India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 13, 2024
ట్రైన్‌లో ముస్లిం మహిళ ప్రసవం.. బిడ్డకు మహాలక్ష్మి పేరు
కొల్హాపూర్-ముంబై మహాలక్ష్మి ఎక్స్‌ప్రెస్‌లో ప్రయాణిస్తుండగా ఫాతిమా ఖాతున్ అనే గర్భిణి ఆడపిల్లకు జన్మనిచ్చింది. లోనావాలా స్టేషన్‌ దాటిన తర్వాత ప్రసవం జరిగింది. రైల్వే పోలీసులు సహాయం అందించడంతో తల్లి, బిడ్డ క్షేమంగా ఉన్నారు. లక్ష్మీదేవి పుట్టిందని కొల్హాపూర్ ఆలయానికి వెళ్లివస్తోన్న కొందరు చెప్పడంతో తన బిడ్డకు మహాలక్ష్మీ అనే పేరు పెట్టినట్లు తండ్రి తయ్యబ్ తెలిపారు.
News June 13, 2024
‘బుజ్జి’పై ఆనంద్ ప్రశంసలు
‘కల్కి’ సినిమాలోని బుజ్జి (సూపర్ కార్) గురించి ప్రముఖ వ్యాపారవేత్త ఆనంద్ మహీంద్రా ట్వీట్ చేశారు. ‘ముంబైని ఆక్రమించడమే అతని లక్ష్యం. కానీ, వర్లీలోని మహీంద్రా టవర్స్‌కు చేరుకున్న బుజ్జి తన కజిన్ ‘‘స్కార్పియో-ఎన్’’ను కలిశాక శాంతించాడు. అత్యద్భుతమైన భారతీయ సైన్స్ ఫిక్షన్ చిత్రాన్ని తెరకెక్కిస్తోన్న నాగ్ అశ్విన్‌కు అభినందనలు. ఇంత పెద్ద కలలు కనే ప్రతి ఒక్కరికీ నా శుభాకాంక్షలు’ అని ఆనంద్ తెలిపారు.
News June 13, 2024
కేజీ టమాటా రూ.90
టమాటా ధరలు మళ్లీ సెంచరీ వైపు పరుగులు పెడుతున్నాయి. హైదరాబాద్‌లోని మార్కెట్లలో నాణ్యమైన మొదటి రకం టమాటా ధర రూ. రూ.80-90 వరకు పలుకుతోంది. రెండో రకం టమాటాను రూ.60-70కి అమ్ముతున్నారు. అటు హోల్‌సేల్‌ మార్కెట్లలో రూ.120కి మూడు కిలోల చొప్పున విక్రయిస్తున్నారు. మరోవైపు ఉల్లిపాయల ధర కూడా భారీగా పెరిగింది. కేజీ ఉల్లి రేట్ రూ.50-60 పలుకుతోంది. టమాటా, ఉల్లి రేట్లతో సామాన్యులు బెంబేలెత్తుతున్నారు.
News June 13, 2024
మెగా ఫ్యామిలీతో ప్రధాని మోదీ
ప్రధాని మోదీతో మెగా బ్రదర్స్ గ్రూప్ ఫొటో దిగారు. నిన్న చంద్రబాబు ప్రమాణ స్వీకారానికి హాజరైన మోదీ ఆ సందర్భంగా చిరంజీవి, పవన్ కళ్యాణ్, నాగబాబు కుటుంబ సభ్యులతో కలిసి ఫొటోకు పోజులిచ్చారు. ఈ చిత్రం తాజాగా బయటకి రావడంతో మెగా ఫ్యాన్స్ వైరల్ చేస్తున్నారు. ప్రమాణ స్వీకారోత్సవ వేదికపైనా చిరంజీవి, పవన్‌ను మోదీ ఆత్మీయంగా హత్తుకున్న విషయం తెలిసిందే.
News June 13, 2024
మాజీ సీఎం అరెస్ట్ కావొచ్చు: మంత్రి
పోక్సో కేసులో కర్ణాటక మాజీ CM యడియూరప్పను అరెస్ట్ చేసే అవకాశం ఉందని ఆ రాష్ట్ర హోంమంత్రి పరమేశ్వర తెలిపారు. అది CID నిర్ణయిస్తుందన్నారు. ఓ చీటింగ్ కేసులో సహాయం కోసం యడియూరప్ప వద్దకు వెళ్లగా తన కూతురి(17)ని లైంగికంగా వేధించారంటూ ఓ మహిళ ఫిర్యాదు చేసింది. దీంతో ఆయనపై పోక్సో కేసు నమోదైంది. విచారణకు హాజరుకావాలంటూ CID నిన్న మాజీ CMకు నోటీసులు పంపింది. అయితే తాను ఈనెల 17న వస్తానని ఆయన రిప్లై ఇచ్చారు.
