ఈ వేడుకకు వర్సిటీ ఛాన్స్‌లర్ హోదాలో గవర్నర్ జిష్ణుదేవ్ వర్మ, ముఖ్య అతిథిగా ఇస్రో ఛైర్మన్ వి.నారాయణన్ హాజరుకానున్నారు. ఈ కార్యక్రమంలో 2022-23, 2023-24 విద్యా సంవత్సరాల బంగారు పతకాల గ్రహీతలు, 2023 నవంబర్ నుంచి ఈ నెల వరకు ఎంఫిల్, పీహెచ్డీ పట్టాలు పొందిన వారికి ప్రదానం చేయనున్నారు.
News August 12, 2025
ఓయూ పీహెచ్డీ కోర్స్ వర్క్ పరీక్షల ఫలితాల విడుదల
HYD ఉస్మానియా యూనివర్సిటీ పరిధిలోని పీహెచ్డీ కోర్స్ వర్క్/ ప్రీ పీహెచ్డీ పరీక్షల ఫలితాలను విడుదల చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ శశికాంత్ ఈరోజు ఒక ప్రకటనలో తెలిపారు. అన్ని ఫ్యాకల్టీల పరిధిలోని పలు విభాగాల పీహెచ్డీ కోర్స్ వర్క్ పరీక్షల ఫలితాలను విడుదల చేసినట్లు చెప్పారు. ఈ ఫలితాలను ఓయూ అధికారిక వెబ్‌సైట్ www.osmania.ac.inలో చూసుకోవచ్చని సూచించారు.
News August 12, 2025
ఉస్మానియా యూనివర్సిటీ ఎంసీఏ పరీక్షల తేదీల ఖరారు
HYD ఉస్మానియా యూనివర్సిటీ పరిధిలోని ఎంసీఏ పరీక్షల తేదీలను ఖరారు చేసినట్లు ఓయూ కంట్రోలర్ ఆఫ్ ది ఎగ్జామినేషన్స్ ప్రొఫెసర్ శశికాంత్ ఈరోజు ఒక ప్రకటనలో తెలిపారు. ఎంసీఏ రెండు, నాలుగో సెమిస్టర్ మెయిన్, అన్ని సెమిస్టర్ల బ్యాక్‌లాగ్ పరీక్షలను ఈనెల 28వ తేదీ నుంచి నిర్వహించనున్నట్లు పేర్కొన్నారు. పరీక్షల తేదీల పూర్తి వివరాలను ఓయూ అధికారిక వెబ్‌సైట్ www.osmania.ac.inలో చూసుకోవచ్చని సూచించారు. SHARE IT
Featured News
Sorry, no posts matched your criteria.