India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 4, 2024
ఒలింపిక్స్ చరిత్రలో తొలిసారి
పారిస్ ఒలింపిక్స్‌లో బ్రిటిష్ అథ్లెట్ హెన్రీ ఫీల్డ్‌మాన్ చరిత్ర సృష్టించారు. మెన్స్, ఉమెన్స్ ఈవెంట్‌లో మెడల్ గెలిచిన తొలి అథ్లెట్‌గా నిలిచారు. 2021 ఒలింపిక్స్‌లో మెన్స్ 8 రోయింగ్ టీమ్‌తో కాంస్య పతకం గెలిచిన అతను, పారిస్ ఒలింపిక్స్‌లో ఉమెన్స్ 8 టీమ్‌తో కలిసి కాంస్యం సాధించారు. 2017లో సవరించిన రూల్స్‌ ప్రకారం 8 పర్సన్ రోయింగ్ ఈవెంట్‌లో కాక్స్‌వైన్(బోటు నడిపే వ్యక్తి) ఏ జెండర్‌ వారైనా ఉండవచ్చు.
News August 4, 2024
శ్రీలంకతో రెండో వన్డే.. భారత్ ఓటమి
శ్రీలంకతో జరిగిన రెండో వన్డేలో టీమ్‌ఇండియా ఓడిపోయింది. 241 పరుగుల లక్ష్యంతో బరిలోకి దిగిన రోహిత్ సేన 42.2 ఓవర్లలో 208 పరుగులకే ఆలౌటైంది. రోహిత్ శర్మ (64) అక్షర్ పటేల్ (44) రాణించగా గిల్(35) ఫర్వాలేదనిపించారు. కోహ్లీ (14), దూబే (0), కేఎల్ రాహుల్ (0), అయ్యర్ (7) తీవ్రంగా నిరాశపర్చారు. ఆ తర్వాత బ్యాటర్లంతా తక్కువ స్కోర్లకే పరిమితమయ్యారు. లంక బౌలర్ వండర్సే ఒక్కడే 6 వికెట్లు తీసి లంకను గెలిపించారు.
News August 4, 2024
రేపు రాష్ట్రవ్యాప్తంగా వర్షాలు
ఏపీలోని అల్లూరి సీతారామరాజు, ఏలూరు, అనంతపురం, శ్రీ సత్యసాయి, అన్నమయ్య, చిత్తూరు, తిరుపతి జిల్లాల్లో రేపు వర్షాలు కురిసే అవకాశం ఉందని విపత్తుల నిర్వహణ సంస్థ తెలిపింది. శ్రీకాకుళం, VZM, మన్యం, అనకాపల్లి, కాకినాడ, కోనసీమ, తూ.గో, ప.గో, కృష్ణా, NTR, GNT, బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, YSR జిల్లాల్లో పిడుగులతో కూడిన తేలికపాటి వర్షాలు కురిసే అవకాశం ఉందని చెప్పింది.
News August 4, 2024
Olympics: నీరజ్‌పైనే ‘బంగారు’ ఆశలు
పారిస్ ఒలింపిక్స్‌లో భారత అథ్లెట్ల పేలవ ప్రదర్శన కొనసాగుతోంది. ఇప్పటివరకు కేవలం 3 కాంస్య పతకాలు సాధించిన IND.. మెడల్ టేబుల్‌లో 54వ స్థానంలో నిలిచింది. దీంతో టోక్యో ఒలింపిక్స్‌లో గోల్డ్ మెడల్ సాధించిన నీరజ్ చోప్రాపైనే భారత్ మరోసారి ఆశలు పెట్టుకుంది. ఎల్లుండి అతడు బరిలోకి దిగనున్నారు. అటు హాకీ టీమ్ కూడా సెమీస్ చేరడంతో స్వర్ణంపై ఆశలు చిగురిస్తున్నాయి.
<<-se>>#Olympics2024<<>>
News August 4, 2024
‘మొస్సాద్’ మాస్టర్ మైండ్.. టూత్ పేస్ట్‌లో విషం కలిపి చంపింది!
హమాస్ చీఫ్ హనేయేని ఆయనున్న గదిలోనే బాంబ్ పెట్టి చంపి ఇజ్రాయెల్ నిఘా సంస్థ మొస్సాద్ వార్తల్లో నిలిచింది. ఈ నేపథ్యంలో గతంలో మొస్సాద్ చేసిన ఆపరేషన్ వైరల్ అవుతోంది. 1976లో ఓ విమానం హైజాక్ కాగా ప్రస్తుత PM నెతన్యాహు సోదరుడు లెఫ్టినెంట్ కర్నల్ యొనాతన్ టీమ్ విడిపించింది. అయితే యొనాతన్ చనిపోయారు. దీనికి ప్రతీకారంగా హైజాక్‌కు సూత్రధారైన హద్దాద్ అనే వ్యక్తిని విషపు టూత్ పేస్ట్ వాడేలా చేసి మొస్సాద్ చంపింది.
