India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 19, 2024
జగన్ ఆత్మపరిశీలన చేసుకోవాలి: పురందీశ్వరి
AP: వైసీపీ హయాంలో జరిగిన ఘోరాలపై అప్పట్లో CMగా ఉన్న జగన్ ఎందుకు స్పందించలేదని AP BJP చీఫ్ పురందీశ్వరి ప్రశ్నించారు. ఆయన ఆత్మపరిశీలన చేసుకోవాలని సూచించారు. మోదీ వల్లే దేశాభివృద్ధి సాధ్యమని ఆమె తెలిపారు. ‘ఎన్డీయే సుపరిపాలనను అందిస్తోంది. కేంద్ర సహకారం లేనిదే ఏపీలో అభివృద్ధి సాధ్యం కాదు. ఏపీకి అన్ని రకాలుగా సాయం చేస్తోంది. తప్పుడు ప్రచారాల్ని రాష్ట్ర ప్రభుత్వం అడ్డుకోవాలి’ అని పేర్కొన్నారు.
News July 19, 2024
రాజ్ తరుణ్, మాల్వీ మల్హోత్రా చాట్ లీక్?
హీరోయిన్ రాజ్ తరుణ్, లావణ్య <<13601061>>కేసు<<>>లో మరో ట్విస్ట్ చోటు చేసుకుంది. హీరోయిన్ మాల్వీ మల్హోత్రాతో రాజ్ తరుణ్ వాట్సాప్ చాట్ ఇదేనంటూ స్క్రీన్ షాట్లు సోషల్ మీడియాలో వైరల్ అవుతున్నాయి. మరోవైపు ఈ స్క్రీన్ షాట్స్‌ను లావణ్య పోలీసులకు ఇచ్చిన ఫిర్యాదులో జత చేసినట్లు సమాచారం. ఇప్పటికే రాజ్ తరుణ్‌పై కేసు నమోదు చేసిన పోలీసులు విచారణకు హాజరు కావాలని నోటీసులు ఇచ్చిన సంగతి తెలిసిందే.
News July 19, 2024
ఇక్కడ ఫ్యాషన్ షో జరుగుతోందా? లాయర్‌పై CJI ఆగ్రహం
సుప్రీం కోర్టులో ఓ కేసు విచారణ సందర్భంగా న్యాయవాదిపై ప్రధాన న్యాయమూర్తి డీవై చంద్రచూడ్ తీవ్ర ఆగ్రహం వ్యక్తం చేశారు. లాయర్లు విధిగా ధరించాల్సిన నెక్‌బ్యాండ్‌ సదరు న్యాయవాది ధరించకపోవడమే అందుక్కారణం. ‘కేసు విచారణ సంగతి అలా ఉంచండి. మీ మెడ చుట్టూ బ్యాండ్ ఏది? ఇక్కడేమైనా ఫ్యాషన్ షో జరుగుతోందా?’ అని ప్రశ్నించారు. హడావుడిగా వచ్చానని లాయర్ చెప్పగా ఇలా ఉంటే కేసు వినేది లేదని సీజేఐ స్పష్టం చేశారు.
News July 19, 2024
GREAT: మరోసారి మంచి మనసు చాటుకున్న సోనూసూద్
కరోనా కష్టకాలంలో వేల మందికి అండగా నిలిచిన నటుడు సోనూసూద్. తాజాగా ఏపీలోని బనవనూరుకు చెందిన దేవీకుమారి అనే అమ్మాయి చదువుకునేందుకు సాయం చేస్తానని హామీ ఇచ్చారు. యువతి ఆర్థిక పరిస్థితి బాలేదని BSC చదివేందుకు సాయం కావాలని ఫ్యామిలీతో అభ్యర్థిస్తున్న ఫొటోను ఓ వ్యక్తి సోషల్ మీడియాలో షేర్ చేశారు. దీనికి ‘ఆమెకు నచ్చిన కాలేజీలో చేరేలా చూసుకుంటాను’ అని సోనూ రిప్లై ఇచ్చారు.
News July 19, 2024
ఏపీలోనూ రైతు రుణమాఫీ చేయాలి: షర్మిల
తెలంగాణలో రైతు రుణమాఫీ చేయడాన్ని APCC చీఫ్ షర్మిల స్వాగతించారు. ‘15 ఏళ్ల క్రితం కాంగ్రెస్ ప్రభుత్వం ఒకే దఫాలో రుణమాఫీ చేసి అన్నదాత పట్ల ప్రేమ, వ్యవసాయం పట్ల నిబద్ధత చూపింది. మళ్లీ నిన్న తెలంగాణలోని రేవంత్ సర్కార్ ఇంకెప్పుడని వెక్కిరించిన నోళ్లు మూయించేలా రుణమాఫీ చేసింది. ఏపీలో ప్రతి రైతు తలపై సుమారు రూ.2,45,554 అప్పు ఉంది. ఏపీలోని కూటమి సర్కార్ కేంద్రం సాయంతో రుణమాఫీ చేయాలి’ అని డిమాండ్ చేశారు.
