India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 19, 2024
ప్రతి రూపాయినీ బాధ్యతతో వ్యయం చేయాలి: పవన్ కళ్యాణ్
AP: ఉపాధి హామీ పథకంలో చేపట్టాల్సిన పనుల ఆమోదం కోసం ఈ నెల 23న రాష్ట్రవ్యాప్తంగా అన్ని పంచాయతీల్లో గ్రామ సభలు నిర్వహించాలని డిప్యూటీ సీఎం పవన్ ఆదేశించారు. ఈ పథకం కింద రూ.వేల కోట్ల పనులు చేయబోతున్నందున ప్రతి రూపాయినీ బాధ్యతతో వ్యయం చేయాలని అధికారులకు స్పష్టం చేశారు. జిల్లా, మండల, గ్రామ స్థాయిలో ఉన్న సిబ్బంది బాధ్యతగా వ్యవహరించాలని సూచించారు.
News August 19, 2024
మేం గేట్లు తెరిస్తే జగన్ మాత్రమే మిగులుతారు: మంత్రి సుభాష్
AP: రాష్ట్రంలో ప్రతి వ్యవస్థని వైసీపీ నాశనం చేసిందని మంత్రి వాసంశెట్టి సుభాష్ విమర్శించారు. ఆ పార్టీ ఎమ్మెల్యేలంతా తమతో టచ్‌లో ఉన్నారని చెప్పారు. కూటమి గేట్లు ఎత్తితే జగన్ తప్ప వైసీపీలో ఎవరూ మిగలరని అన్నారు. కానీ తమ నాయకుడు చంద్రబాబు ఎవరినీ చేర్చుకోబోమని చెప్పినట్లు తెలిపారు. రాష్ట్రంలో వైసీపీ తిరిగి అధికారంలోకి రాదని జోస్యం చెప్పారు.
News August 19, 2024
రాఖీ శుభాకాంక్షలు చెప్పిన షర్మిల
AP: తన జీవితంలో, రాజకీయ ప్రస్థానంలో అండగా ఉంటూ రక్షణగా నిలబడ్డ ప్రతి అన్నకు, ప్రతి తమ్ముడికి రాఖీ పండుగ శుభాకాంక్షలు అంటూ AP కాంగ్రెస్ చీఫ్ షర్మిల ట్వీట్ చేశారు. YSR అనే బంధంతో తనకు తోబుట్టువుల్లాగా ఉండి, అనుక్షణం కంటికి రెప్పలా కాపాడుకున్నారని పేర్కొన్నారు. వెలకట్టలేని బంధాలను, వదులుకోలేని అనుబంధాలను గుర్తు చేసే బంధమే రక్షాబంధన్ అని తెలిపారు. కాగా అన్న జగన్ పేరును ఆమె ప్రస్తావించకపోవడం గమనార్హం.
News August 19, 2024
తల్లి లేని బాలికకు సీఎం రేవంత్ భరోసా
TG: తల్లి అంత్యక్రియలకు డబ్బుల కోసం భిక్షాటన చేసిన బాలికకు అన్ని విధాలా అండగా ఉంటామని సీఎం రేవంత్ భరోసానిచ్చారు. విద్య, వైద్య, ఇతర అవ‌స‌రాల‌కు అండగా నిల‌వాల‌ని <<13884804>>నిర్మల్<<>> క‌లెక్ట‌ర్ అభిలాష్ అభిన‌వ్‌ను ఆదేశించారు. CM ఆదేశాలతో ఆమెకు ఉచిత విద్య అందించేందుకు గురుకుల పాఠ‌శాల‌లో చేర్చుతామ‌ని క‌లెక్ట‌ర్ వెల్ల‌డించారు. వైద్య, ఇతర స‌మ‌స్య‌లేమైనా ఉంటే వాటిని వెంట‌నే ప‌రిష్క‌రిస్తామ‌ని తెలిపారు.
News August 19, 2024
బెంగాల్లో ప్రజాస్వామ్యం పతనం: గవర్నర్
బెంగాల్లో ప్రజాస్వామ్యం పతనమవుతోందని గవర్నర్ సీవీ ఆనంద్ బోస్ అన్నారు. మహిళలకు అండగా ఉంటానని రక్షాబంధన్ సందర్భంగా రాజ్‌భవన్లో తనను కలిసిన మహిళా వైద్యులు, నేతలకు అభయమిచ్చారు. ‘మన కూతుళ్లు, అక్కచెల్లెళ్లను కాపాడుకుంటామని ప్రతిజ్ఞ చేయాలి. వారు సంతోషంగా, భద్రంగా ఉండే సమాజాన్ని నిర్మించాలి. ఇది మన కనీస ధర్మం. మనది సుదూర లక్ష్యమని తెలుసు. మీ వెంట నేనున్నా. మనం దాన్ని కచ్చితంగా చేరగలం’ అని ఆయన అన్నారు.
