India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nizamabad
News April 12, 2025
NZB: చేపలు పట్టేందుకు వెళ్లి బావ, బావమరిది మృతి
చేపలు పట్టేందుకు వెళ్లి ఇద్దరు మృతి చెందిన ఘటన నిజామాబాద్ జిల్లా నందిపేటలో చోటు చేసుకుంది. మాచర్లకి చెందిన షేక్ షాదుల్లా, అతని బావమరిది మహమ్మద్ రఫీక్ నిన్న సిద్దాపూర్ శివారులోని వాగులో చేపలు పట్టేందుకు వెళ్లారు. షేక్ రఫిక్ కాలుజారి ప్రమాదవశాత్తు వాగులో పడ్డాడు. అతన్ని రక్షించేందుకు షాదుల్లా వాగులో దిగగా ఇద్దరు మునిగిపోయారు. మృతదేహాలను వెలికి తీసి పోలీసులు దర్యాప్తు చేపట్టారు.
News April 12, 2025
NZB: పోలీసుల అదుపులో క్రికెట్ బెట్టింగ్ నిర్వాహకుడు
క్రికెట్ బెట్టింగ్ నిర్వహిస్తున్న షేక్ ఆసిఫ్ అలీని అదుపులోకి తీసుకున్నట్లు సౌత్ రూరల్ సర్కిల్ ఇన్స్పెక్టర్ ఎన్. నరేశ్ కుమార్ తెలిపారు. నిజామాబాద్ లతీఫ్ కాలనీకి చెందిన షేక్ ఆసిఫ్ అలీ క్రికెట్ బెట్టింగ్ నిర్వహిస్తున్నాడని సమాచారం మేరకు 6వ టౌన్ పోలీస్ సిబ్బందితో కలిసి అర్సపల్లి బైపాస్ రోడ్డు వద్ద అతనిని పట్టుకొని అదుపులోకి తీసుకుని రిమాండ్‌కు తరలించినట్లు తెలిపారు.
News April 12, 2025
కామారెడ్డి: కల్తీ కల్లు ఘటన.. సీఎం సమీక్ష..?
ఇటీవల కామారెడ్డి జిల్లాలో కల్తీ కల్లు తాగి 99మంది అస్వస్థతకు గురైన విషయం తెలిసిందే. అయితే, ఈ ఘటనపై సీఎం రేవంత్ రెడ్డి కాసేపట్లో సమీక్ష జరిపి వరుస కల్తీ ఘటనలపై ఆరా తీయనున్నారు. ఈ సమావేశానికి ఎక్సైజ్ అధికారులు హాజరుకానున్నారు. దామరంచ, అంకోల్, దుర్కి, సంగెం మండలాల్లో 69మంది, గౌరారంలో 30 మంది కల్తీ కల్లుతాగి అస్వస్థతకు గురైన విషయం తెలిసిందే. ఈ ఘటనలో నలుగురుని అరెస్టు చేశారు. 27మందిపై కేసు నమోదుచేశారు.
News April 12, 2025
నిజామాబాద్‌లో నేడు వైన్స్ బంద్
జిల్లా వ్యాప్తంగా శనివారం ఉదయం 6 గంటల నుంచి ఆదివారం ఉదయం 6 గంటల వరకు వైన్స్ బంద్ చేయాలని సీపీ సాయి చైతన్య సూచించారు. హనుమాన్ జయంతి సందర్భంగా జిల్లాలోని మద్యం, కల్లు దుకాణాలు, బార్లు మూసి ఉంటాయన్నారు. ఎవరైనా నిబంధనలు అతిక్రమిస్తే కఠిన చర్యలు తప్పవని హెచ్చరించారు.
News April 12, 2025
NZB: సాంఘిక బహిష్కరణలు విధిస్తే వీడీసీలపై కఠిన చర్యలు: కలెక్టర్
జిల్లాలోని పలు ప్రాంతాల్లో గ్రామాభివృద్ధి కమిటీల పేరిట సాంఘిక బహిష్కరణలు విధిస్తున్నట్లు ఫిర్యాదులు అందుతున్నాయని, అలాంటి వీడీసీలపై చట్ట ప్రకారం కఠిన చర్యలు తీసుకుంటామని నిజామాబాద్ కలెక్టర్ రాజీవ్ గాంధీ హనుమంతు హెచ్చరించారు. గ్రామాల అభివృద్ధికి వీడీసీలు కృషి కొనసాగిస్తే ఎవరికీ ఎలాంటి అభ్యంతరం ఉండదని, వీడీసీ ముసుగులో చట్టాన్ని ఉల్లంఘించే చర్యలకు పూనుకుంటే ఎంతమాత్రం చర్యలు తప్పవన్నారు.
