Khammam

News April 15, 2025

ప్రియుడిని హత్య చేసిన ప్రియురాలు అరెస్ట్: సీఐ

ప్రియుడిని గొంతునులిమి హత్య చేసిన ప్రియురాలిని అరెస్టు చేసి రిమాండ్‌కు తరలించినట్లు ఖమ్మం ఖానాపురం సీఐ భానుప్రసాద్ తెలిపారు. సీఐ కథనం ప్రకారం.. ఖమ్మంకు చెందిన లావణ్య(35) తన భర్తతో విడిపోయి సత్తుపల్లిలో రవిప్రసాద్ అనే వ్యక్తితో సహజీవనం చేస్తూ నివాసముంటుంది. కాగా తరచూ రవి ప్రసాద్ లావణ్యతో మద్యం తాగి గొడవపడేవాడు. ఏప్రిల్ 6న మద్యం మత్తులో ఉన్న ప్రసాద్‌ను గొంతునులిమి హత్య చేసిందని పేర్కొన్నారు.

News April 15, 2025

కలెక్టర్ల సదస్సులో పాల్గొన్న జిల్లా ఇన్చార్జ్ కలెక్టర్

HYDలో సోమవారం సీఎం రేవంత్ రెడ్డి అధ్యక్షతన నిర్వహించిన కలెక్టర్ల సమావేశంలో ఖమ్మం జిల్లా ఇన్చార్జ్ హోదాలో కలెక్టర్ డా. పి.శ్రీజ పాల్గొన్నారు. భూ భార‌తి పోర్టల్, ఇందిర‌మ్మ ఇండ్లు, వేస‌విలో తాగు నీటి ప్ర‌ణాళిక‌లపై సీఎం చర్చించినట్లు ఇన్చార్జ్ కలెక్టర్ తెలిపారు. భూ భార‌తి పైలెట్ ప్రాజెక్టు స‌ద‌స్సుల‌ను ఆయా మండ‌లాల్లో ప్ర‌తి గ్రామంలో రెవెన్యూ సిబ్బందితో స‌ద‌స్సులు నిర్వ‌హించాల‌ని సీఎం చెప్పారన్నారు.

News April 14, 2025

ఖమ్మం: కేఎంసీలో ప్రత్యేక కౌంటర్ల వద్ద దరఖాస్తుల స్వీకరణ

రాజీవ్ యువ వికాసం పథకం దరఖాస్తుల గడువు నేటితో ముగియనుంది. దీంతో దరఖాస్తులను స్వీకరించేందుకు ఖమ్మం కేఎంసీ అధికారులు సోమవారం ప్రత్యేక కౌంటర్లు తెరిచేలా ప్రణాళికలు సిద్ధం చేసి కౌంటర్లను తెరిచి ఉంచాలని నిర్ణయించారు. మెప్మా సిబ్బంది ఈ కౌంటర్ల వద్ద దరఖాస్తుదారులకు రశీదులు ఇవ్వనున్నారు. ఈ కౌంటర్ల వద్ద ఆఫ్లైన్ దరఖాస్తులను సిబ్బంది తీసుకోనున్నారు. కాగా, ఇప్పటికే కేఎంసీ పరిధిలో 6,166 దరఖాస్తులు వచ్చాయి.

News April 14, 2025

లాయర్లకు న్యాయం జరిగేలా చూడాలని ఎంపీకి వినతి

అడ్వకేట్ అమండ్మెంట్ బిల్ 2025లో ఉన్న లోపాలను సవరించి లాయర్లకు న్యాయం జరిగేలా చర్యలు చేపట్టాలని న్యాయవాది తాళ్లూరి దిలీప్ ఖమ్మం ఎంపీ రఘు రాంరెడ్డికి వినతిపత్రం అందజేశారు. న్యాయవాద నోటరీ నోటిఫికేషన్ 2021లో దరఖాస్తు చేసుకున్న వారికి ఇంటర్వ్యూ నిర్వహణలో జాప్యం లేకుండా చూడాలని, బాధితులకి సత్వర న్యాయం జరిగేలా నాన్ బెయిలబుల్ కేసుల్లో ఏడేళ్ల లోపు శిక్ష పడే జడ్జిమెంట్ పై చర్చించాలని కోరారు.

News April 14, 2025

ఖమ్మం: అంబేడ్కర్ ఆశయాలను కొనసాగిద్దాం: ఎంపీ

రాజ్యాంగ రూపకర్త డాక్టర్ బీఆర్ అంబేడ్కర్ ఆశయాలను కొనసాగిద్దామని ఎంపీ రామ సహాయం రఘురాం రెడ్డి అన్నారు. సోమవారం ఖమ్మం జిల్లా కాంగ్రెస్ పార్టీ కార్యాలయంలో డీసీసీ అధ్యక్షుడు దుర్గాప్రసాద్‌తో కలిసి అంబేడ్కర్ జయంతి సందర్భంగా ఆయన చిత్రపటానికి ఎంపీ నివాళులర్పించారు. డాక్టర్ బి.ఆర్ అంబేడ్కర్ రచించిన రాజ్యాంగాన్ని కేంద్రంలో ఉన్న బీజేపీ ప్రభుత్వం కాలరాసే ప్రయత్నం చేస్తుందని విమర్శించారు.

