India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 5, 2024
అమెరికా ఎన్నికల్లో కౌంటింగ్ విధానం
అమెరికా ఎన్నికల్లో పోలైన ఓట్లను ముందుగా లెక్కిస్తారు. తర్వాత పోస్ట‌ల్ బ్యాలెట్, అభ్యంతరాలు ఉన్న ఓట్లను, విదేశాల్లో ఉన్నవారి ఓట్లు లెక్కిస్తారు. ఉన్న ఓట్ల‌తో పోలైన ఓట్లను వెరిఫై చేస్తారు. ప్రతి బ్యాలెట్‌ను క్షుణ్నంగా ప‌రిశీలించి డ్యామేజీ, చిరిగిన వాటిని చెల్ల‌ని ఓట్లుగా ధ్రువీక‌రిస్తారు. మొత్తంగా పేప‌ర్ బ్యాలెట్, ఎల‌క్ట్రానిక్ బ్యాలెట్, మెయిల్‌-ఇన్ ఓట్లను స్కాన్ చేసి ఫ‌లితాల‌ను లెక్కిస్తారు.
News November 5, 2024
రేపు మంత్రివర్గ సమావేశం
AP: రేపు రాష్ట్ర మంత్రివర్గం భేటీ కానుంది. జీవో 77 రద్దుతో పాటు స్పోర్ట్స్, డేటా సెంటర్, డ్రోన్, సెమీకండక్టర్ పాలసీలకు ఆమోదం తెలిపే ఛాన్సుంది. ల్యాండ్ గ్రాబింగ్ యాక్ట్ 1982 స్థానంలో కొత్తగా ల్యాండ్ గ్రాబింగ్ ప్రొహిబిషన్ బిల్లు తీసుకురావాలని ప్రభుత్వం ప్రతిపాదనలు సిద్ధం చేసింది. YCP ప్రభుత్వం తెచ్చిన నామినేటెడ్ పదవుల కేటాయింపు చట్టం రద్దు చేయాలని నిర్ణయించింది.
News November 5, 2024
అంబానీ వెడ్డింగ్‌లో 120రకాల టీలు పెట్టిన మాస్టర్
అనంత్ అంబానీ-రాధికా మర్చంట్ వివాహం ఎన్నో విషయాల్లో స్పెషాలిటీ చాటుకుంది. అందులో సర్వ్ చేసిన టీ కూడా చాలా ప్రత్యేకం. ఎందుకంటే కుంకుమపువ్వు టీ, పాన్ ఫ్లేవర్ టీతో పాపులరైన మధ్యప్రదేశ్‌కు చెందిన లక్ష్మణ్ ఓజా ఈ శుభకార్యంలో టీ మాస్టర్. ఒకట్రెండు కాదు ఏకంగా 120 రకాల టీలను అతిథులకు అందించారు. దాదాపు 15ఏళ్లుగా ఆయన టీ తయారు చేస్తున్నారు. అంబానీ ఇంట దక్కిన అవకాశంతో తన ఇన్నేళ్ల కృషి ఫలించినట్లైందని అన్నారు.
News November 5, 2024
వారికి జీతాలు పెంచుతూ ప్రభుత్వం నిర్ణయం
AP: దేవాలయాల్లో పనిచేసే అర్చకుల కనీస వేతనం పెంచుతున్నట్లు మంత్రి ఆనం రామనారాయణరెడ్డి తెలిపారు. రూ.50 వేల ఆదాయం దాటిన ఆలయాల్లో పనిచేసేవారికి ఇది వర్తిస్తుందని పేర్కొన్నారు. పూజారులకు రూ.15వేల జీతం ఇవ్వాలని సీఎం ఆదేశించినట్లు చెప్పారు. మొత్తంగా 3,203 మంది అర్చకులకు లబ్ధి చేకూరుతుందన్నారు.
News November 5, 2024
జగన్.. ఐదేళ్లలో నువ్వేం చేశావ్?: మంత్రి అనిత
AP: ఇప్పుడు లా&ఆర్డర్ గురించి మాట్లాడుతున్న జగన్ అధికారంలో ఉన్న ఐదేళ్లలో ఏం చేశారని హోంమంత్రి అనిత ప్రశ్నించారు. రాష్ట్రంలో ప్రస్తుతం నెలకొన్న పరిస్థితులకు వైసీపీ పాపాలే కారణమన్నారు. పోలీస్ ట్రైనింగ్ సెంటర్‌లో నిర్వహించిన డీఎస్పీల పాసింగ్ అవుట్ పరేడ్‌లో ఆమె పాల్గొన్నారు. వాస్తవాలను కాకుండా జగన్ సైకో బ్యాచ్‌ సోషల్ మీడియాలో తమపై బురదజల్లుతూ, జనాలను భయభ్రాంతులకు గురిచేస్తోందన్నారు.
News November 5, 2024
ట్రంప్ గెలిస్తే నిజంగానే ‘పెద్ద’న్న అవుతారు!
