India's largestHyperlocal short
news App
Get daily news updates that are tailored for you based on your preferred language & location.
download Way2News app now
News February 24, 2025
సౌరశక్తిలో భారత్ సూపర్ పవర్: ప్రధాని మోదీ
ఆర్థిక రంగంలో వేగంగా అభివృద్ధి చెందుతున్న దేశంగా IND కొనసాగుతోందని వరల్డ్ బ్యాంక్ కొనియాడిందని PM మోదీ వెల్లడించారు. సౌరశక్తిలోనూ ఇండియా సూపర్ పవర్‌గా మారిందని UN ప్రశంసించిందన్నారు. MPలో జరిగిన గ్లోబల్ ఇన్వెస్టర్ సమ్మిట్‌లో PM ప్రసంగించారు. ఇతర దేశాలు మాటలకే పరిమితమైతే భారత్ చేసి చూపిందని చెప్పారు. అంతర్జాతీయ పెట్టుబడిదారులను ఆకర్షిస్తే ఎకానమీ గ్రోత్, ఉద్యోగాల కల్పనకు దారి ఏర్పడుతుందన్నారు.
News February 24, 2025
జగన్ అటెండెన్స్ కోసమే అసెంబ్లీకి వచ్చారు: అచ్చెన్నాయుడు
AP: జగన్, YCP MLAలు అటెండెన్స్ కోసమే అసెంబ్లీకి వచ్చారని, ప్రజల కోసం కాదని మంత్రి అచ్చెన్నాయుడు ఆరోపించారు. 60 రోజులు సభకు రాకపోతే సభ్యత్వం రద్దవుతుందని, ఉపఎన్నికలు వస్తే 11సీట్లు కూడా రావనే భయంతో వచ్చారన్నారు. అవినీతి నుంచి పుట్టిన పార్టీ YCP అని మండిపడ్డారు. ఓ పేపర్, టీవీని అడ్డం పెట్టుకొని చెప్పిన అబద్ధాలే చెప్పి చెప్పి నమ్మించాలని చూస్తే ఏమయిందో మొన్నటి ఎన్నికల్లో చూశామన్నారు.
News February 24, 2025
‘దసరా’తో గేర్ ఛేంజ్.. ‘హిట్3’తో బ్లడ్ బాత్
ఫీల్ గుడ్ మూవీస్‌తో ఆకట్టుకున్న న్యాచురల్ స్టార్ నాని గేర్ మార్చారు. దసరాతో మాస్ ప్రేక్షకులను ఆకట్టుకునే ప్రయత్నం చేయగా ‘సరిపోదా శనివారం’తో యాక్షన్‌కు పెద్ద పీట వేశారు. తాజాగా రిలీజైన ‘హిట్3’ <<15561948>>టీజర్‌లో<<>> నాని ఊచ కోత మామూలుగా లేదని ఫ్యాన్స్ కామెంట్లు చేస్తున్నారు. యాంగ్రీ పోలీస్ రోల్‌లో రక్తపాతం సృష్టించారని చెబుతున్నారు. దీంతో తర్వాత రాబోయే ‘ది ప్యారడైజ్’ ఎలా ఉంటుందో అని చర్చించుకుంటున్నారు.
News February 24, 2025
క్షణ క్షణం తీవ్ర ఉత్కంఠ.. ఏం జరుగుతోంది?
TG: SLBC టన్నెల్‌లో ప్రమాదం జరిగి రెండు రోజులు గడిచినా ఘటనా స్థలికి రెస్క్యూ బృందాలు చేరుకోలేకపోతున్నాయి. 14 కిలోమీటర్ల లోపల ఘటన జరగడం, బురద, నీటి లీకేజీ కారణంగా తీవ్ర ఆటంకాలు ఎదురవుతున్నాయి. శిథిలాల కింద చిక్కుకున్న 8 మంది కార్మికులు ప్రాణాలతో ఉన్నారా? లేదా? అనే ఆందోళన నెలకొంది. దీంతో అక్కడ టెన్షన్ వాతావరణం ఏర్పడింది. మరోవైపు సీఎం రేవంత్, మంత్రులు ఎప్పటికప్పుడు అధికారులతో సమీక్షిస్తున్నారు.
News February 24, 2025
‘ఛావా’ సంచలనం
విక్కీ కౌశల్ ప్రధాన పాత్రలో తెరకెక్కిన ‘ఛావా’ కలెక్షన్లలో దూసుకుపోతోంది. రెండో వీకెండ్‌లోనూ బాలీవుడ్‌లో రూ.100 కోట్లపైన వసూలు చేసిన రెండో చిత్రంగా నిలిచినట్లు సినీ వర్గాలు పేర్కొన్నాయి. ‘పుష్ప-2’ రూ.128 కోట్లు వసూలు చేయగా, ‘ఛావా’ రూ.109 కోట్లు రాబట్టినట్లు వెల్లడించాయి. మరాఠా యోధుడు శంభాజీ జీవిత కథ ఆధారంగా తెరకెక్కిన ఈ సినిమాను ఇతర భాషల్లోనూ రిలీజ్ చేయాలని డిమాండ్ వినిపిస్తోంది.
