India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 29, 2024
త్వరలో శుభవార్త వింటారు: మంత్రి లోకేశ్
AP: ఐదేళ్లలో 20లక్షల ఉద్యోగాలు కల్పించాలన్నదే తమ ప్రభుత్వ లక్ష్యమని మంత్రి లోకేశ్ తెలిపారు. విశాఖలో ఏపీ ఐటీ అసోసియేషన్ ప్రతినిధులతో సమావేశమయ్యారు. ‘మెరుగైన IT పాలసీని తీసుకువస్తాం. దేశంలో టాప్ కంపెనీలతో చర్చిస్తున్నాం. త్వరలో శుభవార్త వింటారు. ISB తరహాలో విశాఖలో ప్రపంచస్థాయి AI వర్సిటీని ఏర్పాటు చేస్తాం. రాబోయే ఐదేళ్లలో విశాఖను 100 బిలియన్ డాలర్ల ఎకానమీ నగరంగా తీర్చిదిద్దుతాం’ అని తెలిపారు.
News August 29, 2024
మహిళల రక్షణకు షీ-బాక్స్ పోర్టల్
పని ప్రదేశాల్లో మహిళలకు ఎదురయ్యే లైంగిక వేధింపులపై ఫిర్యాదు చేయడానికి కేంద్ర ప్రభుత్వం షీ-బాక్స్ పోర్టల్‌ను ప్రారంభించింది. ఈ పోర్టల్ ప్రభుత్వ, ప్రైవేటు రంగాల్లోని అంతర్గత కమిటీలు, స్థానిక కమిటీలకు అనుసంధానమై ఉంటుంది. బాధితులు షీ- బాక్స్ పోర్టల్‌లో ఫిర్యాదు చేయవచ్చు. సమస్యల పరిష్కారానికి సంబంధించిన పురోగతిని కూడా ఎప్పటికప్పుడు తెలుసుకోవచ్చు.
లింక్: https://shebox.wcd.gov.in/. SHARE IT.
News August 29, 2024
రిటైర్మెంట్ ప్రకటించిన భారత పేస్ బౌలర్
భారత పేస్ బౌలర్ బరిందర్ స్రాన్ క్రికెట్‌కు రిటైర్మెంట్ ప్రకటించారు. 31ఏళ్ల ఈ లెఫ్టార్మ్ పేసర్ టీమ్ ఇండియా తరఫున 6 వన్డేలు, 2 టీ20 మ్యాచ్‌లు ఆడారు. రెండు ఫార్మాట్లలో కలిపి మొత్తం 13 వికెట్లు తీశారు. 2016లో వన్డే, టీ20ల్లోకి ఎంట్రీ ఇచ్చిన స్రాన్ తన చివరి మ్యాచ్‌లు కూడా అదే ఏడాది ఆడారు. IPLలో SRH, PBKS, MI తరఫున ఆడి మొత్తం 24 మ్యాచుల్లో 18 వికెట్లు పడగొట్టారు.
News August 29, 2024
షుగర్ పేషెంట్స్ చెప్పులు/షూస్ లేకుండా నడవొద్దు: వైద్యులు
డయాబెటిక్ వ్యాధిగ్రస్థులకు గాయాలు త్వరగా మానవు. వాళ్లు ఎట్టిపరిస్థితుల్లోనూ చెప్పులు లేకుండా నడవొద్దని వైద్యులు సూచిస్తున్నారు. ‘డయాబెటిక్స్‌లో పాదాల ఇన్ఫెక్షన్, గ్యాంగ్రీన్ వంటివి జరుగుతాయి. షుగర్ లెవెల్స్ ఎక్కువగా ఉండటం వల్ల గాయం మానదు. గాయాల నొప్పి తెలియదు. దీని వల్ల మరింత నష్టం జరుగుతుంది. కాలు ధమనులలో అడ్డంకులు ఏర్పడి గాయం నయంకాదు’ అని సూచించారు. చెప్పులకు బదులు షూస్ ధరిస్తే ఇంకా మంచిది.
News August 29, 2024
ఎక్కువ మంది బిలియనీర్లు ఉన్న నగరాలు
1.ముంబై- 386
2.న్యూ ఢిల్లీ- 217
3.హైదరాబాద్- 104
4.బెంగళూరు- 100
5.చెన్నై- 82
6.కోల్ కతా- 69
7.అహ్మదాబాద్- 67 8.పుణె- 53
9.సూరత్- 28 10.గురుగ్రామ్- 23
**హురున్ ఇండియా-2024 లిస్ట్ ప్రకారం
News August 29, 2024
జువెల్లరీ రంగంలోకి రిలయన్స్
రిలయన్స్ సంస్థ లగ్జరీ జువెల్లరీ రంగంలోకి అడుగుపెట్టేందుకు సిద్ధమైంది. ఈ విషయాన్ని రిలయన్స్ ఇండస్ట్రీస్ రిటైల్ విభాగం ఎగ్జిక్యూటివ్ డైరెక్టర్ ఈశా అంబానీ వెల్లడించారు. ‘మేము ప్రత్యేక సందర్భాలు, ప్రాంతీయ అభిరుచులకు అనుగుణంగా ఆభరణాలు అందించడానికి ప్రయత్నిస్తాం’ అని వార్షిక సర్వసభ్య సమావేశంలో చెప్పారు. రిలయన్స్ సంస్థ విభిన్న కస్టమర్లను ఆకట్టుకునేందుకు సరైన ప్రణాళికలు వేసుకుంటోంది.