News August 19, 2024
నాలుగు రోజుల్లోనే రూ.204 కోట్ల వసూళ్లు
రాజ్ కుమార్, శ్రద్ధా కపూర్ ప్రధాన పాత్రల్లో తెరకెక్కిన చిత్రం ‘స్త్రీ2’. ఈ సినిమా బాక్సాఫీస్ వద్ద దూసుకుపోతోంది. విడుదలైన నాలుగు రోజుల్లోనే ఈ మూవీ రూ.204 కోట్లు వసూలు చేసినట్లు సినీ క్రిటిక్ తరణ్ ఆదర్శ్ ట్వీట్ చేశారు. తొలి రోజు కన్నా నాలుగో రోజే అత్యధిక కలెక్షన్లు వచ్చాయని పేర్కొన్నారు. హారర్ థ్రిల్లర్ నేపథ్యంలో రూ.50 కోట్లతో ఈ సినిమాను తెరకెక్కించారు.
News August 19, 2024
శ్రీసిటీలో పరిశ్రమలకు శంకుస్థాపన చేసిన సీఎం
AP: సీఎం చంద్రబాబు తిరుపతి జిల్లాలోని శ్రీసిటీలో పలు పరిశ్రమల శంకుస్థాపనలు, ప్రారంభోత్సవ కార్యక్రమాలను ప్రారంభించారు. శ్రీసిటీలో రూ.900 కోట్ల పెట్టుబడితో 2,740 మందికి ఉపాధి అవకాశాలు రానున్నాయి. మరో రూ.1,213 కోట్ల పెట్టుబడికి 4 కంపెనీలతో ప్రభుత్వం ఒప్పందాలు చేసుకోనుంది.
News August 19, 2024
PHOTO: పదిలమైన జ్ఞాపకం
గడిచిన క్షణాన్ని మనం తీసుకురాలేము. కానీ ఆ జ్ఞాపకాలను ఫొటో రూపంలో బంధిస్తే కొన్నాళ్ల పాటు మనతో ఉండిపోతాయి. మధురానుభూతులు, విషాద సన్నివేశాలు, వెలకట్టలేని దృశ్యాలు.. ఇలా ఏ సందర్భమైనా ఫొటోలే మనకు జ్ఞాపకంగా నిలుస్తున్నాయి. మాటల్లో చెప్పలేని భావాలను కూడా ఫొటోలు కళ్లకు కడతాయి. గత స్మృతులను గుర్తు చేస్తూ మనల్ని ఆ సమయంలోకి తీసుకెళ్తాయి.
ఇవాళ ప్రపంచ ఫొటోగ్రఫీ దినోత్సవం.
News August 19, 2024
‘రైతు భరోసా’ ఎన్ని ఎకరాలలోపు అంటే?
TG: రాష్ట్ర ప్రభుత్వం రైతులకు ఎకరాకు రూ.7,500 చొప్పున ఇవ్వనున్నట్లు ప్రకటించిన సంగతి తెలిసిందే. ఈ క్రమంలో విధివిధానాలపై ప్రజాభిప్రాయ సేకరణ చేసింది. మేధావుల సూచనలతో 10 ఎకరాల లోపు వారికి ఇవ్వాలని నిర్ణయించినట్లు తెలుస్తోంది. నాన్ అగ్రికల్చర్ ల్యాండ్స్‌కు, IAS, ఇతర ప్రభుత్వ ఉద్యోగులకు ఇవ్వకూడదని నిర్ణయించినట్లు సమాచారం. దీనిపై మరో 20 రోజుల్లో స్పష్టత వచ్చే అవకాశం ఉందని అధికార వర్గాలు తెలిపాయి.
News August 19, 2024
హైకోర్టులో దువ్వాడ పిటిషన్
AP: తన భార్య వాణి, కుమార్తె హైందవిలపై చర్యలు తీసుకోవాలని కోరుతూ YCP MLC దువ్వాడ శ్రీనివాస్ హైకోర్టును ఆశ్రయించారు. తనపై దాడి చేసి, రోజుల తరబడి టెక్కలిలోని తన ఇంటి వద్ద ఆందోళనలు చేస్తున్నారని పేర్కొన్నారు. ఫిర్యాదు చేసినా పోలీసులు పట్టించుకోవడం లేదని ఆయన న్యాయస్థానం దృష్టికి తీసుకెళ్లారు. 41A నోటీసులిచ్చినట్లు పోలీసులు వివరించగా, పూర్తి వివరాలతో కౌంటర్ దాఖలు చేయాలని న్యాయమూర్తి ఆదేశించారు.
Featured News
Sorry, no posts matched your criteria.