India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 12, 2024
AP మంత్రివర్గంలో ముగ్గురు మహిళలు వీరే..
AP: 24 మంది మంత్రుల్లో ముగ్గురు మహిళలకు చోటు దక్కింది.
1. అనిత వంగలపూడి (పాయకరావుపేట-SC): 2014లో పాయకరావుపేట TDP అభ్యర్థిగా గెలిచారు. 2019లో కొవ్వూరు నుంచి ఓడిపోయారు. 2024లో పాయకరావుపేట నుంచి గెలిచారు.
2. గుమ్మడి సంధ్యారాణి (సాలూరు- ST): డిప్యూటీ సీఎం రాజన్న దొరపై 13వేల ఓట్ల మెజారిటీతో గెలిచారు.
3.ఎస్.సవిత (పెనుకొండ-BC కురుబ): శ్రీసత్యసాయి జిల్లా పెనుకొండలో మాజీ మంత్రి ఉష శ్రీ చరణ్‌పై గెలిచారు.
News June 12, 2024
KOHLI: పద్నాలుగేళ్ల క్రితం ఇదే రోజు..!
టీమ్ ఇండియా క్రికెటర్ విరాట్ కోహ్లీ T20ల్లోకి ఎంట్రీ ఇచ్చి నేటితో పద్నాలుగేళ్లు పూర్తి చేసుకున్నారు. ఇప్పటివరకు ఆయన భారత్ తరఫున 119 T20లు ఆడారు. అత్యధిక పరుగులు (4,042), అత్యధిక ఫిఫ్టీలు (37), అత్యధిక మ్యాన్ ఆఫ్ ద మ్యాచ్‌లు (15), సిరీస్‌లు (7), వరల్డ్ కప్‌లో అత్యధిక రన్స్ (1146), వరల్డ్ కప్‌లో అత్యధిక అర్ధ సెంచరీలు (14), WCలో అత్యధిక మ్యాన్ ఆఫ్ ద మ్యాచ్‌లు, సిరీస్‌లు కూడా ఆయన ఖాతాలోనే ఉన్నాయి.
News June 12, 2024
గన్నవరం ఎయిర్‌పోర్ట్‌కు బయల్దేరిన చంద్రబాబు
AP: టీడీపీ చీఫ్ చంద్రబాబు ఉండవల్లిలోని తన నివాసం నుంచి గన్నవరం ఎయిర్‌పోర్ట్‌కు బయల్దేరారు. గన్నవరం విమానాశ్రయంలో ఉదయం 10.40 గంటలకు ప్రధాని నరేంద్ర మోదీ విమానం ల్యాండ్ కానుంది. అక్కడ మోదీకి బాబు స్వాగతం పలికి కేసరపల్లికి తీసుకురానున్నారు. అనంతరం ఉదయం 11.27 గంటలకు ఆయన సీఎంగా ప్రమాణస్వీకారం చేయనున్నారు.
News June 12, 2024
కొల్లు రవీంద్ర రాజకీయ ప్రస్థానమిదే
* 2005లో రాజకీయ ప్రవేశం
* తొలుత TDP డివిజన్ అధ్యక్షుడు, 2007లో తెలుగు యువత జిల్లా అధ్యక్షుడు
* 2009లో మచిలీపట్నం నుంచి ఓటమి
* 2014లో ఎమ్మెల్యేగా ఎన్నిక.. ఎక్సైజ్, చేనేత, బీసీ సంక్షేమం, సాధికారిత శాఖల మంత్రిగా విధులు
* 2017లో న్యాయ, నైపుణ్యాభివృద్ధి, యువత, క్రీడల, నిరుద్యోగ, ఎన్ఆర్ఐ శాఖల మంత్రిగా బాధ్యతలు
* 2019 ఎన్నికల్లో ఓటమి
* 2024 ఎన్నికల్లో ఎమ్మెల్యేగా విజయం.. కేబినెట్‌లో చోటు
News June 12, 2024
నాలుగో సారి ముఖ్యమంత్రిగా..
AP: 28 ఏళ్లకే ఎమ్మెల్యే. 30 ఏళ్లకు మంత్రి. 45 ఏళ్లకు ముఖ్యమంత్రి. తెలుగు రాజకీయాల్లో చంద్రబాబు ట్రాక్ రికార్డు ఇది. 1995లో తొలిసారి సీఎం అయిన చంద్రబాబు.. 13 ఏళ్ల 244 రోజుల పాటు ముఖ్యమంత్రిగా కొనసాగారు. నేడు నాలుగోసారి సీఎంగా ప్రమాణం చేయబోతున్నారు. బంపర్ మెజారిటీతో అధికారంలోకి వచ్చిన ఆయనకు రాజధాని రూపంలో పెద్ద సవాల్ ముందుంది. దీంతో ఈసారి చంద్రబాబు పాలన మార్క్ ఎలా ఉండబోతుందనేది ఆసక్తికరంగా మారింది.
