India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News March 1, 2025
కరీంనగర్: ఫుట్ పాత్‌పై గుర్తుతెలియని వృద్ధుడి మృతి
కరీంనగర్ మాతా శిశు ఆసుపత్రి ముందు ఫుట్ పాత్‌పై గుర్తుతెలియని ఓ వృద్ధుడు మృతి చెందాడని కరీంనగర్ టూ టౌన్ పోలీసులు తెలిపారు. కొన్ని రోజులుగా ఫుట్ పాత్ పైనే ఉంటున్న వృద్ధుడు, అనారోగ్యంతో మృతి చెందినట్లు పేర్కొన్నారు. మృతదేహాన్ని జిల్లా ప్రభుత్వ ఆసుపత్రి మార్చురీలో భద్రపరిచినట్లు పోలీసులు తెలిపారు. వ‌ృద్ధుడిని ఎవరైనా గుర్తుపడితే కరీంనగర్ టూ టౌన్ పోలీసులకు సమాచారం అందించాలని పేర్కొన్నారు.
News March 1, 2025
కరీంనగర్: ఇంటర్ పరీక్షలకు అన్ని ఏర్పాట్లు పూర్తి: కలెక్టర్ పమేలా
మార్చి 5 నుంచి 25 జిల్లాలో నిర్వహించే ఇంటర్ పరీక్షలకు అన్ని ఏర్పాట్లు చేశామని కరీంనగర్ కలెక్టర్ పమేలా సత్పతి తెలిపారు. ఇంటర్ పరీక్షలు ఉ. 9.00 నుంచి మ.12.00 వరకు పరీక్షలు జరుగుతాయని, ఇంటర్ మొదటి సంవత్సరంలో 17799 మంది, రెండో సంవత్సరంలో 17763 మొత్తం 35562 మంది విద్యార్ధులు పరీక్షలకు హాజరుకానున్నట్లు తెలిపారు. జిల్లాలో ఇందుకుగాను 37 సెంటర్లు ఏర్పాటు చేసినట్లు తెలిపారు.
News February 28, 2025
కరీంనగర్: స్ట్రాంగ్ రూమ్స్‌కు సీల్ వేసిన రిటర్నింగ్ అధికారి
కరీంనగర్ అంబేడ్కర్ స్టేడియంలో ఎమ్మెల్సీ ఎన్నికల బాక్స్‌లు నిల్వచేసిన స్ట్రాంగ్ రూమ్‌కు సీల్ వేసినట్లు ఎమ్మెల్సీ ఎన్నికల రిటర్నింగ్ అధికారి, కరీంనగర్ కలెక్టర్ పమేలా సత్పతి తెలిపారు. ఎన్నికల పరిశీలకులు మహేశ్ దత్ ఎక్కా ఇతర ముఖ్యఅధికారుల సమక్షంలో సీల్ వేశామన్నారు. పట్టభద్రులు, ఉపాధ్యాయుల బ్యాలెట్ బాక్స్‌లను వేరువేరుగా భద్రపరిచామన్నారు. స్ట్రాంగ్ రూమ్ వద్ద భారీ బందోబస్తును ఏర్పాటు చేశామన్నారు.
News February 28, 2025
కరీంనగర్: ఎల్‌ఎండీలో ఆర్టీసీ డ్రైవర్ మృతి
కరీంనగర్‌లోని లోయర్ మానేరు డ్యామ్‌లో ఈతకు వెళ్లిన ఆర్టీసీ డ్రైవర్ తిరుపతి రావు (59) ప్రమాదవశాత్తు మృతి చెందాడు. రోజూలాగే ఉదయం స్నేహితులతో ఈతకు వెళ్లిన తిరుపతి రావు ప్రమాదవశాత్తు మృతి చెందాడని, కుటుంబ సభ్యులు ఇచ్చిన ఫిర్యాదు మేరకు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నట్లు కరీంనగర్ పోలీసులు తెలిపారు.
News February 28, 2025
కరీంనగర్: 2019లో 59.03%.. 2025లో 70.42%
ఉమ్మడి KNR, MDK, NZB, ADB పట్టభద్రులు, ఉపాధ్యాయ MLC ఎన్నికల పోలింగ్ నిన్న జరగగా.. మార్చి 3న కరీంనగర్‌లో లెక్కింపు జరగనుంది. అయితే, 2019లో పట్టభద్రుల పోలింగ్ 59.03శాతం నమోదు కాగా, 2025లో 70.42 శాతం నమోదైంది. ఉపాధ్యాయ పోలింగ్ 2019లో 83.54శాతం నమోదు కాగా, 2025లో 91.90శాతం పోలింగ్ జరిగింది. 2019 ఎన్నికలతో పోలిస్తే పట్టభద్రుల పోలింగ్ 11.39శాతం, ఉపాధ్యాయ ఎమ్మెల్సీ పోలింగ్ 8.36 శాతం పెరిగింది.
