India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 22, 2024
ప్రతి ఇద్దరు గ్రాడ్యుయేట్లలో ఒకరు ఉద్యోగానికి సెట్టవ్వరు!
యువతలో ఉద్యోగ నైపుణ్యాలు కొరవడుతున్నాయని ఆర్థిక సర్వే తేల్చిచెప్పింది. ప్రతి ఇద్దరు గ్రాడ్యుయేట్లలో ఒకరికే ఆధునిక ఆర్థిక వ్యవస్థకు తగిన ప్రతిభ ఉంటోందని పేర్కొంది. అయితే ఒకప్పటితో పోలిస్తే పరిస్థితి కొంత మెరుగైంది. గత దశాబ్దంలో 66% మందికి తగిన స్కిల్స్ ఉండేవి కావు. ఇప్పుడది 49 శాతానికి పడిపోవడం గమనార్హం. ఏఐ వంటి టెక్నాలజీలు సవాళ్లు విసురుతున్న తరుణంలో యువత నైపుణ్యాలు అందిపుచ్చుకోవడం అత్యావశ్యకం.
News July 22, 2024
జడేజాను తప్పించలేదు.. రెస్ట్ ఇచ్చాం: అగార్కర్
శ్రీలంకతో జరిగే వన్డే సిరీస్‌కు రవీంద్ర జడేజాను ఎంపిక చేయకపోవడంపై చీఫ్ సెలక్టర్ అజిత్ అగార్కర్ స్పందించారు. ‘లంక టూర్ తర్వాత భారత్ 10 టెస్టులు ఆడాల్సి ఉంది. అన్ని టెస్టుల్లోనూ విజయం సాధిస్తామనే నమ్మకంతో ఉన్నాం. అందుకే మాకు అత్యంత కీలకమైన ప్లేయర్ జడేజాకు రెస్ట్ ఇచ్చాం. అతడిని జట్టు నుంచి పక్కన పెట్టలేదు. భవిష్యత్తులో టెస్ట్ సిరీస్‌ల కోసం విరామం ఇచ్చాం’ అని అగార్కర్ పేర్కొన్నారు.
News July 22, 2024
రేపు అసెంబ్లీకి కేసీఆర్?
TG: రేపు ప్రారంభమయ్యే అసెంబ్లీ బడ్జెట్ సమావేశాలకు మాజీ సీఎం కేసీఆర్ హాజరుకానున్నట్లు తెలుస్తోంది. అంతకుముందు పార్టీ ఎమ్మెల్యేలతో ఆయన భేటీ కానున్నారు. సమావేశాల్లో వ్యవహరించాల్సిన తీరుపై వారికి దిశానిర్దేశం చేయనున్నారు. 10 మంది ఎమ్మెల్యేలు పార్టీ మారిన నేపథ్యంలో తొలి సారిగా ప్రతిపక్ష నేత హోదాలో కేసీఆర్ ఏం మాట్లాడతారనేది ఆసక్తికరంగా మారింది.
News July 22, 2024
ఉద్యోగులు, ఎకానమీని దెబ్బకొడుతున్న భూతాలివే
సోషల్ మీడియా, స్క్రీన్ టైమ్, శ్రమలేని అలవాట్లు, అనారోగ్యకర ఆహారం తాలూకు మిశ్రమ ప్రభావం ఉద్యోగులపై ఎక్కువగా ఉందని ఆర్థిక సర్వే తెలిపింది. ఇది ప్రజారోగ్యమే కాకుండా దేశ ఆర్థిక సామర్థ్యాన్నీ దెబ్బతీస్తోందని విచారం వ్యక్తం చేసింది. శరీరం, పర్యావరణానికి మేలుచేసే భారతీయ అలవాట్లు, ఆహారాన్ని జీవనశైలిలో భాగం చేసుకోవాలంది. ఉద్యోగులు అధిక చక్కెర, ప్రాసెస్ చేసిన వంటకాలు ఎక్కువ తింటున్నారని సర్వేలో పేర్కొంది.
News July 22, 2024
BREAKING: ‘పోలవరం’ ప్రతిపాదనలకు కేంద్రం అంగీకారం
AP: పోలవరం ప్రాజెక్టు నిర్మాణంలో కీలక ముందడుగు పడింది. మొదటి దశ నిర్మాణానికి రూ.12 వేల కోట్ల ప్రతిపాదనలకు కేంద్రం అంగీకారం తెలిపింది. కేంద్ర క్యాబినెట్ ఆమోదంతో ఈ ప్రతిపాదనలు కార్యరూపం దాల్చనున్నాయి.
