India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 6, 2024
ఎమ్మెల్యేగా పోటీ చేస్తున్న నటి భర్త
నటి స్వర భాస్కర్ భర్త ఫాహద్ అహ్మద్ మహారాష్ట్ర అసెంబ్లీ ఎన్నికల బరిలో నిలిచారు. ముంబైలోని అనుశక్తి నగర్ నుంచి ఆయన NCP-SP తరఫున పోటీ చేస్తున్నారు. గతంలో సమాజ్‌వాదీ పార్టీలో ఉన్న ఆయన ఇటీవలే NCP-SPలో చేరారు. ఎన్నికల్లో ప్రచారం కోసం తన భర్త క్రౌడ్ ఫండింగ్ స్టార్ట్ చేసినట్లు స్వర ట్వీట్ చేశారు. అతడికి మద్దతుగా నిలిచి విరాళాలు అందించాలని అభ్యర్థించారు. గతేడాది అహ్మద్‌ను స్వర పెళ్లి చేసుకున్నారు.
News November 6, 2024
మరికొన్ని గంటల్లో ముగియనున్న US పోలింగ్
అమెరికా అధ్యక్ష ఎన్నికల పోలింగ్ మరికొన్ని గంటల్లో ముగియనుంది. పెద్ద ఎత్తున పోలింగ్‌లో పాల్గొంటున్న ఓటర్లు, కేంద్రాల వద్ద బారులు తీరారు. ఒకటి, రెండు రాష్ట్రాలు మినహా అన్నిచోట్లా భారత కాలమాన ప్రకారం ఉదయం 9.30 గంటలకు పోలింగ్ పూర్తి కానుంది. ఆ వెంటనే ఓట్ల లెక్కింపు ప్రక్రియ కూడా మొదలవుతుంది. ఇవాళ మధ్యాహ్నం నుంచే ఎర్లీ ట్రెండ్స్‌ను బట్టి ప్రెసిడెంట్ ఎవరనేది తేలిపోనుంది.
News November 6, 2024
అంతరిక్షం నుంచి ఓటేసిన సునీత విలియమ్స్
అమెరికాలో పోలింగ్ సందర్భంగా అంతరిక్షంలో ఉన్న ఆదేశ వ్యోమగాములు అక్కడి నుంచే ఓటేశారు. సునీతా విలియమ్స్, బచ్ విల్‌మోర్, డాన్ పెటిట్‌, నిక్ హాగ్ తమ ఓటు హక్కును వినియోగించుకున్నారు. అనంతరం వారు అమెరికా జాతీయ జెండాలు కలిగిన సాక్స్‌లు వేసుకొని ‘అమెరికన్లుగా గర్వపడుతున్నాం’ అని సందేశం పంపారు. ఇందుకు సంబంధించిన ఫొటోలను వ్యోమగాములు సోషల్ మీడియా ద్వారా పంచుకున్నారు.
News November 6, 2024
జుట్టు రాలడానికి కారణాలివే..
☛ పోషకాలు(జింక్, ఐరన్, విటమిన్-ఏ) లేని ఆహారం తినడం
☛ మానసిక ఒత్తిడి, జన్యుపరమైన కారణలు
☛ కెమికల్స్ ఎక్కువగా ఉన్న జెల్స్, షాంపూల, కలర్, హెయిర్ వ్యాక్స్ వాడకం
☛ పొల్యూషన్ కూడా హెయిర్ లాస్‌కి కారణం
★ జుట్టు ఆరోగ్యానికి పోషకాహారం తీసుకోవాలి. ఒత్తిడిని తగ్గించుకునేందుకు ధ్యానం చేయాలి. సహజసిద్ధమైన ఆయిల్స్‌తో జుట్టుకు మర్దన చేసుకోవాలి. పొల్యూషన్ బారినపడకుండా జాగ్రత్తలు తీసుకోవాలి.
News November 6, 2024
త్రివిధ దళాల సెల్యూట్లలో తేడాలివే!
