Khammam

News September 27, 2024

పర్యాటక గుమ్మంగా ఖమ్మం ఖిల్లా తీర్చిదిద్దుతాం: తుమ్మల

ఉమ్మడి ఖమ్మం జిల్లాను పర్యాటక గుమ్మంగా తీర్చిదిద్దుతామని, ఖమ్మం ఖిల్లాకు పూర్వ వైభవం తీసుకొచ్చేలా కిల్లా అభివృద్ధి చేస్తున్నట్లు మంత్రి తుమ్మల నాగేశ్వరరావు అన్నారు. గురువారం సెక్రటేరియట్లో పర్యాటక అభివృద్ధిపై, ఖమ్మం జిల్లాలో నిర్మించతలపెట్టిన రోప్ వే పనులపై తెలంగాణ టూరిజం డెవలప్ మెంట్ కార్పోరేషన్ చైర్మన్ తో మంత్రి సమావేశమయ్యారు. ఖమ్మం ఖిల్లా పై రోప్ వే నిర్మాణ పనులు శరవేగంగా చేపట్టాలన్నారు.

News September 27, 2024

‘ఓపెన్ పరీక్షల నిర్వహణకు ఏర్పాట్లు చేయాలి’

ఖమ్మం జిల్లాలో తెలంగాణ ఓపెన్ స్కూల్ సొసైటీ పరీక్షలు సజావుగా నిర్వహించేందుకు అవసరమైన ఏర్పాట్లు చేయాలని స్థానిక సంస్థల అదనపు కలెక్టర్ పి. శ్రీజ అన్నారు. గురువారం తెలంగాణ ఓపెన్ స్కూల్ సొసైటీ పరీక్షల నిర్వహణపై అధికారులతో సమీక్షించారు. ఓపెన్ టెన్త్, ఇంటర్ పరీక్షలకు జిల్లా నుంచి 340 మంది టెన్త్ అభ్యర్థులు, 373 మంది ఇంటర్ అభ్యర్థులు హాజరు కానున్నారని, ఈ పరీక్షలను సజావుగా నిర్వహించాలని సూచించారు.

News September 26, 2024

ఉమ్మడి ఖమ్మం జిల్లా నేటి ముఖ్యంశాలు

☆ మధిరలో రోడ్డు ప్రమాదం.. వ్యక్తి మృతి
☆ సాగర్ ఆయకట్టు భూములకు సాగునీరు అందిస్తాం: కలెక్టర్
☆ పర్యాటక గుమ్మంగా ఖమ్మం ఖిల్లాను తీర్చిదిద్దుతాం: తుమ్మల
☆ ఓపెన్ పరీక్షల నిర్వహణకు ఏర్పాటు చేయాలి: అదనపు కలెక్టర్
☆ ఘనంగా ఐలమ్మ జయంతి కార్యక్రమం
☆ సత్తుపల్లిలో బాలికపై అత్యాచారయత్నం.. నిందితుడిపై పోక్సో కేసు నమోదు
☆ కరకగూడెంలో పురుగుల మందు తాగి బాలిక ఆత్మహత్య
☆ సుజాతనగర్లో గంజాయి పొట్లాలు స్వాధీనం

News September 26, 2024

జిల్లాలో సాగర్ ఆయకట్టు చివరి భూములకు సాగునీరు అందిస్తాం : కలెక్టర్

సాగునీరు అందిస్తామని, రైతులు ఎవరు ఆందోళన చెందవద్దని జిల్లా కలెక్టర్ ముజమ్మిల్ ఖాన్ అన్నారు. కూసుమంచి మండలం పాలేరు జలాశయం నుంచి ఎడమ కాల్వ నీటి విడుదల ప్రక్రియను గురువారం పరిశీలించారు. ఎడమ కాల్వ కట్ట వైపు ఊట నీటిని 100 హెచ్.పీ. సామర్థ్యం గల 11 మోటార్ల ద్వారా సుమారు 200 క్యూసెక్కుల నీటిని కాలువలోకి ఎత్తి పోసే ప్రక్రియను ఈసందర్భంగా కలెక్టర్ పరిశీలించారు.

News September 26, 2024

వైభవంగా భద్రాద్రి రామయ్య నిత్య కళ్యాణం

భద్రాచలం శ్రీ సీతారామచంద్రస్వామివారి దేవస్థానంలో గురువారం ప్రత్యేక పూజలు నిర్వహించారు. తెల్లవారుజామునే అర్చకులు ఆలయ తలుపులు తెరిచి స్వామివారికి సుప్రభాత సేవ నిర్వహించారు. అనంతరం ఆరాధన, సేవాకాలం, నిత్య బలిహరణం, పవిత్ర గోదావరి జలంతో అభిషేకం తదితర నిత్య పూజా కార్యక్రమాలు యథావిధిగా జరిపారు. అనంతరం రామయ్య నిత్యకల్యాణాన్ని వైభవంగా నిర్వహించారు. ఈ కార్యక్రమంలో భక్తులు, ఆలయ అధికారులు పాల్గొన్నారు.

