India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 25, 2024
వన్డేల్లో ఒమన్ బౌలర్ అరుదైన రికార్డు
వన్డేల్లో అత్యంత వేగంగా 100 వికెట్లు తీసిన పేసర్‌గా ఒమన్ బౌలర్ బిలాల్ ఖాన్ సరికొత్త చరిత్ర సృష్టించారు. 49 ఇన్నింగ్సుల్లోనే ఆయన ఈ ఘనత అందుకున్నారు. ఆ తర్వాత స్థానాల్లో షాహిన్ అఫ్రీది (51 ఇన్నింగ్సులు), ఆస్ట్రేలియా పేసర్ మిచెల్ స్టార్క్ (52 ఇన్నింగ్సులు) ఉన్నారు. ఓవరాల్‌గా ఈ రికార్డు నేపాల్ స్పిన్నర్ సందీప్ లామిచానే(42 ఇన్నింగ్సులు) పేరిట ఉంది.
News July 25, 2024
IPL: ఆటగాళ్ల రిటెన్షన్‌పై BCCI కీలక నిర్ణయం?
IPLలో ఒక్కో ఫ్రాంచైజీ ఆరుగురు ఆటగాళ్లను రిటెన్షన్ చేసుకునేందుకు BCCI అనుమతించనున్నట్లు తెలుస్తోంది. ఇందులో నలుగురు స్వదేశీ, ఇద్దరు విదేశీ ప్లేయర్లు ఉండనున్నట్లు సమాచారం. ఈ నెల 31న జరిగే BCCI-IPL సమావేశంలో దీనిపై స్పష్టత రానుంది. కాగా ఎనిమిది మందిని రిటెన్షన్ చేయాలని ఫ్రాంచైజీలు కోరుతున్నట్లు టాక్. కానీ అంతమందికి రిటెన్షన్ చేస్తే మెగా వేలం చప్పగా సాగుతుందని BCCI భావిస్తోందట.
News July 25, 2024
55 ఏళ్ల వయసులో పదోసారి ఒలింపిక్స్‌కు!
జార్జియాకు చెందిన 55 ఏళ్ల నినొ సలుక్వడ్జే పదోసారి ఒలింపిక్స్ బరిలోకి దిగబోతున్నారు. తొలిసారిగా ఆమె 1988లో జరిగిన సియోల్ ఒలింపిక్స్‌లో పాల్గొని 25 మీ పిస్టల్ విభాగంలో గోల్డ్, 10 మీ ఎయిర్ పిస్టల్ విభాగంలో బ్రాంజ్ మెడల్ గెలిచారు. దీంతో ఆమె అప్పట్లో ఐకాన్‌గా మారిపోయారు. ఇప్పటికీ జార్జియాలో ఆమే నంబర్‌వన్ షూటర్. పారిస్ ఒలింపిక్స్‌లో పాల్గొని ఇయాన్ మిల్లర్ (9 సార్లు) రికార్డును అధిగమించనున్నారు.
News July 25, 2024
ALERT: భారీ వర్షాలు
రేపు తెలంగాణలోని పలు జిల్లాల్లో భారీ వర్షాలు కురుస్తాయని హైదరాబాద్ వాతావరణ కేంద్రం తెలిపింది. ఆసిఫాబాద్, మంచిర్యాల, నిజామాబాద్, మెదక్, కామారెడ్డి జిల్లాల్లో భారీ వానలు పడతాయని ఎల్లో అలర్ట్ జారీ చేసింది. ఇక హైదరాబాద్ సహా రాష్ట్రంలోని చాలా ప్రాంతాల్లో గత 4 రోజులుగా ముసురు పడుతూనే ఉంది. దీంతో ఉద్యోగాలకు వెళ్లేవారు, విద్యార్థులు ఇబ్బందులు పడుతున్నారు.
News July 25, 2024
రద్దీని బట్టి మరిన్ని వందేభారత్ రైళ్లు: అశ్వినీ వైష్ణవ్
రానున్న రోజుల్లో రద్దీకి అనుగుణంగా మరిన్ని వందేభారత్ ఎక్స్‌ప్రెస్‌లు నడిపేందుకు ప్రభుత్వం సిద్ధంగా ఉందని రైల్వే మంత్రి అశ్వినీ వైష్ణవ్ తెలిపారు. భవిష్యత్‌లో ఎన్ని వందేభారత్‌లు తీసుకురాబోతున్నారంటూ LSలో ఓ MP అడిగిన ప్రశ్నకు ఆయన సమాధానమిచ్చారు. ప్రస్తుతం 102 ఎక్స్‌ప్రెస్‌లు నడుస్తున్నట్లు చెప్పారు. కోచ్‌ల ఉత్పత్తి సామర్థ్యాన్ని పెంచేందుకు బడ్జెట్‌లో రూ.3,595 కోట్లు కేటాయించినట్లు మంత్రి వివరించారు.
