India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 15, 2024
WPL: భారీ ధర పలికిన విండీస్ ప్లేయర్
మహిళల ప్రీమియర్ లీగ్‌ వేలంలో వెస్టిండీస్ ప్లేయర్ డియాండ్ర డాటిన్ భారీ ధర పలికారు. వేలంలో ఆమెను రూ.1.7 కోట్లకు గుజరాత్ జెయింట్స్ దక్కించుకుంది. T20Iల్లో సెంచరీ చేసిన తొలి మహిళా ప్లేయర్ డాటిన్ కావడం గమనార్హం. దక్షిణాఫ్రికా ప్లేయర్ నాడిన్ డి క్లర్క్‌ను రూ.30 లక్షలకు ముంబై దక్కించుకుంది. పూనమ్ యాదవ్, హీథర్ నైట్, స్నేహ్ రాణా తదితర ప్లేయర్లు అన్‌సోల్డ్‌గా మిగిలారు.
News December 15, 2024
సాయంత్రం మహారాష్ట్ర మంత్రి వర్గ విస్తరణ
మహారాష్ట్ర మంత్రివర్గ విస్తరణ కొలిక్కి వ‌చ్చింది. BJP, శివ‌సేన, NCPల మధ్య 39 శాఖ‌ల‌పై ఏకాభిప్రాయం కుదిరింది. సాయంత్రం నాగ్‌పూర్‌లో మంత్రి వర్గ విస్తరణ జరగనుంది. NCPకి ఆర్థిక శాఖ, కోఆప‌రేటివ్‌, క్రీడా శాఖ‌లు, శివ‌సేన‌కు ప‌ట్ట‌ణాభివృద్ధి, ఆరోగ్య, ప‌ర్యాట‌క శాఖ‌లు ద‌క్క‌నున్న‌ట్టు స‌మాచారం. హోం, రెవెన్యూ BJP అట్టిపెట్టుకోనుంది. BJPకి దక్కిన 20 పదవుల్లో ఈ రోజు కొందరే ప్రమాణస్వీకారం చేయనున్నారు.
News December 15, 2024
ఎన్నికలకు ఆప్ రెడీ.. అభ్యర్థుల ప్రకటన పూర్తి
Febలో జ‌రిగే ఢిల్లీ అసెంబ్లీ ఎన్నికలకు ఆప్ పూర్తి స్థాయిలో సిద్ధ‌మైంది. 38 మందితో కూడిన అభ్యర్థుల నాలుగో జాబితాను ఆదివారం ప్రకటించింది. ఈ సారి కూడా న్యూఢిల్లీ నుంచి కేజ్రీవాల్, కాల్కాజీ నుంచి సీఎం ఆతిశీ పోటీ చేయనున్నారు. మొత్తం 70 మంది అభ్య‌ర్థుల్లో 20 మంది సిట్టింగ్‌ల‌కు టికెట్లు నిరాక‌రించింది. పలువురికి స్థానచలనం కల్పించింది. కేజ్రీవాల్‌పై షీలా దీక్షిత్ కుమారుడు సందీప్ పోటీ చేయనున్నారు.
News December 15, 2024
పాకిస్థాన్‌పై భారత్ విజయం
మహిళల అండర్-19 ఆసియా కప్‌లో పాకిస్థాన్‌పై భారత్ విజయం సాధించింది. ముందుగా బ్యాటింగ్ చేసిన పాక్ 20 ఓవర్లలో 67 పరుగులే చేసింది. భారత బౌలర్ సోనమ్ యాదవ్ 4 వికెట్లు తీశారు. ఛేదనలో భారత్ 73 బంతులుండగానే జయకేతనం ఎగురవేసింది. ఓపెనర్ కమలిని 29 బంతుల్లో 44* పరుగులు చేశారు.
News December 15, 2024
చట్టాలకు హిందీ పేర్లపై వివాదం..!
‘నాకు హిందీ తెలియ‌దు కాబ‌ట్టి కొత్త నేర చట్టాలను పాత పేర్ల‌తోనే పిలుస్తాను’.. ఇది మ‌ద్రాస్ HC జ‌డ్జి జ‌స్టిస్ ఆనంద్ గ‌తంలో చేసిన వ్యాఖ్య. దేశ పౌరులందరికీ వర్తించే చట్టాలకు కేంద్రం హిందీ పేర్లు పెడుతుండ‌డం చర్చకు దారితీస్తోంది. IPC, CrPC చట్టాలను భార‌తీయ న్యాయ సంహిత, భార‌తీయ నాగ‌రిక్ సుర‌క్షా సంహిత‌గా మార్చింది. తాజాగా The Aircraft Act-1934ను భార‌తీయ వాయుయాన్ విధేయ‌క్‌గా మార్చ‌డం వివాద‌మైంది.
