News April 9, 2024
ఒకే కుటుంబం.. ఒకేసారి 17 మందికి పెళ్లి
ఒక పెళ్లి చేయడానికే తంటాలు పడుతున్న రోజులివి. అలాంటిది ఒకే ఇంట్లో 12 మంది మనవరాళ్లు, ఐదుగురు మనవళ్లకు 2 రోజుల్లోనే పెళ్లి చేశాడో తాత. రాజస్థాన్‌లోని బికనీర్ జిల్లాలోని సూర్జారామ్ గోదారా అనే వ్యక్తి తన సొంతింట్లోనే ఈ సామూహిక వివాహాలు జరిపించాడు. ఏప్రిల్ 1, 2 తేదీల్లో ఈ వేడుక జరిగింది. అందరి పేర్లతో ఒకే శుభలేఖ ముద్రించడం విశేషం. అటు ఖర్చు తగ్గించడంతోపాటు వేడుక జీవితంలో గుర్తుండిపోయేలా చేశాడు.
Similar News
News January 10, 2025
తెలుగు యూట్యూబర్‌కు 20 ఏళ్ల జైలు
AP: తెలుగు యూట్యూబర్ భార్గవ్‌కు కోర్టు 20 ఏళ్ల జైలు శిక్ష విధించింది. ఓ బాలికపై లైంగిక దాడి కేసులో విశాఖ కోర్టు ఈ తీర్పునిచ్చింది. బాధితురాలికి రూ.4 లక్షల నష్ట పరిహారం కూడా ఇవ్వాలని ఆదేశించింది. కాగా భార్గవ్ ‘ఫన్ బకెట్’ పేరుతో వీడియోలు చేసి ఫేమస్ అయ్యారు. ఈ క్రమంలో తనతో నటించే ఓ బాలికపై అతడు లైంగిక దాడికి పాల్పడ్డట్లు పోలీసులు పోక్సో కేసు నమోదు చేశారు.
News January 10, 2025
కెనడా ప్రధాని రేసులో భారత సంతతి నేత
కెనడా PM పదవికి పోటీలో నిలుస్తున్నట్లు భారత సంతతి, లిబరల్ పార్టీ MP చంద్రా ఆర్యన్ ప్రకటించారు. దేశాన్ని మరింత సుస్థిర ప్రగతివైపు నడిపిస్తానని ఆయన హామీ ఇచ్చారు. ఆర్యన్ స్వస్థలం కర్ణాటక కాగా కెనడాలో స్థిరపడ్డారు. ఖలిస్థానీ ఉగ్రవాదాన్ని వ్యతిరేకించే ఆయన, భారత్-కెనడా బంధం బలోపేతానికి మొగ్గు చూపుతున్నారు. ప్రస్తుత ప్రధాని ట్రూడో పదవి నుంచి తప్పుకోనున్నట్లు ఇటీవల ప్రకటించిన సంగతి తెలిసిందే.
News January 10, 2025
గర్భిణులకు సీమంతం చేసిన పవన్ కళ్యాణ్
AP: పిఠాపురంలో నిర్వహించిన పల్లె పండుగ వారోత్సవాల్లో Dy.CM పవన్ కళ్యాణ్ పాల్గొన్నారు. అక్కడ శిశుసంక్షేమశాఖ ఆధ్వర్యంలో పవన్ గర్భిణులకు సీమంతం చేశారు. అనంతరం వారికి అందజేస్తున్న పోషకాహారం గురించి తెలుసుకున్నారు. అంగన్వాడీ కేంద్రంలో చిన్నారులకు భోగి పళ్ల ఉత్సవం నిర్వహించారు. అక్కడ ఏర్పాటు చేసిన పుస్తక ప్రదర్శనను తిలకించారు. వ్యవసాయశాఖ ఆధ్వర్యంలో ఏర్పాటు చేసిన వివిధ రకాల స్టాళ్లను పరిశీలించారు.