India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 17, 2024
అధ్యక్ష రేసు నుంచి తప్పుకోనున్న బైడెన్?
అమెరికా అధ్యక్ష రేసు నుంచి జో బైడెన్ తప్పుకోనున్నారా? సొంత పార్టీ నేతలే డిమాండ్ చేసినా ససేమిరా అన్న ఆయన, ఇప్పుడు మనసు మార్చుకున్నట్లు ప్రచారం నడుస్తోంది. తాజాగా ఓ కార్యక్రమంలో ఆయన ‘కమలా హారిస్ గొప్ప వైస్ ప్రెసిడెంటే కాదు, మున్ముందు అమెరికా ప్రెసిడెంట్ కూడా కావొచ్చు’ అని అన్నారు. దీంతో బైడెన్ ఇక వైదొలగుతారన్న ప్రచారం మొదలైంది. అయితే, అధికారికంగా ఆయన్నుంచి దీనిపై స్పష్టత రావాల్సి ఉంది.
News July 17, 2024
ఏపీకి రూ.1000 కోట్లు ఇవ్వాలి: మంత్రి సత్యకుమార్
AP: నేషనల్ హెల్త్ మిషన్ కింద ప్రత్యేకంగా రాష్ట్రానికి రూ.1000 కోట్లు ఇవ్వాలని కేంద్రాన్ని కోరినట్లు ఏపీ వైద్యారోగ్యశాఖ మంత్రి సత్యకుమార్ తెలిపారు. ఢిల్లీలో పలువురు కేంద్రమంత్రుల్ని కలిసిన అనంతరం ఆయన మీడియాతో మాట్లాడారు. ఆరోగ్య మందిర్ భవనాల నిర్మాణానికి నిధులివ్వాలని కోరినట్లు చెప్పారు. 40 రోజుల్లో రాష్ట్ర ప్రభుత్వం తీసుకున్న నిర్ణయాలపై కేంద్ర మంత్రులు తమను ఆరా తీసినట్లు పేర్కొన్నారు.
News July 17, 2024
శ్రీలంకతో వన్డే సిరీస్‌‌‌లోకి రోహిత్ శర్మ?
శ్రీలంకతో వన్డే సిరీస్‌కు రోహిత్ శర్మ అందుబాటులో ఉండే అవకాశం ఉన్నట్లు తెలుస్తోంది. ప్రస్తుతం అమెరికా వెకేషన్‌‌కు వెళ్లిన రోహిత్.. ఈ సిరీస్‌ కోసం తిరిగి రావాలని నిర్ణయించుకున్నట్లు సమాచారం. జట్టు కూర్పుపై సెలక్షన్ కమిటీకి హెడ్ కోచ్ గంభీర్ క్లారిటీ ఇచ్చినట్లు జాతీయ మీడియా పేర్కొంది. ఒకవేళ రోహిత్ టీమ్‌లోకి వస్తే ఆయనే కెప్టెన్‌గా వ్యవహరిస్తారు. లేదంటే కేఎల్ రాహుల్‌‌కు బాధ్యతలు అప్పగించే ఛాన్స్ ఉంది.
News July 17, 2024
కుట్ర కోణం ఉందా? చంద్రబాబు ఆదేశాలతో అధికారుల ఆరా
AP: GPS జీవో, గెజిట్ విడుదలలో బిజినెస్ రూల్స్ ఉల్లంఘన జరిగినట్లు CMO అధికారులు ప్రాథమికంగా నిర్ధారించారు. చంద్రబాబు సీఎంగా ప్రమాణ స్వీకారం చేసిన రోజే జీవో జారీ చేయడం, నెల తర్వాత గెజిట్ అప్‌లోడ్ చేయడంలో కుట్ర కోణం ఉన్నట్లు అనుమానిస్తున్నారు. మంత్రులు, అధికారుల పేషీల్లో కోవర్టులుగా ఎవరైనా ఉన్నారా? అనే కోణంలోనూ ఆరా తీస్తున్నారు. GO విడుదలపై <<13635657>>విచారించాలన్న <<>>చంద్రబాబు ఆదేశాలతో CMO రంగంలోకి దిగింది.
News July 17, 2024
AP మీకు స్వాగతం పలుకుతోంది: కంపెనీలకు లోకేశ్ రిక్వెస్ట్
కర్ణాటక ప్రభుత్వ నిర్ణయంతో అక్కడి కంపెనీలను ఆకర్షించేందుకు ఏపీ ఐటీ మంత్రి లోకేశ్ సిద్ధమయ్యారు. NASSCOM చేసిన ట్వీట్‌కు స్పందిస్తూ వారిని ఏపీకి ఆహ్వానించారు. ‘వైజాగ్‌లోని మా IT, AI & డేటా సెంటర్ క్లస్టర్‌కి మీ కంపెనీలను మార్చుకునేందుకు స్వాగతిస్తున్నాం. మీకు అత్యుత్తమ సౌకర్యాలు, నిరంతర విద్యుత్, మౌలిక వసతులను ప్రభుత్వం కల్పిస్తుంది. మీకు స్వాగతం పలికేందుకు ఏపీ సిద్ధంగా ఉంది’ అని ట్వీట్ చేశారు.
