India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News November 30, 2025
నల్గొండ: గల్లీలో దోస్తీ.. ఢిల్లీలో కుస్తీ..!
నల్గొండ జిల్లా పంచాయతీ ఎన్నికల్లో అధికార కాంగ్రెస్ పార్టీని ఓడించే లక్ష్యంతో బీజేపీ, బీఆర్ఎస్ పార్టీలు కొన్ని సర్పంచ్ స్థానాల్లో ‘స్నేహపూర్వక పోటీ’కి తెరతీశాయన్న చర్చ నడుస్తోంది. నల్గొండ, తిప్పర్తి మండలంలో ఈ పరిస్థితి ఉన్నట్లు సమాచారం. ఈ పార్టీల తీరు ‘గల్లీలో దోస్తీ, ఢిల్లీలో కుస్తీ’ అన్న చందంగా ఉందని రాజకీయ విశ్లేషకులు చెబుతున్నారు.
News November 30, 2025
నల్గొండ: సుప్రీంకోర్టు న్యాయమూర్తితో విచారణ జరపాలి: KVPS
బూటకపు ఎన్‌కౌంటర్లపై సుప్రీంకోర్టు న్యాయమూర్తితో విచారణ జరిపించాలని కేవీపీఎస్ జిల్లా ప్రధాన కార్యదర్శి పాలడుగు నాగార్జున డిమాండ్ చేశారు. ఆదివారం నల్గొండ పట్టణంలో ప్రజా నిరసన సభను నిర్వహించారు. ఆయన మాట్లాడుతూ.. ఎన్‌కౌంటర్ల పేరుతో అమాయకుల ప్రాణాలను తీస్తున్నారని ఆరోపించారు. ప్రాణాలు కోల్పోయిన కుటుంబాలను ఆదుకోవాలని కోరారు.
News November 30, 2025
నల్గొండ: పంచాయతీ ఎన్నికల్లో కాంగ్రెస్‌కు రెబల్స్ ఫీవర్
నల్గొండ జిల్లాలో తొలిదశ గ్రామ పంచాయతీ ఎన్నికలకు నామినేషన్ల స్వీకరణ పూర్తి కాగా, అధికార కాంగ్రెస్‌‌కి రెబల్ అభ్యర్థుల రూపంలో తొలి దశలోనే పెద్ద తలనొప్పి మొదలైంది. పలు సర్పంచి స్థానాల్లో కాంగ్రెస్ వర్గీయులే పార్టీ అభ్యర్థులకు వ్యతిరేకంగా నామినేషన్లు దాఖలు చేయించడం కలకలం సృష్టించింది. ఒక సర్పంచి స్థానంలో అధికారిక అభ్యర్థితో పాటు, ఇద్దరు రెబల్స్ బరిలోకి దిగడంతో ఆ గ్రామంలో త్రిముఖ పోటీ నెలకొంది.
News November 30, 2025
మర్రిగూడ: హెచ్చరిక.. మా ఓటు డబ్బుకు, మద్యానికి అమ్ముకోము
మర్రిగూడ మండలం నేటి చందాపురంలో పగిళ్ల రామచంద్ర దంపతులు మా ఓటు డబ్బుకు, మద్యానికి అమ్ముకోమని తమ ఇంటి ప్రహరీపై హెచ్చరిక బోర్డు ఏర్పాటు చేశారు. ఓటు అడగడానికి వచ్చే సర్పంచి, వార్డు మెంబర్ అభ్యర్థులు బోర్డు చదివి ఇంట్లోకి రావాలన్నారు. ఇది చూసిన కొంతమంది గ్రామస్థులు ఆ కుటుంబ సభ్యులను శాలువాతో సన్మానించారు. ఈ కార్యక్రమంలో ఏర్పుల యాదయ్య, గణేష్ సాయి పాల్గొన్నారు.
News November 30, 2025
నల్గొండ: నేడు నామినేషన్ల పరిశీలన
జిల్లాలో తొలి దశ గ్రామపంచాయతీ ఎన్నికల నామినేషన్ల స్వీకరణ గడువు ముగిసింది. జిల్లాలో మొదటి విడతలో మొత్తం 14 మండలాల్లోని 318 పంచాయతీలు, 2870 వార్డులకు ఎన్నికలు జరుగుతున్నాయి. డిసెంబర్ 3వ తేదీ వరకు ఉపసంహరణ గడువు ఉంది. ఆదివారం నామినేషన్లు పరిశీలించనున్నారు. డిసెంబరు 11వ తేదీన గ్రామపంచాయతీలకు పోలింగ్ జరగనుంది.
