India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 26, 2024
బౌన్సర్ల కల్చర్ తీసుకొచ్చింది రేవంత్ రెడ్డే: రఘునందన్
TG: బౌన్సర్లపై కాంగ్రెస్ నేతలు, పోలీసులు చేస్తున్న విమర్శలకు BJP MP రఘునందన్ కౌంటరిచ్చారు. ప్రైవేటు బౌన్సర్లతో ప్రజలను పక్కకు తోసేసే సంస్కృతిని తీసుకొచ్చింది CM రేవంతేనని ఆరోపించారు. PCC చీఫ్‌గా ఉన్నప్పుడు ఈ కార్యక్రమాన్ని ఆయన మొదలుపెట్టారన్నారు. HYD CP ఆనంద్‌కు చిత్తశుద్ధి ఉంటే బౌన్సర్ల వ్యవస్థనే రద్దు చేయాలని డిమాండ్ చేశారు. బన్నీ వివాదంలో బౌన్సర్లను ఎందుకు తీసుకొస్తున్నారని ప్రశ్నించారు.
News December 26, 2024
మహాకుంభమేళా కోసం అండర్‌వాటర్ డ్రోన్లు
జనవరి 13 నుంచి ఫిబ్రవరి 26 వరకు ప్రయాగ్‌రాజ్‌లో జరిగే మహా కుంభమేళా కోసం యూపీ ప్రభుత్వం పటిష్ఠ ఏర్పాట్లు చేస్తోంది. తొలిసారిగా అండర్ వాటర్ డ్రోన్‌ను అధికారులు పరీక్షించారు. ఇది నీటి అడుగున వస్తువు/మనుషులను కూడా గుర్తిస్తుందని, ఎవరైనా మునిగిపోతే వెంటనే రక్షించడానికి వీలవుతుందని తెలిపారు. 12 ఏళ్లకోసారి నిర్వహించే ఈ కుంభమేళాకు ఈసారి దాదాపు 45 కోట్ల మంది భక్తులు రానున్నట్లు అంచనా.
News December 26, 2024
సుమతీ నీతి పద్యం- తాత్పర్యం
అడిగిన జీతం బియ్యని
మిడిమేలపు దొరను గొల్చి మిడుకుటకంటెన్
వడిగల యెద్దలగట్టుక
మడి దున్నుకబ్రతుకవచ్చు మహిలో సుమతీ!
తాత్పర్యం: అడిగినప్పుడు జీతం ఇవ్వని గర్వంగల యజమాని దగ్గర జీవించడం కంటే ఎద్దులను నాగలికి కట్టుకొని పొలాన్ని దున్నుకొని వ్యవసాయము చేసుకొని జీవించడం మంచిది.
News December 26, 2024
2030 నాటికి 20K మెగావాట్ల పునరుత్పాదక ఇంధన ఉత్పత్తి: భట్టి
TG: హరిత ఇంధన డిమాండ్‌ను తీర్చడానికి క్లీన్ అండ్ గ్రీన్ ఎనర్జీ విధానాన్ని ప్రతిపాదించినట్లు Dy.CM భట్టి విక్రమార్క చెప్పారు. దీనిపై జనవరి 3న HICCలో వాటాదారుల సమావేశం నిర్వహిస్తున్నామని తెలిపారు. 2030 నాటికి 20వేల మెగావాట్ల పునరుత్పాదక ఇంధన ఉత్పత్తి లక్ష్యంతో పనిచేస్తున్నామన్నారు. రాష్ట్రంలో అభివృద్ధి వల్ల గరిష్ఠ విద్యుత్ డిమాండ్ 2034-35 నాటికి 31,809 మెగా వాట్లకు పెరుగుతుందని అంచనా వేశారు.
News December 26, 2024
డిసెంబర్ 26: చరిత్రలో ఈరోజు
✒ 1899: సమరయోధుడు ఉద్దమ్ సింగ్ జననం
✒ 1893: చైనాలో ప్రముఖ కమ్యూనిస్టు నేత మావో జెడాంగ్ జననం
✒ 1946: దర్శకుడు బి.నరసింగరావు జననం
✒ 1981: మహానటి సావిత్రి మరణం(ఫొటోలో)
✒ 1988: కాపు నేత వంగవీటి మోహనరంగా మరణం
✒ హిందూ మహాసముద్రంలో వచ్చిన భూకంపం కారణంగా సంభవించిన సునామీ పలుదేశాల్లో విధ్వంసం సృష్టించింది. దాదాపు 2,75,000 మంది చనిపోయారు.
News December 26, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News December 26, 2024
EPFOలోకి కొత్తగా 13.41 లక్షల మంది
ఉద్యోగ భవిష్య నిధి సంస్థ(EPFO)లోకి అక్టోబర్‌లో నికరంగా 13.41 లక్షల మంది కొత్త చందాదారులు చేరిన కేంద్ర కార్మిక శాఖ వెల్లడించింది. వీరిలో 7.50 లక్షల మంది తొలిసారి ఉద్యోగంలో చేరిన వారని తెలిపింది. 18-25 ఏళ్ల వయసున్న వారే 58.49 శాతంగా ఉందని పేర్కొంది. తెలంగాణ, మహారాష్ట్ర, కర్ణాటక, తమిళనాడు, ఢిల్లీ, హరియాణా, గుజరాత్ నుంచి ఎక్కువగా చందాదారులు చేరారంది.
News December 26, 2024
క్రిస్మస్‌కు పోప్ ఫ్రాన్సిస్ సందేశమిదే
క్రిస్మస్ సందర్భంగా పోప్ ఫ్రాన్సిస్ ప్రపంచానికి తన సందేశాన్ని అందించారు. ప్రజలు విద్వేషాలకు వ్యతిరేకంగా గొంతెత్తాలని, ధైర్యాన్ని పుంజుకోవాలని ఆయన కోరారు. ‘రేపటిపై ఆశతో జీవించాలని కోరుతున్నాను. ఉక్రెయిన్, పశ్చిమాసియా, గాజా, లెబనాన్, సిరియా వంటి ప్రాంతాలన్నింటిలోనూ ఆయుధాలను పక్కన పెట్టండి. దయచేసి శాంతిని స్వీకరించండి. ఎంతోమంది పిల్లలు, వృద్ధులు ఆకలితో అలమటిస్తున్నారు’ అని సందేశాన్నిచ్చారు.
News December 26, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News December 26, 2024
ఈ రోజు నమాజ్ వేళలు
✒ తేది: డిసెంబర్ 26, గురువారం
✒ ఫజర్: తెల్లవారుజామున 5.26 గంటలకు
✒ సూర్యోదయం: ఉదయం 6.44 గంటలకు
✒ దుహర్: మధ్యాహ్నం 12.17 గంటలకు
✒ అసర్: సాయంత్రం 4.14 గంటలకు
✒ మఘ్రిబ్: సాయంత్రం 5.50 గంటలకు
✒ ఇష: రాత్రి 7.07 గంటలకు
NOTE: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
Featured News
Sorry, no posts matched your criteria.