India's largestHyperlocal short
news App
Get daily news updates that are tailored for you based on your preferred language & location.
download Way2News app now
Karimnagar
News September 9, 2024
ఉమ్మడి కరీంనగర్ జిల్లాలో నేటి టాప్ న్యూస్
@ ఉమ్మడి కరీంనగర్ జిల్లా వ్యాప్తంగా కాళోజి జయంతి. @ ధర్మారం మండలంలో ఉరి వేసుకుని వ్యక్తి ఆత్మహత్య. @ ముస్తాబాద్ మండలంలో అక్రమ రేషన్ బియ్యం పట్టివేత. @ తంగళ్ళపల్లి మండలంలో విద్యుత్ షాక్ కు గురైన విద్యార్థిని. @ జగిత్యాలలో డబుల్ బెడ్ రూమ్ ల దరఖాస్తులకు గడువు పెంపు. @ గురుకులాలను తనిఖీ చేయాలని అధికారులకు సూచించిన సిరిసిల్ల కలెక్టర్. @ సిరిసిల్ల ప్రజావాణికి 96 ఫిర్యాదులు.
News September 9, 2024
జగిత్యాల: తొమ్మిది మంది ఎమ్మార్వోల బదిలీ
జగిత్యాల జిల్లాలో 9 మంది ఎమ్మార్వోలను బదిలీ చేస్తూ జిల్లా కలెక్టర్ సత్య ప్రసాద్ ఉత్తర్వులు జారీచేశారు. కథలాపూర్ ఎమ్మార్వోగా వి.వినోద్‌, పెగడపల్లి MROగా రవీందర్ నియామకమయ్యారు. ఆర్.శ్రీనివాస్ మెట్పల్లికి, కథలపూర్‌లో పనిచేస్తున్న ముంతాజ్బుద్ధిన్ బీర్పూర్ బదిలీ అయ్యారు. ఏ.శ్రీనివాస్ జగిత్యాల రూరల్, సి.రామ్మోహన్ జగిత్యాల అర్బన్‌కు బదిలీ చేశారు. వరందన్ సారంగాపూర్, రమేష్ కొడిమ్యాలకు బదిలీ అయ్యారు.
News September 9, 2024
శృంగేరి పీఠానికి బయలుదేరిన ప్రభుత్వ విప్ ఆది శ్రీనివాస్
వేములవాడ ఎమ్మెల్యే , ఆది శ్రీనివాస్ ఆదివారం రాత్రి శృంగేరి పీఠానికి బయలుదేరారు. దక్షిణ కాశీగా పేరొందిన ప్రసిద్ధ పుణ్యక్షేత్రమైన వేములవాడ శ్రీ రాజరాజేశ్వర స్వామి ఆలయ విస్తరణ అభివృద్ధి పనులకు శ్రీకారం చుట్టేందుకు శృంగేరి పీఠాధిపతుల అనుమతులు పొందడానికి వెళ్లినట్టు తెలిపారు. వివిధ నిర్మాణాల నమూనాలు, నిర్మాణ ప్రాంతాల ఫొటోలతో పీఠాధిపతులకు వివరించనున్నారు.
News September 9, 2024
కరీంనగర్: భారీగా పెరుగుతున్న నిత్యావసర సరకుల ధరలు!
ఉమ్మడి కరీంనగర్ జిల్లాలో కూరగాయలు, వంట నూనెలు, నిత్యావసర వస్తువుల ధరలు ఆకాశాన్ని అంటుతున్నాయి. పది రోజులుగా కురుస్తున్న భారీ వర్షాల కారణంగా ఇతర రాష్ట్రాల నుంచి సరఫరా తగ్గిపోయింది. దీంతో ధరలు మళ్లీ పెరుగుతున్నాయి. పది రోజుల్లోనే వెల్లుల్లి కిలో ధర రూ.200 ఉండగా ప్రస్తుతం రూ.400 వరకు ఉంది. అటు ఉల్లి ధర కిలో రూ.30 ఉండగా, ప్రస్తుతం రూ.50 నుంచి రూ.60 దాకా పలుకుతోంది.
News September 9, 2024
కరీంనగర్: 20 లోపు దరఖాస్తులకు అవకాశం
కరీంనగర్ పట్టణంలోని ప్రభుత్వ ఐటీఐలో నాలుగో విడుత ప్రవేశాల కోసం విద్యార్థుల నుంచి దరఖాస్తులను ఆహ్వానిస్తున్నట్లు ప్రిన్సిపల్ అశోక్ కుమార్ ప్రకటనలో తెలిపారు. పదో తరగతి ఉత్తీర్ణత సాధించి, ఆసక్తి గల విద్యార్థులు www.iti.telangana.gov.in వెబ్ సైట్‌‌లో రూ.100 రుసుం చెల్లించి ఈ నెల 20లోపు దరఖాస్తు చేసుకోవాలని సూచించారు.
News September 9, 2024
వేములవాడలో రోడ్ల వెడల్పునకు ప్రభుత్వం గ్రీన్ సిగ్నల్!
