India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 18, 2024
రాష్ట్ర ప్రభుత్వం కీలక ఆదేశాలు
AP: 2019 సంవత్సరానికి ముందు ప్రవేశపెట్టిన పథకాలు ఇప్పటికీ కొనసాగుతున్నట్లయితే వాటికి పాత పేర్లను పెట్టాలని రాష్ట్ర ప్రభుత్వం అన్ని శాఖలను ఆదేశించింది. 2019-24 మధ్య ప్రవేశపెట్టిన కొత్త పథకాలకు పేర్లను తొలగించాలంది. తదుపరి ఆదేశాలు వచ్చే వరకూ పేర్లు లేకుండానే పథకాలు కొనసాగించాలంది. పార్టీల రంగులు, జెండాలతో ఉన్న పాసుపుస్తకాలు, లబ్ధిదారుల కార్డులు, సర్టిఫికెట్ల జారీని వెంటనే నిలిపివేయాలని సూచించింది.
News June 18, 2024
జూలై నుంచి పార్టీ సభ్యత్వ నమోదు: చంద్రబాబు
AP: పార్టీ సభ్యత్వ నమోదును జూలై నుంచి ప్రారంభించాలని టీడీపీ రాష్ట్ర అధ్యక్షుడు పల్లా శ్రీనివాసరావును ఆ పార్టీ అధినేత చంద్రబాబు ఆదేశించారు. కూటమి విజయం కోసం కష్టపడి పనిచేసిన నాయకుల్ని వీలైనంత త్వరగా నామినేటెడ్ పదవుల్లో నియమించాలని కోరారు. SC, ST, BC, మైనార్టీ వర్గాల్లోని యువతను పార్టీలోకి స్వాగతించాలని సూచించారు. సీనియర్ల సూచనలు, జూనియర్ల మద్దతుతో పార్టీని బలోపేతం చేయాలని నిర్దేశం చేశారు.
News June 18, 2024
ఉద్యోగుల మార్పిడి ప్రచారాన్ని నమ్మకండి: ప్రభుత్వం
TG: ఏపీ నుంచి ఉద్యోగులు తెలంగాణలో చేరుతున్నట్లు జరుగుతున్న ప్రచారాన్ని ప్రభుత్వం ఖండించింది. రాష్ట్ర విభజన సమయంలో కొందరు TG ఉద్యోగులను ఏపీకి, ఏపీ వారిని TGకి కేటాయించారు. అప్పటి నుంచి వారు బదిలీలు కోరుతున్నారు. ఈ అంశం ఏళ్లుగా నానుతోంది. తాజాగా కొత్తగా ఏర్పడిన రేవంత్ ప్రభుత్వం కేవలం ఉద్యోగుల మార్పిడి సమాచారం సేకరించింది. దీంతో ఏపీ నుంచి ఉద్యోగులు TGలో చేరుతున్నట్లు ప్రచారం జరిగింది.
News June 18, 2024
ఓ వైపు వర్షాలు.. మరోవైపు ఎండలు
AP: రాష్ట్రంలో భిన్న వాతావరణం నెలకొంది. ఓ వైపు వర్షాలు కురుస్తుండగా, మరోవైపు వేడి, ఉక్కపోత కొనసాగుతోంది. నిన్న తునిలో అత్యధికంగా 40.2 డిగ్రీల గరిష్ఠ ఉష్ణోగ్రత నమోదైంది. అదే సమయంలో పలు జిల్లాలో తేలికపాటి వర్షాలు కురిశాయి. ఇవాళ అల్లూరి సీతారామరాజు, పార్వతీపురం మన్యం, శ్రీకాకుళం, ఏలూరు, కృష్ణా, ఎన్టీఆర్, గుంటూరు, నంద్యాల, తిరుపతి జిల్లాల్లో తేలికపాటి నుంచి మోస్తరు వర్షాలు కురుస్తాయని ఐఎండీ పేర్కొంది.
News June 18, 2024
టీ20 WC: రికార్డు సృష్టించిన వెస్టిండీస్
టీ20 వరల్డ్ కప్‌లో పవర్ ప్లేలో అత్యధిక పరుగులు చేసిన జట్టుగా వెస్టిండీస్ రికార్డు నెలకొల్పింది. అప్గానిస్థాన్‌తో జరుగుతున్న మ్యాచులో 6 ఓవర్లలో వికెట్ నష్టపోయి 92 పరుగులు చేసింది. ఆ తర్వాతి స్థానంలో నెదర్లాండ్స్(91/1) ఉంది. మరోవైపు ఈ మ్యాచులో అఫ్గానిస్థాన్ బౌలర్ అజ్మతుల్లా వేసిన ఇన్నింగ్స్ నాలుగో ఓవర్లో 36 పరుగులు వచ్చాయి. ఇందులో మూడు సిక్సర్లు, రెండు ఫోర్లు, 10 ఎక్స్‌ట్రాలు ఉన్నాయి.
