India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 3, 2025
DON’T MISS.. పరీక్ష లేకుండా 21,413 ఉద్యోగాల భర్తీ
21,413 పోస్టుల భర్తీ కోసం భారత తపాలా శాఖ స్వీకరిస్తున్న దరఖాస్తుల గడువు మార్చి 3వ తేదీతో ముగియనుంది. బ్రాంచ్ పోస్ట్‌మాస్టర్(రూ.12,000-29,380), అసిస్టెంట్ బ్రాంచ్ పోస్ట్‌మాస్టర్(రూ.10,000-రూ.24,470) ఉద్యోగాలకు టెన్త్ మార్కుల ఆధారంగా ఎంపిక చేస్తారు. APలో 1,215, TGలో 519 పోస్టులు ఖాళీగా ఉన్నాయి. 18 నుంచి 40 ఏళ్ల వారు అర్హులు. ఫీజు రూ.100. దరఖాస్తు చేసేందుకు ఇక్కడ <
News March 3, 2025
తీవ్రమైన బాధతో దిగిపోతున్నా.. బట్లర్ ఎమోషనల్ పోస్ట్
ODI, T20ల్లో వరుస ఓటములతో కెప్టెన్సీకి గుడ్‌బై చెప్పిన ఇంగ్లండ్ ప్లేయర్ జోస్ బట్లర్ ఇన్‌స్టాలో ఎమోషనల్ పోస్టు చేశారు. ‘తీవ్రమైన బాధతో నాయకత్వ బాధ్యతల నుంచి తప్పుకుంటున్నా. దేశానికి కెప్టెన్సీ వహించడం గొప్ప గౌరవం. దీనికి ఎంతో గర్విస్తున్నా. నా రిజైన్‌కు ఇదే సరైన సమయం. నాకు సహకరించిన ప్లేయర్లు, అభిమానులతోపాటు నా భార్య లూయిస్, ఫ్యామిలీకి థాంక్స్. వారే నా జర్నీకి అసలైన పిల్లర్లు’ అని రాసుకొచ్చారు.
News March 3, 2025
అచ్చెన్న ‘గాలి’ వ్యాఖ్యలు.. బొత్స కౌంటర్
AP: మండలి ప్రతిపక్షనేత బొత్సను ఉద్దేశిస్తూ గాలికి వచ్చారంటూ మంత్రి అచ్చెన్నాయుడు వ్యాఖ్యానించడంతో దుమారం చెలరేగింది. దీనిపై మాజీ మంత్రి కౌంటరిచ్చారు. ‘నేను గాలికి వచ్చానంటూ మాట్లాడారు. నేను 1999లో తొలిసారి పార్లమెంట్‌లో అడుగుపెట్టా. 42మందికిగాను INC నుంచి గెలిచిన ఐదుగురిలో నేనొకడిని. టీడీపీ హవాలోనూ నా భార్య ZP ఛైర్మన్ అయ్యారు. ఈ విషయం తెలిసినా కించపరిచేలా మాట్లాడటం సబబు కాదు’ అని పేర్కొన్నారు.
News March 3, 2025
వేశ్య గురించి సినిమా.. 5 ఆస్కార్ అవార్డులు
OSCARS 2025లో ‘అనోరా’ అనే రొమాంటిక్ కామెడీ మూవీకి బెస్ట్ పిక్చర్‌తో సహా 5 కేటగిరీల్లో అవార్డులు వచ్చాయి. రష్యాలోని రిచ్ ఫ్యామిలీ యువకుడు USలో ఒక వేశ్యను ప్రేమ వివాహం చేసుకుంటాడు. ఈ విషయం తెలియడంతో అతడిని పేరెంట్స్ ఇంటికి తీసుకెళ్లిపోతారు. ఆ తర్వాత ఏం జరిగిందనేదే ఈ మూవీ కథ. ‘అనోరా’ ఒక లాటిన్ పదం. దీనికి తెలుగులో గౌరవం అని అర్థం. వేశ్యలూ మనుషులే.. వారిని చిన్న చూపు చూడొద్దని ఈ మూవీలో చూపించారు.
News March 3, 2025
ఇళ్ల పట్టాల పంపిణీపై కీలక ప్రకటన
AP: ఇళ్ల పట్టాల పంపిణీపై మంత్రి అనగాని సత్యప్రసాద్ శాసనమండలిలో కీలక ప్రకటన చేశారు. గ్రామాల్లో 3 సెంట్లు, పట్టణాల్లో 2 సెంట్ల ఇళ్ల స్థలాలు పేదలకు ఇస్తామన్నారు. ఇప్పటివరకు 70,232 దరఖాస్తులు వచ్చాయని, ఇంటి నిర్మాణానికి ₹4లక్షల ఆర్థిక సాయం కూడా చేస్తామని ప్రకటించారు. గత ప్రభుత్వంలో నివాసయోగ్యం కాని భూములు, శ్మశానాలు, డంపింగ్ యార్డుల పక్కనున్న భూములు, వర్షం వస్తే మునిగిపోయే భూములను ఇచ్చారని ఆరోపించారు.
