India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 17, 2024
కమల్ బయోపిక్ డైరెక్ట్ చేస్తారా?.. శ్రుతిహాసన్ ఆన్సర్ ఇదే
హీరోయిన్‌గానే కాకుండా మ్యూజిక్ ఆల్బమ్స్‌ని సైతం రూపొందిస్తూ మల్టీ టాలెంటెడ్‌గా పేరు తెచ్చుకున్నారు శ్రుతిహాసన్. తన తండ్రి కమల్ హాసన్ బయోపిక్‌ను డైరెక్ట్ చేయడంపై తాజాగా ఆమె స్పందించారు. ఆయన జీవిత చరిత్రను తీయడానికి తాను సరైన వ్యక్తి కాదని పేర్కొన్నారు. ఇండస్ట్రీలో గొప్ప దర్శకులున్నారని.. వారైతే అద్భుతంగా తెరకెక్కించగలరని చెప్పారు. తాను తీస్తే ఒక వైపు నుంచి పక్షపాతంగా తీసినట్లు అనిపిస్తుందన్నారు.
News June 17, 2024
వైసీపీపై ప్రేమ తగ్గకపోతే ఉద్యోగాల్ని వదిలేయండి: హోం మంత్రి అనిత
AP: కొంతమంది పోలీసుల్లో ఇంకా వైసీపీ రక్తమే ఉందని హోంమంత్రి వంగలపూడి అనిత విమర్శించారు. ఆయా అధికారులు వారి వ్యవహారశైలిని మార్చుకోవాలని ఆమె సూచించారు. అయినా వైసీపీపై ప్రేమ తగ్గకపోతే ఉద్యోగాల్ని వదిలేసి ఆ పార్టీకోసం పనిచేసుకోవచ్చని సూచించారు. ఈరోజు సింహాచలం అప్పన్నను ఆమె దర్శించుకున్నారు. దేవస్థానం భూములు ఒక్క గజం కూడా అన్యాక్రాంతం కాకుండా చూసుకుంటానని ఈ సందర్భంగా ఆమె తెలిపారు.
News June 17, 2024
ఎయిర్ ఇండియా ఆహారంలో బ్లేడ్!
బెంగళూరు-శాన్‌ఫ్రాన్సిస్కో ఎయిర్ ఇండియా విమానంలో ఓ ప్రయాణికుడికి అందించిన ఆహారంలో బ్లేడ్ రావడం చర్చనీయాంశమైంది. ఆహారం నములుతూ ఉండగా నోటికి తగలడంతో బ్లేడ్‌ను గుర్తించానని, త్రుటిలో ప్రమాదం తప్పినట్లు బాధితుడు తెలిపారు. ఒకవేళ ఇదే బ్లేడ్ పిల్లల ఆహారంలో వచ్చి ఉంటే పరిస్థితి ఏంటని ప్రశ్నించారు. దీనిపై స్పందించిన యాజమాన్యం, అది తమ క్యాటరింగ్ పార్ట్‌నర్ వెజిటబుల్ మెషీన్‌లో నుంచి వచ్చినట్లు తెలిపింది.
News June 17, 2024
CID విచారణకు హాజరైన యడియూరప్ప
కర్ణాటక మాజీ సీఎం, BJP సీనియర్ నేత యడియూరప్ప పోక్సో కేసులో CID విచారణకు హాజరయ్యారు. ఆయనను అరెస్ట్ చేయవద్దని కర్ణాటక హైకోర్టు గత శుక్రవారం CIDని ఆదేశించిన నేపథ్యంలో తాజాగా విచారణకు వెళ్లారు. యడియూరప్ప సీఎంగా ఉండగా సహాయం కోసం కార్యాలయానికి వచ్చిన ఓ 17ఏళ్ల బాలికను లైంగికంగా వేధించారని మార్చి 14న పోక్సో చట్టం కింద కేసు నమోదైంది.
News June 17, 2024
జమ్మూకశ్మీర్ ఎన్నికల BJP ఇన్‌ఛార్జ్‌గా కిషన్ రెడ్డి
త్వరలో ఎన్నికలు జరగనున్న 4 రాష్ట్రాలకు బీజేపీ ఇన్‌ఛార్జ్‌లను నియమించింది. కేంద్రమంత్రి కిషన్ రెడ్డికి జమ్మూకశ్మీర్ బాధ్యతలు అప్పగించింది. ధర్మేంద్ర ప్రధాన్‌, బిప్లవ్ దేవ్‌-హరియాణా, అశ్వినీ వైష్ణవ్, భూపేంద్రయాదవ్‌-మహారాష్ట్ర, శివరాజ్ సింగ్ చౌహాన్, హిమంత బిస్వశర్మను ఝార్ఖండ్ ఇన్‌ఛార్జ్‌లుగా నియమిస్తున్నట్లు ప్రకటించింది.
News June 17, 2024
రూ.45వేల కోట్లతో ముంద్రా పోర్ట్ విస్తరణ!