News September 26, 2024

కూసుమంచి:నూతన విద్యుత్ మీటర్‌కు దరఖాస్తు చేసుకోండి: ADE

విద్యుత్ మీటర్ కనెక్షన్ లేని వారికి రూ.938తో నూతన విద్యుత్ మీటర్ కనెక్షన్ ఇస్తునట్టు చెప్పారు. గ్రామపంచాయతీ ధ్రువీకరణ పత్రం, ఇంటి పన్ను, ఆధార్ కార్డు, రేషన్ కార్డు పత్రాలతో దరఖాస్తు చేసుకోవాలని తెలిపారు. కూసుమంచి ADE – 9440811530, కూసుమంచి AE – 9440811544, పాలేరు AE- 7901678189, రాజేశ్వరపురం AE – 9491058653, నేలకొండపల్లి AE – 9440811511, బచ్చోడు AE – 9440814150కు ఫోన్ చేయాలన్నారు.

News September 26, 2024

అమెరికా పర్యటనలో స్టైల్ మార్చిన డిప్యూటీ సీఎం భట్టి

అమెరికా పర్యటనలో ఉన్న డిప్యూటీ సీఎం భట్టి విక్రమార్క తన స్టైల్ మార్చారు. ఎప్పుడూ తెల్లటి షర్టు, పంచా ధరించి తెలుగుదనం ఉట్టిపడేలా కనిపించే భట్టి.. అమెరికా పర్యటనలో సూట్ ధరించి భిన్నంగా కనిపిస్తున్నారు. కొన్ని సందర్భాలలో ఆయన జీన్స్ ప్యాంట్, కలర్స్ షర్ట్స్ ధరిస్తున్నారు. విదేశీ పర్యటనలో తమ అభిమాన నేత స్టైలిష్ దుస్తుల్లో కనిపించడంతో వారు ఖుషీ అవుతున్నారు.

News September 26, 2024

ఖమ్మం: గ్రామ పంచాయితీలకు స్టేట్ మ్యాచింగ్ గ్రాంట్ విడుదల

రాష్ట్ర ప్రభుత్వం గ్రామ పంచాయితీలకు స్టేట్ మ్యాచింగ్ గ్రాంట్ క్రింద రూ.162.13 కోట్ల నిధులు విడుదల చేసింది. అందులో ఖమ్మం జిల్లాకు రూ.8,50,45,281, భద్రాద్రి కొత్తగూడెం జిల్లాకు రూ.5,92,24,851 కేటాయించారు. ఈ మొత్తాన్ని మల్టి పర్పస్ వర్కర్స్ (MPW) పెండింగ్ జీతాలు, కరెంట్ చార్జీలు, గ్రామపంచాయతీ ట్రాక్టర్ మంత్లీ ఇన్‌స్టల్‌మెంట్, స్వచ్ఛదనం-పచ్చదనం కార్యక్రమానికి వినియోగించాలని ఉత్తర్వులో పేర్కొన్నారు.

News September 26, 2024

కొత్తగూడెం: నేటి నుంచి రెండు రైళ్లు రద్దు

భద్రాచలం రోడ్ రైల్వేస్టేషన్ నుంచి నడిచే రెండు రైళ్లli గురువారం నుంచి రద్దు చేస్తున్నట్టు చీఫ్ కమర్షియల్ అధికారి జేమ్స్పల్ బుధవారం ఓ ప్రకటనలో తెలిపారు. తెల్లవారుజామున నడిచే సింగరేణి ఎక్స్‌ప్రెస్ అక్టోబర్ 8 వరకు, కాకతీయ ఎక్స్‌ప్రెస్ అక్టోబర్ 7 వరకు రద్దుచేశామని వెల్లడించారు. వరంగల్లో జరుగుతున్న మరమ్మతుల పనుల నేపథ్యంలో ఈ మేరకు నిర్ణయం తీసుకున్నామని వివరించారు. ప్రయాణికులు గమనించాలని కోరారు.

News September 26, 2024

ఉమ్మడి ఖమ్మం జిల్లాలో TODAY HEADLINES

✓ వివిధ శాఖల అధికారులతో ఖమ్మం భద్రాద్రి జిల్లా కలెక్టర్ సమీక్ష సమావేశం
✓ నేడు అశ్వరావుపేటలో ఎమ్మెల్యే జారే ఆదినారాయణ పర్యటన
✓ పాల్వంచ పెద్దమ్మ తల్లి ఆలయంలో ప్రత్యేక పూజలు
✓ అశ్వాపురంలో కొనసాగుతున్న మిషన్ భగీరథ కార్మికుల సమ్మె
✓ నేడు సత్తుపల్లి లో ఎమ్మెల్యే రాగమయి దయానంద్ పర్యటన
✓ నేడు ఇల్లెందులో ఎమ్మెల్యే కోరం కనకయ్య పర్యటన
✓మధిర పట్టణంలో విద్యుత్ సరఫరాలో అంతరాయం

…

38

…

Featured News

Sorry, no posts matched your criteria.

↑