ఇండియన్ ఆర్మీ సెల్యూట్: అరచేతిని ఓపెన్ చేసి, వేళ్లన్నీ కలిపి, మధ్య వేలు దాదాపు హ్యాట్‌బ్యాండ్/కనుబొమ్మలను తాకుతుంది. (చేతిలో ఏ ఆయుధాలు లేవని చెప్పడం)
ఇండియన్ నేవీ సెల్యూట్: నుదిటికి 90డిగ్రీల కోణంలో అరచేతిని ఓపెన్ చేసి నేల వైపు చూపిస్తారు. (పనిలో చేతికి అంటిన గ్రీజు కనిపించకుండా)
ఇండియన్ ఎయిర్ ఫోర్స్ సెల్యూట్: నేలకు 45డిగ్రీల కోణంలో అరచేతిని ఓపెన్ చేసి చేస్తారు.(ఆకాశంలోకి వెళతామనడానికి సూచిక)
News November 6, 2024
2024 US Elections: X కేంద్రంగా నకిలీ సమాచార వ్యాప్తి
అమెరికా ఎన్నిక‌ల‌పై ఎలాన్ మ‌స్క్ చేసిన నకిలీ, త‌ప్పుడు సమాచార ట్వీట్లకు Xలో ఈ ఏడాది 2 బిలియ‌న్ల వ్యూస్ వ‌చ్చిన‌ట్టు సెంట‌ర్ ఫర్ కౌంట‌రింగ్ డిజిట‌ల్ హేట్ అధ్య‌య‌నంలో తేలింది. కీలక రాష్ట్రాల్లో త‌ప్పుడు సమాచార వ్యాప్తికి X కేంద్ర బిందువుగా ప‌ని చేసింద‌ని ఆరోపించింది. మస్క్‌కు భారీ సంఖ్యలో ఉన్న ఫాలోవర్స్ వల్ల ఇది పెద్ద ఎత్తున ఇతరుల్ని ప్రభావితం చేయడానికి వీలు కల్పించిందని ఓ ప్రొఫెసర్ తెలిపారు.
News November 6, 2024
రక్షణ మంత్రిని తొలగించిన నెతన్యాహు
గాజాతో యుద్ధం వేళ ఇజ్రాయెల్ PM నెతన్యాహు అనూహ్య నిర్ణయం తీసుకున్నారు. రక్షణ మంత్రి యోవ్ గాలంట్‌ను తొలగించారు. ‘కొన్ని నెలలుగా విశ్వాసం సన్నగిల్లుతోంది. అందుకే ఈ నిర్ణయం తీసుకున్నా’ అని ఆయన ప్రకటించారు. గాలంట్ స్థానంలో ఫారిన్ మినిస్టర్ ఇజ్రాయెల్ కాజ్‌ను నియమించారు. FMగా గిడోన్ సార్‌ బాధ్యతలు చేపట్టారు. గాజా యుద్ధం మొదలైనప్పటి నుంచే నెతన్యాహు, గాలంట్ మధ్య విభేదాలు తలెత్తినట్లు తెలుస్తోంది.
News November 6, 2024
వాళ్లు గెలిస్తే మమ్మల్ని జైల్లో పెడతారు: ట్రంప్ లాయర్
అమెరికాలో పోలింగ్ వేళ రిపబ్లికన్ అభ్యర్థి డొనాల్డ్ ట్రంప్ లాయర్ రూడీ గిలానీ కీలక వ్యాఖ్యలు చేశారు. ‘డెమొక్రాట్లు మోసం చేయడంలో సమర్థులు. ఒకవేళ వాళ్లు గెలిస్తే నన్ను, ట్రంప్‌ను జీవితాంతం జైల్లో వేస్తారు. ఈ ఎన్నికల్లో రిపబ్లికన్ల విజయానికి చేయాల్సిందంతా చేశాను. నా దేశం కోసం పనిచేశాను’ అని ఆయన అన్నారు. కాగా న్యూయార్క్ మేయర్‌గా పనిచేసిన గిలానీ ట్రంప్ కేసులు వాదించి పాపులర్ అయ్యారు.
News November 6, 2024
నవంబర్ 6: చరిత్రలో ఈరోజు
* పర్యావరణ దోపిడీని నిరోధించే దినోత్సవం
* 1940: గాయని, రచయిత రాజ్యలక్ష్మి జననం
* 1948: ఆధ్యాత్మికవేత్త ముంతాజ్ అలీ జననం
* 1962: సినీనటి అంబిక పుట్టినరోజు
* 1951: భారత మొదటి ప్రధాన న్యాయమూర్తి హీరాలాల్ జెకిసుందాస్ కనియా మరణం
* 1985: బాలీవుడ్ నటుడు సంజీవ్ కుమార్ మరణం(ఫొటోలో)
News November 6, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
Featured News
Sorry, no posts matched your criteria.