India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 2, 2024
ఈనెల 5న రాష్ట్రానికి రాహుల్ గాంధీ: టీపీసీసీ చీఫ్
TG: దేశవ్యాప్తంగా కులగణన జరగాలన్నది తమ పార్టీ నిర్ణయమని టీపీసీసీ చీఫ్ మహేశ్ కుమార్ గౌడ్ తెలిపారు. ఈనెల 5న బోయినపల్లిలో కులగణనపై సలహాలు, సూచనల కోసం నిర్వహించే కార్యక్రమంలో రాహుల్ గాంధీ పాల్గొంటారని పేర్కొన్నారు. కులగణన ప్రక్రియకు సంబంధించిన వివరాలు తెలుసుకుంటారని చెప్పారు.
News November 2, 2024
ధోనీ రికార్డును పంత్ అధిగమిస్తాడా?
టీమ్ఇండియా స్టార్ బ్యాటర్ రిషభ్ పంత్ న్యూజిలాండ్‌తో జరుగుతున్న మూడో టెస్టులో అర్ధ సెంచరీతో చెలరేగిన విషయం తెలిసిందే. దీంతో భారతీయ వికెట్ కీపర్‌లలో అత్యధిక సార్లు 50+ స్కోర్‌ చేసిన రెండో బ్యాటర్‌గా నిలిచారు. మహేంద్ర సింగ్ ధోనీ 39 సార్లు 50+ రన్స్ బాది ప్రథమ స్థానంలో ఉండగా పంత్ 19 అర్ధ సెంచరీలు చేశారు. మూడు, నాలుగు స్థానాల్లో ఫారుఖ్ ఇంజినీర్ (18), సయ్యద్ కిర్మాణి (14) ఉన్నారు.
News November 2, 2024
అమితాబ్ రికార్డును బ్రేక్ చేయగలరా?
బిగ్ బీ అమితాబ్ బచ్చన్ నటించిన ‘షోలే’ సినిమా 1975లో రిలీజై భారీ విజయాన్ని అందుకున్న విషయం తెలిసిందే. అయితే, ఈ సినిమా నెలకొల్పిన రికార్డును ఇప్పటి వరకు ఏ చిత్రం బ్రేక్ చేయలేకపోయింది. ఈ సినిమా ఏకంగా 25 కోట్ల టికెట్లను విక్రయించినట్లు సినీవర్గాలు పేర్కొన్నాయి. ఇది భారతీయ సినీ చరిత్రలో అత్యధికం. రాజమౌళి ‘బాహుబలి-2’ మూవీ టికెట్లు 10కోట్ల కంటే ఎక్కువే విక్రయించారు. ఇప్పుడు ఇలాంటివి సాధ్యమవుతాయా?
News November 2, 2024
హామీలను కాంగ్రెస్ నెరవేర్చలేదు: హరీశ్‌రావు
TG: ప్రధాని మోదీ వ్యాఖ్యలపై CM రేవంత్ <<14511450>>స్పందించగా<<>> దానిపై మాజీ మంత్రి, BRS నేత హరీశ్‌రావు కౌంటర్ ఇచ్చారు. సీఎం రేవంత్ కేవలం తెలంగాణనే కాదు మొత్తం దేశాన్ని తప్పుదోవపట్టించారని ఆరోపించారు. BRS ప్రభుత్వం పరీక్షలు నిర్వహిస్తే ఆ నియామకపత్రాలను కాంగ్రెస్ ఇచ్చిందని, ఎన్నికల కోడ్ వల్ల తాము నియామకపత్రాలు ఇవ్వలేకపోయామన్నారు. రేవంత్ చెబుతున్న 50వేల ఉద్యోగాలు కూడా BRS హయాంలో ఇచ్చినవేనని హరీశ్ అన్నారు.
News November 2, 2024
ఇజ్రాయెల్, అమెరికాకు ఇరాన్ హెచ్చరిక
తమపై కానీ, తమ మిత్ర దేశాలపై కానీ దాడులకు దిగితే ఇజ్రాయెల్, అమెరికా తగిన మూల్యం చెల్లించుకోవాల్సి వస్తుందని ఇరాన్ సుప్రీం లీడర్ అయతుల్లా అలీ ఖమేనీ హెచ్చరించారు. తమ వైపు నుంచి తీవ్ర ప్రతిస్పందన ఉంటుందని ఆయన ఆగ్రహం వ్యక్తం చేశారు. కాగా గత నెల 26న ఇరాన్‌పై ఇజ్రాయెల్ క్షిపణులతో దాడులు చేసిన సంగతి తెలిసిందే. ఈ దాడుల్లో ఇరాన్ సైనిక స్థావరాలు దెబ్బతిన్నట్లు వార్తలు వచ్చాయి.