News December 15, 2024
షూట్ ముగించిన అజిత్.. లుక్ వైరల్
తమిళ నటుడు అజిత్ తన తాజా సినిమా ‘గుడ్ బ్యాడ్ అగ్లీ’ షూటింగ్‌ను ముగించారు. ఆ విషయాన్ని వెల్లడిస్తూ మూవీ దర్శకుడు అధిక్ రవిచంద్రన్ సెట్‌లో అజిత్ ఫొటోను షేర్ చేయగా ఆ లుక్ వైరల్ అవుతోంది. ఎప్పుడూ సాల్ట్ అండ్ పెప్పర్ లుక్‌తో కనిపించే అజిత్, ఆ ఫొటోలో క్లీన్ షేవ్‌తో పాటు ఒళ్లు తగ్గి యువకుడిలా కనిపించడం విశేషం. ఆయన ఒకప్పటి అజిత్‌లా ఉన్నారంటూ ఫ్యాన్స్ కామెంట్స్ చేస్తున్నారు.
News December 15, 2024
బిగ్ బాస్-8 ఫినాలే.. పోలీసుల హెచ్చరికలు
ఇవాళ బిగ్ బాస్-8 ఫినాలే నేపథ్యంలో పోలీసులు హెచ్చరికలు జారీ చేశారు. అన్నపూర్ణ స్టూడియో పరిసర ప్రాంతాల్లో ర్యాలీలు, ఊరేగింపులు నిర్వహిస్తే కఠిన చర్యలు తీసుకుంటామని వార్నింగ్ ఇచ్చారు. ఎలాంటి అవాంఛనీయ ఘటనలు జరిగినా బిగ్ బాస్ నిర్వాహకులదే బాధ్యత అన్నారు. గత సీజన్‌లో విన్నర్ పల్లవి ప్రశాంత్ స్టూడియో నుంచి బయటకు వచ్చాక అభిమానులు అత్యుత్సాహం ప్రదర్శించిన సంగతి తెలిసిందే.
News December 15, 2024
బీఆర్ఎస్ చేసిన అప్పులకు మేము వడ్డీ కడుతున్నాం: భట్టి
TG: రాష్ట్ర ఆర్థిక పరిస్థితులపై BRS తప్పుడు ప్రచారం చేస్తోందని డిప్యూటీ సీఎం భట్టి విక్రమార్క మండిపడ్డారు. బీఆర్ఎస్ అప్పులు చేసి వదిలేస్తే, తమ ప్రభుత్వం వడ్డీలు కడుతోందని చెప్పారు. అప్పులపై కాంగ్రెస్ దగ్గర పక్కా లెక్కలు ఉన్నాయని, రేపు అసెంబ్లీలో అన్ని బయటపెడుతామన్నారు. తమ ప్రభుత్వం ఇప్పటివరకు రూ.54 వేల కోట్లు అప్పులు చేసిందని పేర్కొన్నారు. సంక్రాంతి తర్వాత రైతు భరోసా ఇస్తామని సీఎం చెప్పారన్నారు.
News December 15, 2024
YCP హయాంలో రాష్ట్రం తిరోగమనం: చంద్రబాబు
AP: ప్రజలకు మంచి చేసే వ్యక్తులను, చెడు చేసే వ్యక్తులను గుర్తుంచుకోవాలని CM చంద్రబాబు అన్నారు. పొట్టి శ్రీరాములు ఆత్మార్పణ దినోత్సవంలో CM మాట్లాడారు. ‘2019-24 మధ్య రాష్ట్రాన్ని YCP నిర్వీర్యం చేసింది. అమరావతి, పోలవరాన్ని నాశనం చేసింది. ప్రజల నెత్తిన చెయ్యి పెట్టి ఆస్తులు రాయించుకునే పరిస్థితి ఏర్పడింది. ఆ ఐదేళ్లు ప్రజలకు స్వేచ్ఛ లేదు. కానీ ప్రజలను హ్యాపీగా ఉంచడమే మా ధ్యేయం’ అని ఆయన పేర్కొన్నారు.
News December 15, 2024
PHOTO: చిరంజీవితో అల్లు అర్జున్
మెగాస్టార్ చిరంజీవిని ఐకాన్ స్టార్ అల్లు అర్జున్ కలిశారు. జూబ్లీహిల్స్‌లోని చిరు నివాసానికి బన్నీ తన ఫ్యామిలీతో కలిసి వెళ్లారు. జైలు నుంచి విడుదలైన తర్వాత తొలిసారి చిరును కలిశారు. తాజా పరిణామాలపై ఆయనతో బన్నీ చర్చించినట్లు తెలుస్తోంది. కాగా నిన్న పలువురు సినీ ప్రముఖులు అల్లు అర్జున్‌ను పరామర్శించిన విషయం తెలిసిందే.
Featured News
Sorry, no posts matched your criteria.