India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 29, 2025
ALERT: మీకూ ఈ అలవాట్లు ఉన్నాయా?
బ్రెయిన్ హెల్త్‌పై రోజువారీ అలవాట్లు ప్రభావం చూపుతున్నట్లు నిపుణులు హెచ్చ‌రిస్తున్నారు. *అధిక స‌మ‌యం కూర్చొని ఉండ‌డం. *స‌రిప‌డా నిద్ర‌పోక‌పోవ‌డం. *ఒంట‌రిగా గ‌డ‌ప‌డం. *ఆరోగ్య‌క‌ర‌మైన‌దైనా స‌రే అధికంగా తిన‌డం. *హెడ్‌ఫోన్స్‌లో అధిక వాల్యూమ్‌లో సంగీతం విన‌డం. *ప్ర‌తికూల ఆలోచనలు, అనవసర భయాందోళనలు-ఒత్తిడికి గురవడం వంటి రోజువారీ అలవాట్లు మెద‌డు ఆరోగ్యానికి చేటు చేస్తాయని నిపుణులు చెబుతున్నారు.
News January 29, 2025
FEB 10లోగా కొత్త టూరిజం పాలసీ రెడీ చేయండి: సీఎం
TG: రాష్ట్రంలో ఫిబ్రవరి 10లోగా కొత్త టూరిజం పాలసీని సిద్ధం చేయాలని CM రేవంత్ అధికారులను ఆదేశించారు. దేశ, విదేశాల పర్యాటకులను ఆకర్షించేలా అత్యుత్తమ పాలసీ రూపొందించాలన్నారు. సమ్మక్క, సారలమ్మ జాతర సమయంలో పర్యాటకులను ఆకర్షించేందుకు రెవెన్యూ, అటవీ, పర్యాటక శాఖలు సంయుక్త ప్రణాళికలు సిద్ధం చేయాలన్నారు. జాతర సమీప పర్యాటక ప్రాంతాలు, ఆలయాలను కలుపుతూ సర్క్యూట్‌ అభివృద్ధి చేయాలని ఆదేశించారు.
News January 29, 2025
అరకొర ఏర్పాట్లు, వీఐపీ కల్చర్ వల్లే తొక్కిసలాట: ఖర్గే
మ‌హా కుంభమేళా సందర్భంగా ప‌దుల సంఖ్య‌లో భ‌క్తులు తొక్కిసలాటలో మృతి చెంద‌డంపై కాంగ్రెస్ చీఫ్ ఖర్గే విచారం వ్య‌క్తం చేశారు. యూపీ ప్రభుత్వం అరకొర ఏర్పాట్లు చేయడం వల్లే తొక్కిసలాట జ‌రిగింద‌ని ఆరోపించారు. వీఐపీల‌కు అధిక ప్రాధాన్యం ఇవ్వ‌డంతో సామాన్య భ‌క్తులు తీవ్ర ఇబ్బందులు ఎదుర్కొంటున్నార‌న్నారు. కుంభమేళా ఏర్పాట్లపై ప్రభుత్వం సొంత డబ్బా కొట్టుకోవడం కూడా తొక్కిస‌లాట‌కు కార‌ణ‌మ‌ని పేర్కొన్నారు.
News January 29, 2025
APPLY NOW.. 32,438 ఉద్యోగాలు
రైల్వేలో 32,438 లెవల్-1 ఉద్యోగాల భర్తీకి <<15227255>>దరఖాస్తుల <<>>స్వీకరణ కొనసాగుతోంది. అభ్యర్థులు ఫిబ్రవరి 22 వరకు అప్లై చేసుకోవచ్చు. టెన్త్ లేదా ఐటీఐ పాసైన వారు దరఖాస్తు చేసేందుకు అర్హులు. వయసు 18-36 ఏళ్లలోపు ఉండాలి. అప్లికేషన్ ఫీజు రూ.500. ప్రిలిమ్స్‌కు హాజరైతే రూ.400 వెనక్కి వస్తుంది. CBT, PET, సర్టిఫికెట్ వెరిఫికేషన్, మెడికల్ ఎగ్జామినేషన్ తర్వాత ఎంపిక చేస్తారు. పూర్తి వివరాల కోసం ఇక్కడ <
News January 29, 2025
రెసిడెన్స్ బేస్డ్ రిజ‌ర్వేష‌న్లు రాజ్యాంగ విరుద్ధం: SC
PG మెడికల్ కోర్సుల్లో రెసిడెన్స్ బేస్డ్ రిజ‌ర్వేష‌న్లు రాజ్యాంగ విరుద్ధ‌మ‌ని సుప్రీంకోర్టు స్ప‌ష్టం చేసింది. రాష్ట్ర కోటా కింద PG సీట్ల కేటాయింపు ఆర్టిక‌ల్ 14కు వ్య‌తిరేక‌మ‌ని పేర్కొంటూ ఈ విధానాన్ని ర‌ద్దు చేసింది. నీట్ పరీక్షలో మెరిట్ ఆధారంగానే ఈ సీట్లను భర్తీ చేయాలని స్ప‌ష్టం చేసింది. ఇదివ‌ర‌కే అమలు చేసిన నివాస ఆధారిత రిజ‌ర్వేష‌న్ల విష‌యంలో తాజా తీర్పు ఎలాంటి ప్రభావం చూప‌బోద‌ని పేర్కొంది.