News November 30, 2025
ఖాజీరామారం: సర్పంచి అభ్యర్థులుగా బాబాయ్, కొడుకు నామినేషన్
నల్గొండ మండలం ఖాజీ రామారం గ్రామపంచాయతీ సర్పంచి అభ్యర్థులుగా ఒకే కుటుంబానికి చెందిన వారు శనివారం నామినేషన్లు వేశారు. గ్రామానికి చెందిన సల్వాది సైదులు బీఆర్ఎస్ నుంచి, సల్వాది చిన్న సైదులు కాంగ్రెస్ నుంచి వరుసకు బాబాయ్, కొడుకు కాగా ఇరువురు సర్పంచి అభ్యర్థికి పోటి పడుతుండటం విశేషం. డిసెంబర్ 11న జరిగే స్థానిక సంస్థ ఎన్నికల్లో విజయం ఎవరిని వరిస్తుందో వేచి చూడాలి.
News November 30, 2025
NLG: రెండో విడతలో 282 పంచాయతీలు
రెండో విడతలో MLG రెవెన్యూ డివిజన్ పరిధిలోని అడవిదేవులపల్లి, అనుముల, దామరచర్ల, మార్గులపల్లి, MLG, నిడమనూరు, పెద్దవూర, తిరుమలగిరిసాగర్, త్రిపురారం, వేములపల్లి మండలాలకు చెందిన 282 గ్రామ పంచాయతీల్లో ఎన్నికలు జరగనున్నాయి. రెండో విడత ఎన్నికలకు ఆదివారం జిల్లా ఎన్నికల అధికారి, కలెక్టర్ ఇలా త్రిపాఠి నోటిఫికేషన్ జారీ చేయనున్నారు. ఆదివారం నుంచి డిసెంబర్ 2వ తేదీ వరకు నామినేషన్లను స్వీకరించనున్నారు.
News November 30, 2025
NLG: మొదటి విడత 318 సర్పంచి స్థానాలకు 2,374 నామినేషన్లు
గ్రామపంచాయతీ ఎన్నికల మొదటి విడత నామినేషన్లు ప్రక్రియ శనివారం ముగిసింది. చివరి రోజు ఆశావాహులు పెద్ద సంఖ్యలో నామినేషన్లు దాఖలు చేశారు. నల్లగొండ, చండూరు రెవిన్యూ డివిజన్ పరిధిలో 14 మండలాల్లోని 318 సర్పంచి స్థానాలకు 2,374 నామినేషన్లు, 2,870 వార్డు సభ్యుల స్థానాలకు 7,239 నామినేషన్లు దాఖలు అయ్యాయి. ఆదివారం నామినేషన్లను పరిశీలించనున్నారు. డిసెంబర్ 11న ఎన్నికలు జరగనున్నాయి.
News November 30, 2025
NLG: బీజేపీకి జిల్లా ఇన్‌ఛార్జిల నియామకం
బీజేపీ రాష్ట్ర అధ్యక్షుడు రామచందర్ రావు ఆదేశాల మేరకు ఉమ్మడి జిల్లాలో జిల్లా ఇన్‌ఛార్జ్‌లను నియమించారు. నల్గొండ జిల్లాకు సన్నె ఉదయ్ ప్రతాప్, భువనగిరి జిల్లాకు శ్రీవర్ధన్ రెడ్డి, సూర్యాపేట జిల్లాకు తూటిపల్లి రవికుమార్ నియమితులయ్యారు. నల్గొండ జిల్లాకు చెందిన వీరెల్లి చంద్రశేఖర్ ( హైదరాబాద్ సెంట్రల్), జారుప్లావత్ గోపి ( మహబూబాబాద్), హనుమకొండకు బూర నర్సయ్య గౌడ్ నియమితులయ్యారు.
News November 30, 2025
NLG: బీజేపీకి జిల్లా ఇన్‌ఛార్జిల నియామకం
బీజేపీ రాష్ట్ర అధ్యక్షుడు రామచందర్ రావు ఆదేశాల మేరకు ఉమ్మడి జిల్లాలో జిల్లా ఇన్‌ఛార్జ్‌లను నియమించారు. నల్గొండ జిల్లాకు సన్నె ఉదయ్ ప్రతాప్, భువనగిరి జిల్లాకు శ్రీవర్ధన్ రెడ్డి, సూర్యాపేట జిల్లాకు తూటిపల్లి రవికుమార్ నియమితులయ్యారు. నల్గొండ జిల్లాకు చెందిన వీరెల్లి చంద్రశేఖర్ ( హైదరాబాద్ సెంట్రల్), జారుప్లావత్ గోపి ( మహబూబాబాద్), హనుమకొండకు బూర నర్సయ్య గౌడ్ నియమితులయ్యారు.
Featured News
Sorry, no posts matched your criteria.