India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 18, 2024
ITR మోసాలపై జాగ్రత్త: ఐటీ శాఖ
ఐటీ రిఫండ్స్ విషయంలో పన్ను చెల్లింపుదారులు అప్రమత్తంగా ఉండాలని ఆదాయపు పన్ను శాఖ తాజాగా హెచ్చరించింది. ముఖ్యంగా ఫేక్ కాల్స్, పాప్‌ అప్ నోటిఫికేషన్స్ విషయంలో జాగ్రత్త వహించాలని సూచించింది. ‘నకిలీ సందేశాలు, కాల్స్‌ను నమ్మి మోసపోవద్దు. ఎటువంటి మెసేజ్ వచ్చినా వెంటనే అధికారిక ఖాతాలను చూసి ధ్రువీకరించుకోవాలి. తెలియని వారికి వివరాలను ఇవ్వొద్దు. అనుమానాస్పద లింకులను ఓపెన్ చేయొద్దు’ అని సూచించింది.
News August 18, 2024
ఈ మనిషికి ఎవరైనా మేనర్స్ నేర్పించండి: కేటీఆర్
సీఎం రేవంత్‌కు ఎవరైనా మేనర్స్ నేర్పించాలంటూ కేటీఆర్ ట్విటర్‌లో మండిపడ్డారు. ఫాక్స్కాన్ ప్రతినిధులతో సీఎం భేటీ అయిన ఫొటోను షేర్ చేసి విమర్శలు గుప్పించారు. ‘బిజినెస్ లీడర్ అయిన ఫాక్స్కాన్ ఛైర్మన్ యంగ్ లియూతో భేటీ అవుతున్న మీటింగ్ హాల్‌లో ఏమాత్రం బాగాలేని సొంత పెయింటింగ్స్‌ను ఎవరైనా పెట్టుకుంటారా? ఎవరైనా ఈ మనిషికి కొంచెం సంస్కారం నేర్పించండి’ అంటూ వ్యాఖ్యానించారు.
News August 18, 2024
ప్లాట్‌ఫామ్ ఫీజు వసూలు స్టార్ట్ చేసిన ఫ్లిప్‌కార్ట్
ఇతర డెలివరీ యాప్‌ల తరహాలోనే ఫ్లిప్‌కార్ట్ కూడా రూ. 3 ప్లాట్‌ఫామ్ ఫీజు వసూలు చేయడం ప్రారంభించింది. సంస్థకు చెందిన మింత్రా, ఫ్లిప్‌కార్ట్స్ మినిట్స్‌లోనూ వసూలు మొదలైంది. తమ సంస్థ అందించే సేవలు మరింత మెరుగ్గా కొనసాగేందుకు ఈ ఫీజు తీసుకుంటున్నట్లు ఓ ప్రకటనలో సంస్థ వెల్లడించింది. కాగా, జొమాటో, స్విగ్గీ, బ్లింకిట్ వంటివి ఇప్పటికే ప్లాట్‌ఫామ్ ఫీజును కలెక్ట్ చేస్తున్నాయి.
News August 18, 2024
సందర్భం లేకపోతే జనం థియేటర్‌కి రారు: బన్నీ వాసు
థియేటర్లకు జనం ఒకప్పటిలా రాకపోవడంపై నిర్మాత బన్నీ వాసు స్పందించారు. ‘జనం థియేటర్లకు రావాలంటే ఏదైనా సందర్భం ఉండాలి. మహేశ్ బాబు బర్త్‌డే కాబట్టే మురారి రీరిలీజ్ అంత హిట్ అయింది. మా రీసెంట్ సినిమా ఆయ్‌కి ఎంత బజ్ క్రియేట్ చేసినా మామూలు రోజుల్లో రిలీజ్ చేశామంటే 25శాతం వరకే ఓపెనింగ్ వస్తుంది. ఇప్పుడు వరుస సెలవులు ఉండటంతో ఓపెనింగ్ బాగుంది. థియేటర్ల పరిస్థితులు ఒకప్పటిలా లేవు’ అని పేర్కొన్నారు.
News August 18, 2024
షా, నిర్మలతో సీఎం చంద్రబాబు భేటీ.. వివరాలివే
AP: ఢిల్లీ పర్యటనలో కేంద్రమంత్రులు అమిత్ షా, నిర్మల, సీఆర్ పాటిల్‌తో CM చంద్రబాబు భేటీ అయ్యారు. సీఎంఓ వివరాల ప్రకారం.. ఏపీ పునర్వ్యవస్థీకరణ చట్టానికి సంబంధించిన పెండింగ్ అంశాలను పరిష్కరించాలని ఆయన షా‌ను కోరారు. రాజధాని క్యాపిటల్ ఇన్వెస్ట్‌మెంట్, వెనుకబడిన ప్రాంతాల అభివృద్ధికి ప్రత్యేక నిధుల్ని విడుదల, పోలవరం డయాఫ్రమ్ వాల్ నిర్మాణం అంశాలపై నిర్మల, సీఆర్ పాటిల్‌తో ఆయన చర్చించినట్లు CMO తెలిపింది.