News March 3, 2025
KKR కొత్త జెర్సీ.. కొత్త సంప్రదాయానికి నాంది
IPL-2025 కోసం కోల్‌కతా నైట్ రైడర్స్(KKR) కొత్త జెర్సీని ఆవిష్కరించింది. గత సీజన్‌తో పోలిస్తే ఇది పూర్తి డిఫరెంట్‌గా ఉంది. అలాగే ఇప్పటి వరకు మూడుసార్లు ట్రోఫీని గెలిచినందుకు గుర్తుగా జెర్సీపై 3 స్టార్లను పెట్టుకుంది. డిఫెండింగ్ ఛాంపియన్ హోదాలో జెర్సీ షోల్డర్లకు గోల్డ్ బ్యాడ్జ్‌లు ఉండనున్నాయి. లీగ్ చరిత్రలో ఈ బ్యాడ్జ్ ధరించిన తొలి టీమ్‌గా KKR నిలిచింది. ఇకపై ఏటా ఈ సంప్రదాయం కొనసాగనుంది.
News March 3, 2025
వివి వినాయక్ హెల్త్ రూమర్స్‌కు చెక్
ప్రముఖ దర్శకుడు VV వినాయక్ అనారోగ్యంతో బాధపడుతున్నారని జరుగుతున్న ప్రచారంపై ఆయన టీమ్ స్పందించింది. ఆయన గురించి వస్తున్న వార్తల్లో వాస్తవం లేదని వెల్లడించింది. ఇలాంటి తప్పుడు వార్తలు నమ్మవద్దని అభిమానులను కోరింది. అసత్య ప్రచారం చేసే వారిపై కఠిన చర్యలు తీసుకుంటామని హెచ్చరించింది. కాగా గతేడాది ఛత్రపతి మూవీని హిందీలో రీమేక్ చేసిన ఆయన ప్రస్తుతం ఏ సినిమా చేయడం లేదు.
News March 3, 2025
CM రేవంత్‌కు హరీశ్ సవాల్
TG: బీఆర్ఎస్ హయాంలో SLBC టన్నెల్ పనులు జరగలేదని ఆరోపించిన సీఎం రేవంత్‌పై హరీశ్ రావు మండిపడ్డారు. పనులు జరగలేదని నిరూపిస్తే ఎమ్మెల్యే పదవికి రిజైన్ చేస్తానని, లేదంటే ఆయన రాజీనామా చేస్తారా? అని సవాల్ విసిరారు. అసెంబ్లీలో అన్ని విషయాలను ఎండగడతామన్నారు. తెలంగాణ ఏర్పాటు తరువాత టన్నెల్ పనులకు BRS ప్రభుత్వం నిధులు విడుదల చేయలేదని, విద్యుత్తు బకాయిలు చెల్లించలేదని సీఎం విమర్శించిన విషయం తెలిసిందే.
News March 3, 2025
వరల్డ్ వైల్డ్ లైఫ్ డే.. PM మోదీ సఫారీ
వరల్డ్ వైల్డ్ లైఫ్ డే సందర్భంగా గుజరాత్‌లోని GIR నేషనల్ పార్క్‌లో PM మోదీ సఫారీకి వెళ్లారు. కెమెరాతో సింహాలను ఫొటోలు తీశారు. గతంలో తాను CMగా ఉన్నప్పటి జ్ఞాపకాలు గుర్తుకు వచ్చాయని ట్వీట్ చేశారు. వన్యప్రాణులను కాపాడుకోవాల్సిన బాధ్యత అందరిపై ఉందని, తాము తీసుకున్న చర్యల వల్ల ఆసియా సింహాల జనాభా క్రమంగా పెరుగుతోందని తెలిపారు. జంతువుల సంరక్షణకు అటవీ పరిసర ప్రాంత ప్రజలు కూడా కృషి చేయడం ప్రశంసనీయమన్నారు.
News March 3, 2025
అయోధ్యలో సమస్యగా మారిన చెప్పుల తొలగింపు
మహాకుంభ మేళా సందర్భంగా అయోధ్య రాముడి దర్శనానికీ భక్తులు భారీగా తరలిరావడంతో రద్దీ నియంత్రణకై రాకపోకలను అధికారులు మార్చారు. మొదటి గేటు వద్ద చెప్పులు విడిచి, గుడికెళ్లి 3వ గేటు నుంచి బయటకు రావాలి. ఈ గేటు నుంచి చెప్పులు తీసుకోవడానికి దాదాపు 5 KM నడవాల్సి ఉండటంతో భక్తులు చెప్పుల కోసం తిరిగి రావడంలేదు. దీంతో కుప్పలుగా పేరుకున్న చెప్పుల గుట్టలను పొక్లెయిన్లు, ట్రాలీలు వాడి అధికారులు తరలిస్తున్నారు.
Featured News
Sorry, no posts matched your criteria.