News July 19, 2024
ఇంటికి తాళం వేసిన బ్యాంకు అధికారులు.. వ్యక్తి సూసైడ్
లోన్ రికవరీ ఏజెంట్ల వేధింపులకు బెంగళూరుకు చెందిన ఇద్దరు పిల్లల తండ్రి గౌరీ శంకర్ శర్మ బలయ్యారు. దీనిపై శర్మ బంధువు పోలీసులకు ఫిర్యాదు చేశారు. ‘కరోనా కారణంగా ఉద్యోగం కోల్పోయిన శర్మ గత 18 నెలలుగా హౌస్ లోన్ EMI చెల్లించలేదు. EMI చెల్లించకపోవడంతో బ్యాంకు అధికారులు అపార్ట్‌మెంట్‌లోకి చొరబడి ఇంటికి తాళం వేసి అవమానించారు. అందుకే శర్మ రైలు కిందపడి ఆత్మహత్య చేసుకున్నారు’ అని ఫిర్యాదులో పేర్కొన్నారు.
News July 19, 2024
‘WINDOWS’ OSలో అంతరాయం
ప్రపంచవ్యాప్తంగా లక్షల మంది ‘WINDOWS’ యూజర్లు తమ సిస్టమ్ బ్లూ స్క్రీన్ ఆఫ్ డెత్ (BSOD) లోపాన్ని ఎదుర్కొంటున్నాయని ట్విటర్‌లో ఫిర్యాదు చేస్తున్నారు. తమ సిస్టమ్ అకస్మాత్తుగా ఆఫ్ అవుతూ, మళ్లీ దానికదే రీస్టార్ట్ అవుతోందని ఫిర్యాదు చేస్తున్నారు. అయితే, క్రౌడ్‌స్ట్రైక్ అప్‌డేట్ కారణంగా ఈ లోపం ఏర్పడిందని మైక్రోసాఫ్ట్ ఒక ప్రకటనలో పేర్కొంది. మీకు ఇలాంటి సమస్య ఏర్పడిందా? కామెంట్ చేయండి.
News July 19, 2024
వర్షాలు, వరదలపై సీఎం చంద్రబాబు సమీక్ష
AP: రాష్ట్రంలో భారీ వర్షాల కారణంగా చోటుచేసుకున్న పరిస్థితులపై సీఎం చంద్రబాబు సమీక్ష నిర్వహించారు. 8 జిల్లాల కలెక్టర్లు, ఎస్పీలు, ఉన్నతాధికారులతో వీడియో కాన్ఫరెన్స్‌లో మాట్లాడారు. ప్రాణ, ఆస్తి నష్టం జరగకుండా చూడాలని ఈ సందర్భంగా ఆదేశించారు. వాగుల ప్రవాహాలను నిరంతరం పర్యవేక్షించాలని సూచించారు. ఇసుక, మట్టి అక్రమ తవ్వకాల కారణంగానే గోదావరి కట్టలు బలహీనమయ్యాయని, వాటిపై దృష్టి సారించాలని సూచించారు.
News July 19, 2024
గంభీర్ విషయంలో బోర్డుకు కోహ్లీ భరోసా
గంభీర్, కోహ్లీ ఇటీవల కలిసిపోయినట్లు కనిపిస్తున్నా టీం ఇండియాకు సంబంధించి ఒకే ఒరలో ఈ రెండు కత్తులు ఎలా కలిసుంటాయా అన్న అనుమానాలున్నాయి. బీసీసీఐ పెద్దలు కూడా ఇదే మీమాంసలో ఉండగా, ఏం పర్లేదంటూ కోహ్లీ వారికి చెప్పారట. ‘గంభీర్‌తో జరిగిన గత ఘటనలేవీ మా బంధంపై ప్రభావం చూపించవు. ఇద్దరం కలిసి భారత జట్టుకోసమే శ్రమిస్తాం. ఇందులో ఎటువంటి భయాలూ అక్కర్లేదు’ అని విరాట్ చెప్పారని బోర్డు వర్గాలు వెల్లడించాయి.
News July 19, 2024
రొట్టెల పండుగ నిర్వహణకు రూ.5కోట్లు: CBN
AP: ప్రజల్లో విశ్వాసాన్ని నింపేందుకు ప్రతి ఒక్కరూ కృషి చేయాలని సీఎం చంద్రబాబు అన్నారు. నెల్లూరు జిల్లా బారాషహీద్‌లో మూడో రోజు రొట్టెల పండుగకు వచ్చిన భక్తులతో ఆయన వర్చువల్‌గా మాట్లాడారు. ఈ కార్యక్రమానికి ఘనంగా ఏర్పాట్లు చేసినట్లు తెలిపారు. పండుగ నిర్వహణకు ప్రభుత్వం తరఫున రూ.5 కోట్ల నిధులు విడుదల చేస్తున్నట్లు ప్రకటించారు.
Featured News
Sorry, no posts matched your criteria.