India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 11, 2024
ఇండియా కూటమికి కొత్త తలనొప్పి!
UPలో 43సీట్లతో మంచి ఫలితాలు సాధించినా INDIA కూటమిని ఓ తలనొప్పి వెంటాడుతోంది. కూటమి నుంచి గెలిచిన ఆరుగురు MPలపై కేసులున్నాయి. నేరం రుజువై 2ఏళ్లకు పైగా జైలు శిక్ష పడితే వారి పార్లమెంటు సభ్యత్వం రద్దవుతుంది. లోక్‌సభలో ఇండియా కూటమి బలం తగ్గుతుంది. BJPకి ప్రయోజనం అవుతుంది. కేసులు ఎదుర్కొంటున్నవారిలో అఫ్జల్ అన్సారీ, ధర్మేంద్రయాదవ్, బాబుసింగ్, రాంభువల్ నిషాద్, వీరేంద్రసింగ్, ఇమ్రాన్ మసూద్ ఉన్నారు.
News June 11, 2024
రేపటి నుంచి స్కూళ్లు.. టైమింగ్స్ ఇవే
TG: వేసవి సెలవుల అనంతరం రేపటి నుంచి రాష్ట్రంలో స్కూళ్లు పున:ప్రారంభం కానున్నాయి. ఈ విద్యా సంవత్సరం నుంచి ప్రాథమిక, ప్రాథమికోన్నత <<13317050>>స్కూళ్లు<<>> ఉ.9 గంటలకే ప్రారంభం కానున్నాయి. ప్రాథమిక పాఠశాలలు సా.4 గంటల వరకు, ప్రాథమికోన్నత పాఠశాలలు సా.4.15 గంటల వరకు నిర్వహిస్తారు. హైస్కూళ్లు మాత్రం ఉ.9.30 గంటల నుంచి ప్రారంభం అవుతాయి. HYD, SECలో మాత్రం ఉ.8.45 నుంచి సా.3.45 వరకే స్కూళ్లు ఉంటాయి.
News June 11, 2024
భారత్, పాక్ మ్యాచ్‌పై వ్లాగ్.. యూట్యూబర్ కాల్చివేత
భారత్, పాకిస్థాన్ మ్యాచ్ గురించి చేసిన వ్లాగ్ ఓ యూట్యూబర్ ప్రాణాలు తీసింది. పాకిస్థాన్‌లో జరిగిన ఈ ఘటన ఆలస్యంగా వెలుగులోకి వచ్చింది. పాక్‌కు చెందిన యూట్యూబర్ సాద్ అహ్మద్ కరాచీలో మ్యాచ్ గురించి జనాల అభిప్రాయం తీసుకోవాలనుకున్నాడు. ఈ క్రమంలో ఓ సెక్యూరిటీ గార్డ్‌ను పదే పదే ప్రశ్నలతో విసుగెత్తించాడు. దీంతో చిర్రెత్తుకొచ్చిన సెక్యూరిటీ గార్డ్ యూట్యూబర్‌ను కాల్చగా, ఆసుపత్రికి తరలించే క్రమంలో మరణించాడు.
News June 11, 2024
సైకిల్ మెకానిక్ TO సెంట్రల్ మినిస్టర్
MPకి చెందిన వీరేంద్ర కుమార్ ఖటీక్ సామాజిక న్యాయం, సాధికారత శాఖ మంత్రిగా బాధ్యతలు స్వీకరించారు. చిన్నతనంలో తండ్రి సైకిల్ రిపేర్ షాపులో ఆయన పంక్చర్లు వేసేవారు. దళిత వర్గానికి చెందిన వీరేంద్ర గ్రాడ్యుయేషన్, బాల కార్మికులపై PhD చేశారు. 1996లో తొలిసారిగా LS ఎన్నికల్లో గెలిచిన వీరేంద్ర మళ్లీ వెనుదిరిగి చూడలేదు. తాను సాధారణ కుటుంబ వ్యక్తినని, తన జీవనశైలి ఇప్పటికీ సాధారణంగా ఉంటుందని అంటున్నారు.
News June 11, 2024
ఎవరీ మోహన్ చరణ్?
ఒడిశా 15వ <<13422003>>సీఎం<<>>గా ఎన్నికైన 53 ఏళ్ల మోహన్ చరణ్ మాఝీ ఆదివాసీ నేత. ఆయన కియోంజర్ నియోజకవర్గం నుంచి 4 సార్లు MLAగా గెలిచారు. ఇటీవల జరిగిన ఎన్నికల్లో మోహన్‌కు ఏకంగా 47.05 శాతం ఓట్లు రావడం గమనార్హం. మోహన్ ప్రజాసేవతో మంచి గుర్తింపు పొందారు. ఫైర్ బ్రాండ్‌గానూ పేరొందారు. గత ఏడాది నిరసనలో భాగంగా అసెంబ్లీలో స్పీకర్ పోడియంవైపు పప్పు విసిరి సస్పెన్షన్‌కు గురవ్వడంతో మోహన్ పేరు రాష్ట్రంలో చర్చనీయాంశంగా మారింది.
