India's largestHyperlocal short
news App
Get daily news updates that are tailored for you based on your preferred language & location.
download Way2News app now
News February 15, 2025
14 ఏళ్లకే లక్ష మొక్కలు నాటింది
తమిళనాడులోని చెంగల్పట్టుకు చెందిన 14 ఏళ్ల ప్రసిద్ధి సింగ్ లక్ష మొక్కలు నాటారు. ‘ప్రసిద్ధి ఫారెస్ట్ ఫౌండేషన్’ స్థాపించి ‘చెట్ల అమ్మాయి’గా ప్రసిద్ధి పొందారు. రాష్ట్రంలోని అనేక పాఠశాలల్లో ఆమె మొక్కలు నాటారు. 110 ప్రాంతాల్లో 1.3 లక్షలకుపైగా వాటిని నాటి పర్యావరణ పరిరక్షణ కార్యక్రమాలు కొనసాగిస్తోంది. అడవుల కోసం ఆమె చేస్తున్న కృషికిగానూ ఆ రాష్ట్ర ప్రభుత్వం PM రాష్ట్రీయ బాల్ పురస్కార్ ప్రకటించింది.
News February 15, 2025
గాంధీ కంటే ముందే సేవాలాల్ అహింస పాటించారు: సీఎం
సంత్ సేవాలాల్ APలో పుట్టినా ఇతర రాష్ట్రాల్లో ఎక్కువ సేవ చేశారని CM చంద్రబాబు కొనియాడారు. సచివాలయంలో జరిగిన సేవాలాల్ జయంతి కార్యక్రమంలో పాల్గొన్న ఆయన.. మహాత్మాగాంధీ కంటే ముందే సేవాలాల్ అహింస పాటించారని చెప్పారు. బ్రిటీష్ కాలంలో మతమార్పిడులపై పోరాడారని, ఈనాడు మనం ఆచరిస్తున్న ఆర్థిక విధానాలను ఆయన అప్పుడే బోధించారని పేర్కొన్నారు. గిరిజనుల్లోని వెనుకబాటును తగ్గించేందుకు ప్రభుత్వం కట్టుబడి ఉందన్నారు.
News February 15, 2025
టెన్త్ పాసైతే 32,438 ఉద్యోగాలు.. వారం రోజులే ఛాన్స్
రైల్వే రిక్రూట్‌మెంట్ బోర్డ్ (RRB) 32,438 లెవల్-1 ఉద్యోగాల భర్తీకి దరఖాస్తులు స్వీకరిస్తోంది. ఫిబ్రవరి 22 వరకు అప్లై చేసుకోవచ్చు. టెన్త్ లేదా ఐటీఐ పాసైన వారు అర్హులు. వయసు 18-36 ఏళ్ల మధ్య ఉండాలి. CBT, PET, డాక్యుమెంట్ వెరిఫికేషన్, మెడికల్ ఎగ్జామినేషన్ తర్వాత ఎంపిక చేస్తారు. మహిళలు, పురుషులు అప్లై చేసుకోవచ్చు. ENGతో పాటు తెలుగులోనూ పరీక్ష రాయొచ్చు. <
News February 15, 2025
రాహుల్ గాంధీకి కులం లేదు, మతం లేదు: బండి సంజయ్
TG: ప్రధాని మోదీ కులంపై సీఎం రేవంత్ రెడ్డి విమర్శలకు కేంద్రమంత్రి బండి సంజయ్ కౌంటర్ ఇచ్చారు. రాహుల్ గాంధీకి కులం లేదు, మతం లేదు, జాతి లేదు, దేశం లేదు అంటూ విరుచుకుపడ్డారు. ‘రాహుల్ తాత పేరు ఫిరోజ్ ఖాన్ గాంధీ. తల్లి సోనియా గాంధీ క్రైస్తవురాలు, ఇటలీ దేశస్థురాలు. రాహుల్ కులం మీద రేవంత్ ఏం సమాధానం చెప్తారు’ అని ప్రశ్నించారు.
News February 15, 2025
త్వరలో కాంగ్రెస్ నుంచి రేవంత్ బహిష్కరణ.. ఎర్రబెల్లి సంచలన కామెంట్స్
Tకాంగ్రెస్‌లో ముసలం ముదురుతోందని, త్వరలో రేవంత్ రెడ్డిని ఆ పార్టీ నుంచి బహిష్కరించబోతున్నారని BRS నేత ఎర్రబెల్లి దయాకర్ సంచలన కామెంట్స్ చేశారు. రేవంత్‌పై 25 మంది MLAలు అసంతృప్తితో ఉన్నారన్నారు. మున్షీని ఆయన మేనేజ్ చేస్తున్నారనే అధిష్ఠానం ఇన్‌ఛార్జ్‌ని మార్చిందని ఆరోపించారు. త్వరలో తనను కూడా పీకేస్తారనే భయంతోనే రేవంత్ ఢిల్లీ వెళ్లి రాహుల్ కాళ్లు పట్టుకునే ప్రయత్నం చేస్తున్నారని ఎద్దేవా చేశారు.
