India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 19, 2025
సైఫ్, కరీనా నవ్వుతున్న AI ఫొటో.. ఎంపీపై విమర్శలు
సైఫ్ అలీఖాన్‌పై దాడి దురదృష్టకరమని నటుడు, ఎంపీ శత్రుఘ్న సిన్హా అన్నారు. ఆయన త్వరగా కోలుకుంటున్నందుకు భగవంతుడికి కృతజ్ఞతలు తెలిపారు. సైఫ్ బెడ్‌పై, కరీనా పక్కనే కూర్చుని నవ్వుతున్నట్లు ఉన్న AI జనరేటెడ్ ఫొటోను షేర్ చేశారు. దీంతో కుటుంబం ఇబ్బందుల్లో ఉంటే ఇలాంటి ఫొటోలు పంచుకోవడం అవసరమా? అని పలువురు నెటిజన్లు ప్రశ్నించారు. అయితే దీన్ని తప్పుపట్టాల్సిన అవసరం లేదని మరికొందరు అంటున్నారు.
News January 19, 2025
సైఫ్ నిందితుడికి 5 రోజుల పోలీస్ కస్టడీ
బాలీవుడ్ హీరో సైఫ్ అలీఖాన్‌పై దాడి నిందితుడికి బాంద్రా కోర్టు 5 రోజుల పోలీస్ కస్టడీ విధించింది. ఇవాళ తెల్లవారుజామున అతడిని థానేలో అరెస్ట్ చేసిన పోలీసులు కోర్టులో హాజరుపర్చారు. దాడికి సంబంధించి పూర్తి వివరాలను రాబట్టేందుకు కస్టడీకి ఇవ్వాలని కోరారు. వారి వాదనతో ఏకీభవించిన కోర్టు 5 రోజులు కస్టడీకి ఇస్తున్నట్లు పేర్కొంది. దీంతో దాడికి గల ప్రధాన కారణాలపై నిందితుడిని పోలీసులు ప్రశ్నించనున్నారు.
News January 19, 2025
సెల్యూట్ మేడమ్.. 42 మందిని కాపాడిన నీర్జా
ప్రాణాలు పణంగా పెట్టి 42 మందిని కాపాడిన ఫ్లైట్ అటెండ్ నీర్జా భానోత్ గురించి ఎంత మందికి తెలుసు? 1986 సెప్టెంబరు 5న ముంబై నుంచి న్యూయార్క్ వెళ్తోన్న ఫ్లైట్ హైజాక్‌ అయింది. ఆ సమయంలో నీర్జా ఎంతో చాకచక్యంగా అమెరికన్ల పాస్‌పోర్టులు దాచి అమెరికన్లను గుర్తించకుండా చేసి కాపాడారు. అయితే, కాల్పుల్లో పిల్లలను కాపాడేందుకు అడ్డుగా నిలబడి ఉగ్రవాదుల తూటాలకు బలయ్యారు. ఆమె ధీరత్వానికి 1987లో అశోక చక్ర వరించింది.
News January 19, 2025
PHOTOS: మహాకుంభ్ నైట్ వ్యూ
యూపీలోని ప్రయాగ్ రాజ్‌లో మహా కుంభమేళా కొనసాగుతోంది. కోట్లాది మంది భక్తులు తరలివచ్చి త్రివేణి సంగమంలో పుణ్య స్నానాలు ఆచరిస్తున్నారు. రాత్రి వేళ ఆ ప్రాంతం విద్యుత్ దీపాల వెలుగుల్లో ఎలా ఉంటుందో పైన ఉన్న ఫొటోల్లో చూడవచ్చు. ఫిబ్రవరి 26 వరకు కుంభమేళా కొనసాగనుంది.
News January 19, 2025
ఫిబ్రవరిలో రిలీజయ్యే సినిమాలివే!
వచ్చే నెలలో నాగచైతన్య ‘తండేల్’ (ఫిబ్రవరి 7), అజిత్ ‘పట్టుదల'(ఫిబ్రవరి 6)తో పాటు పలు సినిమాలు థియేటర్లలోకి రానున్నాయి. ఫిబ్రవరి 14న విశ్వక్ సేన్ ‘లైలా’, కిరణ్ అబ్బవరం ‘దిల్‌రూబా’, బ్రహ్మానందం, ఆయన తనయుడు గౌతమ్ నటించిన ‘బ్రహ్మా ఆనందం’ విడుదలవుతున్నాయి. 21న సందీప్ కిషన్ ‘మజాకా’, తమిళ డబ్బింగ్ సినిమా ‘డ్రాగన్’ రిలీజ్ కానున్నాయి. వీటిలో మీరు ఏ సినిమా కోసం ఎదురుచూస్తున్నారు?