News June 18, 2024
3 విడతల్లో రైతు రుణమాఫీ?
TG: తొలి ఏకాదశి(జూలై 17)న రైతు <<13454444>>రుణమాఫీ <<>>ప్రక్రియ ప్రారంభం కానున్నట్లు తెలుస్తోంది. ఆగస్టు 15లోపు 3 విడతల్లో ఈ ప్రక్రియను పూర్తి చేయాలని ప్రభుత్వం నిర్ణయించినట్లు తెలుస్తోంది. రుణమాఫీ కోసం నిధుల సమీకరణ కొలిక్కి వస్తుండటంతో ముందే ప్రారంభించాలని ప్రభుత్వం భావిస్తోంది. దీని ద్వారా అప్పటికే వ్యవసాయ పనులు ప్రారంభించిన రైతులకు మళ్లీ రుణం తీసుకునేందుకు అవకాశం ఉంటుందని ప్రభుత్వం అంచనా వేస్తోంది.
News June 18, 2024
భారత పురుషుల ఫుట్‌బాల్ జట్టు కోచ్‌పై వేటు
ఫిఫా ప్రపంచకప్ క్వాలిఫయర్స్‌లో భారత్ వెనుదిరగడంతో జట్టు కోచ్ స్టిమాక్‌ను AIFF తప్పించింది. ఇంకా రెండేళ్ల పదవీ కాలం ఉన్నప్పటికీ ఆయనపై వేటు వేసింది. జట్టును ముందుకు తీసుకెళ్లేందుకు కొత్త కోచ్ అవసరమని సభ్యులు ఏకాభిప్రాయానికి వచ్చినట్లు పేర్కొంది. కాగా కాంట్రాక్ట్‌ను మధ్యలో రద్దు చేసినందుకు స్టిమాక్‌కు AIFF రూ.3 కోట్ల వరకు చెల్లించాల్సి ఉంటుంది.
News June 18, 2024
కోర్టుల టైం వేస్ట్ చేసేవారికి భారీ మూల్యం విధించాలి: హైకోర్టు
తొలుత ఫిర్యాదు చేసి ఆ తర్వాత నిందితులతో సెటిల్మెంట్ చేసుకుని కేసును విత్ డ్రా చేసుకునే వారిపై బాంబే హైకోర్టు తీవ్ర ఆగ్రహం వ్యక్తం చేసింది. వారి వల్ల అధికారులకు, కోర్టులకు సమయం వృథా అవుతోందని ఓ కేసు విచారణ సందర్భంగా పేర్కొంది. ఇలాంటి వారికి భారీ మూల్యం విధించేలా బలమైన యంత్రాంగాన్ని రూపొందించాలని అభిప్రాయపడింది. ఇకపై తమ దృష్టికి వచ్చే అలాంటి కేసులపై తగిన విధంగా తీర్పునిస్తామని తేల్చిచెప్పింది.
News June 18, 2024
తెలుగు రాష్ట్రాల్లోని ప్రాజెక్టులన్నీ ఖాళీ
కృష్ణా, గోదావరి బేసిన్‌లోని రిజర్వాయర్లు నీళ్లు లేక వెలవెలబోతున్నాయి. గతేడాది వర్షాభావంతో ప్రాజెక్టుల్లోకి నామమాత్రంగానే నీరొచ్చింది. కృష్ణా నదిపై ఎగువ రాష్ట్రాల్లోని ఆలమట్టి, తుంగభద్ర కూడా ఖాళీగా ఉన్నాయి. అవి నిండిన తర్వాతే నీటిని దిగువకు వదలనున్నారు. అటు గోదావరిపై నిర్మించిన మేడిగడ్డలోకి నీళ్లు రావాలంటే MHలోని జైక్వాడి ప్రాజెక్టు నిండాలి. AP, TG ప్రాజెక్టులన్నీ కళకళలాడాలంటే 560 TMCలు కావాలి.
News June 18, 2024
ఒక్కసారిగా పెరిగిన ధరలు
ముడిపదార్థాల వ్యయాలు పెరగడంతో నూడుల్స్, సబ్బులు, బాడీవాష్‌ల ధరలను కొన్ని FMCG కంపెనీలు పెంచేశాయి. దీంతో సబ్బులు, బాడీ వాష్‌ల ధరలు 2-9%, జుట్టు సంరక్షణ నూనెలు 8-11%, ఎంపిక చేసిన ఆహారాల ధరలు 3-17% పెరగనున్నాయి. డోవ్ సబ్బులు 2%, విప్రో ఉత్పత్తులు 3%, HUL షాంపూ, స్కిన్ ఉత్పత్తుల ధరలు 4%, నెస్లే కాఫీ 8-13%, మ్యాగీ ఓట్స్ నూడుల్స్ ధరలు 17% పెరిగాయి. ఇక డాబర్ ఇండియా 1-5%, బికాజీ 2-4% ధరలు పెంచనున్నాయి.
Featured News
Sorry, no posts matched your criteria.