News July 17, 2024
ఆందోళన చెందొద్దు.. క్షేమంగానే ఉన్నా: నారాయణమూర్తి
తన ఆరోగ్యం నిలకడగా ఉందని నటుడు ఆర్.నారాయణమూర్తి తెలిపారు. ఆయన <<13647927>>అస్వస్థత<<>>కు గురయ్యారనే వార్తలతో అభిమానులు ఆందోళన వ్యక్తం చేస్తున్న వేళ నారాయణమూర్తి ఓ ప్రకటన విడుదల చేశారు. ప్రస్తుతం నిమ్స్ ఆస్పత్రిలో చికిత్స తీసుకుంటున్నానని, దేవుడి దయతో కోలుకుంటున్నట్లు పేర్కొన్నారు. పూర్తిగా కోలుకున్న తర్వాత అన్ని వివరాలు వెల్లడిస్తానన్నారు.
News July 17, 2024
ఎర్రమట్టి దిబ్బల పరిస్థితి ఇది: అమర్నాథ్
AP: విశాఖలోని ఎర్రమట్టి దిబ్బల్లో యథేచ్ఛగా తవ్వకాలు జరుగుతున్నాయని వైసీపీ నేత గుడివాడ అమర్నాథ్ Xలో ఆరోపించారు. ‘ప్రభుత్వ పెద్దల సహకారం, స్థానిక నేతల మద్దతుతో తవ్వకాలు జరుగుతున్నాయి. కూటమి పాలనలో విశాఖ భవిష్యత్తు ఎలా ఉంటుందో చెప్పకనే చెప్తున్నారు. కూటమి ప్రభుత్వం వచ్చిన 35రోజుల్లో ఎర్రమట్టి దిబ్బల పరిస్థితి ఇది’ అంటూ సెల్ఫీ ఫొటోను పోస్ట్ చేశారు. కాగా ప్రభుత్వం ఇప్పటికే దీనిపై <<13647350>>విచారణ<<>>కు ఆదేశించింది.
News July 17, 2024
యూపీ కేబినెట్‌లో మార్పులు?
UP సీఎం యోగి ఆదిత్యనాథ్ ఇవాళ గవర్నర్‌ను కలవనున్నట్లు తెలుస్తోంది. కేబినెట్‌లో మార్పులు చేయనున్నట్లు సమాచారం. యూపీ BJPలో లుకలుకలున్నాయని కొన్నిరోజులుగా ప్రచారం సాగుతోంది. డిప్యూటీ సీఎం కేశవ్ ప్రసాద్‌తో CMకు విభేదాలున్నాయనే ఊహాగానాలున్నాయి. దీంతో ఆయనకు పార్టీ బాధ్యతలు అప్పగించనున్నట్లు తెలుస్తోంది. తాజాగా ‘ప్రభుత్వం కంటే పార్టీనే పెద్దది. పార్టీ కంటే ఎవరూ పెద్దవారు కాదు’ అని కేశవ్ వ్యాఖ్యానించారు.
News July 17, 2024
ఏడాదికి సరిపడా వర్షపాతం ఒకేరోజులో!
చైనాలోని హెనాన్ ప్రావిన్సులో ఆసక్తికర ఘటన జరిగింది. డఫెంగ్యింగ్ అనే పట్టణంలో దాదాపు ఒక ఏడాదిలో కురిసే వర్షపాతం 24 గంటల్లో కురిసింది. ఏకంగా 606.7 మి.మీ వర్షపాతం నమోదు కావడంతో టౌన్ అంతా నీట మునిగింది. దీంతో అక్కడి ప్రజలు దిక్కుతోచని స్థితిలో వణికిపోతున్నారు. హెనాన్, షాండాంగ్, అన్హూయ్ ప్రావిన్సుల్లోనూ విస్తారంగా వర్షాలు కురిశాయని వాతావరణ శాఖ వెల్లడించింది.
News July 17, 2024
HYDకి వచ్చేయండి.. నెట్టింట NASSCOMకు ఆహ్వానం!
ప్రైవేటు ఉద్యోగాల్లో స్థానికులకు రిజర్వేషన్లు కల్పించడంతో కర్ణాటకలోని కంపెనీలు వేరే రాష్ట్రాలకు వెళ్లే అవకాశం ఉంది. ఇదే విషయాన్ని నేషనల్ అసోసియేషన్ ఆఫ్ సాఫ్ట్‌వేర్ అండ్ సర్వీస్ కంపెనీస్ (<<13648455>>NASSCOM<<>>) ప్రభుత్వానికి సూచించింది. దీంతో హైదరాబాద్‌ అనుకూల ప్రాంతమని NASSCOMకు పలువురు నెట్టింట రిక్వెస్ట్ చేస్తున్నారు. కంపెనీలను ఆకర్షించేందుకు ఇదే మంచి అవకాశం అంటూ TG CMO, IT మంత్రికి ట్యాగ్ చేస్తున్నారు.
Featured News
Sorry, no posts matched your criteria.