News June 13, 2024
తుపాకీ చప్పుడుతో నిద్ర లేచా: సల్మాన్
తన ఇంటి ముందు కాల్పుల ఘటనపై ముంబై క్రైమ్ బ్రాంచ్ పోలీసులు హీరో సల్మాన్ ఖాన్ స్టేట్‌మెంట్‌ను రికార్డ్ చేశారు. ఆరోజు ఉదయం తుపాకీ చప్పుడుతో తాను నిద్ర లేచినట్లు ఆయన చెప్పారు. సల్మాన్ సోదరుడు అర్బాజ్ స్టేట్‌మెంట్‌నూ తీసుకున్నారు. కాగా APR 14న సల్మాన్ ఇంటి ముందు గ్యాంగ్‌స్టర్ లారెన్స్ బిష్ణోయ్ గ్యాంగ్ <<13052619>>కాల్పులు<<>> జరిపింది. ఈకేసులో మొత్తం ఆరుగురిని అరెస్ట్ చేయగా ఒకరు పోలీస్ కస్టడీలోనే ఉరేసుకొని చనిపోయాడు.
News June 13, 2024
సిమెంట్ రంగంపై అదానీ ఫోకస్!
వివిధ రంగాల్లో ఆధిపత్యం చెలాయిస్తున్న అదానీ గ్రూప్ దృష్టి ఇప్పుడు సిమెంట్ రంగంపై పడింది. $3 బిలియన్లతో (రూ.25వేల కోట్లపైనే) పలు కంపెనీలను కొనాలని ప్లాన్ చేస్తోందట. ఈ జాబితాలో HYDకు చెందిన పెన్నా సిమెంట్ సహా సౌరాష్ట్ర సిమెంట్, వాద్‌రాజ్ సిమెంట్ తదితర సంస్థలు ఉన్నాయి. 3-4ఏళ్లలో ఆదిత్య బిర్లా గ్రూప్‌కు చెందిన అల్ట్రాటెక్‌ను దాటి అతిపెద్ద సిమెంట్ ఉత్పత్తిదారుగా నిలవాలని అదానీ గ్రూప్ భావిస్తోంది.
News June 13, 2024
T20WC: అసలేమైంది ఈ దిగ్గజ జట్లకు?
టీ20 WCలో పలు టాప్ టీమ్స్ పేలవ ప్రదర్శన చేస్తున్నాయి. న్యూజిలాండ్, శ్రీలంక, పాకిస్థాన్, ఇంగ్లండ్ జట్లు గ్రూప్ దశలోనే టోర్నీ నుంచి నిష్క్రమించే పరిస్థితికి చేరాయి. ఆ టీమ్స్ సూపర్-8కు వెళ్లాలంటే ఇతర జట్లపై ఆధారపడాల్సిన దుస్థితి నెలకొంది. మరోవైపు బంగ్లాదేశ్, అఫ్గానిస్థాన్, స్కాట్లాండ్, అమెరికా వంటి చిన్న జట్లు అంచనాలకు మించి రాణిస్తున్నాయి. దీంతో ఈసారి ప్రపంచ కప్ పోటీలు రసవత్తరంగా మారాయి.
News June 13, 2024
‘ఒక్క సిగరెట్ ప్లీజ్’.. ఠాణాలో హీరో కష్టాలు?
మర్డర్ కేసులో అరెస్టైన కన్నడ హీరో దర్శన్ పోలీస్ స్టేషన్‌లో నిద్ర లేని రాత్రులు గడుపుతున్నట్లు తెలుస్తోంది. ‘ఒక్క సిగరెట్ ఇవ్వండి’ అంటూ పోలీసులను ఆయన వేడుకున్నట్లు సమాచారం. కానీ పోలీసులు సిగరెట్ ఇవ్వలేదట. సెలబ్రిటీ కావడంతో కార్పెట్, దిండు ఇచ్చినా నిద్రపోలేదని, దొన్నె బిర్యానీ తెప్పించినా హీరో తినలేదని సమాచారం. ఓ అభిమాని హత్యకేసులో దర్శన్‌ను బెంగళూరు అన్నపూర్ణేశ్వరి నగర పీఎస్‌లో విచారిస్తున్నారు.
News June 13, 2024
అరుణాచల్ సీఎంగా పెమా ఖండూ ప్రమాణం
అరుణాచల్ ప్రదేశ్ సీఎంగా వరుసగా మూడోసారి పెమా ఖండూ ప్రమాణ స్వీకారం చేశారు. చౌనా మీన్ డిప్యూటీ సీఎంగా ప్రమాణం చేశారు. ఈటానగర్‌లోని డీకే స్టేట్ కన్వెన్షన్ సెంటర్‌లో గవర్నర్ కేటీ పర్నాయక్ వారితో ప్రమాణం చేయించారు. ఈ కార్యక్రమానికి హోంమంత్రి అమిత్ షా, బీజేపీ జాతీయాధ్యక్షుడు జేపీ నడ్డా హాజరయ్యారు. కాగా రాష్ట్రంలోని మొత్తం 60 సీట్లలో 46 స్థానాలు బీజేపీ కైవసం చేసుకున్న సంగతి తెలిసిందే.
Featured News
Sorry, no posts matched your criteria.