India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 14, 2024
ఇకనైనా నాణ్యమైన భోజనం పెట్టండి: KTR
TG: బీఆర్ఎస్ చేపట్టిన గురుకుల బాట కార్యక్రమంతోనే కాంగ్రెస్ ప్రభుత్వంలో చలనం వచ్చిందని మాజీ మంత్రి కేటీఆర్ అన్నారు. ఇకనైనా విద్యార్థులకు నాణ్యమైన భోజనం పెట్టాలని ఆయన ట్వీట్ చేశారు. కెమెరాల ముందు హంగామా చేయకుండా గురుకుల బిడ్డల గుండె చప్పుడు వినాలని సూచించారు. పదేళ్ల కేసీఆర్ పాలనలో గురుకుల విద్యాలయాల్లో సీట్ల కోసం పోటీ ఉంటే కాంగ్రెస్ ఏడాది పాలనలో ఆసుపత్రిలో బెడ్ల కోసం పోటీ నెలకొందని విమర్శించారు.
News December 14, 2024
అమరావతిలో మరో రూ.20వేల కోట్లతో అభివృద్ధి: నారాయణ
AP: అమరావతిలో మరో ₹20వేల కోట్లతో అభివృద్ధి పనులు చేపట్టనున్నట్లు మంత్రి నారాయణ తెలిపారు. సీడ్ క్యాపిటల్ నుంచి జాతీయ రహదారికి అనుసంధానం అయ్యే E11, E13, E14 రోడ్లను మంత్రి పరిశీలించారు. అమరావతిలో ఇప్పటికే ₹21వేల కోట్ల పనులకు అనుమతి ఇచ్చామని, సోమవారం జరిగే CRDA అథారిటీ సమావేశంలో రూ.20వేల కోట్ల పనులపై నిర్ణయం తీసుకుంటామన్నారు. 30 ఏళ్ల అవసరాలను దృష్టిలో పెట్టుకుని అభివృద్ధి పనులు చేపడుతున్నామన్నారు.
News December 14, 2024
జీవో 317 సమస్యను పరిష్కరించండి: ఉపాధ్యాయులు
TG: జీవో 317 సమస్యను పరిష్కరించి తమను సొంత జిల్లాలకు పంపాలని బాధిత ఉపాధ్యాయులు నిరసనకు దిగారు. స్థానికత ఆధారంగా తమను బదిలీ చేయాలని కోరారు. HYDలోని ఇందిరాపార్క్ సమీపంలోని ధర్నా చౌక్ వద్ద పలువురు ఉపాధ్యాయులు ప్లకార్డులు ప్రదర్శించారు. కాంగ్రెస్ అధికారంలోకి వచ్చి ఏడాదైనా ఇంకా ఈ అంశంపై నిర్ణయం తీసుకోవట్లేదని ఆవేదన వ్యక్తం చేశారు. ఇప్పటికైనా జీవోను రద్దు చేయాలని విన్నవించారు.
News December 14, 2024
ఎంగేజ్మెంట్ చేసుకున్న సింధు(PHOTO)
బ్యాడ్మింటన్ క్రీడాకారిణి పీవీ సింధు ఎంగేజ్మెంట్ చేసుకున్నారు. పోసిడెక్స్ టెక్నాలజీస్ ED వెంకట దత్తసాయితో రింగ్స్ మార్చుకున్నారు. ‘ఒకరి ప్రేమ మనకు దక్కినప్పుడు తిరిగి మనమూ ప్రేమించాలి’ అని ఓ కోట్‌ను ఇన్‌స్టాగ్రామ్‌లో పంచుకున్నారు. దీంతో పాటు కాబోయే భర్తతో కేక్ కట్ చేస్తున్న ఫొటోను ఆమె షేర్ చేశారు. వీరి వివాహం ఈ నెల 22న రాజస్థాన్‌లో జరగనుంది.
News December 14, 2024
వైసీపీ నిరసనలు శుక్రవారం మాత్రమే: మంత్రి సత్యకుమార్
AP: వైసీపీపై మంత్రి సత్యకుమార్ యాదవ్ ట్విటర్లో సెటైర్లు వేశారు. ‘డిసెంబర్ 13న శుక్రవారం, డిసెంబర్ 27న శుక్రవారం, జనవరి 3న శుక్రవారం. తమ నిరసనలు, పోరుబాటల్లాంటి రాజకీయ కార్యకలాపాలకు ప్రతీ వారం కేవలం “శుక్రవారం” రోజునే వైసీపీ ఎన్నుకోవడం పూర్తిగా యాదృచ్ఛికమే. ఎటువంటి మతలబు లేదు. సాకులు చూపే ఉద్దేశం అసలే లేదు’ అని పేర్కొన్నారు. దానికి జైలు పక్షి అని హాష్‌ట్యాగ్ జతచేయడం గమనార్హం.
