India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News October 12, 2025
MDK: హైకోర్టు స్టే.. BCల్లో నిరాశ.!
స్థానిక సంస్థల ఎన్నికల్లో రిజర్వేషన్లపై ప్రభుత్వం జారీ చేసిన జీవోకు హైకోర్టు స్టే విధించడంతో BC వర్గాల్లో నిరాశ నెలకొంది. అదే సమయంలో జనరల్ స్థానాల్లో పోటీ చేసే అభ్యర్థుల్లో కొత్త ఉత్సాహం కనిపిస్తోంది. ఉమ్మడి మెదక్ జిల్లాలో ZPTC స్థానాల్లో రెండు, మూడు మాత్రమే జనరల్‌కు కేటాయించడంతో వారు ఇప్పటివరకు నిరుత్సాహంలో ఉన్నారు. పాత రిజర్వేషన్లు అమలైతే తమకు పోటీ చేసే అవకాశాలు పెరుగుతాయని భావిస్తున్నారు.
News October 11, 2025
MDK: హత్య కేసులో నిందితులకు జీవిత ఖైదు: SP
హత్య కేసులో నిందితులకు జీవిత ఖైదుతో పాటు రూ. 5 వేల జరిమానా విధిస్తూ న్యాయమూర్తి తీర్పునిచ్చినట్లు మెదక్ ఎస్పీ శ్రీనివాసరావు తెలిపారు. హవేలిఘనపూర్ PS పరిధిలోని శమ్నాపూర్ వాసి మల్లయ్య(50) దుబాయ్‌లో పనిచేసి ఏడాది క్రితం గ్రామానికి వచ్చాడు. మల్లయ్య భార్య గ్రామంలోని మరో వ్యక్తితో వివాహేతర సంబంధం పెట్టుకొని ప్రియుడితో కలిసి భర్తను హత్య చేసింది. ఈ కేసు విచారణ పూర్తికాగా నిందితులకు శిక్ష ఖరారైంది.
News October 10, 2025
MDK: స్థానిక ఎన్నికలపై.. చిగురించి ఆవిరైనా ఆశలు
స్థానిక ఎన్నికలపై గ్రామీణ ప్రాంత ప్రజల్లో ఆశలు చిగురించి ఆవిరైపోయాయి. రాష్ట్ర ప్రభుత్వం 42 శాతం రిజర్వేషన్ విషయంలో హైకోర్టులో విచారణ ఉండగా జడ్పీటీసీ, ఎంపీటీసీ స్థానాలకు నామినేషన్ ప్రారంభించారు. గురువారం ఉదయం నామినేషన్లు ప్రారంభించడంతో సాయంత్రం హైకోర్టు స్టే విధించిన విషయం తెలిసిందే. దీంతో గ్రామాల ప్రజల్లో ఆశలు చిగురించి ఆవిరయ్యాయి.
News October 9, 2025
శివంపేట: అట్రాసిటీ కేసుపై డీఎస్పీ విచారణ
శివంపేట మండలం పంబండ గ్రామంలో నమోదైన ఎస్సీ, ఎస్టీ అట్రాసిటీ కేసుపై తూప్రాన్ డీఎస్పీ నరేందర్ గౌడ్ గురువారం విచారణ చేపట్టారు. 30 ఏళ్ల క్రితం కొనుగోలు చేసిన భూమిలో ఇల్లు నిర్మిస్తున్న ఎస్సీ కులానికి చెందిన జానకిని కొందరు వ్యక్తులు కులం పేరుతో దూషించి, గొడ్డలితో దాడికి ప్రయత్నించినట్లు కేసు నమోదైంది. ఈ ఘటనకు సంబంధించిన వివరాలను డీఎస్పీ అడిగి తెలుసుకున్నారు.
News October 9, 2025
MDK: మైనర్ బాలికను వివాహం చేసుకున్న వ్యక్తిపై కేసు నమోదు
13 ఏళ్ల మైనర్ బాలికను వివాహం చేసుకున్న 34 ఏళ్ల వ్యక్తిపై చిలిపి చేడ్ పోలీసులు కేసు నమోదు చేశారు. ఇటీవల మైనర్ బాలిక వివాహం జరిగినట్టు గుర్తించిన ఐసీడీఎస్ జిల్లా అధికారి హేమ భార్గవి మంగళవారం పోలీసులకు ఫిర్యాదు చేశారు. దీంతో మైనర్ బాలికను వివాహం చేసుకున్న వ్యక్తిపై కేసు నమోదు చేసినట్లు పోలీసులు తెలిపారు. బాల్యవివాహాలు చేస్తే చట్ట ప్రకారం చర్యలు తీసుకుంటామన్నారు.
News October 9, 2025
MDK: అందని ద్రాక్షల గ్యాస్ సబ్సిడీ డబ్బులు!