News April 14, 2025

ఖమ్మం: భానుడి ప్రతాపం.. ఆ మండలంలోనే గరిష్ఠం

ఖమ్మం జిల్లాలో ఆదివారం అత్యధికంగా ఖానాపురం మండలంలో 42.1డిగ్రీల ఉష్ణోగ్రత నమోదైంది. అటు కారేపల్లి, ముదిగొండ, కామేపల్లి 41.9, నేలకొండపల్లి, పెనుబల్లి 41.8, చింతకాని 41.7, ఎర్రుపాలెం 41.6, వైరా 41.2, రఘునాథపాలెం 40.7, కొణిజర్ల 40.6, వేంసూరు 40.3, ఖమ్మం (R) పల్లెగూడెం 40.4, సత్తుపల్లి, బోనకల్ 39.3, ముదిగొండ 40.6, కూసుమంచి 40.9 డిగ్రీల ఉష్ణోగ్రత నమోదైనట్లు వాతావరణ శాఖ అధికారులు వెల్లడించారు.

News April 14, 2025

పెనుబల్లి: భార్యాభర్తలను ఢీకొట్టిన బైక్

పెనుబల్లి మండలం కొత్త కారాయిగూడేనికి చెందిన బలుసుపాటి వెంకటమ్మ, సీతయ్యలు భద్రాద్రి కొత్తగూడెం జిల్లాలో ఓ శుభకార్యానికి వెళ్లివస్తుండగా బైక్ పంచర్ అయ్యింది. అదే సమయంలో సత్తుపల్లి మండలం రేజర్లకు చెందిన చాపల రఘు మరో ఇద్దరితో కలిసి బైక్‌పై వస్తూ నడుచుకుంటూ వస్తున్న భార్యాభర్తలను శాంతినగర్ బ్రిడ్జీ రైల్వే వద్ద ఢీకొన్నాడు. దీంతో వారికి తీవ్రగాయాలవ్వగా.. మెరుగైన వైద్యంకోసం‌ వారిని ఖమ్మం తరలించారు.

News April 14, 2025

నేటి ఖమ్మం జిల్లా ముఖ్యాంశాలు..!

∆} ఖమ్మం జిల్లా వ్యాప్తంగా అంబేద్కర్ జయంతి వేడుకలు ∆} నేలకొండపల్లిలో రైతు నేస్తం కార్యక్రమం ∆} ఖమ్మం నగరంలో ఎంపీ రామ సహాయం పర్యటన ∆} మధిరలో విద్యుత్ సరఫరాలో అంతరాయం ∆} ఖమ్మంలో డిప్యూటీ సీఎం భట్టి పర్యటన ∆} ఖమ్మం వ్యవసాయ మార్కెట్‌కు సెలవు ∆} వైరాలో ఎమ్మెల్యే రాందాస్ నాయక్ పర్యటన ∆} పైనంపల్లి శివాలయంలో ప్రత్యేక పూజలు ∆} ఖమ్మం జిల్లాలో మంత్రి తుమ్మల పర్యటన ∆} సత్తుపల్లిలో నేడు పవర్ కట్

News April 14, 2025

ప్రియురాలి భర్తను హత్య చేసేందుకు కుట్ర..!

వివాహేతర సంబంధంతో ప్రియురాలి భర్తను హత్య చేసేందుకు కుట్ర పన్నిన ఐదుగురు నిందితులను అరెస్టు చేసి రిమాండ్‌కు తరలించినట్లు ఖానాపురం హవేలీ సీఐ భానుప్రసాద్ తెలిపారు. సీఐ తెలిపిన కథనం ప్రకారం.. ముదిగొండ (మం) సువర్ణపురంకు చెందిన ధర్మ భార్యతో.. రామాంజనేయులు వివాహేతర సంబంధం పెట్టుకున్నాడు. ఎలాగైనా ప్రియురాలి భర్త(ధర్మ)ను అడ్డు తొలగించాలని తన స్నేహితులతో కుట్ర చేయడంతో బాధితుడు పోలీసులను ఆశ్రయించాడు.

News April 14, 2025

ఖమ్మం: పిల్లలపై నిరంతరం అప్రమత్తంగా ఉండండి

ఖమ్మం: మరికొద్ది రోజుల్లో విద్యార్థులకు 2 నెలల వేసవి సెలవులు రానున్నాయి. దీంతో సెలవుల్లో పిల్లలు నదులు, చెరువుల్లో ఈత కొట్టడానికి వెళ్లి ప్రాణాల మీదకు తెచ్చుకునే అవకాశం ఉంది. కనుక తల్లిదండ్రులు పిల్లల పట్ల కాస్త జాగ్రత్తగా ఉండాలి. వారిపై ఎప్పటికీ అప్పుడు నిఘా ఉంచాలి. అలాగే ఎండలు విపరీతంగా పెరుగుతున్న నేపథ్యంలో పిల్లలు బయటకు వెళ్లకుండా తగు జాగ్రత్తలు తీసుకోవాలని వైద్యాధికారులు సూచిస్తున్నారు.

…

43

…

Featured News

Sorry, no posts matched your criteria.

↑