India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 19, 2024
రామోజీరావుకు వైఎస్ షర్మిల నివాళులు
AP: రామోజీ గ్రూపు సంస్థల ఛైర్మన్ దివంగత రామోజీరావుకు ఏపీసీసీ అధ్యక్షురాలు వైఎస్ షర్మిల తాజాగా నివాళులర్పించారు. ఈరోజు ఆర్ఎఫ్‌సీకి చేరుకున్న ఆమె, ఆయన ఫొటోకు అంజలి ఘటించారు. ఆయన కుటుంబీకుల్ని పరామర్శించి సానుభూతిని తెలియజేశారు. గతంలో వైఎస్ కుటుంబం, రామోజీరావు మధ్య పలు విభేదాలుండేవన్న సంగతి తెలిసిందే.
News June 19, 2024
బీజేపీ నాయకుణ్ని కాపాడిన యాపిల్ వాచ్
TG: యాపిల్ వాచ్ BJP రాజన్న సిరిసిల్ల జిల్లా అధ్యక్షుడు ప్రతాప రామకృష్ణను గుండెపోటు ప్రమాదం నుంచి తప్పించింది. ఇటీవల ఆయనకు కొంతదూరం నడిస్తే ఆయాసం, ఛాతిలో మంట వస్తున్నా పెద్దగా పట్టించుకోలేదు. అయితే ఆయన ధరించిన యాపిల్ వాచ్ గుండెకు ఇబ్బంది ఉందని పసిగట్టి అలర్ట్ ఇచ్చింది. ఆయన వైద్యుల్ని సంప్రదించగా హార్ట్‌లో రెండు రక్తనాళాలు మూసుకుపోయినట్లు గుర్తించారు. దీంతో మెరుగైన వైద్యం కోసం రామకృష్ణ HYD వెళ్లారు.
News June 19, 2024
ప్రభాస్ ‘కల్కి’ సెన్సార్ పూర్తి!
పాన్ ఇండియా స్టార్ ప్రభాస్ నటించిన ‘కల్కి’ సెన్సార్ పూర్తయినట్లు తెలుస్తోంది. సినిమాకు U/A సర్టిఫికెట్ లభించగా.. మొత్తం 2.58 గంటలు రన్ టైమ్ ఉండనుంది. మొత్తంగా విజువల్స్ అదిరిపోయాయని, ఎమోషన్స్& ఎంటర్‌టైన్మెంట్‌ను సమపాళ్లలో చూపించారని సెన్సార్ టీమ్ అభిప్రాయపడినట్లు సినీ వర్గాలు చెబుతున్నాయి. వారు స్టాండింగ్ ఓవేషన్‌తో టీమ్‌ని మెచ్చుకున్నారని తెలిపాయి. ఈనెల 27న ‘కల్కి’ విడుదల కానుంది.
News June 19, 2024
టీడీపీ ఎమ్మెల్యేల్లో సీనియర్లు ఎవరంటే?
త్వరలో కొలువుదీరనున్న 16వ అసెంబ్లీలో సీఎం చంద్రబాబు(9సార్లు) సీనియర్ మోస్ట్ లీడర్‌గా ఉంటారు. ఆయన తర్వాత గోరంట్ల బుచ్చయ్య (7సార్లు), అయ్యన్నపాత్రుడు(7), అచ్చెన్నాయుడు(6), ధూళిపాళ్ల నరేంద్ర కుమార్(6), నంద్యాల వరదరాజులు రెడ్డి(6), ఆనం రామనారాయణ రెడ్డి(6), కన్నా లక్ష్మీనారాయణ(6), కిమిడి కళా వెంకట్రావు(5), గొట్టిపాటి రవి కుమార్ (5), పయ్యావుల కేశవ్(5సార్లు) సీనియర్లుగా ఉన్నారు.
News June 19, 2024
అలాంటి వారిపై కఠిన చర్యలు: హోం మంత్రి అనిత
AP: రాష్ట్రంలో శాంతి భద్రతలను పటిష్ఠం చేస్తామని హోం మంత్రి అనిత అన్నారు. దిశ పోలీస్ స్టేషన్ల పేరు మారుస్తామని వెల్లడించారు. వైసీపీ బ్లడ్ ఉన్న పోలీసులు పక్కకు తప్పుకోవాలని.. ప్రజలకు అనుకూలంగా సిబ్బంది పని చేయాలని సూచించారు. సోషల్ మీడియాలో మనోభావాలు దెబ్బతీసేలా పోస్టులు పెట్టేవారిపై కఠిన చర్యలు తీసుకుంటామన్నారు. గత ప్రభుత్వంలో అక్రమ కేసులపై విచారణ జరిపిస్తామని పేర్కొన్నారు.