News August 29, 2024
కేంద్ర ప్రభుత్వ ఉద్యోగులకు కొత్త పెన్షన్ ఫారం
నిర్ణీత నిబంధనల ప్రకారం పదవీ విరమణ చేస్తున్న ఉద్యోగుల కోసం కొత్త సరళీకృత పెన్షన్ దరఖాస్తు ఫారం 6-Aని శుక్ర‌వారం విడుద‌ల చేయ‌నున్న‌ట్టు కేంద్రం ప్ర‌క‌టించింది. డిసెంబర్ 2024లో, ఆ తర్వాత పదవీ విరమణ చేసే కేంద్ర ప్రభుత్వ ఉద్యోగులందరికీ ఈ ఫారం భవిష్య/E-HRMSలో అందుబాటులో ఉంటుందని సిబ్బంది మంత్రిత్వ శాఖ ఒక ప్రకటనలో తెలిపింది. 9 రకాల ఫాంలు/ఫార్మాట్‌లను కలిపి ఈ కొత్త పెన్షన్ ఫారం రూపొందించినట్టు తెలిపింది.
News August 29, 2024
రేపు, ఎల్లుండి అతిభారీ వర్షాలు: APSDMA
AP: బంగాళాఖాతంలో ఏర్పడిన అల్పపీడనం ఉత్తరాంధ్ర, దక్షిణ ఒడిశా తీరాలవైపు కదులుతూ ఆదివారం నాటికి వాయుగుండంగా బలపడే అవకాశం ఉందని APSDMA తెలిపింది. దీని ప్రభావంతో రేపు, ఎల్లుండి అక్కడక్కడ భారీ నుంచి అతిభారీ వర్షాలు, మిగిలిన చోట్ల మోస్తరు వర్షాలు కురుస్తాయని పేర్కొంది. శనివారం వరకు బలమైన గాలులు వీస్తాయని, మత్స్యకారులు సముద్రంలో వేటకు వెళ్లొద్దని హెచ్చరించింది. ప్రజలు అప్రమత్తంగా ఉండాలని సూచించింది.
News August 29, 2024
ఎన్‌కౌంటర్‌లో ముగ్గురు ఉగ్రవాదుల హ‌తం
జమ్మూకశ్మీర్‌లోని కుప్వారా జిల్లాలో జరిగిన 2 ఎన్‌కౌంటర్లలో ముగ్గురు ఉగ్రవాదులు హతమయ్యారు. మచిల్ సెక్టార్‌ కుంక‌డి, కర్నాహ్‌‌లో ఉగ్రవాదుల చొరబాట్ల స‌మాచారంతో భారత సైన్యం, JK పోలీసులు జాయింట్ ఆప‌రేష‌న్ నిర్వ‌హించారు. ఈ క్రమంలో ఎదురుపడ్డ ఉగ్రవాదులు కాల్పులకు తెగబడ్డారు. బుధ‌వారం సాయంత్రం నుంచి గురువారం ఉద‌యం వరకు ఎదురు కాల్పులు కొనసాగాయి. కూంబింగ్‌లో ముగ్గురు ఉగ్రవాదుల మృత‌దేహాలను గుర్తించారు.
News August 29, 2024
అస్సాంలో ముస్లిం వివాహాల బిల్లుకు ఆమోదం
ముస్లింలు తమ వివాహాలు, విడాకులను ప్రభుత్వం వద్ద తప్పనిసరిగా నమోదు చేయాలంటూ రూపొందించిన బిల్లును అస్సాం అసెంబ్లీ ఆమోదించింది. ఈ చట్టం ద్వారా క్వాజీ వ్యవస్థను తొలగించడం, బాల్య వివాహాలను నిరోధించడం లక్ష్యమని సీఎం హిమంత బిశ్వ శర్మ తెలిపారు. ఈ చట్టం ముస్లింల వ్యక్తిగత చట్టాన్ని ప్రభావితం చేయదన్నారు. అస్సాం ముస్లిం వివాహాలు&విడాకుల నమోదు చట్టం 1935 స్థానంలో ఈ కొత్త చట్టం వచ్చింది.
Featured News
Sorry, no posts matched your criteria.