News November 22, 2024
క్రికెట్ కలిపింది ఇద్దరినీ: మోదీ
భారత్, గయానా బంధాన్ని క్రికెట్, కల్చర్, కుసైన్ మరింత గాఢంగా మార్చాయని PM మోదీ అన్నారు. అక్కడి భారతీయులు, క్రికెటర్లతో మాట్లాడారు. ‘క్రికెట్‌పై ప్రేమ మన రెండు దేశాల్ని బలంగా కలుపుతోంది. అది ఆటే కాదు ఓ జీవన విధానం. అది మనకు గుర్తింపునిచ్చింది. రెండు దేశాల దినుసులు కలిపిచేసే ఇండో గయానిస్ వంటలు ప్రత్యేకం. దాల్‌పూరి ఇక్కడ ఫేమస్. నాకు చక్కని ఆతిథ్యం అందించిన ప్రెసిడెంట్ అలీకి థాంక్స్’ అని అన్నారు.
Similar News
News November 22, 2024
‘కన్నప్ప’ నుంచి మోహన్ బాబు లుక్ రివీల్
మంచు విష్ణు హీరోగా ముకేశ్ కుమార్ సింగ్ తెరకెక్కిస్తోన్న భారీ బడ్జెట్ మూవీ ‘కన్నప్ప’ నుంచి అప్డేట్ వచ్చింది. ఈ చిత్రంలో మోహన్ బాబు నటిస్తోన్న ‘మహాదేవ శాస్త్రి’ లుక్‌ను మేకర్స్ విడుదల చేశారు. ఈ పాత్ర చాలా ఏళ్లు గుర్తుండిపోతుందని విష్ణు ట్వీట్ చేశారు. కాగా, ఈ చిత్రంలో ప్రభాస్, అక్షయ్ కుమార్, కాజల్ కీలక పాత్రల్లో నటిస్తున్నారు. ఈ చిత్రాన్ని మోహన్ బాబు నిర్మిస్తున్నారు.
News November 22, 2024
చరిత్రలో ఎవరూ చేయని తప్పులు చేశారు: CBN
AP: చరిత్రలో ఎవరూ చేయని తప్పులు గత సీఎం జగన్ చేశారని CM చంద్రబాబు అన్నారు. వ్యవస్థలు విధ్వంసమయ్యాయని, అధికార యంత్రాంగం నిర్వీర్యమైందని మండిపడ్డారు. నమ్మిన అసత్యాలను పదే పదే చెప్పి ప్రజలను మభ్యపెట్టారని విమర్శించారు. అందుకే విజన్ డాక్యుమెంట్ -2047పేరుతో షార్ట్, మీడియం, లాంగ్ టర్మ్ లక్ష్యాలతో ముందుకెళ్తున్నట్లు చెప్పారు. రౌడీ రాజకీయాలు చేస్తామంటే పెట్టుబడిదారులు రాష్ట్రానికి రారని సీఎం తెలిపారు.
News November 22, 2024
హిందీ వెర్షన్‌లో ‘దేవర’
టాలీవుడ్ స్టార్ హీరో ఎన్టీఆర్-డైరెక్టర్ కొరటాల శివ కాంబినేషన్‌లో వచ్చిన ‘దేవర’ హిందీ వెర్షన్ ఓటీటీలో అందుబాటులోకి వచ్చింది. ఈ విషయాన్ని నెట్‌ఫ్లిక్స్ ప్రకటించింది. ఈ మూవీ తెలుగు, హిందీ, తమిళ్, మలయాళం, కన్నడ భాషల్లో స్ట్రీమింగ్ అవుతున్నట్లు తెలిపింది. సెప్టెంబర్ 27న థియేటర్లలో రిలీజ్ అయిన ఈ మూవీ హిట్ టాక్ తెచ్చుకుంది. ఇందులో జాన్వీ కపూర్, సైఫ్ అలీఖాన్ కీలకపాత్రలు పోషించారు.