India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 17, 2024
జోగి రమేశ్‌ను చూసి షాక్‌కు గురయ్యా: పార్థసారథి
AP: నూజివీడులో గౌతు లచ్చన్న విగ్రహావిష్కరణకు జోగి రమేశ్ దురుద్దేశంతో వచ్చి ఉండొచ్చని మంత్రి పార్థసారథి అన్నారు. ‘నన్ను ఆదరించిన TDP కార్యకర్తల మనోభావాలు దెబ్బతిన్నందుకు సారీ. ఇది పార్టీలకతీతంగా గౌడ సంఘం ఆధ్వర్యంలో జరిగిన కార్యక్రమం. ఆ సమయంలో జోగి రమేశ్‌ను చూసి షాక్‌కు గురయ్యాను. ఆయనకు, నాకు వ్యక్తిగత సంబంధాలు లేవు. భవిష్యత్తులో ఇలాంటివి జరగకుండా చూసుకుంటా’ అని ప్రెస్‌మీట్‌లో పార్థసారథి చెప్పారు.
News December 17, 2024
పాలస్తీనా బ్యాగ్: ప్రియాంకపై పాక్ మాజీ మంత్రి ప్రశంసలు
పార్లమెంటుకు ‘పాలస్తీనా’ బ్యాగు తీసుకెళ్లిన కాంగ్రెస్ MP ప్రియాంకా గాంధీని పాక్ మాజీ మంత్రి ఫవాద్ హుస్సేన్ ప్రశంసించారు. ‘ఫ్రీడమ్ ఫైటర్ నెహ్రూ ముని మనమరాలి నుంచి ఇంకేం ఆశించగలం? మరుగుజ్జుల మధ్య ఆమె మహోన్నతంగా నిలిచారు. పాక్ పార్లమెంటులో ఇప్పటి వరకు ఎవరూ ఆ ధైర్యం చేయకపోవడం సిగ్గుచేటు’ అని అన్నారు. బంగ్లా హిందువులపై జాలి చూపని ప్రియాంక ముస్లిములను మాత్రం బుజ్జగిస్తున్నారని ఇక్కడ విమర్శలు వచ్చాయి.
News December 17, 2024
అడివి శేష్ ‘డెకాయిట్’ నుంచి రెండు పోస్టర్లు
అడివి శేష్ హీరోగా షానియెల్ దేవ్ తెరకెక్కిస్తోన్న ‘డెకాయిట్’ సినిమాలో మృణాల్ ఠాకూర్ నటిస్తున్నట్లు తెలియజేస్తూ మేకర్స్ పోస్టర్స్ రిలీజ్ చేశారు. ‘అవును ప్రేమించావు. కానీ మోసం చేసావు. ఇడిచిపెట్టను.. తేల్చాల్సిందే’ అని అడివి శేష్ Xలో పేర్కొన్నారు. దీనికి ‘అవును వదిలేశాను. కానీ మనస్ఫూర్తిగా ప్రేమించాను’ అని మృణాల్ మరో పోస్టర్‌తో బదులిచ్చారు. కాగా, మొదట ఈ మూవీలో హీరోయిన్‌గా శ్రుతిహాసన్‌‌ను అనుకున్నారు.
News December 17, 2024
రోహిత్ రిటైర్మెంట్ ప్రకటిస్తారా?
ఆస్ట్రేలియాతో BGT సిరీస్‌లో రోహిత్ ప్రదర్శన పేలవంగా సాగుతోంది. తాజాగా మూడో టెస్టు తొలి ఇన్నింగ్స్‌లో 10 పరుగులకే ఔటయ్యాక ఆయన అసహనంగా కనిపించారు. గ్లౌవ్స్‌ను డగౌట్ వద్దే విడిచివెళ్లడం తన రిటైర్మెంట్ సంకేతాలను సూచిస్తున్నాయనే చర్చ జరుగుతోంది. ఈ సిరీస్‌ తర్వాత టెస్టులకూ రిటైర్మెంట్ ప్రకటిస్తారేమో? అంటూ నెటిజన్లు అభిప్రాయపడుతున్నారు. గత 14 ఇన్నింగ్సుల్లో హిట్ మ్యాన్ ఒకే అర్ధ సెంచరీ చేయడం గమనార్హం.
News December 17, 2024
అప్పులు చేసి నీతులు చెబుతున్నారు: భట్టి
TG: తమ ప్రభుత్వం రూ.52 వేల కోట్ల అప్పు తీసుకుందని డిప్యూటీ సీఎం భట్టి విక్రమార్క అన్నారు. అదే సమయంలో రూ.66 వేల కోట్ల అప్పులను తిరిగి చెల్లించినట్లు తెలిపారు. ఖర్చు రూపాయితో సహా లెక్కగట్టి చెబుతామని స్పష్టం చేశారు. రాష్ట్రాన్ని అప్పుల పాలు చేసిన బీఆర్ఎస్ నేతలు నీతులు చెప్తున్నారని దుయ్యబట్టారు. మరోవైపు కాంగ్రెస్ ఏడాది పాలనలోనే రూ.1.27 లక్షల కోట్ల అప్పు చేసిందని హరీశ్ రావు ఆరోపించారు.