News February 15, 2025
పెళ్లి చేసుకున్న హీరోయిన్ ప్రియా బెనర్జీ
బాలీవుడ్ హీరో ప్రతీక్ బబ్బర్, హీరోయిన్ ప్రియా బెనర్జీ పెళ్లి చేసుకున్నారు. వాలంటైన్స్ డే సందర్భంగా వీరు ఒక్కటయ్యారు. ప్రతీక్‌కు ఇది రెండో వివాహం కాగా ప్రియాకు మొదటిది. వీరిద్దరూ కొన్నేళ్లుగా ప్రేమించుకుంటూ ఇప్పుడు పెళ్లి పీటలెక్కారు. కాగా ప్రియా బెనర్జీ ‘జోరు’, ‘అసుర’, ‘కిస్’ తదితర సినిమాలతోపాటు ‘రానానాయుడు’ వెబ్‌ సిరీస్‌లోనూ నటించారు. ప్రస్తుతం బాలీవుడ్‌లో తన అదృష్టం పరీక్షించుకుంటున్నారు.
News February 15, 2025
వైరల్ కంటెంట్: హాయిగా నవ్వుకోండి!
Way2News వైరల్ కంటెంట్‌లో ఇటీవల వచ్చిన ఓ పోస్ట్ తెగ చక్కర్లు కొడుతోంది. సూర్యుడిని భార్యగా, దాని చుట్టూ తిరిగే గ్రహాన్ని భర్తగా వర్ణించి సరదాగా క్రియేట్ చేసిన ఈ పోస్ట్ యూజర్లను ఆకట్టుకుంటోంది. ఇదివరకు చూడని వారి కోసం, మళ్లీ మీ మోములో నవ్వులు పూయించేందుకు మరోసారి ఆ పోస్టు పబ్లిష్ చేస్తున్నాం. హాయిగా నవ్వుకోండి మరి.
News February 15, 2025
టీవీ, ఫోన్ చూస్తూ తింటున్నారా?
కొందరికి తినేటప్పుడు టీవీ లేదా ఫోన్ చూడటం అలవాటు. ఇలా చేస్తే అనారోగ్య సమస్యలు వస్తాయని ఆరోగ్య నిపుణులు హెచ్చరిస్తున్నారు. టీవీ, ఫోన్ చూస్తూ తినే వారికి మధుమేహం వచ్చే అవకాశం ఉంది. ఎంత తింటున్నామో తెలియకుండా అన్నం ఎక్కువగా తినడం వల్ల శరీరంలో కొవ్వు శాతం పెరుగుతుంది. దీంతో ఊబకాయం, గ్యాస్, పొట్ట, అరుగుదల, ఒత్తిడి, కళ్లు బలహీన పడటం వంటి సమస్యలు ఎదురవుతాయి. తినేటప్పుడు వీటిని చూడకపోవడం ఉత్తమం.
News February 15, 2025
నా భర్తను టార్చర్ పెడుతున్నారు: వంశీ భార్య
AP: విజయవాడ సబ్ జైల్లో ఉన్న వల్లభనేని వంశీతో ఆయన భార్య పంకజశ్రీ ములాఖత్ అయ్యారు. వంశీని తప్పుడు ఆరోపణలతో అరెస్టు చేశారని, కేసును ఫ్యాబ్రికేట్ చేస్తున్నారని చెప్పారు. నేరం రుజువు కాకుండా బంధించారని, ఆయన ఆరోగ్యం బాగోలేదని ఆవేదన వ్యక్తం చేశారు. జైలులో టార్చర్ పెడుతున్నారని, నేలపై పడుకోబెడుతున్నారని ఆరోపించారు. బెడ్ కావాలని జడ్జిని కోరతామన్నారు.
News February 15, 2025
కథ నచ్చితే ఇద్దరు పిల్లల తల్లిగానైనా నటిస్తా: రష్మిక
తనకు కథ నచ్చితే ఇద్దరు పిల్లల తల్లిగానైనా నటించడానికి సిద్ధమని హీరోయిన్ రష్మిక మందన్న తెలిపారు. తాను నటించిన ‘ఛావా’ మూవీ ఈవెంట్‌లో ఆమె మాట్లాడారు. ‘నేను నటించే సినిమాలో ఏం చేస్తున్నాననేదానితో నాకు సంబంధం లేదు. కథ నన్ను ఆకట్టుకుంటే చాలు. బామ్మ పాత్ర అయినా, ఇద్దరు పిల్లల తల్లిగా నటించడానికైనా నేను సిద్ధం. నేను అనుకోకుండా ఎంచుకున్న సినిమాలే ప్రేక్షకుల్ని మెప్పించాయి’ అని ఆమె చెప్పుకొచ్చారు.
Featured News
Sorry, no posts matched your criteria.