News July 25, 2024
పాక్ క్రికెట్ బోర్డుపై అఫ్రీది ఆగ్రహం
పాకిస్థాన్ క్రికెట్ బోర్డులో పదే పదే మార్పులపై మాజీ ప్లేయర్ షాహిద్ అఫ్రీది ఆగ్రహం వ్యక్తం చేశారు. కొత్త వారిని తీసుకొచ్చినప్పుడు కుదురుకునేందుకు కాస్త సమయం ఇవ్వాలన్నారు. ప్రతి ఏడాది కొత్త ఛైర్మన్ వస్తే నూతన వ్యవస్థ రావడం తప్పా ఏమీ మారట్లేదని చెప్పారు. దీనిపై సీనియర్ బోర్డు మెంబర్లు, ప్లేయర్లు కూర్చొని ప్రణాళిక చేయాలన్నారు. కనీసం మూడేళ్ల పాటు వ్యూహాన్ని అమలు చేసేలా ప్లాన్ చేయాలన్నారు.
News July 25, 2024
రూ.100కు తగ్గేదేలే.. భారీగా పెరిగిన కూరగాయల ధరలు
మార్కెట్‌కు వెళ్లిన సామాన్యుల జేబులకు చిల్లు పడుతోంది. ఏ కూరగాయ అయినా రూ.వందకు తగ్గేదేలే అంటోంది. కేజీ టమాటా రూ.100కు చేరగా, చిక్కుడుకాయ రూ.120, పచ్చిమిర్చి రూ.100, క్యారట్ రూ.100, కాకరకాయ రూ.90, క్యాలీఫ్లవర్ రూ.80 పలుకుతున్నాయి. రెండేళ్లుగా ప్రతికూల వాతావరణం, పంట నష్టాలే వ్యవసాయ ఉత్పత్తిని ప్రభావితం చేశాయని ఇటీవలి బడ్జెట్ ప్రసంగంలో కేంద్రం తెలిపింది. కట్టడికి చర్యలు చేపడుతున్నట్లు పేర్కొంది.
News July 25, 2024
ఫొటో సెషన్‌లో భారత క్రికెటర్ల సందడి
వన్డే, టీ20 సిరీస్‌ల కోసం టీమ్ ఇండియా శ్రీలంకలో అడుగుపెట్టింది. ఈ క్రమంలో జట్టు సభ్యులకు ఫొటో షూట్ సెషన్ నిర్వహించారు. ఈ ఈవెంట్‌లో క్రికెటర్లు తెగ సందడి చేశారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. కాగా ఈ టూర్‌లో టీ20లకు సూర్యకుమార్ యాదవ్, వన్డేలకు రోహిత్ శర్మ కెప్టెన్‌గా వ్యవహరించనున్నారు. ఎల్లుండి ఇరు జట్ల మధ్య తొలి టీ20 మ్యాచ్ జరగనుంది.
News July 25, 2024
అంకెల గారడీ తప్ప ఏమీ లేదు: కిషన్ రెడ్డి
తెలంగాణ ప్రభుత్వం ప్రవేశపెట్టిన బడ్జెట్‌లో అంకెల గారడీ తప్ప ఏమీ లేదని కేంద్ర మంత్రి కిషన్ రెడ్డి విమర్శించారు. గిరిజనుల బడ్జెట్ తగ్గించి మైనార్టీలకు పెంచారని ఆరోపించారు. రైతు భరోసాతో సహా ఆరు గ్యారంటీలకు నిధులు కేటాయించలేదని అన్నారు. రాష్ట్రాన్ని అప్పుల పాలుచేయడంలో బీఆర్ఎస్, కాంగ్రెస్ దొందూ దొందే అని దుయ్యబట్టారు.
News July 25, 2024
OLYMPICS: క్వార్టర్స్ చేరిన మెన్స్ ఆర్చరీ టీమ్
పారిస్ ఒలింపిక్స్‌లో భారత పురుషుల ఆర్చరీ జట్టు క్వార్టర్ ఫైనల్స్ చేరింది. బొమ్మదేవర ధీరజ్ (4వ స్థానం, 681 పాయింట్లు), తరుణ్ దీప్ రాయ్ (14, 674), ప్రవీణ్ జాదవ్ (39, 658) రాణించడంతో భారత్ మొత్తం 2013 పాయింట్లతో క్వార్టర్స్‌కు దూసుకెళ్లింది. కాగా మిక్స్‌డ్ టీమ్ ఈవెంట్‌లో భారత్ ఐదో స్థానానికే పరిమితమైంది. దీంతో రౌండ్ ఆఫ్ 16లో ఆడాల్సి ఉంటుంది.
<<-se>>#Olympics2024<<>>
Featured News
Sorry, no posts matched your criteria.