News December 17, 2024
ఆడ తోడు కోసం 13వేల కి.మీలు ప్రయాణించిన మగ తిమింగలం!
మగ తిమింగలం రికార్డు సృష్టించింది. దక్షిణ అమెరికా నుంచి ఆఫ్రికాకు 13,046 కిలోమీటర్లు (8,106 మైళ్లు) పైగా ఈదింది. దీంతో ఇప్పటివరకూ అత్యధిక దూరం ఈదిన తిమింగలంగా రికార్డులకెక్కింది. ఈ విషయాన్ని రాయల్ సొసైటీ ఓపెన్ సైన్స్‌లో ప్రచురించారు. సంతానోత్పత్తి కోసం ఆడ తిమింగలం కోసం వెతుకుతూ ఇంత దూరం ప్రయాణించింది. సహచరుల కోసం పోటీ కారణంగా సాధారణం కంటే డబుల్ డిస్టెన్స్‌ ప్రయాణించాల్సి వస్తోంది.
News December 17, 2024
తగ్గనున్న స్విగ్గీ, జొమాటో డెలివరీ ఛార్జీలు?
స్విగ్గీ, జొమాటో వంటి ఇ-కామర్స్ కంపెనీల ఫుడ్ డెలివరీ ఛార్జీలపై ట్యాక్స్ తగ్గించేందుకు GST కౌన్సిల్ యోచిస్తోందని సమాచారం. ప్రస్తుతమున్న 18 నుంచి 5 శాతానికి తగ్గించొచ్చని CNBC TV18 పేర్కొంది. ఫిట్‌మెంట్ కమిటీ సూచన మేరకు ఇన్‌పుట్ ట్యాక్స్ క్రెడిట్ లేకుండా 2022, JAN 1నుంచే వర్తించొచ్చని తెలుస్తోంది. రెస్టారెంట్ల సర్వీస్ ఛార్జీతో తమ డెలివరీ ఛార్జీలను సమం చేయాలని ఈ కంపెనీలు గతంలో కేంద్రాన్ని కోరాయి.
News December 17, 2024
ఛాంపియన్‌షిప్‌నకు వాడిన చెస్ సెట్‌ను చెక్కింది ఈయనే..
భారత చెస్ ప్లేయర్ గుకేశ్ దొమ్మరాజు ప్రపంచ ఛాంపియన్‌గా నిలిచిన విషయం తెలిసిందే. అయితే, ఫైనల్‌లో తన ప్రత్యర్థితో ఆడిన మ్యాచులో వినియోగించిన చెస్ సెట్‌ను ఎవరు తయారు చేశారో తెలుసా? అమృత్‌సర్‌కు చెందిన 34ఏళ్ల అనుభవం కలిగిన మాస్టర్ కార్వర్ బల్జీత్ సింగ్. ప్రపంచ ఛాంపియన్‌షిప్ కోసం క్లిష్టమైన చెస్ పీసెస్‌ను చెక్కగలిగే కళాకారులు ప్రపంచంలో ఇద్దరు మాత్రమే ఉండగా.. అందులో సింగ్ ఒకరు.
News December 17, 2024
ట్రంప్‌నకు ఎదురుదెబ్బ
అమెరికా అధ్యక్ష ఎన్నికల్లో గెలిచిన ట్రంప్‌నకు ఎదురు దెబ్బ‌తగిలింది. పోర్న్‌స్టార్‌ స్టార్మీ డేనియల్స్‌కు అనధికారికంగా సొమ్ములు చెల్లించిన కేసులో తనకు ఉపశమనం కల్పించాలన్న ఆయన అభ్యర్థనను న్యూయార్క్ జడ్జి తిరస్కరించారు. అధ్యక్ష బాధ్యతలు నిర్వర్తించేందుకు ఈ కేసు ప్రభావం చూపుతుందన్న ట్రంప్ లీగల్ టీం వాదనలను జడ్జి తోసిపుచ్చారు. ఈ కేసులో ట్రంప్ దోషిగా రుజువైనప్పటికీ శిక్ష ఖరారు కాలేదు.
News December 17, 2024
పర్‌ఫెక్ట్ అమ్మాయంటే ఈమెలా ఉండాలి: AI
విషయమేదైనా వాటిలో అత్యుత్తమమైన వాటిని గుర్తించేందుకు ఆర్టిఫిషియల్ ఇంటెలిజెన్స్ ఎంతో సహాయపడుతోంది. తాజాగా పర్‌ఫెక్ట్ అమ్మాయి శరీర రూపం ఎలా ఉండాలనే దానిపై AI కొన్ని విషయాలు పరిగణనలోకి తీసుకొని సమాధానమిచ్చింది. బ్రెజిలియన్ ఫిట్‌నెస్ ఇన్‌ఫ్లుయెన్సర్ కరోల్ రోసాలిన్‌ Perfect Female Bodyని కలిగి ఉందని తెలిపింది. హెల్త్, స్ట్రెంత్‌తో పాటు ఆమె ఫిజిక్, బాడీ నిష్పత్తులను అంచనా వేసింది.
Featured News
Sorry, no posts matched your criteria.