News February 28, 2025
కరీంనగర్: జిల్లాలో పెరుగుతున్న ఎండల తీవ్రత
వేసవి నేపథ్యంలో కరీంనగర్ జిల్లాలో ఎండల తీవ్రత పెరుగుతోంది. గురువారం జిల్లాలో సరాసరి గరిష్ఠ ఉష్ణోగ్రత 34.0℃ గా నమోదైందని హైదరాబాద్ వాతావరణ కేంద్రం తెలిపింది. అటు చలి తీవ్రత కూడా తగ్గడంతో 19.0℃ సరాసరి కనిష్ఠ ఉష్ణోగ్రతలు నమోదయ్యాయి. కాగా ఇప్పటికే జిల్లా ప్రజలు ఉక్కుపోతతో ఇబ్బందులు పడుతున్నారు. మధ్యాహ్నం సమయంలో తీవ్రత మరింత ఎక్కువగా ఉంటోంది. ఉదయం, రాత్రి సమయాల్లో చలి పెడుతోంది.
News February 28, 2025
కరీంనగర్: విషాదం.. ఒకే రోజు ముగ్గురు
శంకరపట్నం(M) కేశవపట్నంలో ఒకేరోజు ముగ్గురు మృతిచెందారు. గ్రామానికి చెందిన తన్నీరు రాంబాబు అనారోగ్యంతో మృతి చెందగా, వివిధ కారణాలతో కల్లేపల్లి పోచమ్మ, గొల్లిపెల్లి కనకయ్య మృతి చెందారు. ఒకేరోజు ముగ్గురు మృతిచెందగా గ్రామంలో విషాద ఛాయలు అలుముకున్నాయి. గతంలో కూడా ఇలాంటి వరుస మరణాలు సంభవించడంతో ఈ గ్రామంలో ఎవరైనా చనిపోతే ఒకరి తర్వాత ఒకరు చనిపోతారు అనే కొత్త నానుడి ఏర్పడిందని గ్రామస్థులు పేర్కొన్నారు.
News February 28, 2025
ఉమ్మడి కరీంనగర్ జిల్లాలోని పోలింగ్ శాతం వివరాలు
జగిత్యాల, పెద్దపల్లి, కరీంనగర్, రాజన్న సిరిసిల్ల జిల్లాలలో గురువారం జరిగిన పట్టభద్రుల, టీచర్స్ ఎమ్మెల్సీ పోలింగ్ శాతం వివరాలు. జగిత్యాల జిల్లాలో పట్టభద్రులు 70.47%, టీచర్స్ 92.43% ఓటు వినియోగించుకోగా.. పెద్దపల్లి జిల్లాలో పట్టభద్రులు 68.50%, టీచర్స్ 94.42%, కరీంనగర్ జిల్లాలో పట్టభద్రులు 64.64%, టీచర్స్ 89.92%, సిరిసిల్లలో పట్టభద్రులు 68.73%, టీచర్స్ 94.63% మంది ఓటు హక్కును వినియోగించుకున్నారు.
News February 28, 2025
KNR: గ్రాడ్యుయేట్స్ 64.64 శాతం, టీచర్స్ 89.92 శాతం
కరీంనగర్ జిల్లాలో ఎమ్మెల్సీ ఎన్నికలు ప్రశాంతంగా ముగిశాయి. గ్రాడ్యుయేట్ ఓటర్లు తమ ఓటు హక్కును వినియోగించుకోగా మొత్తం 46,247 మంది ఓటు హక్కును వినియోగించుకున్నారు. 64.64 ఓట్ల శాతం నమోదైంది. అలాగే ఉపాధ్యాయ ఎన్నికలో 46,247 మంది ఓటు హక్కు వినియోగించుకోగా పోలింగ్ 89.92 శాతం నమోదైందని ఎన్నికల అధికారి, జిల్లా కలెక్టర్ పమేలా సత్పతి పేర్కొన్నారు.
News February 27, 2025
ఓటు హక్కును వినియోగించుకున్న జిల్లా కలెక్టర్
కరీంనగర్ ముకరంపూర్‌లో ప్రభుత్వ ప్రాథమిక పాఠశాలలో ఏర్పాటు చేసిన గ్రాడ్యుయేట్ ఎన్నికల పోలింగ్ స్టేషన్‌లో జిల్లా కలెక్టర్ పమేలా సత్పతి క్యూ లైన్‌లో వెళ్లి గ్రాడ్యుయేట్ ఓటు హక్కును వినియోగించుకున్నారు. ఇదే పాఠశాలలోని పోలింగ్ కేంద్రంలో అడిషనల్ కలెక్టర్ ప్రపుల్ దేశాయ్ తన గ్రాడ్యుయేట్ ఓటు హక్కును వినియోగించుకున్నారు.
Featured News
Sorry, no posts matched your criteria.