News August 18, 2024
భారత షూటింగ్ కోచ్ పదవికి దిగ్గజ షూటర్ దరఖాస్తు
భారత షూటింగ్ జట్టు కోచ్ పదవికి దరఖాస్తు చేసుకున్నట్లు బ్రిటన్ దిగ్గజ షూటర్ పీటర్ విల్సన్ వెల్లడించారు. రైఫిల్ అసోసియేషన్ ఆఫ్ ఇండియాకు తన సీవీని మెయిల్ చేసినట్లు పేర్కొన్నారు. పారిస్ ఒలింపిక్స్‌ షూటింగ్‌లో స్వర్ణం సాధించిన నాథన్ హేల్స్‌కు శిక్షణ ఇచ్చింది విల్సనే. 2012 లండన్ ఒలింపిక్స్‌లో డబుల్ ట్రాప్ షూటింగ్‌లో విల్సన్ ప్రపంచ రికార్డు(198/200)తో గోల్డ్ మెడల్ సాధించారు.
News August 18, 2024
నిధుల్ని త్వరగా విడుదల చేయాలి: PMతో సీఎం చంద్రబాబు
AP: ఢిల్లీ పర్యటనలో ఉన్న AP CM చంద్రబాబు PM మోదీ, కేంద్ర మంత్రులు అమిత్ షా, నిర్మలతో భేటీ అయ్యారు. ఆ వివరాలను ఆయన కార్యాలయం వెల్లడించింది. ‘ఏపీకి చేసిన కేటాయింపులపై ప్రధానికి సీఎం కృతజ్ఞతలు తెలిపారు. పోలవరం నిధుల విడుదలపై క్యాబినెట్‌లో ఆమోదించాలని కోరారు. ‘అమరావతి’ నిధుల్ని త్వరగా విడుదల చేయాలని, పారిశ్రామిక ప్రోత్సాహకాల కోసం ప్రత్యేకంగా నిధులు కేటాయించాలని విజ్ఞప్తి చేశారు’ అని వివరించింది.
News August 18, 2024
ఆధార్ క్యాంపుల షెడ్యూల్‌లో మార్పులు
AP: రాష్ట్రంలో ఈనెల 20 నుంచి నిర్వహించాల్సిన ఆధార్ క్యాంపుల షెడ్యూల్ మారింది. టెక్నికల్ సమస్యల వల్ల ఆధార్ సర్వీస్‌లో ఇబ్బందులు ఎదురవుతున్నాయని, ఆపరేటర్లకు ఆన్లైన్ రిఫ్రెష్మెంట్ ట్రైనింగ్ పూర్తయ్యాక రాష్ట్రవ్యాప్తంగా ఆధార్ క్యాంపులు జరుగుతాయని ప్రభుత్వ వర్గాలు తెలిపాయి. కొత్త తేదీలను త్వరలోనే ప్రకటించనున్నట్లు పేర్కొన్నాయి.
News August 18, 2024
క్రిష్- 4లో శ్రద్ధా కపూర్?
రాకేశ్ రోషన్ సూపర్ హీరో ఫ్రాంచైజీ క్రిష్- 4 పట్టాలెక్కనుంది. ఈ ఫ్రాంచైజీలో బాలీవుడ్ బ్యూటీ శ్రద్ధా కపూర్ భాగం కానున్నట్లు బీటౌన్ టాక్‌. గ‌తంలో శ్రద్ధా ఒక ఫోటో సోష‌ల్ మీడియాలో పంచుకుంటూ ‘జాదూ లాంటి ఎండ కావాలి’ అంటూ కామెంట్ పెట్టింది. దీనికి హృతిక్ స్పందిస్తూ.. ‘అత‌ను వ‌స్తున్నాడు – అతనికి చెప్తాను’ అంటూ రిప్లై ఇవ్వడంతో క్రిష్- 4లో శ్రద్ధా క‌న్ఫామ్ అంటూ క‌థ‌లు అల్లేస్తున్నారు.
News August 18, 2024
ఆ దేశం విడిచి వెళ్తే డబ్బులు ఇస్తారు
వివిధ దేశాల నుంచి భారీ సంఖ్యలో వలసదారులు రావడంతో జనాభా నియంత్రణ కోసం స్వీడన్ సరికొత్త పథకాన్ని ప్రకటించింది. వలసదారులు స్వచ్ఛందంగా తమ దేశాన్ని వీడితే 10వేల స్వీడన్ క్రౌన్స్(రూ.80వేలు), చిన్నారులకు అందులో సగంతో పాటు ప్రయాణ ఖర్చులకు సైతం డబ్బులు ఇవ్వనున్నట్లు అక్కడి ప్రభుత్వం వెల్లడించింది. ప్రస్తుతం 20 లక్షల మంది వలసదారులు ఉండగా.. వేరే దేశాల్లో పుట్టిన స్వీడన్ పౌరులు దేశాన్ని వీడాలని కోరింది.
Featured News
Sorry, no posts matched your criteria.