India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News November 7, 2024
కేయూ: డిగ్రీ పరీక్ష ఫీజు గడువు పొడిగింపు
కాకతీయ విశ్వవిద్యాలయం డిగ్రీ మొదటి, మూడో, ఐదో సెమిస్టర్ పరీక్ష ఫీజు గడువును ఈ నెల 11 వరకు పొడిగించినట్లు పరీక్షల నియంత్రణ అధికారి ఆచార్య నరసింహ చారి, అదనపు పరీక్షల నియంత్రణ అధికారిణి తిరుమలాదేవి ఒక ప్రకటనలో తెలిపారు. అపరాధ రుసుం రూ.50తో ఈ నెల 13 వరకు పొడిగించినట్లు చెప్పారు. మరిన్ని వివరాల కోసం విశ్వవిద్యాలయ వెబ్ సైట్ చూడాలని పేర్కొన్నారు.
News November 7, 2024
వరంగల్: కలెక్టర్ల సమావేశంలో పాల్గొన్న ప్రజా ప్రతినిధులు
హనుమకొండ జిల్లా సమీకృత భవనంలో హనుమకొండ, వరంగల్ కలెక్టర్లతో ఇవాళ ఉమ్మడి వరంగల్ జిల్లా ప్రజా ప్రతినిధులు నాయిని రాజేందర్ రెడ్డి, కెఆర్ నాగరాజు, కడియం కావ్య, గుండు సుధారాణి పాల్గొన్నారు. ప్రజా ప్రభుత్వం ఏర్పడ్డాక ఉమ్మడి వరంగల్ జిల్లాపై ప్రత్యేక కార్యాచరణతో అభివృద్ధి లక్ష్యాలను నిర్దేశించుకొని వాటిని అమలు చేసే దిశగా ముందుకెళ్తున్నట్లు నేతలు తెలిపారు.
News November 6, 2024
WGL: రివ్యూ మీటింగ్ నిర్వహించిన మంత్రి కొండా సురేఖ
వైటిడీఏ ఆధ్వర్యంలో చేపడుతున్న యాదగిరిగుట్ట దేవాలయ అభివృద్ధి పనుల పురోగతిపై మంత్రి కొండా సురేఖ సమీక్ష సమావేశం నిర్వహించారు. అనంతరం ఆలయ అభివృద్ధికి సంబంధించిన పలు అంశాలపై అధికారులకు మంత్రి సూచనలు చేశారు. దేవాదాయ శాఖ ముఖ్య కార్యదర్శి శైలజా రామయ్యర్, ఎంఎయుడి ముఖ్య కార్యదర్శి దాన కిషోర్, తదితరులు ఉన్నారు.
News November 6, 2024
కులవృత్తుల సంక్షేమం పట్ల ఎంతో చిత్తశుద్ధి ఉంది: మంత్రి కొండా
కాంగ్రెస్ ప్రజా ప్రభుత్వానికి బీసీలు, కులవృత్తుల సంక్షేమం పట్ల ఎంతో చిత్తశుద్ధి ఉందని మంత్రి కొండా సురేఖ అన్నారు. సంగారెడ్డి జిల్లా కలెక్టరేట్లో మంత్రులు కొండా సురేఖ, దామోదర రాజనర్సింహ గౌడన్నలకు కటమయ్య కిట్లను పంపిణీ చేశారు. కల్లుగీత కార్మికులు చెట్లు ఎక్కేటప్పుడు అనేక ప్రమాదాలకు గురయ్యేవారని, దీంతో వారి కుటుంబాలు అనేక ఇబ్బందులకు గురయ్యేవని మంత్రి పేర్కొన్నారు.
News November 6, 2024
వరంగల్: క్వింటా తేజ మిర్చి ధర రూ.16,800
వరంగల్ ఎనుమాముల వ్యవసాయ మార్కెట్లో మంగళవారం లాగే ఈరోజు సైతం మిర్చి ధరలు తటస్థంగా ఉన్నాయి. తేజ మిర్చి క్వింటాకు నిన్న రూ.16,800 ధర రాగా.. నేడు సైతం అదే ధర వచ్చింది. మరోవైపు 341 రకం మిర్చి క్వింటాకు నిన్నటిలాగే రూ.15 వేల ధర వచ్చింది. అలాగే వండర్ హాట్ మిర్చికి నిన్న రూ.15,000 ధర రాగా, ఈరోజు రూ.500 తగ్గి రూ.14,500కి చేరిందని అధికారులు తెలిపారు.