News June 12, 2024
రికార్డు సృష్టించిన పాక్ బౌలర్
అంతర్జాతీయ టీ20ల్లో అత్యంత వేగంగా 100 వికెట్లు పడగొట్టిన ఫాస్ట్ బౌలర్‌గా పాకిస్థాన్ ప్లేయర్ హరీస్ రౌఫ్ రికార్డు సృష్టించారు. 69 ఇన్నింగ్స్‌లో (71 మ్యాచులు) ఆయన ఈ ఘనతను అందుకున్నారు. కాగా స్పిన్నర్లు రషీద్ ఖాన్ 53 మ్యాచులు, హసరంగా 63 మ్యాచుల్లోనే ఈ ఫీట్ సాధించారు. నిన్న కెనడాతో జరిగిన మ్యాచులో రౌఫ్ 2 వికెట్లు పడగొట్టారు.
News June 12, 2024
పెరిగిన ఆర్టీసీ టికెట్ ధరలు!
TG: టోల్ ప్లాజాలున్న మార్గాల్లో నడిచే బస్సుల్లో టికెట్ ఛార్జీలోని టోల్ రుసుమును RTC ₹3 చొప్పున పెంచింది. కేంద్రం ఇటీవల టోల్ ఛార్జీలు పెంచడంతో ఈ నిర్ణయం తీసుకుంది. ఎక్స్‌ప్రెస్‌లో ₹10 నుంచి ₹13కు, డీలక్స్, లగ్జరీ, రాజధాని, గరుడ, వజ్ర బస్సుల్లో ₹13 నుంచి ₹16కు, గరుడ ప్లస్‌లో ₹14 నుంచి ₹17కు, నాన్ ఏసీ స్లీపర్, హైబ్రిడ్ స్లీపర్లో ₹15 నుంచి ₹18కి, AC స్లీపర్లో ₹20 నుంచి ₹23కు పెంచింది.
News June 12, 2024
మనిషికి బర్డ్ ఫ్లూ.. భారత్‌లో రెండో కేసు
ప.బెంగాల్‌కు చెందిన ఓ 4ఏళ్ల బాలుడికి బర్డ్ ఫ్లూ సోకినట్లు WHO తాజాగా వెల్లడించింది. ఫిబ్రవరిలో బాలుడిని స్థానిక ఆస్పత్రిలో చేర్పించగా, 3నెలల తర్వాత డిశ్చార్జ్ అయ్యాడని తెలిపింది. అతడు తీవ్రమైన శ్వాసకోశ సమస్యలు, అధిక జ్వరం వంటి లక్షణాలతో బాధపడ్డాడని పేర్కొంది. అతని కుటుంబంలో ఇతరులకు ఈ వ్యాధి సోకలేదని చెప్పింది. మనుషులకు బర్డ్‌ఫ్లూ సోకడం భారత్‌లో ఇది రెండోసారి కాగా, తొలి కేసు 2019లో నమోదైంది.
News June 12, 2024
CBN: 1995లో తోడల్లుడు.. 2024లో వదిన!
AP: TDP చీఫ్ చంద్రబాబు ఇవాళ నాలుగోసారి CMగా ప్రమాణస్వీకారం చేయబోతున్నారు. తొలిసారి 1995లో చంద్రబాబును TDP శాసనసభాపక్ష నేతగా ఆయన తోడల్లుడు దగ్గుబాటి వెంకటేశ్వరరావు ప్రతిపాదించారు. మళ్లీ ఇప్పుడు 2024లో NDA శాసనసభాపక్ష నేతగా CBNను ఆయన వదిన దగ్గుబాటి పురందీశ్వరి బలపరిచారు. నిన్న జరిగిన TDP సమావేశంలో ఈ విషయం చర్చకు వచ్చింది. కాగా దగ్గుబాటి వెంకటేశ్వరరావు, పురందీశ్వరి దంపతులు అనే విషయం తెలిసిందే.
News June 12, 2024
జమ్మూ కశ్మీర్ ఘటనపై రితికా పోస్ట్.. వైరల్
జమ్మూ కశ్మీర్ ఘటనపై టీమ్ ఇండియా కెప్టెన్ రోహిత్ శర్మ భార్య రితికా సజ్దే స్పందించారు. హిందూ భక్తులపై ఉగ్రవాదుల దాడి బాధాకరమని ఆమె ఓ పోస్ట్ షేర్ చేశారు. ఈ పోస్ట్ సోషల్ మీడియాలో వైరల్‌గా మారింది. ఇటీవల కూడా రితికా తన ఇన్‌స్టాలో పాలస్తీనాకు మద్దతుగా ‘ఆల్ ఐస్ ఆన్ రఫా’ అని రాసి ఉన్న ఫొటోను షేర్ చేశారు. దీంతో ఆమెపై తీవ్ర విమర్శలు వచ్చాయి. దేశంలోని సమస్యలపై ఎప్పుడైనా స్పందించారా అంటూ ట్రోల్స్ చేశారు.
Featured News
Sorry, no posts matched your criteria.