News January 19, 2025
GREAT: ఈ తల్లికి 19 మంది పిల్లలు.. అయినా..
ఈ రోజుల్లో పెళ్లైతే చాలు చాలామంది చదువుకు ఫుల్ స్టాప్ పెడదామనుకుంటారు. అయితే సౌదీ అరేబియాలో హమ్దా అల్ రువైలీ అనే మహిళకు ఏకంగా 19 మంది పిల్లలున్నా చదువు ఆపలేదు. బిజినెస్ స్టడీస్‌లో PhD పూర్తి చేశారు. దీని కోసం పగటి పూట పనులు చేస్తూ, రాత్రిళ్లు చదివానని చెప్పారు. 40 ఏళ్ల వయసులో అన్ని బాధ్యతల నడుమ డాక్టరేట్ పూర్తి చేసిన ఈ మహిళకు అంతా సెల్యూట్ కొడుతున్నారు.
News January 19, 2025
‘రాబిన్ హుడ్’ ప్రమోషన్స్‌పై డైరెక్టర్ ఏమన్నారంటే?
టాలీవుడ్ హీరో నితిన్ ‘రాబిన్ హుడ్’ సినిమా మార్చి 28న రిలీజ్ అవుతున్న విషయం తెలిసిందే. చాలా సమయం ఉందని, కొత్త తరహాలో ప్రచారాన్ని చేసి పబ్లిసిటీ తెచ్చుకోవాలని ఓ సినీ జర్నలిస్టు డైరెక్టర్ వెంకీ కుడుములకు సూచించారు. దీనికి వెంకీ స్పందిస్తూ.. ‘‘మీది ఏ సిటీ అని ఎవరైనా అడిగితే పబ్లి‘సిటీ’ అని చెప్పేంత రేంజ్‌లో ప్లాన్ చేస్తాం సార్’’ అని ఆయన రిప్లై ఇచ్చారు.
News January 19, 2025
భారీ జీతంతో జాబ్స్.. 5రోజులే అవకాశం!
కెనరా బ్యాంకుల్లో 60 స్పెషలిస్ట్ ఆఫీసర్ పోస్టులకు ఆన్‌లైన్ దరఖాస్తులకు గడువు ఈనెల 24తో ముగియనుంది. ఐటీలో గ్రాడ్యుయేట్, బీఈ/బీటెక్ చేసి, పని అనుభవం ఉన్న వారు అర్హులు. వయసు 35 ఏళ్లకు మించకూడదు. రాత పరీక్ష, ఇంటర్వ్యూ ఆధారంగా ఎంపిక చేస్తారు. జీతం నెలకు రూ.1.50లక్షల నుంచి రూ.2.25లక్షల వరకు ఉంటుంది. పూర్తి వివరాలకు బ్యాంక్ <
News January 19, 2025
U-19 T20 WC: భారత్ ఘన విజయం
మహిళల అండర్-19 టీ20 ప్రపంచకప్‌లో భాగంగా జరిగిన తొలి మ్యాచ్‌లో విండీస్‌పై భారత్ ఘన విజయం సాధించింది. తొలుత విండీస్‌ను 44 పరుగులకే ఆలౌట్ చేసిన టీమ్ ఇండియా 4.2 ఓవర్లలోనే లక్ష్యాన్ని ఛేదించింది. పరుణికా సిసోడియా 3, ఆయుషీ శుక్లా, జోషిత చెరో రెండు వికెట్లు పడగొట్టారు. భారత బౌలర్ల దెబ్బకు ఐదుగురు డకౌట్ అవగా, నలుగురు సింగిల్ డిజిట్‌కే పరిమితమయ్యారు.
News January 19, 2025
NDRF సేవలు ప్రశంసనీయం: చంద్రబాబు
AP: NDRF 20వ వ్యవస్థాపక దినోత్సవంలో సీఎం చంద్రబాబు పాల్గొని మాట్లాడారు. ‘క్లిష్ట సమయాల్లో NDRF సేవలు ఎంతో ఉపయోగపడుతున్నాయి. విజయవాడ వరదల్లో వీరి సేవలు ప్రశంసనీయం. NIDM, NDRF క్యాంపస్‌కు 50 ఎకరాలు కేటాయించి, శంకుస్థాపన చేశాం. అమిత్ షా చేతుల మీదుగా రెండు క్యాంపస్‌లు ప్రారంభించాం. ఏ డిపార్ట్‌మెంటుకూ లేని శక్తి NDRFకు ఉంది. జపాన్, నేపాల్, టర్కీ విపత్తుల సమయంలో వీరి సేవలు అభినందనీయం’ అని తెలిపారు.
Featured News
Sorry, no posts matched your criteria.