India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mahbubnagar
News September 24, 2024
పాలమూరు జిల్లాలో తగ్గిన కూరగాయల దిగుబడి
ఉమ్మడి పాలమూరు జిల్లాలో ఇటీవల కురిసిన వర్షాలు కూరగాయల ధరలపై ప్రభావం చూపుతున్నాయి. వర్షాల వల్ల తోటలు దెబ్బతిని తెగుళ్లు వ్యాపించడంతో కూరగాయల ధరలు అమాంతంగా పెరిగాయి. ఉమ్మడి జిల్లాలో కూరగాయల సాగు తక్కువగా ఉండడంతో.. చిత్తూరు, కర్నూలు, గుంటూరు ప్రాంతాల నుంచి టమాట, పచ్చిమిర్చి ఇతర కూరగాయలు వస్తున్నాయి. మరో నెల రోజులు గడిస్తే కూరగాయల ధరలు తగ్గుముఖం పడతాయని ఉద్యాన శాఖ అధికార వేణుగోపాల్ తెలిపారు.
News September 24, 2024
MBNR ప్రభుత్వ ఆస్పత్రిలో 24 గంటలలో 41 కాన్పులు
మహబూబ్‌నగర్ ప్రభుత్వ జనరల్ ఆస్పత్రిలో రికార్డు స్థాయిలో కాన్పులు చేసినట్లు సూపరింటెండెంట్ సంపత్ కుమార్ తెలిపారు. 24 గంటల్లో 41 కాన్పులు జరిగాయని పేర్కొన్నారు. 41 కాన్పులలో 10 నార్మల్, 31 సిజేరియన్ డెలివరీలు అయినట్లు వివరించారు. ప్రసవాలు నిర్వహించిన ఆసుపత్రి వైద్య బృందాన్ని సూపరింటెండెంట్ అభినందించారు. ప్రభుత్వ ఆస్పత్రిలో మెరుగైన సేవలు అందిస్తున్నామని ప్రజలు వినియోగించుకోవాలని సూచించారు.
News September 24, 2024
రేవంత్ సర్కర్ పూర్తిగా విఫలమైంది: డీకే అరుణ
కోస్గిలో బీజేపీ సభ్యత్వ నమోదు కార్యక్రమాన్ని మహబూబ్ నగర్ ఎంపీ డీకే అరుణ ప్రారంభించారు. స్థానికులతో డిజిటల్ సభ్యత్వాలు నమోదు చేయించారు. అనంతరం వారు మాట్లాడుతూ.. బీఆర్ఎస్, కాంగ్రెస్ పాలనతో తెలంగాణ ప్రజలు మోసపోయారన్నారు. హామీల అమలులో రేవంత్ సర్కారు పూర్తిగా విఫలమైందని దుయ్యబట్టారు. ఇప్పటికీ రైతు భరోసా ఇవ్వలేదని, మహిళలకు రూ.2500 పెన్షన్ అందలేదని గుర్తుచేశారు.
News September 24, 2024
MBNR: ఓపెన్ INTER, SSC అడ్మిషన్లపై ప్రత్యేక ఫోకస్
విద్యార్థులు అనేక కారణాలతో చదువులకు దూరమవుతున్న నేపథ్యంలో ప్రభుత్వం ఓపెన్ స్కూల్ విధానంపై ప్రత్యేక ఫోకస్ పెట్టింది. ఉమ్మడి మహబూబ్ నగర్ జిల్లా వ్యాప్తంగా ఓపెన్ ఇంటర్ 57, ఎస్సెస్సీ 57 సెంటర్లను ప్రభుత్వం ఏర్పాటు చేసింది. అడ్మిషన్లు పొందిన వారికి ప్రభుత్వమే పుస్తకాలు, తరగతులు నిర్వహిస్తుంది. ఈ నెల 30 వరకు ఫైన్తో అడ్మిషన్లు పొందవచ్చని ఉమ్మడి జిల్లా ఓపెన్ స్కూల్ కో-ఆర్డినేటర్ రాంసుభాష్ తెలిపారు.
News September 24, 2024
MBNR: కొత్త కళాశాలల్లో పోస్టులు మంజూరు చేయరూ..!
ఉమ్మడి పాలమూరు జిల్లాలో మహమ్మదాబాద్, చిన్నచింతకుంట, పెద్దకొత్తపల్లి, తలకొండపల్లి మండల కేంద్రాల్లో కొత్తగా జూనియర్ కళాశాలలను ఏర్పాటు చేశారు. పూర్తిస్థాయిలో బోధన, బోధనేతర పోస్టులను మంజూరు చేయకపోవడంతో సమస్యలు నెలకొన్నాయి. కళాశాల భవన నిర్మాణాలు, మౌలిక వసతులు కల్పించాల్సి ఉంది. ప్రజా ప్రతినిధులు, అధికారులు చొరవ తీసుకొని పోస్టుల మంజూరుకు కృషి చేయాలని విద్యార్థులు వారి తల్లిదండ్రులు కోరుతున్నారు.