News November 2, 2024
తిరుమలను వక్ఫ్ బోర్డుతో ఎలా పోలుస్తారు?: విష్ణువర్ధన్ రెడ్డి
MIM అధినేత అసదుద్దీన్ ఒవైసీ చేసిన <<14510629>>వ్యాఖ్యలపై<<>> AP BJP నేత విష్ణువర్ధన్‌రెడ్డి స్పందించారు. ‘మీరు హిందువుల అత్యంత పవిత్రమైన స్థలాన్ని కొన్ని కమ్యూనిటీ సెంటర్ల(వక్ఫ్ బోర్డు)తో పోల్చుతున్నారు. ముస్లింల పవిత్ర స్థలం మక్కాలో హిందువులు అడుగు పెట్టలేరు. మరి మీరు తిరుమలలో ప్రవేశించాలనుకుంటున్నారా? మీరు నిజంగా బాలాజీని విశ్వసిస్తున్నారా?’ అని ట్వీట్ చేశారు.
News November 2, 2024
సల్మాన్ ఇంటి వద్ద కాల్పుల కేసు.. గ్యాంగ్స్టర్ తమ్ముడి కోసం వెతుకులాట
సల్మాన్ ఖాన్ ఇంటి వద్ద కాల్పుల కేసులో గ్యాంగ్స్టర్ లారెన్స్ బిష్ణోయ్ సోద‌రుడు అన్మోల్‌ను అమెరికా నుంచి రప్పించే ప్ర‌య‌త్నాలు జ‌రుగుతున్నాయి. అన్మోల్‌పై Maharashtra Control of Organised Crime Act (MCOCA) ప్రత్యేక కోర్టు నాన్-బెయిలబుల్ వారెంట్ జారీచేసింది. అత‌నిపై ఇంటర్‌పోల్ ద్వారా రెడ్ కార్నర్ నోటీసు జారీచేశారు. ఎక్స్‌ట్రాడిషన్‌ కోసం కోర్టు ప‌త్రాల‌ను ముంబై పోలీసులు కేంద్రానికి పంపనున్నారు.
News November 2, 2024
ఈ యాప్ SBIది కాదు.. నమ్మకండి: PIB
నెట్ బ్యాంకింగ్ ద్వారా పొందిన రివార్డు పాయింట్లను రెడీమ్ చేసుకునేందుకు ఓ యాప్ డౌన్‌లోడ్ చేసుకోవాలని SBI పంపినట్లుగా APK ఫైల్‌తో కూడిన మెసేజ్ చక్కర్లు కొడుతోంది. దీనిని ఇవాళే ఇన్‌స్టాల్ చేస్తే రూ.9,980 పొందొచ్చని మెసేజ్ సారాంశం. అయితే దీనికి SBIకి సంబంధం లేదని PIB ఫ్యాక్ట్‌చెక్ పేర్కొంది. ఇలాంటివి SBI పంపించదని, దీనిని నమ్మి ఇతరులకు షేర్ చేయొద్దని అవగాహన కల్పించింది. మీకూ ఇలాంటి మెసేజ్ వచ్చిందా?
News November 2, 2024
బీఆర్ఎస్ జాతకాలు మా దగ్గర ఉన్నాయి: అసదుద్దీన్
బీఆర్ఎస్ జాతకాలు తమ దగ్గర ఉన్నాయని ఎంఐఎం చీఫ్ అసదుద్దీన్ ఒవైసీ అన్నారు. అవి చెబితే ఎవరూ తట్టుకోలేరని ఆయన సంచలన వ్యాఖ్యలు చేశారు. ‘మూసీ సుందరీకరణకు బీఆర్ఎస్ చేసిందేమీ లేదు. అహంకారంతోనే గత ఎన్నికల్లో ఆ పార్టీ ఓటమి పాలైంది. మేం కాంగ్రెస్‌తో జత కట్టామని ఆ పార్టీ ఆరోపిస్తోంది. కానీ గతంలో మా మద్దతుతోనే మీరు గ్రేటర్ ఎన్నికల్లో గెలిచారు కదా?’ అని ఆయన ఆగ్రహం వ్యక్తం చేశారు.
News November 2, 2024
‘అమరన్’ టీమ్‌ను అభినందించిన సూపర్ స్టార్
తమిళ స్టార్ నటుడు శివ కార్తికేయన్, సాయిపల్లవి జంటగా రాజ్ కుమార్ పెరియస్వామి తెరకెక్కించిన ‘అమరన్’ సినిమా భారీ విజయం దిశగా దూసుకెళ్తోంది. ఈ నేపథ్యంలో సూపర్ స్టార్ రజినీకాంత్ ఈ చిత్రాన్ని వీక్షించి మేకర్స్‌ను అభినందించారు. మేజర్ ముకుంద్ వరదరాజన్ లైఫ్ స్టోరీని చక్కగా చూపించారని మెచ్చుకున్నట్లు సినీవర్గాలు పేర్కొన్నాయి. దీనిని నిర్మించినందుకు కమల్ హాసన్‌ను కూడా ఆయన కంగ్రాట్స్ చెప్పారు.
Featured News
Sorry, no posts matched your criteria.