News July 22, 2024
అందుకే రుణమాఫీ డబ్బులు పడలేదు: తుమ్మల
TG: సాంకేతిక కారణాలతో రూ.84.94 కోట్లు 17,877 మంది రైతుల ఖాతాల్లో జమ కాలేదని మంత్రి తుమ్మల తెలిపారు. ఆ రైతుల ఖాతాలలో పేర్కొన్న సాంకేతిక సమస్యలను సరిచేసి, ఆర్బీఐ నుంచి నిధులు వెనక్కి రాగానే తిరిగి ఆయా ఖాతాల్లో డబ్బులు జమ చేస్తామని చెప్పారు. ప్రాథమిక వ్యవసాయ సహకార సంఘాల్లో మిగిలిన రుణఖాతాలకు కూడా త్వరలో నిధులు విడుదల చేస్తామన్నారు. రెండో విడత రుణమాఫీ సైతం త్వరగా అమలు చేస్తామని తెలిపారు.
News July 22, 2024
6,128 ఉద్యోగాలు.. నిరుద్యోగులకు GOOD NEWS
దేశంలోని బ్యాంకుల్లో 6128 క్లర్క్ ఉద్యోగాల భర్తీకి దరఖాస్తుల స్వీకరణ గడువును జులై 28 వరకు IBPS పొడిగించింది. ఆగస్టు 24, 25, 31 తేదీల్లో ప్రిలిమ్స్, అక్టోబర్ 13న మెయిన్స్ పరీక్షలు నిర్వహించనున్నారు. డిగ్రీ పూర్తైన 20 నుంచి 28 ఏళ్లలోపు అభ్యర్థులు దరఖాస్తుకు అర్హులు. SC/ST/PwBD/ESM/DESM అభ్యర్థులు రూ.175, ఇతరులు రూ.850 ఫీజు చెల్లించాలి. పూర్తి వివరాల కోసం ఇక్కడ <
News July 22, 2024
ఒలింపిక్స్ తర్వాత అంతర్జాతీయ కెరీర్‌కు వీడ్కోలు: శ్రీజేశ్
పారిస్ ఒలింపిక్స్ తర్వాత అంతర్జాతీయ కెరీర్‌కు వీడ్కోలు పలకనున్నట్లు భారత హాకీ జట్టు గోల్ కీపర్ పీఆర్ శ్రీజేశ్ ప్రకటించారు. విశ్వక్రీడల్లో మ్యాచుల కోసం ఆసక్తిగా ఎదురుచూస్తున్నట్లు తెలిపారు. తనపై నమ్మకం ఉంచిన అందరికీ ధన్యవాదాలు తెలిపారు. 328 మ్యాచులు ఆడిన శ్రీజేశ్ ఎన్నో విజయాల్లో కీలక పాత్ర పోషించారు. ఈ నెల 26 నుంచి ఒలింపిక్స్ ప్రారంభం కానుండగా భారత్ తొలి మ్యాచ్ న్యూజిలాండ్(జులై 27)తో ఆడనుంది.
News July 22, 2024
మదనపల్లె ఘటనలో పెద్దిరెడ్డిపై అనుమానం ఉంది: మంత్రి అనగాని
AP: మదనపల్లె సబ్ కలెక్టర్ కార్యాలయంలో అగ్నిప్రమాద <<13680493>>ఘటన<<>>లో మాజీ మంత్రి పెద్దిరెడ్డి, స్థానిక YCP నేతలపై అనుమానం ఉందని మంత్రి అనగాని సత్యప్రసాద్ అన్నారు. నిందితులు ఎవరైనా విడిచిపెట్టమని తేల్చిచెప్పారు. పెద్దిరెడ్డి అవినీతి వెలుగులోకి వచ్చాకే ఈ ఘటన జరిగిందని తెలిపారు. ఆర్డీవో, తహశీల్దార్, ఉద్యోగుల ఫోన్లు సీజ్ చేసినట్లు చెప్పారు. అవినీతిని కప్పిపుచ్చేలా ఉద్యోగులు సహకరిస్తే చర్యలు తప్పవని హెచ్చరించారు.
News July 22, 2024
ఇదే కంటిన్యూ చేస్తే లాభం తక్కువే
చైనా నుంచి దిగుమతి చేసుకొని కొంత విలువ చేర్చి అమెరికాకు ఎగుమతి చేయడం వల్ల ప్రయోజనం తక్కువేనని ఆర్థిక సర్వే తెలిపింది. బదులుగా బీజింగ్ నుంచి FDIని ఎంచుకొని భారత్‌లోనే ఉత్పత్తి చేసి ఎగుమతి చేయడం మేలని సూచించింది. దీంతో వాణిజ్య లోటూ తగ్గుతుందని వెల్లడించింది. కరోనా టైమ్‌లో యూఎస్ కంపెనీలు డ్రాగన్ కంట్రీ నుంచి తరలివెళ్లడంతో మెక్సికో, వియత్నాం, తైవాన్, కొరియా FDI విధానంతోనే లబ్ధి పొందాయని గుర్తుచేసింది.
Featured News
Sorry, no posts matched your criteria.