India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News October 29, 2024
MBNR: వ్యక్తి ఆత్మహత్యాయత్నం.. కాపాడిన పోలీసులు
మహబూబ్ నగర్ జిల్లా బోయపల్లికి చెందిన మెడికల్ రిప్రజెంటేటివ్ సోనా సుందర్ ఆత్మహత్య చేసుకునేందుకు సోమవారం పాలిటెక్నిక్ కళాశాల వద్ద రైల్వే ట్రాక్ పైకి వెళ్తున్నట్లు పోలీసులకు సమాచారం అందింది. వెంటనే స్పందించిన టూ టౌన్ పోలీసులు అతడి లొకేషన్ గుర్తించి సురక్షితంగా పట్టుకుని ప్రాణాలను కాపాడారు. కౌన్సెలింగ్ అనంతరం భార్యకు అప్పగించారు. దీంతో పోలీస్ సిబ్బందిని పలువురు అభినందించారు.
News October 29, 2024
MBNR: రుణమాఫీ కోసం ఎదురుచూపులు
ఉమ్మడి పాలమూరు జిల్లాలో రుణమాఫీ కోసం రైతులు ఎదురుచూస్తున్నారు. 3 విడతల్లో మొత్తం 3,40,177 మంది రైతులకు రుణమాఫీ కాగా సాంకేతిక కారణాలతో సుమారు 30వేల మంది ఖాతాల్లో నగదు జమ కాలేదు. DCCB పరిధిలోనే 32,849 మందికి రావాల్సిన రూ.206.19కోట్లు పెండింగ్లో ఉన్నాయి. అధికారులు, బ్యాంకర్ల చుట్టూ తిరిగినా ఫలితం లేదని బాధితులు అంటున్నారు. అటూ రూ.2లక్షల పైబడిన రుణమాఫీకి గైడ్ లైన్స్ రాలేదని అధికారులు చెబుతున్నారు.
News October 29, 2024
గద్వాల: ‘సర్పంచ్‌గా ఎన్నుకుంటే రూ.2,00,00,000 ఇస్తా’
ఉమ్మడి పాలమూరు జిల్లాలో స్థానిక ఎన్నికల జోరు మొదలైంది. గద్వాల జిల్లా ఎర్రవల్లి సర్పంచ్‌గా ఏకగ్రీవంగా తనను ఎన్నుకుంటే గ్రామాభివృద్ధికి రూ.2 కోట్లు ఇస్తానంటూ గ్రామానికి చెందిన పూల మద్దిలేటి పోస్టు జిల్లాలో హాట్ టాపిక్‌గా మారింది. జోగులాంబ పొలిటికల్ న్యూస్ అనే వాట్సాప్ గ్రూపులో వచ్చిన పోస్ట్ సోషల్ మీడియాలో చక్కర్లు కొడుతోంది. జీపీ ఎన్నికల నేపథ్యంలో ఈ పోస్ట్ సర్పంచ్‌ అభ్యర్థులకు దడ పుట్టిస్తోంది.
News October 29, 2024
NGKL: కులగణన పరదర్శకంగా నిర్వహించాలి: కలెక్టర్
కులగణన సర్వేను పారదర్శకంగా నిర్వహించేందుకు సంసిద్ధంగా ఉండాలని NGKL జిల్లాకలెక్టర్ బాదావత్ సంతోష్ అధికారులను ఆదేశించారు.సోమవారం కలెక్టరేట్ లో సంబంధిత అధికారులతో కలెక్టర్ ముందస్తు సమావేశం నిర్వహించారు. ఇంటింటి సర్వే ప్రారంభించే దిశగా సమర్థవంతమైన ప్రణాళికల రూపొందించాలని, ఎలాంటి పొరపాట్లకు తావు లేకుండా జాగ్రత్తతో కులగణన సర్వేను పూర్తి చేయాలని అధికారులకు కలెక్టర్ సూచించారు.
News October 29, 2024
సమగ్ర సర్వేకు పకడ్బందీ ఏర్పాట్లు చేయాలి: కలెక్టర్ సంతోష్
నవంబర్ 4 నుంచి 17 వరకు జిల్లాలో చేపట్టే సమగ్ర సర్వేకు పకడ్బందీ ఏర్పాట్లు చేసుకోవాలని గద్వాల కలెక్టర్ సంతోష్ పేర్కొన్నారు. సోమవారం ఐడిఓసి సమావేశ మందిరంలో సంబంధిత అధికారుల తో సమావేశం నిర్వహించారు. సర్వే కొరకు ఎన్యూమరేటర్లు, ఎన్యూమరేటర్ల బ్లాకులు, హౌస్ లిస్ట్ ప్రణాళికను రూపొందించుకోవాలన్నారు. మండలం వారిగా ఎంపీడీవో తహశీల్దార్, మునిసిపాలిటీలో కమిషనర్లు ఎన్యూమరేటర్లను నియమించుకోవాలన్నారు.