News June 19, 2024
గొలుసు ఉపగ్రహాలతో ‘ఓజోన్’కు పెను ముప్పు
స్పేస్‌ఎక్స్ సహా రోదసి సంస్థలు భూమి చుట్టూ వేలాది ఉపగ్రహాల గొలుసును ఏర్పాటు చేస్తున్నాయి. భూమి దిగువ కక్ష్యలో తిరిగే ఇవి నాలుగైదేళ్లు పనిచేసి ఆ తర్వాత వాతావరణంలోకి ప్రవేశించి మండిపోతాయి. అలా మండే క్రమంలో వేల కొద్దీ టన్నుల్లో అల్యూమినియం ఆక్సైడ్‌ను విడుదల చేస్తాయి. అది ఓజోన్ పొరకు పెను ప్రమాదమంటున్నారు అమెరికా పరిశోధకులు. పొరను అది భారీగా కరిగించేస్తుందని తమ అధ్యయనం ద్వారా హెచ్చరించారు.
News June 19, 2024
జెస్సీరాజ్‌కు మంత్రి లోకేశ్ అభినందనలు
AP: వరల్డ్ ఓషియానిక్ రోలర్ స్కేటింగ్‌ పోటీల్లో స్వర్ణ పతకం సాధించిన క్రీడాకారిణి జెస్సీరాజ్‌కి మంత్రి నారా లోకేశ్ అభినందనలు తెలియజేశారు. మన విజయవాడకు చెందిన బాలిక ప్రపంచ స్థాయిలో భారత కీర్తిప్రతిష్ఠలను ఇనుమడింపజేయడం గర్వకారణమన్నారు. ఇలాంటి ప్రతిభగల క్రీడాకారులకు తమ ప్రభుత్వం అన్ని విధాల అండగా ఉంటుందని పేర్కొన్నారు.
News June 19, 2024
అస్సాంలో వరదలు.. 30 దాటిన మృతుల సంఖ్య
అస్సాంలో వరదలకు ప్రాణాలు కోల్పోయిన వారి సంఖ్య 30 దాటింది. మంగళవారం రాత్రి గైనచోరా గ్రామంలో కొండచరియలు విరిగిపడటంతో ఐదుగురు మృతిచెందారు. రెమాల్ తుఫాను కారణంగా గత కొన్నిరోజులుగా కురుస్తున్న వర్షాలకు 470 గ్రామాలు నీటమునిగాయి. 15 జిల్లాల్లోని 1.61లక్షల మందిపై వరదల ప్రభావం పడింది. రిలీఫ్ క్యాంపుల్లో 5114 మంది తలదాచుకున్నారని, సహాయక చర్యలను ముమ్మరం చేసినట్లు అధికారులు వెల్లడించారు.
News June 19, 2024
అప్పులు చెల్లించేందుకే రోజుకు రూ.196 కోట్లు ఖర్చు!
TG: రాష్ట్రంపై ఉన్న అప్పులను తిరిగి చెల్లించేందుకు తెలంగాణ ప్రభుత్వం రోజుకు రూ.196 కోట్లు ఖర్చు చేస్తోంది. గత ప్రభుత్వం తీసుకున్న రుణాలను చెల్లించేందుకు రేవంత్ సర్కార్ గత 6 నెలల్లో రూ. 25వేల కోట్లు అప్పుగా తీసుకుంది. తద్వారా రూ. 38,000 కోట్ల రుణాలను తిరిగి చెల్లించగలిగింది. అన్ని నిధులను రుణాలు & అభివృద్ధి కార్యక్రమాలకు తిరిగి చెల్లించడానికి వినియోగిస్తున్నట్లు ప్రభుత్వం వెల్లడించింది.
News June 19, 2024
24న కేబినెట్ భేటీ.. కీలక నిర్ణయాలకు ఆమోదం
AP: ఈ నెల 24న ఉదయం పదింటికి సచివాలయంలో సీఎం చంద్రబాబు అధ్యక్షతన కొత్త సర్కారు తొలి కేబినెట్ భేటీ జరగనుంది. భేటీలో చర్చించాల్సిన అంశాలపై ఈ నెల 21న సాయంత్రం 4గంటల్లోగా ప్రతిపాదనలు పంపించాలని ప్రభుత్వ శాఖలకు సీఎంఓ ఆదేశాలు జారీ చేసింది. సీఎం సంతకం చేసిన ల్యాండ్ టైట్లింగ్ యాక్ట్ రద్దు, డీఎస్సీ పోస్టుల భర్తీ, అన్నా క్యాంటీన్ల ఏర్పాటు వంటి పలు నిర్ణయాలను ఈ సందర్భంగా ఆమోదించనున్నారు.
Featured News
Sorry, no posts matched your criteria.