News January 31, 2025
కేసీఆర్ కామెంట్స్‌పై కాంగ్రెస్ ఎదురుదాడి
TG: కాంగ్రెస్ పాలనపై మాజీ CM KCR చేసిన కామెంట్స్‌ను TPCC చీఫ్ మహేశ్ కుమార్ ఖండించారు. వాస్తవ పరిస్థితులకు భిన్నంగా ఆయన మాట్లాడుతున్నారని మండిపడ్డారు. కవితపై వస్తున్న మరో లిక్కర్ స్కాం ఆరోపణలను పక్కదారి పట్టించేందుకే ఇలాంటి వ్యాఖ్యలు చేస్తున్నారని ఆరోపించారు. ఇక ఇన్నాళ్లు ఫామ్‌హౌస్‌లో కుంభకర్ణుడిలా పడుకున్న KCR పంచాయతీ ఎన్నికల కోసమే బయటికొస్తున్నారని విప్ ఆది శ్రీనివాస్ విమర్శించారు.
Similar News
News January 31, 2025
KCR గర్జనలు గమనిస్తున్నాం: పొంగులేటి
TG: KCR గర్జనలు, గంభీరాలు గమనిస్తున్నామని మంత్రి పొంగులేటి తెలిపారు. ఆయన ఫామ్‌హౌస్‌ నుంచే మాట్లాడతారా.. అసెంబ్లీకి కూడా వస్తారా? అని ఎద్దేవా చేశారు. ప్రతిపక్ష నేత ప్రజల్లో తిరిగి వారి సమస్యలు ప్రస్తావించాలన్నారు. వరదలొచ్చినప్పుడు ప్రజలను కనీసం పరామర్శించలేదని మంత్రి విమర్శించారు. ఇన్ని రోజులు ఫామ్‌హౌస్‌లో ఉన్న KCR పంచాయతీ ఎన్నికల కోసమే బయటకు వస్తానంటున్నారని ప్రభుత్వ విప్ ఆది శ్రీనివాస్ చెప్పారు.
News January 31, 2025
సన్యాసిగా మారిన హీరోయిన్.. ట్విస్ట్
మహా కుంభమేళా వేదికగా <<15247035>>సాధ్విగా<<>> మారిన హీరోయిన్ మమతా కులకర్ణికి ఎదురుదెబ్బ తగిలింది. కిన్నెర అఖాడా నుంచి ఆమెను తొలగిస్తూ ఫౌండర్ రిషి అజయ్ దాస్ ప్రకటన జారీ చేశారు. మమతను సాధ్విగా ప్రకటించిన లక్ష్మీనారాయణ త్రిపాఠిని కూడా తప్పిస్తున్నట్లు తెలిపారు. రాజద్రోహం ఆరోపణలు ఎదుర్కొంటూ గ్లామర్ ప్రపంచానికి చెందిన వ్యక్తికి ఏకంగా ‘మహామండలేశ్వర్’ స్థానాన్ని కట్టబెట్టడం సనాతన ధర్మానికి విరుద్ధమని ఆయన మండిపడ్డారు.
News January 31, 2025
చిన్ననాటి కోచ్ ఆశీర్వాదం తీసుకున్న కోహ్లీ
రన్ మెషీన్ విరాట్ కోహ్లీని అరుణ్ జైట్లీ స్టేడియంలో ఢిల్లీ&డిస్ట్రిక్ట్ క్రికెట్ అసోసియేషన్ (DDCA) సన్మానించిన విషయం తెలిసిందే. ఆ సమయంలో కోహ్లీ తన చిన్ననాటి కోచ్ పాదాలకు నమస్కరించి ఆశీర్వాదం తీసుకున్నారు. ఎంత ఎత్తుకు ఎదిగినా తన ఎదుగుదలకు సహాయపడిన గురువును కోహ్లీ మర్చిపోలేదని అభిమానులు పోస్టులు పెడుతున్నారు. కాగా, కోహ్లీ 12 ఏళ్ల తర్వాత రంజీ మ్యాచ్ ఆడగా 6 పరుగులకే ఔట్ అయ్యారు.