News June 11, 2024
హైదరాబాద్.. ఎంఎన్‌సీలకు హాట్‌స్పాట్!
హైదరాబాద్‌లో ఆఫీస్ స్పేస్‌లకు డిమాండ్ విపరీతంగా పెరుగుతోంది. లీజు ఎన్ని కోట్లు ఉన్నా ఎంఎన్‌సీలు వెనుకాడటం లేదు. హైటెక్ సిటీలోని ‘ది స్కై వ్యూ బిల్డింగ్’లో 4.14లక్షల SFT ఆఫీస్ స్పేస్ కోసం క్వాల్‌కామ్ నెలకు రూ.3.15కోట్లు (సెక్యురిటీ డిపాజిట్ రూ.16కోట్లు) చెల్లిస్తోంది. ఇదే తరహాలో అనేక బడా సంస్థలు ఆఫీస్ లీజు కోసం పెద్ద మొత్తంలో చెల్లిస్తుండటం హైదరాబాద్ డిమాండ్‌కు నిదర్శనం అంటున్నారు విశ్లేషకులు.
News June 11, 2024
‘సరదా’గా విమానానికి బాంబు బెదిరింపు!
ఢిల్లీ నుంచి టొరంటో వెళ్లే ఎయిర్‌ కెనడా విమానానికి ఇటీవల వచ్చిన బాంబు బెదిరింపు వ్యవహారంలో ఓ 13ఏళ్ల బాలుడిని పోలీసులు అదుపులోకి తీసుకున్నారు. అయితే విచారణలో ఆశ్చర్యకర విషయాలు వెల్లడయ్యాయి. తనను పోలీసులు పట్టుకుంటారా? లేదా? అని చెక్‌ చేసేందుకే సరదాగా ఢిల్లీ ఎయిర్‌పోర్ట్‌కు ఈమెయిల్‌ పంపినట్లు బాలుడు చెప్పాడు. UPలోని మేరఠ్‌లో బాలుడిని పట్టుకున్న పోలీసులు జువనైల్‌ జస్టిస్‌ బోర్డు ఎదుట ప్రవేశపెట్టారు.
News June 11, 2024
ఓలా ఎలక్ట్రిక్ ఐపీఓకు లైన్ క్లియర్
ఓలా ఎలక్ట్రిక్ ఐపీఓకు సెబీ గ్రీన్ సిగ్నల్ ఇచ్చింది. ఈ ఐపీఓ ద్వారా రూ.7,250కోట్ల నిధులు సేకరించాలని సంస్థ భావిస్తోంది. కొత్తగా ప్రవేశపెట్టిన షేర్లతో రూ.5,500కోట్లు, మరో రూ.1,750 కోట్లను ఆఫర్ ఫర్ సేల్ (OFS) పద్ధతిలో సమకూర్చుకోవాలని ఆశిస్తోంది. OFS కింద వాటాదార్లు 95.19 మిలియన్ షేర్లను విక్రయించనున్నారు. ఓలా ఫౌండర్ భవిష్ అగర్వాల్‌ 47.3 మిలియన్ షేర్లు విక్రయించేందుకు సిద్ధమయ్యారు.
News June 11, 2024
గన్నవరం ఎయిర్‌పోర్టులో ఆంక్షలు
AP: విజయవాడలో రేపు చంద్రబాబు ప్రమాణ స్వీకారం చేయనుండటంతో గన్నవరం ఎయిర్‌పోర్టులో ఉ.10 నుంచి సా.4 గంటల వరకు ప్రయాణికుల రాకపోకలపై ఆంక్షలు విధించారు. ఉ.9.30 గంటలలోగా ప్రయాణికులు ఎయిర్‌పోర్టుకు చేరుకోవాలని అధికారులు సూచించారు. ప్రయాణికుల విమానాల రాకపోకలపై ఆంక్షలు లేవని వెల్లడించారు. రేపటి ప్రమాణ స్వీకార కార్యక్రమంలో మోదీ, అమిత్‌షా సహా పలువురు కేంద్రమంత్రులు, పలు రాష్ట్రాల సీఎంలు పాల్గొననున్నారు.
News June 11, 2024
యెమెన్‌లో పడవ మునిగి 49 మంది మృతి
యెమెన్‌ తీర ప్రాంతంలో ఘోర విషాదం చోటు చేసుకుంది. వలసదారుల పడవ మునిగి 49 మంది సోమాలియన్లు, ఇథియోపియన్లు మరణించినట్లు యూఎన్ అంతర్జాతీయ శరణార్థుల సంస్థ తెలిపింది. మరో 140 మంది గల్లంతవగా, 71 మందిని కాపాడినట్లు పేర్కొంది. మరణించిన వారిలో 31 మంది మహిళలు, ఆరుగురు చిన్నారులు ఉన్నారని వెల్లడించింది.
Featured News
Sorry, no posts matched your criteria.