గుజరాత్‌లోని ముంద్రా పోర్ట్‌‌ను విస్తరించేందుకు అదానీ పోర్ట్స్‌కు కేంద్రం గ్రీన్ సిగ్నల్ ఇచ్చినట్లు తెలుస్తోంది. రూ.45వేలకోట్లు వెచ్చించి పోర్టు సామర్థ్యాన్ని సంస్థ రెండింతలు చేయనుంది. 2025కి ముంద్రా పోర్టును 500 మిలియన్ మెట్రిక్ టన్నుల కార్గోను నిర్వహించగలిగే సామర్థ్యం గల పోర్టుగా తీర్చిదిద్దుతామని సంస్థ తెలిపింది. FY24లో అదానీకి చెందిన ముంద్రా పోర్టు దేశంలోని 27% కార్గోను హ్యాండిల్ చేసింది.
News June 17, 2024
అల్లు అర్జున్- అట్లీ సినిమాకు బ్రేక్!
ఐకాన్ స్టార్ అల్లు అర్జున్, డైరెక్టర్ అట్లీ కాంబోలో రావాల్సిన సినిమా క్యాన్సిల్ అయినట్లు సినీ వర్గాలు తెలిపాయి. అట్లీ తన తదుపరి చిత్రాన్ని బాలీవుడ్ స్టార్ హీరో సల్మాన్ ఖాన్‌తో తీసేందుకు సిద్ధమయ్యారట. షారుఖ్ ఖాన్‌ హీరోగా అట్లీ తెరకెక్కించిన ‘జవాన్’ బ్లాక్ బస్టర్ అవడంతో మరోసారి బాలీవుడ్ సినిమావైపే ఆయన మొగ్గుచూపారట. సల్మాన్ కూడా మూవీకి ఓకే చెప్పారని, వచ్చే ఏడాది షూటింగ్ ప్రారంభమవుతుందని సమాచారం.
News June 17, 2024
19న పార్టీ నేతలతో YS జగన్ కీలక భేటీ
AP: అసెంబ్లీ ఎన్నికల్లో గెలుపొందిన ఎమ్మెల్యేలు, పోటీచేసిన అభ్యర్థులతో ఈ నెల 19న వైసీపీ అధినేత జగన్ కీలక భేటీ నిర్వహించనున్నారు. ఎంపీ అభ్యర్థులూ హాజరుకానున్నారు. రాజ్యసభ, లోక్‌సభ సభ్యులతో ఇప్పటికే సమావేశమైనందున వారికి మినహాయింపునిచ్చారు. తాడేపల్లిలోని క్యాంపు కార్యాలయంలో ఉదయం 10:30 గంటలకు సమావేశం జరగనుంది. ఎన్నికల్లో ఓటమి, భవిష్యత్ కార్యాచరణపై చర్చించే అవకాశం ఉంది.
News June 17, 2024
ట’మోత’.. కిలో రూ.100?
దేశ వ్యాప్తంగా అన్ని రకాల కూరగాయల ధరలు కొండెక్కి కూర్చున్నాయి. టమాటా ధరలైతే కొనుగోలుదారులకు చుక్కలు చూపిస్తున్నాయి. దిగుబడులు తగ్గి మార్కెట్లో సరిపడినంత స్టాక్ లేకపోవడంతో కిలో రూ.100కు చేరువలో ఉన్నాయి. ప్రస్తుతం దేశంలోని కొన్ని ప్రాంతాల్లో కేజీ రూ.80 వరకు పలుకుతోంది. కొరత ఇలానే ఉంటే ₹100 వరకూ చేరొచ్చు. APలో ₹60 ఉండగా, TGలో ₹70-80 మధ్య ఉంది. మీ ప్రాంతంలో టమాటా ధరలు ఎంత ఉన్నాయో కామెంట్ చేయండి.
News June 17, 2024
కోడెలను వేధించిన కర్మ జగన్‌ను వెంటాడుతోంది: దేవినేని
AP: మాజీ స్పీకర్ కోడెల శివప్రసాద్‌ను వేధించిన పాపం తాలూకు కర్మ మాజీ సీఎం జగన్‌ను వెంటాడుతోందని టీడీపీ ఎమ్మెల్యే దేవినేని ఉమామహేశ్వరరావు అన్నారు. రూ.కోట్ల విలువైన ఫర్నిచర్‌ను ఇంట్లో పెట్టుకోవడం దారుణమని మండిపడ్డారు. ‘ఒప్పుకొంటే తప్పు ఒప్పవుతుందా? దొరికిపోయాక ఫర్నిచర్ ఇస్తాం, రేటు కడతాం అంటే చట్టం ఎలా ఒప్పుకొంటుంది? చట్టపరమైన చర్యలు ఎందుకు తీసుకోకూడదో వైఎస్ జగన్ సమాధానమివ్వాలి’ అని డిమాండ్ చేశారు.
Featured News
Sorry, no posts matched your criteria.