India's largestHyperlocal short
news App
Get daily news updates that are tailored for you based on your preferred language & location.
download Way2News app now
Hyderabad
News August 10, 2025
కిక్కిరిసిన ఆర్టీసీ బస్సులు.. మేడ్చల్‌లో అవస్థలు
రక్షాబంధన్ నేపథ్యంలో RTC బస్సులు కిటకిటలాడాయి. అధికారులు ప్రత్యేక బస్సులు ఏర్పాటు చేసినా నామాత్రమేనని ప్రజలు ఆరోపించారు. దీంతో జనం బస్సుల కోసం బారులుతీరాల్సి వచ్చింది. మేడ్చల్‌ డిపో నుంచి నగరం, పలు జిల్లాల సరిహద్దులకు మేడ్చల్‌ నుంచి వెళ్లే బస్సులన్నీ రద్దీగా కనిపించాయి. మహిళలు, చిన్నారులు తీవ్ర ఇబ్బందులు పడ్డారు. రద్దీ ఉంటుందని తెలిసీ బస్సులు ఏర్పాటు చేయకపోవడంపై ప్రయాణికులు విమర్శించారు.
News August 10, 2025
పండగ పయనం.. కిక్కిరిసిన ఎల్బీనగర్
ఎల్బీనగర్ రింగ్‌రోడ్డు ప్రయాణికులతో కిటకిటలాడింది. బస్సుల కోసం గంటల తరబడి ఎదురు చూశారు. రాఖీ పండగ సందర్భంగా శనివారం ఉదయం నుంచీ బస్టాపులు, ప్రధాన రహదారులపై ప్రయాణికులు కిక్కిరిశారు. ఎండలోనే సామగ్రీతో రోడ్డుపై నిలబడాల్సి వచ్చిందని అధికారుల తీరుపై ప్రయాణికులు తీవ్రంగా మండిపడ్డారు. వేల మంది ప్రయాణికులు పిల్లలతో వచ్చి బస్ షెల్టర్లు లేక హవేపై అవస్థలు పడ్డట్లు వాపోయారు.
News August 10, 2025
వర్షంతో వార్-2 ప్రీ రిలీజ్ ఈవెంట్‌కు బ్రేక్?
WAR- 2 ప్రీ రిలీజ్ ఈవెంట్ జరుగుతుందా? జరగదా? అనే సందిగ్ధం నెలకొంది. ఈ సినిమా ప్రీరిలీజ్ వేడుక యూసఫ్‌గూడ పోలీస్ గ్రౌండ్స్‌లో సా.5 నుంచి ఈవెంట్ స్టార్ట్ అవుతుందని వెల్లడించారు. అధికారికంగా పలు రోడ్లలో ఆంక్షలు విధించారు. దీంతో ఈ ప్రీ రిలీజ్ ఈవెంట్‌పై అభిమానులలో నెలకొన్న సందిగ్ధతపై క్లారిటీ వచ్చింది. అయినప్పటికీ నగరంలో భారీ వర్షాలు పడుతుండడంతో ఈవెంట్‌కి బ్రేక్ పడే అవకాశం కనిపిస్తోందని సమాచారం.
News August 10, 2025
WAR-2 ప్రీ రిలీజ్ ఈవెంట్.. HYDలో ట్రాఫిక్ ఆంక్షలు
నేడు యూసుఫ్‌గూడ బెటాలియన్ పోలీస్ లైన్స్‌లో Jr.NTR, హృతిక్ వార్-2 మూవీ ప్రీ రిలీజ్ ఈవెంట్ సా.5 నుంచి జరగనుంది. ఈ నేపథ్యంలో జూబ్లీహిల్స్ చెక్‌పోస్ట్, మైత్రీవనం, బోరబండ బస్టాప్, పలుచోట్ల వాహనాలు డైవర్ట్ చేస్తామని అధికారులు తెలిపారు. భారీగా ప్రజలు హాజరయ్యే అవకాశం ఉండటంతో పార్కింగ్ కోసం యూసుఫ్‌గూడ మెట్రో పార్కింగ్, సవేరా, మహమూద్ ఫంక్షన్ హాళ్లు (4వీలర్లకు మాత్రమే) అందుబాటులో ఉంటాయని అధికారులు తెలిపారు.
News August 10, 2025
పాతబస్తీలో పెడిస్ట్రియన్ జోన్.. మీ కామెంట్?
HYD నగర సమస్యలపై ప్రభుత్వం ప్రత్యేక దృష్టి పెడుతోంది. పాతబస్తీ ఏరియాలో పెడిస్ట్రియన్ జోన్ ఏర్పాటు చేసే యోచనలో ఉంది. దీంతో పాటు పార్కింగ్ సమస్యలకు చెక్ పెట్టాలని CM రేవంత్ రెడ్డి తాజా మీటింగ్‌లోనూ అధికారులకు సూచించారు. చార్మినార్, సాలార్‌జంగ్ మ్యూజియం, హైకోర్టు, ఉస్మానియా ఆస్పత్రి లాంటి రద్దీ ఏరియాల్లో మల్టీ లెవెల్ పార్కింగ్ జోన్‌ల కోసం కార్యాచరణ సిద్ధం చేయాలని CM ఆదేశించారు. దీనిపై మీరేమంటారు?