రాజన్న సిరిసిల్ల జిల్లా వేములవాడ పట్టణంలో రోడ్ల వెడల్పు కోసం ప్రభుత్వం గ్రీన్ సిగ్నల్ ఇచ్చింది. మూలవాగు బ్రిడ్జి నుంచి శ్రీ రాజరాజేశ్వర స్వామి ఆలయం వరకు ఇరుకు రోడ్లతో భారీగా ట్రాఫిక్ జామ్ అవుతోంది. రోడ్ల వెడల్పు కోసం ఏళ్ల తరబడి సర్వేలతో కాలయాపన చేశారు. కాగా ఎట్టకేలకు వేములవాడ ఎమ్మెల్యే ఆది శ్రీనివాస్ చొరవతో ప్రభుత్వం రోడ్ల విస్తరణకు ఆమోదం తెలిపింది. దీంతో భక్తులు హర్షం వ్యక్తం చేస్తున్నారు.
News September 9, 2024
జర్నలిస్టుల సంక్షేమానికి ప్రభుత్వం కట్టుబడి ఉంది: మంత్రి
జవహర్ లాల్ నెహ్రూ హౌసింగ్ సొసైటీ ఇళ్ల పట్టాల పంపిణీ కార్యక్రమం ఆదివారం రవీంద్రభారతిలో జరిగింది. కార్యక్రమంలో మంత్రి పొన్నం ప్రభాకర్ పాల్గొని మాట్లాడుతూ.. జర్నలిస్ట్‌ల సంక్షేమానికి తమ ప్రభుత్వం కట్టుబడి ఉందని, ఏళ్ల తరబడి ఎదురు చూస్తున్న జర్నలిస్ట్ కుటుంబాలకు కాంగ్రెస్ ప్రభుత్వం శుభవార్త చెప్పిందని అన్నారు. ఈ కార్యక్రమంలో సీఎం రేవంత్ రెడ్డి ముఖ్య అతిథిగా పాల్గొని ఇళ్ల పట్టాలను పంపిణీ చేశారు.
News September 8, 2024
ఉమ్మడి కరీంనగర్ జిల్లాలోని నేటి ముఖ్యాంశాలు
ఓదెల: మాజీ సర్పంచ్ సాగు చేస్తున్న సీలింగ్ భూమిపై ఫిర్యాదు. సిరిసిల్ల: ప్రభుత్వ ఆసుపత్రిలో వైద్యుల కొరత! కరీంనగర్: లోయర్ మానేరు డ్యాములో 20.66 టీఎంసీల నీరు నిల్వ. పెద్దపల్లి: బార్డర్ లో రామగుండం యువ జవాన్ అనుమానాస్పద మృతి?. పెద్దపల్లి: అక్రమాలపై యంత్రాంగం ఉక్కు పాదం. రాజన్న సిరిసిల్ల: వేములవాడ రాజన్న ఆలయంలో భక్తుల సందడి. జగిత్యాల: గణనాథుల వద్ద రెండవ రోజు కొనసాగుతున్న భక్తుల కోలాహలం.
News September 8, 2024
KNR: టీచర్లు తలుచుకుంటే సర్కార్ తలరాతలే మారతాయి: కేంద్రమంత్రి
టీచర్లు తలుచుకుంటే సర్కార్ తలరాతలు మారతాయని కేంద్ర హోంశాఖ సహాయ మంత్రి బండి సంజయ్ కుమార్ అన్నారు. కరీంనగర్ కలెక్టరేట్‌లో ‘గురు వందనం’ కార్యక్రమంలో పాల్గొని పలువురు ఉత్తమ టీచర్లను సన్మానించారు. కాంగ్రెస్ ఉన్నంత కాలం మీ సమస్యలు తీరవు అన్నారు. 317 జీవోతో టీచర్లు అల్లాడితే ఉపాధ్యాయలు ఎందుకు నోరు విప్పలేదని ప్రశ్నించారు. టీచర్ల పక్షాన కొట్లాడి జైలుకు వెళ్లిన ఏకైక సంఘం (TUPS) మాత్రమే అని తెలిపారు.
News September 8, 2024
లోయర్ మానేరుకు నీరు విడుదల
ఎగువ కురుస్తున్న వర్షాలకు మిడ్ మానేరు డ్యామ్‌లో 27.54 టీఎంసీలకు గాను.. 23.908 టీఎంసీల నీరు నిల్వ ఉంది. దీంతో మధ్యాహ్నం దిగువ ఉన్న లోయర్ మానేరు డ్యామ్‌లోనికి 10వేల క్యూసెక్కుల నీటిని అధికారులు విడుదల చేస్తున్నారు. ఇన్‌ఫ్లో 15,800 క్యూసెక్కులు ఉండగా.. అవుట్ ఫ్లో 20.750 క్యూసెక్కుల నీటిని అధికారులు ఎమ్మెల్టీ గేట్లు ఎత్తి దిగువకు నీటిని విడుదల చేస్తున్నారు.
Featured News
Sorry, no posts matched your criteria.