News October 28, 2024
ఉమ్మడి జిల్లా నేటి టాప్ న్యూస్
✓NRPT: పెరటి కోళ్ల పెంపకం ఎంతో లాభదాయకం:కలెక్టర్.✓ ACPT:శాసనసభ పబ్లిక్ అకౌంట్ సమావేశాలకు హాజరైన ఎమ్మెల్యే.✓WNP:TSలో డ్రగ్స్ కల్చర్ నిర్మూలనకు కృషి:శివసేన రెడ్డి.✓ ఉమ్మడి జిల్లా వ్యాప్తంగా TPUS ఆధ్వర్యంలో తహసిల్దార్లకు వినతి పత్రం.✓SDNR:హత్య కేసులో నిందితుడికి జీవిత ఖైదు.✓ దౌల్తాబాద్ మండలంలో ముసలి కలకలం.✓ గండిడ్: ప్రమాదవశాత్తు చెరువులో పడి వ్యక్తి మృతి.✓NRPT:సరిహద్దుల్లో తనిఖీ కేంద్రాలు.
News October 28, 2024
షాద్‌నగర్: హత్యకేసులో నిందితుడికి జీవిత ఖైదు
షాద్‌నగర్ నియోజకవర్గం చౌదరిగూడ PSలోని కాసులాబాద్ గ్రామానికి చెందిన రాజు మరణానికి కారణమైన అంజయ్యకు రంగారెడ్డి జిల్లా కోర్టు జీవిత ఖైదు, జరిమానా విధిస్తూ తీర్పునిచ్చింది. పోలీసుల వివరాలు.. 2020లో డబ్బులు విషయంలో గొడవ జరగగా రాజును గొడ్డలితో అంజయ్య హత్య చేశాడు. దీంతో పోలీసులు కేసు నమోదు చేసి కోర్టులో చార్జిషీట్ దాఖలు చేశారు. విచారణ అనంతరం రంగారెడ్డి జిల్లా కోర్టు ఈరోజు ఈమేరకు తీర్పునిచ్చింది.
News October 28, 2024
శాసనసభ పబ్లిక్ అకౌంట్ సమావేశంలో పాల్గొన్న అచ్చంపేట ఎమ్మెల్యే
హైదరాబాద్ శాసనసభ పబ్లిక్ అకౌంట్ సమావేశంలో అచ్చంపేట ఎమ్మెల్యే డాక్టర్ వంశీకృష్ణ పాల్గొన్నారు. రాష్ట్ర ప్రభుత్వం వ్యయం- పద్దులు, నిర్వహణ తదితర అంశాలపై చర్చించారు. అనంతరం మీడియాతో మాట్లాడారు. ప్రజా పాలనలో ప్రజా సంక్షేమ పథకాలకు నిధుల కేటాయింపు ప్రాధాన్యత ఇవ్వడం జరుగుతుందన్నారు.
News October 28, 2024
MBNRకు ఇంజినీరింగ్, లా కళాశాలలు
PUలో ఇంజినీరింగ్, లా కళాశాలలు వచ్చే ఏడాది నుంచి ప్రారంభం కానున్నాయి. మంత్రివర్గం ఆమోదించడంతో పాలమూరు యూనివర్సిటీ ఉపకులపతి డా.జీఎన్ శ్రీనివాస్, MLAలు యెన్నం శ్రీనివాస్ రెడ్డి, అనిరుధ్ రెడ్డి ముఖ్యమంత్రి రేవంత్ రెడ్డిని కలిసి ప్రత్యేక కృతజ్ఞతలు తెలిపారు. పాలమూరు యూనివర్సిటీని అన్ని విధాలుగా అభివృద్ధి చేస్తామని సీఎం రేవంత్ రెడ్డి హామీ ఇచ్చారు. వచ్చే విద్యా సంవత్సరం నుంచి అడ్మిషన్లు చేపట్టనున్నారు.
News October 28, 2024
మహబూబ్‌నగర్: భార్య, అత్తపై వేటకొడవలితో దాడి
మహబూబ్‌నగర్ జిల్లా దేవరకద్రలో భార్య, అత్తపై అల్లుడు దాడి చేసిన విషయం తెలిసిందే. SI ప్రకారం.. లక్ష్మమ్మ-కుర్మన్న దంపతులు. కాగా, భార్యపై అనుమానంతో కుర్మన్న గొడవ పడి వెళ్లిపోయాడు. కుమార్తె ఒంటరిగా ఉండటంతో తల్లి నిర్మలమ్మ వచ్చింది. నిర్మలమ్మ కుర్మన్నకు ఫోన్ చేసి ఇంటికి రమ్మని పిలిచింది. మళ్లీ వీరి మధ్య గొడవ జరగగా.. లక్ష్మమ్మపై, అడ్డు వచ్చిన నిర్మలమ్మపై వేటకొడవలితో దాడి చేసి పారిపోయాడు. కేసు నమోదైంది.
Featured News
Sorry, no posts matched your criteria.