News August 4, 2024
తక్కువ రేట్లకే BSNL సేవలు అందేలా చర్యలు: పెమ్మసాని
AP: వచ్చే ఏడాది మార్చి నాటికి దేశమంతా BSNL 4G సేవలు అందిస్తామని కేంద్ర సహాయ మంత్రి పెమ్మసాని చంద్రశేఖర్ తెలిపారు. 4500 టవర్ల ద్వారా నాణ్యమైన 4జీ సేవలు అందుబాటులోకి వస్తాయన్నారు. గ్రామీణ ప్రాంతాలకు ఇంటర్నెట్ సేవలు అందించడమే ప్రభుత్వ లక్ష్యమని చెప్పారు. అతి తక్కువ రేట్లలో సేవలు అందించేందుకు కేంద్రం ప్రణాళికలు రచిస్తోందన్నారు. ప్రైవేట్ సంస్థల ధరల వల్ల ప్రజలు BSNL వైపు చూస్తున్నారని వివరించారు.
News August 4, 2024
లాస్ ఏంజెలెస్ ఒలింపిక్స్‌కు లక్ష్యసేన్ ఫేవరెట్: అక్సెల్‌సెన్
పారిస్ ఒలింపిక్స్‌లో యువ షట్లర్ <<13776256>>లక్ష్యసేన్<<>> ప్రదర్శనపై డెన్మార్క్ ప్లేయర్ అక్సెల్‌సెన్ ప్రశంసలు కురిపించారు. ‘2028 లాస్ ఏంజెలెస్ ఒలింపిక్స్‌లో గోల్డ్ మెడల్‌కు లక్ష్యసేనే ఫేవరెట్. ఈ టోర్నీలో ఇప్పటివరకు నేను ఆడిన మ్యాచుల్లో తనతో జరిగిన గేమే అత్యంత కష్టమైనది. తన ప్రదర్శనతో లక్ష్యసేన్ బలమైన ప్రత్యర్థిగా నిరూపించుకున్నాడు’ అని పేర్కొన్నారు. కాగా సేన్ సోమవారం బ్రాంజ్ మెడల్ మ్యాచ్‌లో పాల్గొంటారు.
News August 4, 2024
బంగ్లాదేశ్‌లో హింసాకాండ.. 91కి చేరిన మృతుల సంఖ్య
బంగ్లాదేశ్‌లో ప్రధానికి వ్యతిరేకంగా జరుగుతున్న నిరసనలు హింసాత్మకంగా మారిన వేళ మృతుల సంఖ్య భారీగా పెరుగుతోంది. ఇప్పటివరకు 91 మంది చనిపోగా మరో 300 మందికిపైగా గాయపడ్డారు. మృతుల్లో 14 మంది పోలీసులు ఉన్నారు. సిరాజ్‌గంజ్ జిల్లాలోని ఓ పోలీస్ స్టేషన్‌పై జరిగిన దాడిలోనే 13 మంది పోలీసులు మృతిచెందారు. కాగా ఇప్పటికే దేశవ్యాప్తంగా కర్ఫ్యూ అమలు చేసిన అక్కడి ప్రభుత్వం, మూడు రోజులు సెలవులు ప్రకటించింది.
News August 4, 2024
కష్టాల్లో భారత్.. ఒక్కడే 6 వికెట్లు తీశాడు!
శ్రీలంకతో జరుగుతున్న రెండో వన్డేలో భారత్ కష్టాల్లో పడింది. 241 పరుగుల లక్ష్యంతో బరిలోకి దిగిన టీమ్ ఇండియా 152కే 6 వికెట్లు కోల్పోయింది. భారత్ విజయానికి 25 ఓవర్లలో 89 రన్స్ అవసరం. రోహిత్ 64, గిల్ 35, విరాట్ 14, శ్రేయస్ అయ్యర్ 7 రన్స్ చేసి ఔటయ్యారు. దూబే, కేఎల్ రాహుల్ డకౌటయ్యారు. ప్రస్తుతం అక్షర్ (26*), సుందర్ (2*) క్రీజులో ఉన్నారు. శ్రీలంక బౌలర్ వండర్సే ఒక్కడే 6 వికెట్లు తీశారు.
News August 4, 2024
మహ్మద్ సిరాజ్ అరుదైన ఘనత
శ్రీలంకతో జరుగుతున్న రెండో వన్డేలో టీమ్ ఇండియా పేసర్ మహ్మద్ సిరాజ్ అరుదైన ఘనత సాధించారు. ఈ మ్యాచ్‌లో ఇన్నింగ్స్ తొలి బంతికే పథుమ్ నిస్సంక వికెట్ తీశారు. దీంతో వన్డేల్లో ఈ ఘనత సాధించిన భారత నాలుగో బౌలర్‌గా రికార్డుల్లోకెక్కారు. గతంలో దేబశిష్ మహంతి(1999), జహీర్ ఖాన్(2001, 2002, 2007, 09), ప్రవీణ్ కుమార్(2010) తొలి బంతికే వికెట్ తీశారు.
Featured News
Sorry, no posts matched your criteria.