India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 16, 2024
కాంగ్రెస్ ఫేక్ ప్రచారం మానుకోవాలి: ఈటల
TG: బీజేపీలో బీఆర్ఎస్ విలీనమంటూ కాంగ్రెస్ విషప్రచారం చేస్తుందని ఎంపీ ఈటల రాజేందర్ మండిపడ్డారు. అవన్నీ ఊహజనిత వ్యాఖ్యలని కొట్టిపారేశారు. బీజేపీలో అలాంటి చర్చ ఏమీ లేదని, ఫేక్ ప్రచారం మానుకోవాలని కాంగ్రెస్ నేతలకు సూచించారు. ప్రజలు అన్నింటినీ గమనిస్తున్నారని, కాంగ్రెస్ ప్రభుత్వం ఇచ్చిన హామీలు నెరవేర్చాలని అన్నారు.
News August 16, 2024
Stock Market: భారీ లాభాలు
ప్ర‌పంచ మార్కెట్ల‌లో వ‌చ్చిన సానుకూల సంకేతాల‌తో దేశీయ మార్కెట్ల‌లో శుక్ర‌వారం బుల్ జోరు కొన‌సాగింది. అన్ని కౌంటర్లలో కొనుగోళ్ల మద్దతు లభించడంతో సెన్సెక్స్ దాదాపు 1330 పాయింట్ల లాభాలతో 80,436, నిఫ్టీ 400 పాయింట్ల లాభాలతో 24,541 వ‌ద్ద స్థిర‌ప‌డ్డాయి. ఈ ఒక్క రోజే ఇన్వెస్టర్ల సంపద రూ.7 లక్షల కోట్ల మేర పెరిగింది. బీఎస్ఈలో నమోదైన కంపెనీల మొత్తం విలువ రూ.451 లక్షల కోట్లకు చేరింది.
News August 16, 2024
ఏ పెళ్లికి వెళ్లాలబ్బా?
మూఢాలు పోయాయ్. ముహూర్తాలు వచ్చాయ్. మూడు నెలలుగా వేచి ఉన్నవారంతా పెళ్లి పీటలెక్కేందుకు సిద్ధమయ్యారు. Aug 22, 23, 24 తేదీల్లో ఉక్కిరిబిక్కిరి చేసేలా పెళ్లిళ్లున్నాయి. ఫ్రెండ్ పెళ్లి, చుట్టాలది, తెలిసిన వారిది, కొలీగ్‌ పెళ్లి అన్ని ఒకేసారి వచ్చాయి. అన్ని వైపుల నుంచి ‘పెళ్లికి రాకపోతే బాగోదు’ అని వార్నింగ్ టైప్ ఇన్విటేషన్ల మధ్య ఏ పెళ్లికి వెళ్లాలనే అయోమయం నెలకొంది. మరి మీకెన్ని ఇన్విటేషన్లు వచ్చాయి?
News August 16, 2024
కేసులకు భయపడను: జోగి రమేశ్
AP: చంద్రబాబు ఇంటిపై దాడి కేసులో మాజీ మంత్రి జోగి రమేశ్ మంగళగిరి PSలో విచారణకు హాజరయ్యారు. ఆ రోజు తాను కేవలం నిరసన తెలిపేందుకే చంద్రబాబు నివాసం వద్దకు వెళ్లానని చెప్పారు. ఈ ఘటన సమయంలో వినియోగించిన కారు, ఫోన్‌ను ఆయన తీసుకొచ్చారు. విచారణ అనంతరం మీడియాతో మాట్లాడుతూ ‘కేసులకు భయపడను. ఎన్నిసార్లు పిలిచినా విచారణకు వస్తాను. చంద్రబాబు, లోకేశ్ హామీలకు బదులు రెడ్‌బుక్ అమలు చేస్తున్నారు’ అని ఆగ్రహించారు.
News August 16, 2024
ALERT.. 5 రోజుల పాటు వర్షాలు
TG: రాష్ట్రంలో ద్రోణి ప్రభావంతో ఐదు రోజుల పాటు వర్షాలు కురిసే అవకాశం ఉన్నట్లు వాతావరణ శాఖ తెలిపింది. ఇవాళ ఉమ్మడి ఆదిలాబాద్, కరీంనగర్, మహబూబ్ నగర్, నిజామాబాద్ జిల్లాల్లో భారీ వర్షాలు కురుస్తాయంది. రేపు వికారాబాద్, సంగారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల జిల్లాల్లో కురుస్తాయని పేర్కొంది. గంటకు 30 నుంచి 40 కిలోమీటర్ల వేగంతో గాలులు వీస్తాయని తెలిపింది.