News November 6, 2024
జనగామ: గుండెపోటుతో రైతు మృతి
జనగామ జిల్లాలో విషాదం నెలకొంది. స్థానికుల ప్రకారం.. చిల్పూర్ మండలం రాజవరం గ్రామానికి చెందిన బక్కయ్య(52) అనే రైతు మంగళవారం అర్ధరాత్రి గుండెపోటుతో మరణించాడు. కాగా, మృతుడికి భార్య, ఇద్దరు పిల్లలు ఉన్నారు. బక్కయ్య ఆకస్మిక మృతితో వారి కుటుంబంలో విషాదం నెలకొంది. ఘటనకు సంబంధించి మరిన్ని వివరాలు తెలియాల్సి ఉంది.
News November 6, 2024
వరంగల్ నిట్‌లో లైబ్రరీ ట్రైనీస్ పోస్టుల భర్తీకి దరఖాస్తులు
WGLలోని నేషనల్ ఇన్‌స్టిట్యూట్ ఆఫ్ టెక్నాలజీ(NIT) ఒప్పంద ప్రాదిపదికన లైబ్రరీ ట్రైనీస్ పోస్టుల భర్తీకి దరఖాస్తులు స్వీకరిస్తుంది. అర్హులైన అభ్యర్థులు ఈనెల 30లోపు దరఖాస్తు చేసుకోవాలని రిజిస్ట్రార్ తెలిపారు. అభ్యర్థులు ఎంఎల్ఐఎస్సీలో కనీసం 55% మార్కులతో ఉత్తీర్ణత సాధించి ఉండాలని, బేసిక్ కంప్యూటర్ అప్లికేషన్ పరిజ్ఞానం కలిగి ఉండాలన్నారు. నెలకు రూ.20వేల వేతనం, అభ్యర్థుల వయసు 28సం.లు మించొద్దన్నారు.
News November 6, 2024
WGL: ఇంటర్ వార్షిక పరీక్ష ఫీజు షెడ్యూలు జారీ
ఇంటర్మీడియేట్ ప్రథమ, ద్వితీయ సంవత్సరం చదువుతున్న విద్యార్థులు వార్షిక పరీక్ష ఫీజులు చెల్లించాల్సిన తేదీలను, ఫీజుల మొత్తం వివరాలను ఇంటర్ బోర్డు జారీ చేసిందని డీఐఈఓ శ్రీధర్ సుమన్ తెలిపారు. ఇంటర్ బోర్డు జారీ చేసిన ఆదేశాల ప్రకారం ఎటువంటి అపరాధ రుసుము లేకుండా నవంబర్ 25 తేదీలోగా ఫీజులు చెల్లించవచ్చని అన్నారు.
News November 5, 2024
రాహుల్ గాంధీని కలిసిన మంత్రి కొండా సురేఖ
హైదరాబాద్‌లో కాంగ్రెస్ అగ్రనేత రాహుల్ గాంధీని సీఎం రేవంత్ రెడ్డి, డిప్యూటీ సీఎం మల్లు భట్టి విక్రమార్క, టీపీసీసీ అధ్యక్షుడు మహేశ్ కుమార్ గౌడ్‌లతో కలిసి మంత్రి కొండా సురేఖ కలిశారు. అనంతరం పలు అంశాలపై రాహుల్ గాంధీ, నేతలతో మంత్రి కొండా సురేఖ చర్చించారు. ఈ కార్యక్రమంలో తెలంగాణ వ్యవహారాల ఇన్‌ఛార్జి దీపా దాస్ మున్సి, తదితరులు ఉన్నారు.
News November 5, 2024
WGL: KU ఫీజు చెల్లింపునకు రేపే ఆఖరు
కాకతీయ యూనివర్సిటీ పరిధిలోని డిగ్రీ బీఏ, బీకాం, బీబీఏ, బీఎస్సీ తదితర కోర్సుల మొదటి, మూడో, ఐదో సెమిస్టర్ పరీక్షల ఫీజు చెల్లింపు గడువు రేపటితో ముగియనున్నట్లు KU అధికారులు తెలిపారు. ఎలాంటి అపరాధ రుసుము లేకుండా నవంబర్ 6 వరకు పరీక్ష ఫీజు చెల్లించుకోవచ్చని సూచించారు. అలాగే రూ.50 అపరాధ రుసుముతో నవంబర్ 11 వరకు గడువు ఉందని పేర్కొన్నారు. పూర్తి వివరాలు కేయూ వెబ్‌సైట్లో అందుబాటులో ఉన్నట్లు తెలిపారు.
Featured News
Sorry, no posts matched your criteria.