News September 24, 2024
MBNR: అక్రమ సంబంధానికి అడ్డొస్తున్నాడని..
అక్రమ సంబంధానికి అడ్డుగా ఉన్నాడని ప్రియుడితో భర్తను భార్య హత్య చేసిన ఘటన బాలానగర్ మండలం పెద్దాయపల్లిలో ఈనెల 18న జరిగింది. సీఐ నాగార్జున గౌడ్ వివరాల ప్రకారం.. బాలరాజు అనే వ్యక్తి అనసూయతో వివాహేతర సంబంధం పెట్టుకున్నాడు. అనసూయ భర్త పర్వతాలు తమకు అడ్డుగా ఉన్నాడని భావించిన బాలరాజు అనసూయతో కలిసి ఈనెల 18న పర్వతాలుకు మద్యం తాగించి గొడ్డలితో నరికి చంపారు. పోలీసులు సోమవారం ఇద్దరిని అరెస్టు చేశారు.
News September 24, 2024
భారీ వర్షాలు.. పాలమూరు జిల్లాకు YELLOW ALERT
ఉమ్మడి మహబూబ్ నగర్ జిల్లాలోని NGKL,GDWL జిల్లాల్లో నేటి నుంచి SEP 26 వరకు ఉరుములు మెరుపులతో కూడిన భారీ వర్షాలు కురుస్తాయని వాతావరణ కేంద్రం వెల్లడించింది. మిగతా చోట్ల మోస్తారు వర్షాలు కురుస్తాయని, పేర్కొంటూ.. కొద్ది సేపటి క్రితమే YELLOW ALERT జారీ చేసింది. 30-40 KMPH వేగంతో ఈదురు గాలులు వీస్తాయని తెలిపింది.ఈదురు గాలులతో భారీ వర్షం కురుస్తుందని తెలిపింది.
News September 24, 2024
MBNR: ఆడపడుచులకు ఆపదలో అస్త్రాలివే
పాలమూరు జిల్లాలో పోకిరీలు రెచ్చిపోతున్నారు. జిల్లాలో ఎక్కడో ఒకచోట అత్యాచారాలు, లైంగిక వేధింపు కేసులు నమోదవుతూనే ఉన్నాయి. వీటికి చెక్ పెట్టేందుకు అధికారలు చర్యలు చేపట్టారు. అత్యవసర సమయాల్లో రక్షణకు టోల్‌ఫ్రీ నంబర్లను, యాప్‌లను తీసుకొచ్చారు. చైల్డ్ హెల్పులైన్-1098, షీ టీం-8712657963, భరోసా-08457293098, మహిళా హెల్ప్‌లైన్-181, మిషన్ పరివర్తన-14446, పోక్సో ఈ బాక్స్, 112 యాప్‌‌లు ఉన్నాయి. SHARE IT
News September 24, 2024
MBNR: ప్రవేశాలు పొందేందుకు గడువు పెంపు
MBNR: జూనియర్ కళాశాలలో ఇంటర్ మొదటి సంవత్సరం అడ్మిషన్లు పొందేందుకు విద్యార్థులకు ఇంటర్ బోర్డ్ మరోసారి గడు పొడిగిస్తూ అవకాశం ఇచ్చింది. 2024-25 విద్యా సంవత్సరానికి గాను.. ఈ నెల 30 వరకు గడువు పొడిగిస్తూ అడ్మిషన్లు పొందేందుకు అవకాశం కల్పించింది. ప్రభుత్వ జూనియర్ కళాశాలలో అపరాధ రుసుము లేకుండా.. ప్రైవేటు జూనియర్ కళాశాలల్లో రూ.500 అపరాధ రుసుముతో ప్రవేశాలు పొందవచ్చని ఉత్తర్వులు జారీ చేసింది.
News September 24, 2024
NRPT: BC విదేశీ విద్యానిధికి దరఖాస్తుల ఆహ్వానం
మహాత్మా జ్యోతిబాపులే విద్యానిధి పథకం- 2024 కింద BC,EBC అభ్యర్థులు దరఖాస్తు చేసుకోవాలని జిల్లా వెనకబడిన తరగతుల సంక్షేమశాఖ అధికారి అబ్దుల్ ఖాలీల్ తెలిపారు. అక్టోబరు 15వ తేదీ వరకు ఆన్లైన్ లో దరఖాస్తు చేసుకోవాలని, ఇంజినీరింగ్, మేనేజ్మెంట్, అగ్రికల్చర్ సైన్స్, మెడిసిన్, నర్సింగ్, హ్యూమాని టీస్, సోషల్ సైన్స్ లో 60% మార్కులు పొందినవారు అర్హులన్నారు. వయసు 35,వార్షిక ఆదాయం రూ.5 లక్షలకు మించకూడదన్నారు.
Featured News
Sorry, no posts matched your criteria.