News February 24, 2025
ఏపీ అసెంబ్లీ వాయిదా
AP: అసెంబ్లీ బడ్జెట్ సమావేశాల సందర్భంగా గవర్నర్ జస్టిస్ అబ్దుల్ నజీర్ ప్రసంగం ముగిసింది. అనంతరం స్పీకర్ అయ్యన్నపాత్రుడు, మండలి ఛైర్మన్ మోషేన్ రాజు, సీఎం చంద్రబాబు ఆయనను బయట వరకు తీసుకెళ్లి వీడ్కోలు పలికారు. కాసేపటికే సభను రేపటికి వాయిదా వేశారు. కాగా ఇవాళ సభకు హాజరైన వైసీపీ సభ్యులు ప్రతిపక్ష హోదా ఇవ్వాలని డిమాండ్ చేశారు. తర్వాత గవర్నర్ ప్రసంగాన్ని బాయ్‌కాట్ చేశారు.
News February 24, 2025
AC వాడుతున్నారా? పవర్ బిల్ ఇలా తగ్గించండి
– రిమోట్‌తోనే AC ఆఫ్ చేస్తే కంప్రెసర్ ఐడిల్ లోడ్‌లో ఉంటుంది. ఇలా కాకుండా పూర్తిగా స్విచ్ ఆఫ్ చేయండి.
– కిటికీలు, తలుపులు తరుచూ తెరిచినా బయటి వేడి లోపలికి వచ్చి రూమ్ చల్లబడేందుకు ఎక్కువ సమయం తీసుకుంటుంది
– షెడ్యూల్ టైమర్/టైమర్‌ను సెట్ చేస్తే రాత్రి పడుకున్నాక ఆఫ్ చేయడం మర్చిపోయినా ఇబ్బంది ఉండదు
– చాలాకాలం తర్వాత ఏసీ వాడితే గ్యాస్, డస్ట్ తదితరాలు చెక్ చేసే సర్వీస్ చేయిస్తే కండిషన్‌లో ఉంటుంది
News February 24, 2025
క్రిప్టో కరెన్సీ చరిత్రలో అతి పెద్ద చోరీ
దుబాయ్‌కు చెందిన క్రిప్టో కరెన్సీ ఎక్స్ఛేంజ్ కంపెనీ బైబిట్ నుంచి 1.5బిలియన్ డాలర్ల డిజిటల్ సొమ్ము(ఇథేరియం)ను హ్యాకర్లు చోరీ చేశారు. ఆన్‌లైన్ ఛాటింగ్‌లో లావాదేవీల సమయంలో ఇది జరిగిందని, యూజర్ల ఫండ్స్‌కు ఎటువంటి ఢోకా లేదని బైబిట్ CEO బెన్ జొహవు భరోసా కల్పించారు. చోరీకి గురైన 400,000 ETHలను నష్టపోయిన యూజర్లకు పూర్తిగా రీఫండ్ చేస్తామని వెల్లడించారు. బిట్ కాయిన్ అతిపెద్ద క్రిప్టో కరెన్సీ ఇథేరియం.
News February 24, 2025
ఆ ‘నవ్వు’ ఆగి నాలుగేళ్లు అయింది!!
రష్యా-ఉక్రెయిన్ యుద్ధం. ఒకప్పటి రెగ్యులర్ టాపిక్ మనకు ఇప్పుడు మరుగున పడింది. కానీ అక్కడి రణభూమి రగులుతూనే ఉంది. నేటితో మూడేళ్లు పూర్తైన ఈ యుద్ధంతో వేల మంది సైనికులు చనిపోయారు, లక్షల మంది ప్రజలు నిరాశ్రయులయ్యారు. మిలియన్ల మంది రేపు అనేది ఏమిటో తెలియక ఇతర దేశాల్లో శరణార్థులుగా బతుకీడుస్తున్నారు. ప్రతి గడియ గండంగా గడుపుతున్న ఆ దేశాల వాసులు నవ్వి నాలుగేళ్లు. ఈ నెత్తుటి క్రీడ ఆగేది, ఆరేది ఎప్పుడో?
News February 24, 2025
CM రిలీఫ్ ఫండ్ కోసం కావాల్సినవి!
ప్రభుత్వం అందించే సీఎం రిలీఫ్ ఫండ్ కోసం ఏయే సర్టిఫికెట్లు కావాలో చాలా మందికి తెలియదు. దీనికోసం ఫైనల్ బిల్స్, ఎసెన్షియల్ సర్టిఫికెట్, ఎమర్జెన్సీ సర్టిఫికెట్, హాస్పిటల్ రిజిస్ట్రేషన్ సర్టిఫికెట్ జిరాక్స్, డిశ్చార్జ్ సమ్మరీ, ఇన్ పేషెంట్ బిల్, సీఎం రిలీఫ్ ఫండ్ అప్లికేషన్, ఆధార్ కార్డు& బ్యాంక్ అకౌంట్ పాస్ బుక్ & రేషన్ కార్డు జిరాక్స్, రెండు ఫొటోలు కావాలి. వీటిని స్థానిక MLAకు అందించాలి. SHARE IT
Featured News
Sorry, no posts matched your criteria.