అమెరికా ఎన్నికల్లో మ‌ళ్లీ విజ‌యం సాధిస్తే అధ్య‌క్షుడిగా బాధ్య‌త‌లు చేప‌ట్టే అధిక వ‌య‌స్కుడిగా డొనాల్డ్ ట్రంప్ నిలువనున్నారు. ప్ర‌స్తుత అధ్య‌క్షుడు బైడెన్ వ‌య‌సు 81 ఏళ్లు. నాలుగేళ్ల క్రితం ఆయన ప్ర‌మాణ‌స్వీకారం చేసిన నాటి వ‌య‌సుతో పోల్చితే ట్రంప్ వ‌య‌సు ఐదు నెలలు అధికం. ఈ లెక్క‌న ట్రంప్ గెలిస్తే అధ్య‌క్షుడిగా ప్ర‌మాణం చేసే పెద్ద వ‌య‌స్కుడిగా (78 ఏళ్ల నాలుగు నెలలు) చ‌రిత్ర సృష్టిస్తారు.
News November 5, 2024
తెలంగాణ కులగణన దేశానికి రోల్ మోడల్: రాహుల్
TG: తెలంగాణలో చేసే కులగణన ప్రక్రియ దేశానికి రోల్ మోడల్ అవుతుందని కాంగ్రెస్ అగ్రనేత రాహుల్ గాంధీ అభిప్రాయపడ్డారు. దేశంలో కుల వివక్ష ఉందని, అది అగ్రకులాలకు ఎప్పుడూ కనిపించదని తెలిపారు. ఇదే విషయం తాను చెబితే దేశాన్ని విభజించే కుట్ర చేస్తున్నారని ఆరోపిస్తారని వ్యాఖ్యానించారు. అందులో నిజాన్ని పరిశీలించాలని, వాస్తవాలను అన్వేషిస్తూ ముందుకు వెళ్లాలని రాహుల్ కోరారు.
News November 5, 2024
రాజకీయాలకు గుడ్ బై చెప్పే యోచనలో శరద్ పవార్!
రాజకీయాలకు స్వ‌స్తి ప‌ల‌కాల‌ని శరద్ పవార్ (83) యోచిస్తున్నట్లు తెలుస్తోంది. బారామ‌తి ఎన్నిక‌ల ప్ర‌చారంలో మాట్లాడుతూ ‘రాజ్య‌స‌భ MPగా ఏడాదిన్న‌ర పద‌వీకాలం మిగిలింది. ఇప్పటివరకు పోటీ చేసిన 14 ఎన్నికల్లో ప్ర‌తిసారీ న‌న్ను గెలిపించారు. ఇక ఎక్క‌డో ఒక‌చోట ఆపేయాలి. రాబోయే 30 ఏళ్లపాటు పనిచేసే కొత్త నాయకత్వాన్ని తీర్చిదిద్దుకోవాలి’ అని వ్యాఖ్యానించారు. మంచి చేయ‌డానికి రాజ‌కీయాలు అవ‌స‌రం లేద‌న్నారు.
News November 5, 2024
రాంగ్ రూట్‌లో వెళ్తే రూ.2,000 ఫైన్
హైదరాబాద్‌లో నేటి నుంచి ట్రాఫిక్ రూల్స్ పకడ్బందీగా అమలులోకి వచ్చాయి. రూల్స్ బ్రేక్ చేస్తే మునుపటిలా చూసీచూడనట్లు వదిలేయడం ఇక ఉండదు. హెల్మెట్ లేకుండా వాహనంతో రోడ్డెక్కితే రూ.200 ఫైన్ వేస్తారు. రాంగ్ రూట్‌లో నడిపితే రూ.2000 జరిమానా చెల్లించాల్సి ఉంటుంది. 3 నెలల పాటు డ్రైవింగ్ లైసెన్స్‌పై సస్పెన్షన్ కూడా విధిస్తారు. ఇటీవల రోడ్డు ప్రమాదాల్లో మరణాలు పెరుగుతుండటంతో ట్రాఫిక్ విభాగం ఈ నిర్ణయం తీసుకుంది.
News November 5, 2024
గంభీర్ ట్వీట్‌కు రిప్లై ఇచ్చిన షారుఖ్ ఖాన్
తన పుట్టినరోజు సందర్భంగా గౌతమ్ గంభీర్ చేసిన ట్వీట్‌కు బాలీవుడ్ హీరో షారుఖ్ ఖాన్ రిప్లై ఇచ్చారు. ‘ఈయనే 25 ఏళ్ల వ్యక్తి. ప్రతి ఏటా మీ శక్తి, తేజస్సు మరింత పెరుగుతూ వస్తోంది. మీరు ఎప్పటికీ ప్రేమను పంచుతూ ఉండండి’ అని గంభీర్ ట్వీట్ చేశారు. దీనికి షారుఖ్ స్పందిస్తూ ‘నాకు 25 ఏళ్లా? నేనింకా చిన్నవాడిని అనుకున్నానే. హ హ. స్ఫూర్తిగా నిలుస్తున్నందుకు థాంక్స్. మీరెప్పటికీ నా కెప్టెనే’ అని రిప్లై ఇచ్చారు.
Featured News
Sorry, no posts matched your criteria.