అందని ద్రాక్షల గ్యాస్ సబ్సిడీ తయారయింది. మెదక్ జిల్లా వ్యాప్తంగా 2,35,412 గ్యాస్ కనెక్షన్లు ఉన్నాయి. జిల్లాలో 17 ఏజెన్సీల పరిధిలో వినియోగదారులు హెచ్పీ, బీపీ, ఐఓసీ నుంచి గ్యాస్ సిలిండర్లు పొందుతున్నారు. సిలిండర్ ధర 922 ఉండగా 374 సబ్సిడీగా అందేది. కానీ 5 నెలలుగా సబ్సిడీ అందడం లేదని గ్రామాల ప్రజలు అంటున్నారు. దీనిపై సంబంధిత అధికారులు దృష్టి పెట్టాలని వేడుకుంటున్నారు.
News October 9, 2025
మెదక్: ఎంపీపీ కార్యాలయాల వద్దే నామినేషన్ల స్వీకరణ
మెదక్ జిల్లాలో మొదటి విడతలో జరిగే ఎంపీటీసీ, జడ్పీటీసీ స్థానాలకు నామినేషన్ స్వీకరణ మండల ప్రజా పరిషత్ కార్యాలయాల వద్ద జరగనుంది. రాష్ట్ర ఎన్నికల కమిషన్ ఆదేశాల మేరకు మొదటి విడత ZPTC, MPTC నిర్వహణ నోటిఫికేషన్ జారీకి సిద్ధంగా ఉండాలని కలెక్టర్, జిల్లా ఎన్నికల అధికారి రాహుల్ రాజ్ జిల్లా అధికారులను ఆదేశించారు. మెదక్ డివిజన్‌లో 10 జడ్పీటీసీ, 99 ఎంపీటీసీ స్థానాలకు నామినేషన్లు మొదలవుతాయన్నారు.
News October 8, 2025
MDK: వనదుర్గ మాత సన్నిధిలో కేంద్ర బృందం
ఏడుపాయల వన దుర్గ మాతను కేంద్ర బృందం సభ్యులు డాక్టర్ కే.పొన్ను స్వామి, వినోద్ కుమార్, అభిషేక్ కుమార్, ఎస్ఎస్.పింటు దర్శించుకున్నారు. కలెక్టర్ రాహుల్ రాజ్ పర్యవేక్షణలో మెదక్ జిల్లాలో పర్యటించారు.
ఆలయంలో ప్రత్యేక పూజలు చేసి వరదను స్వయంగా పరిశీలించారు. కేంద్ర బృందం వరద ప్రభావిత ప్రాంతాల్లో క్షేత్ర స్థాయిలో పర్యటించి, అధికారులతో నేరుగా మాట్లాడారు. పవర్ పాయింట్ ప్రెజెంటేషన్, ఫోటోలను పరిశీలించారు.
News October 8, 2025
మెదక్: పోటాపోటీగా అండర్-17 బాలబాలికల పోటీలు
పాఠశాల క్రీడా సమాఖ్య ఆధ్వర్యంలో నిర్వహించిన జిల్లా స్థాయి అండర్-17 బాల, బాలికలకు కబడ్డీ పోటీలు బుధవారం జరిగాయి. 210 మంది బాలికలు, 210 మంది బాలురు పాల్గొన్నారు. ఎస్జీఎఫ్ కార్యదర్శి నాగరాజు మాట్లాడుతూ.. ఎంపికైన మెదక్ జిల్లా జట్టు ఇదే నెల 10న సంగారెడ్డిలో జరగనున్న ఉమ్మడి మెదక్ జిల్లా పోటీలలో పాల్గొంటారన్నారు. రాష్ట్ర పీఈటీల సంఘం కార్యనిర్వాహక అధ్యక్షుడు, జిల్లా కార్యదర్శి శ్రీనివాసరావు ఉన్నారు.
News October 8, 2025
మెదక్‌లో కేంద్ర బృందం పర్యటన ప్రారంభం: కలెక్టర్
మెదక్ జిల్లాలో వరద నష్టం అంచనా వేసేందుకు కేంద్ర బృందం సభ్యులు మెదక్ పట్టణానికి చేరుకున్నారు. డాక్టర్ కె.పొన్ను స్వామి నేతృత్వంలోని బృందానికి జిల్లా కలెక్టర్ రాహుల్ రాజ్, అదనపు కలెక్టర్ నగేష్, ఆర్డీఓ రమాదేవి పుష్పగుచ్ఛాలు అందించి స్వాగతం పలికారు. ఈ బృందం జిల్లాలోని ప్రభావిత ప్రాంతాల్లో నష్టాన్ని పరిశీలించనుంది.
Featured News
Sorry, no posts matched your criteria.