News August 16, 2024
నేషనల్ అవార్డ్ విన్నర్స్‌కు ఎన్టీఆర్ అభినందన
నేషనల్ అవార్డ్స్‌లో సత్తాచాటిన రిషబ్ శెట్టి, యష్, టాలీవుడ్ హీరో నిఖిల్‌కు యంగ్ టైగర్ ఎన్టీఆర్ అభినందనలు తెలిపారు. ‘కాంతారలో మీ నటనకు ఈ అవార్డుకు అర్హులు. మీ మైండ్ బ్లోయింగ్ పర్ఫార్మెన్స్ ఇప్పటికీ నాకు గూస్‌బంప్స్ ఇస్తోంది’ అని రిషబ్ నటనను కొనియాడారు. అలాగే, దేశవ్యాప్తంగా జాతీయ అవార్డు గ్రహీతలందరికీ హృదయపూర్వక అభినందనలు అని ట్వీట్ చేశారు. ‘థ్యాంక్యూ సార్’ అంటూ రిషబ్ రిప్లై ఇచ్చారు.
News August 16, 2024
BREAKING: ఎమ్మెల్సీగా బొత్స
AP: విశాఖ స్థానిక సంస్థల ఎమ్మెల్సీగా వైసీపీ సీనియర్ నేత బొత్స సత్యనారాయణ ఏకగ్రీవంగా ఎన్నికయ్యారు. ఈ మేరకు రిటర్నింగ్ అధికారి అధికారికంగా ప్రకటించారు. మూడేళ్ల పాటు బొత్స ఎమ్మెల్సీగా కొనసాగనున్నారు.
News August 16, 2024
వారికి ఉచిత వసతి సౌకర్యం పొడిగింపు
AP: హైదరాబాద్ నుంచి అమరావతికి వచ్చి పనిచేస్తున్న ఉద్యోగులకు రాష్ట్ర ప్రభుత్వం ఉచిత వసతి సౌకర్యాన్ని పొడిగించింది. రాష్ట్ర సచివాలయం, అసెంబ్లీ, హైకోర్టు, రాజ్ భవన్, HOD ఉద్యోగులకు ఉచిత వసతిని మరో ఏడాది పొడిగిస్తూ ఉత్తర్వులు జారీ చేసింది. ఉమ్మడి గుంటూరు, కృష్ణా జిల్లాల పరిధిలో పనిచేస్తున్న వారికి 2024, జూన్ 27 నుంచి 2025, జూన్ 26 వరకు ఇది వర్తిస్తుందని పేర్కొంది.
News August 16, 2024
జాతీయ వేదికపై కన్నడ సినిమా మెరిసింది: యష్
జాతీయ చలన చిత్ర అవార్డులు అందుకున్న విజేతలకు నటుడు యష్ అభినందనలు తెలిపారు. ‘హొంబలే ఫిల్మ్స్‌ బ్యానర్‌ తెరకెక్కించిన కాంతార, KGF-2కి అవార్డులు రావడం సంతోషం. జాతీయ ఉత్తమ నటుడిగా ఎంపికైన రిషబ్ శెట్టి, KGF డైరెక్టర్ ప్రశాంత్ నీల్‌‌కు ప్రత్యేక అభినందనలు. ఇంకా మరిన్ని విజయాలు అందుకోవాలి. జాతీయ వేదికపై కన్నడ సినిమా మెరిసింది’ అని ఆయన ట్వీట్ చేశారు.
News August 16, 2024
మోదీకి ఫోన్ చేసిన యూనస్
ప్ర‌ధాని న‌రేంద్ర మోదీకి బంగ్లా మ‌ధ్యంత‌ర ప్ర‌భుత్వాధినేత మ‌హ్మద్ యూనస్ ఫోన్ చేశారు. ప్రస్తుత ప‌రిస్థితుల‌పై ఇరువురూ చ‌ర్చించుకున్నారు. బంగ్లాదేశ్‌లో ప‌రిస్థితులు మెరుగుప‌డేందుకు అవ‌ర‌స‌మైన స‌హ‌కారాన్ని అందిస్తామ‌ని మోదీ హామీ ఇచ్చారు. బంగ్లాలోని హిందువులు, ఇతర మైనారిటీల రక్షణకు చర్యలు చేపడతామని యూనస్ తనతో చెప్పినట్లు మోదీ ట్వీట్ చేశారు.
Featured News
Sorry, no posts matched your criteria.