News April 12, 2025
బోధన్: IPL బెట్టింగ్ నిర్వాహకుడి అరెస్ట్
బోధన్ బీటీనగర్‌లో ఆన్‌లైన్ ద్వారా IPL బెట్టింగ్ నిర్వహిస్తున్న సయిద్‌ను పోలీసులు అదుపులోకి తీసుకున్నారు. బెట్టింగ్ నిర్వహిస్తున్నరన్నా పక్కా సమచారంతో సీఐ వెంకటనారాయణ తన సిబ్బందితో కలిసి దాడులు నిర్వహించారు. విచారణలో NZBకు చెందిన ముజీబ్, సచిన్ ద్వారా ఆన్‌లైన్ ఐడీ క్రియేట్ చేసి బెట్టింగ్ నిర్వహిస్తున్నట్లు ఒప్పుకున్నాడని సీఐ తెలిపారు. సయిద్‌ను రిమాండ్‌కు తరలించినట్లు వెల్లడించారు.
News April 12, 2025
మిర్యాలగూడలో రోడ్డు ప్రమాదం.. భూంపల్లి నివాసి మృతి
సిరికొండ మండలం తుంపల్లికి చెందిన పిర్యానాయక్ (35) మిర్యాలగూడలో జరిగిన రోడ్డు ప్రమాదంలో మృతి చెందాడు. పిర్యానాయక్ మిర్యాలగూడలో వరి కోత హార్వెస్టర్‌ను అక్కడి కి తీసుకెళ్లాడు. శుక్రవారం ఉదయం జరిగిన రోడ్డు ప్రమాదంలో తీవ్ర గాయాలుకాగా ఆసుపత్రికి తీసుకెళ్తుండగా మార్గమధ్యంలో మృతి చెందినట్లు వారి కుటుంబ సభ్యులు తెలిపారు.
News April 12, 2025
NZB: 1300 మంది పోలీస్ సిబ్బందితో భారీ బందోబస్తు
నిజామాబాద్ కమీషనరేటు పరిధిలోని నిజామాబాద్, ఆర్మూర్, బోధన్ డివిజన్లలో శనివారం నిర్వహించే హనుమాన్ జయంతి, శోభాయాత్ర, అన్నదాన కార్యక్రమాలు శాంతియుతంగా నిర్వహించాలని సీపీ సాయి చైతన్య కోరారు .ఇందుకోసం నిజామాబాద్ ఖమ్మం, రాజన్న సిరిసిల్ల, భూపాలపల్లి, ములుగు, మహబూబాబాద్ జిల్లాల నుంచి పోలీస్ సిబ్బంది TSSP బెటాలియన్ సిబ్బంది తో బందోబస్తు నిర్వాహణ కోసం దాదాపు 1300 మందితో ఏర్పాట్లు చేస్తున్నామన్నారు.
News April 11, 2025
ప్రభుత్వ నిర్ణయాన్ని స్వాగతించిన ఎమ్మెల్సీ కవిత
మహాత్మా జ్యోతిరావు ఫూలే విగ్రహం ఏర్పాటు చేయాలన్న ప్రభుత్వం నిర్ణయాన్ని స్వాగతిస్తున్నామని ఎమ్మెల్సీ కల్వకుంట్ల కవిత అన్నారు. మహాత్మా జ్యోతిరావు ఫూలే జయంతి సందర్భంగా కార్వాన్‌ చౌరస్తాలోని ఫూలే విగ్రహానికి బీసీ సంఘాల నాయకులతో కలిసి ఆమె శుక్రవారం నివాళులర్పించారు. ఈ సందర్భంగా ఏర్పాటు చేసిన సభలో కవిత మాట్లాడుతూ తెలంగాణ జాగృతి, యునైటెడ్‌ ఫూలే ఫ్రంట్‌, బీసీ సంఘాల ఐక్య పోరాట ఫలితమేనని స్పష్టం చేశారు.
News April 11, 2025
అపార్ గుర్తింపు నమోదులో నిజామాబాద్ 5వ స్థానం
విద్యార్థులకు అపార్ గుర్తింపు నమోదులో NZB జిల్లా రాష్ట్రంలో 5వ స్థానంలో నిలిచింది. రాష్ట్రంలోని విద్యార్థుల్లో మొత్తం 62.83 శాతం మందికి అపార్ గుర్తింపు నంబరును జారీ చేయగా మొదటి స్థానంలో జగిత్యాల జిల్లా ఉంది. ఐదవ స్థానంలో నిజామాబాద్ జిల్లా నిలిచినట్లు డీఈవో అశోక్ తెలిపారు. అపార్ మోదులో సమస్యలను పరిశీలించి త్వరలోనే మొదటి స్థానంలో నిలుపుతామని డీఈఓ అన్నారు.
Featured News
Sorry, no posts matched your criteria.