News January 29, 2025
BREAKING: ఏపీకి కొత్త డీజీపీ
AP కొత్త డీజీపీగా హరీశ్ గుప్తాను నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ప్రస్తుత డీజీపీ ద్వారకా తిరుమలరావు పదవీకాలం ఈ నెల 31వ తేదీతో ముగియనుండటంతో హరీశ్ గుప్తాను నియమించింది. కాగా ఎన్నికల సమయంలోనూ హరీశ్ డీజీగా బాధ్యతలు చేపట్టారు. 1992 బ్యాచ్‌కు చెందిన ఆయన ప్రస్తుతం విజిలెన్స్ డీజీగా ఉన్నారు.
News January 29, 2025
కుంభమేళా తొక్కిసలాటపై న్యాయ విచారణ
ప్రయాగ్‌రాజ్ కుంభమేళాలో ఇవాళ జరిగిన <<15303488>>తొక్కిసలాట<<>>పై న్యాయ విచారణ జరిపిస్తాం అని యూపీ సీఎం యోగి ఆదిత్యనాథ్ తెలిపారు. జస్టిస్ కృష్ణకుమార్ ఆధ్వర్యంలో విచారణకు ఆదేశించినట్లు వెల్లడించారు. 15 రోజుల్లో నివేదిక ఇవ్వాలని కోరినట్లు ఆయన చెప్పారు. ఇవాళ అర్ధరాత్రి తర్వాత జరిగిన తొక్కిసలాటలో 30మంది మృతి చెందినట్లు యూపీ ప్రభుత్వం ప్రకటించిన విషయం తెలిసిందే.
News January 29, 2025
ఈ సెంచరీ వారిద్దరికి అంకితం: త్రిష
అండర్-19 ఉమెన్స్ వరల్డ్ కప్‌లో నమోదు చేసిన సెంచరీని తన అమ్మనాన్నకు అంకితమిస్తున్నట్లు భారత ప్లేయర్ త్రిష తెలిపారు. నాన్న ముందే సెంచరీ చేయడం చాలా ప్రత్యేకంగా ఉందన్నారు. తాను 20 ఓవర్లు బ్యాటింగ్ చేయాలనే పట్టుదలతో ఇన్నింగ్సు ఆడినట్లు తెలిపారు. గత WCలోనే సెంచరీ చేయాలని అనుకున్నా ఇప్పటికి కుదిరిందని పేర్కొన్నారు. టీమ్ ఇండియా మాజీ ప్లేయర్ మిథాలీ రాజ్ తనకు ఐడల్ అని చెప్పుకొచ్చారు.
News January 29, 2025
బజరంగదళ్ సభ్యుల స‌మాచారం కోరిన ఎస్పీ.. బాధ్య‌త‌ల నుంచి తొల‌గింపు
బజరంగదళ్ నేతలు, సభ్యుల స‌మాచారం సేక‌రించాల‌ని అన్ని స్టేషన్ల‌కు వైర్‌లెస్ మెసేజ్ పంపిన South Goa SP సునీతా సావంత్‌ను బాధ్య‌త‌ల నుంచి తప్పించడం చ‌ర్చ‌నీయాంశ‌మైంది. సాధారణంగా SP స్థాయి అధికారి బదిలీ ఉత్తర్వులను ప్రభుత్వం జారీ చేస్తుంది. అయితే ఇక్కడ గోవా పోలీసులు వైర్‌లెస్ సందేశం ద్వారా ఆమెను తప్పించడం గ‌మ‌నార్హం. బజరంగదళ్ ఒత్తిడి మేర‌కే ఆమె బదిలీ జ‌రిగిన‌ట్టు తెలుస్తోంది.
News January 29, 2025
శ్రీతేజ్ ఆరోగ్యం ఎలా ఉందంటే?
TG: సంధ్య థియేటర్ తొక్కిసలాట ఘటనలో గాయపడిన బాలుడు శ్రీతేజ్ హెల్త్ బులిటెన్‌ను వైద్యులు విడుదల చేశారు. అతని ఆరోగ్యం ప్రస్తుతం నిలకడగా ఉందని చెప్పారు. ఇప్పుడు మరింత మెలకువగా ఉంటున్నాడని, అయితే కుటుంబ సభ్యులను గుర్తించడం లేదని పేర్కొన్నారు. పలకరిస్తే ప్రతిస్పందన చూపించడం లేదన్నారు. DEC 4న ‘పుష్ప-2’ ప్రీమియర్ సందర్భంగా థియేటర్ వద్ద తొక్కిసలాట జరగ్గా శ్రీతేజ్ తల్లి రేవతి చనిపోయిన విషయం తెలిసిందే.
Featured News
Sorry, no posts matched your criteria.