News December 14, 2024
శబరిమలకు 36 ప్రత్యేక రైళ్లు
భక్తుల రద్దీ దృష్ట్యా తెలుగు రాష్ట్రాల నుంచి కొల్లం వరకు దక్షిణ మధ్య రైల్వే 36 ప్రత్యేక రైళ్లు నడపనుంది. సికింద్రాబాద్, కాకినాడ పోర్ట్, విజయవాడ, గుంటూరు, నర్సాపూర్ నుంచి ఈ రైళ్లు కొల్లంకు ఇరువైపులా రాకపోకలు సాగిస్తాయి. డిసెంబర్ 19 నుంచి జనవరి 24వ తేదీ వరకు వివిధ తేదీల్లో ఈ రైళ్లు ప్రయాణిస్తాయి. రైళ్ల వివరాలను పైన ఫొటోలో చూడవచ్చు.
News December 14, 2024
కంగ్రాట్స్ గుకేశ్: ఎలాన్ మస్క్
ప్రపంచ విజేతగా నిలిచిన భారత యువ చెస్ ప్లేయర్ గుకేశ్ దొమ్మరాజుకు వివిధ రంగాల ప్రముఖులు సోషల్ మీడియాలో అభినందనలు తెలియజేస్తున్నారు. ఇప్పటికే గూగుల్ సీఈవో సుందర్ పిచాయ్ శుభాకాంక్షలు తెలుపగా తాజాగా అపర కుబేరుడు ఎలాన్ మస్క్ ‘కంగ్రాట్స్’ అంటూ ట్వీట్ చేశారు. 18 ఏళ్లకే 18వ వరల్డ్ ఛాంపియన్ అని గుకేశ్ చేసిన ట్వీట్‌కు మస్క్ రిప్లై ఇచ్చారు.
News December 14, 2024
రైతు రుణాలు.. గుడ్ న్యూస్ చెప్పిన ఆర్బీఐ
రైతు రుణాలపై ఆర్బీఐ గుడ్ న్యూస్ చెప్పింది. ఎలాంటి తనఖా లేకుండా ఇచ్చే <<14805545>>లోన్ లిమిట్ రూ.2 లక్షలకు<<>> పెంచగా జనవరి 1 నుంచి ఇది అమల్లోకి వస్తుందని పేర్కొంది. రైతులు ఎదుర్కొంటున్న ఆర్థిక సమస్యలను పరిష్కరించడానికి ఇది సహాయపడనుందని కేంద్రం పేర్కొంది.
News December 14, 2024
బన్నీకి రాష్ట్ర ప్రభుత్వం రిటర్న్ గిఫ్ట్ ఇచ్చింది : RGV
హీరో అల్లు అర్జున్‌ను అరెస్ట్ చేయడంపై డైరెక్టర్ రామ్ గోపాల్ వర్మ మరోసారి ఫైరయ్యారు. ‘తెలంగాణకు చెందిన బిగ్గెస్ట్ స్టార్ అల్లు అర్జున్ భారతీయ సినిమా చరిత్రలో అతిపెద్ద హిట్ అందించి రాష్ట్రానికి గొప్ప బహుమతి అందించారు. కానీ, రాష్ట్ర ప్రభుత్వం మాత్రం ఆయన్ను జైలుకు పంపి బన్నీకి రిటర్న్ గిఫ్ట్ ఇచ్చింది’ అని RGV ట్వీట్ చేశారు.
News December 14, 2024
GREAT: సైకిల్‌పైనే 41,400Kms వెళ్లిన రంజిత్
సైకిల్‌పై పక్కూరికి వెళ్లేందుకే కష్టమనుకునే వారున్న రోజుల్లో వరంగల్(TG)కి చెందిన రంజిత్ నాలుగేళ్లలో 41,400 KMS ప్రయాణించారు. తన తండ్రి 2020లో మరణించగా, ప్రపంచాన్ని చుట్టిరావాలనే ఆయన కలను తాను పూర్తిచేసేందుకు సిద్ధమయ్యారు. స్తోమత లేకపోవడంతో సైకిల్‌పైనే ఇప్పటివరకు 13 దేశాల్లో పర్యటించారు. ఈ ప్రయాణంలో ఎన్నో సవాళ్లు ఎదుర్కొన్నానని చెప్పుకొచ్చారు. ప్రస్తుతం ఆయన AUSలో ఉండగా BGT మ్యాచుకు వెళ్లారు.
Featured News
Sorry, no posts matched your criteria.