News August 9, 2025
HYD: తమ్ముడికి ప్రాణం పోసిన అక్క
తమ్ముడి ప్రాణాలు కాపాడి ఆదర్శంగా నిలిచిన అక్క కథ ఇది. మహబూబ్‌నగర్‌కు చెందిన బాలుడు అప్లాస్టిక్‌ ఎనీమియా వ్యాధితో బాధపడుతూ KIMSలో అడ్మిట్ అయ్యాడు. మూల కణాల (Stem cells) మార్పిడి చేయాలని డాక్టర్లు చెప్పడంతో తన శరీరం నుంచి దానం చేసిన అక్క తమ్ముడికి పునర్జన్మ‌ను ప్రసాదించింది. ఆస్పత్రిలో ఉన్న తమ్ముడికి నేడు రాఖీ కట్టింది. ‘నేను నీకు రక్ష.. నువ్వు నాకు రక్ష’ అన్న నానుడికి ఈ సోదరి నిదర్శనం.
News August 9, 2025
జూబ్లీహిల్స్‌లో కుల రాజకీయం
జూబ్లీహిల్స్ బై‌పోల్ ముంగిట రాజకీయం ‘కుల’ రంగు పులుముకుంటోంది. కమ్మ కులానికి BRS అన్యాయం చేస్తోందన్న విమర్శలను ఆ పార్టీ నేతలు ఖండిస్తున్నారు. CMకు ప్రేమ ఉంటే కమ్మ నేతకే టికెట్ ఇవ్వాలని డిమాండ్ చేస్తూ.. BRS కూడా ఆ సామాజికవర్గానికి చెందిన నేతనే నిలబెడుతుందని తేల్చిచెప్పారు. అయితే, సెగ్మెంట్‌లో కమ్మ ఓట్లు 50 వేలు ఉన్నాయని, పార్టీ ఏదైనా తమకే టికెట్ ఇవ్వాలని కమ్మ రాజకీయ ఐక్యవేదిక పట్టుబట్టడం గమనార్హం.
News August 9, 2025
నిజాంపేటలో వల్లి సిల్క్స్ ప్రారంభం
హైదరాబాద్‌లో సిల్క్ వస్త్రాలకు పేరుగాంచిన వల్లి సిల్క్స్ నూతన బ్రాంచ్‌ను నిజాంపేటలో ప్రారంభించారు. ప్రజలకు మరింత చేరువలో నాణ్యమైన సిల్క్ వస్త్రాలను అందించే లక్ష్యంతో ఈ బ్రాంచ్ ప్రారంభించినట్లు వల్లి సిల్క్స్ యాజమాన్యం ప్రకటించింది. ప్రారంభోత్సవ సందర్భంగా ప్రత్యేక ఆఫర్లు, రాఖీ సందర్భంగా రూ.99 కే చీర అందిస్తున్నట్లు తెలిపారు. ఈ ఆఫర్లను కస్టమర్లు సద్వినియోగం చేసుకోవాలంది.
News August 9, 2025
సృష్టి కేసు అప్డేట్ : సిటీ పోలీసుల అదుపులో వైజాగ్ వైద్యులు
సృష్టి అక్రమ సరోగసి కేసులో పోలీసులు దర్యాప్తును వేగవంతం చేశారు. ఈ కేసులో కీలక పాత్ర పోషించిన వైజాగ్ కింగ్ జార్జ్ ఆస్పత్రికి చెందిన ముగ్గురు వైద్యులను HYD పోలీసులు అదుపులోకి తీసుకున్నారు. అరెస్టైన వారిలో కేజీహెచ్ డిప్యూటీ సూపరింటెండెంట్ డాక్టర్ రవి, డాక్టర్ ఉషాదేవి, డాక్టర్ రమ్య ఉన్నారు. వీరంతా ప్రధాన నిందితురాలు నమ్రతకు సహకరించినట్లు పోలీసులు గుర్తించారు. ఇప్పటి వరకు అరెస్టుల సంఖ్య 25కు చేరింది.
News August 9, 2025
HYD: బంగ్లాదేశ్ బాలికతో వ్యభిచారం..!
బండ్లగూడ పీఎస్‌ పరిధిలో వ్యభిచార ముఠా గుట్టు రట్టయింది. ఇండియా చూపిస్తామంటూ బంగ్లాదేశ్ బాలికను నమ్మించి తీసుకొచ్చిన ముఠా సభ్యులు మెహదీపట్నంలోని ఓ ఇంట్లో నిర్బంధించి వ్యభిచారం చేయిస్తున్నారు. సమాచారం అందుకున్న పోలీసులు బాలికను రక్షించి, ఆరుగురు నిందితులను అరెస్టు చేశారు. ఈ కేసుపై మరింత లోతుగా విచారణ జరుగుతోందని తెలిపారు.
Featured News
Sorry, no posts matched your criteria.