India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 13, 2024
బాబోయ్ చలి.. IMD ఆరెంజ్ అలర్ట్
TG: రాష్ట్రంలో చలి విషయంలో ఈ ఏడాది తొలి ఆరెంజ్ అలర్ట్‌ను హైదరాబాద్ వాతావరణ శాఖ (IMD) జారీ చేసింది. ఉష్ణోగ్రతలు బాగా తగ్గుతాయని, అందుకు తగ్గట్లుగా ప్రజలు సిద్ధం కావాలని సూచించింది. పలు జిల్లాల్లో 5 డిగ్రీల కనిష్ఠ ఉష్ణోగ్రతలు నమోదు కావచ్చని తెలిపింది. ‘ఆదిలాబాద్, కొమురం భీం, మంచిర్యాల, నిర్మల్ జిల్లాల్లో బాగా ప్రభావం ఉండొచ్చు. ఈ నెల 15 వరకు హైదరాబాద్ మేఘావృతమై ఉంటుంది’ అని పేర్కొంది.
News December 13, 2024
అల్లు అర్జున్ అరెస్ట్ పబ్లిసిటీ స్టంట్: కేంద్ర మంత్రి
క్రియేటివ్ ఇండస్ట్రీ అంటే కాంగ్రెస్‌కు గౌరవం లేదని, ఈ విషయాన్ని అల్లు అర్జున్ అరెస్ట్ మరోసారి నిరూపించిందని కేంద్ర మంత్రి అశ్వినీ వైష్ణవ్ అన్నారు. సంధ్య థియేటర్ ఘటనకు TG ప్రభుత్వ వైఫల్యమే కారణమని, ఆ నిందను పోగొట్టేందుకు ఇలా పబ్లిసిటీ స్టంట్స్ చేస్తోందని ఆరోపించారు. TG ప్రభుత్వం సినీ ప్రముఖులపై దాడులు చేసే బదులు బాధితులను ఆదుకోవాలని, భద్రతా ఏర్పాట్లలో నిర్లక్ష్యంగా ఉన్న వారిని శిక్షించాలన్నారు.
News December 13, 2024
రేపటి నుంచే మూడో టెస్ట్.. షెడ్యూల్ ఇదే
భారత్, ఆస్ట్రేలియా మధ్య రేపటి నుంచి గబ్బాలో BGT మూడో టెస్ట్ జరగనుంది. 5.50am-7.50am ఫస్ట్ సెషన్, 8.30am-10.30am సెకండ్ సెషన్, 10.50am-12.50 pm థర్డ్ సెషన్ జరుగుతుంది. భారత జట్టులో హర్షిత్ రాణా స్థానంలో ఆకాశ్ దీప్, అశ్విన్ ప్లేస్‌లో సుందర్ ఆడే ఛాన్సుంది. రోహిత్ శర్మ ఓపెనింగ్ చేసే అవకాశాలున్నాయి. అటు AUSలో బొలాండ్ స్థానంలో హెజిల్‌వుడ్ ఆడనున్నారు. స్టార్ స్పోర్ట్స్, హాట్‌స్టార్‌లో లైవ్ చూడవచ్చు .
News December 13, 2024
రాహుల్ గాంధీకి అల‌హాబాద్ కోర్టు స‌మ‌న్లు
జోడో యాత్ర‌లో సావ‌ర్క‌ర్‌పై అనుచిత వ్యాఖ్యలు చేశారంటూ దాఖ‌లైన పిటిష‌న్‌పై రాహుల్ గాంధీకి లక్నో కోర్టు స‌మ‌న్లు జారీ చేసింది. సావ‌ర్క‌ర్ బ్రిటిష్ పాల‌కుల‌కు సేవ‌లందించార‌ని, పింఛ‌న్ కూడా తీసుకున్నారంటూ రాహుల్ ఉద్దేశపూర్వకంగా రెచ్చగొట్టే వ్యాఖ్యలు చేశారని ఓ న్యాయ‌వాది పిటిష‌న్ వేశారు. దీనితో ఏకీభవించిన కోర్టు అభియోగాలపై విచారణ ఎదుర్కొనేందుకు జనవరి 10న తమ ముందు హాజ‌రుకావాల‌ని ఆదేశించింది.
News December 13, 2024
బిడ్డకు జన్మనిచ్చిన ప్రముఖ హీరోయిన్
ప్రముఖ హీరోయిన్ రాధికా ఆప్టే తల్లి అయ్యారు. తాను బిడ్డకు జన్మనిచ్చిన విషయాన్ని ఆమె తాజాగా వెల్లడించారు. బిడ్డకు పాలిస్తూ ల్యాప్‌టాప్‌తో వర్క్ చేస్తున్న ఫొటోను ఆమె పంచుకున్నారు. 2011లో బ్రిటన్‌కు చెందిన బెనెడిక్ట్ టేలర్‌తో లివింగ్ టుగెదర్ తర్వాత 2012లో ఆమె పెళ్లి చేసుకున్నారు. దీంతో ఈ జంటకు అందరూ శుభాకాంక్షలు చెబుతున్నారు.
News December 13, 2024
‘పిల్లిపై ప్రేమ ఒల‌క‌బోస్తున్నాడు’.. భ‌ర్త‌పై భార్య కేసు
పిల్లిపై అధిక ప్రేమ చూపిస్తున్నాడంటూ ఓ భ‌ర్త‌పై భార్య IPC 498A కింద గృహ హింస కేసు పెట్టారు. దీనిని క‌ర్ణాట‌క HC జడ్జి జ‌స్టిస్ నాగ‌ప్ర‌స‌న్న విచారించారు. తన కంటే పిల్లినే ప్రేమ‌గా చూస్తున్నారని భార్య చేసిన ఆరోప‌ణ‌ల‌కు, కేసు పెట్టిన సెక్ష‌న్ల‌కు సంబంధం లేదని జడ్జి పేర్కొన్నారు. దీనిపై విచార‌ణ‌కు ఆదేశించ‌డం చ‌ట్టాన్ని దుర్వినియోగం చేయ‌డ‌మే అవుతుంద‌న్నారు. భ‌ర్త‌కు మ‌ధ్యంత‌ర ర‌క్షణ క‌ల్పించారు.
News December 13, 2024
పాకిస్థాన్‌తో బంధాల‌పై జైశంక‌ర్ కామెంట్‌
ఇత‌ర దేశాల మాదిరి పాక్‌తో కూడా మంచి సత్సంబంధాల‌నే కోరుకుంటున్నామ‌ని విదేశాంగ మంత్రి జైశంక‌ర్ తెలిపారు. అయితే, మిగ‌తా దేశాల్లాగే అది కూడా తీవ్రవాదరహితమై ఉండాలన్నారు. ఇది భారత ప్రభుత్వ విధానమ‌ని పేర్కొన్నారు. గ‌త ప్ర‌వ‌ర్త‌న‌ను మార్చుకుంటున్న‌ట్టు పాక్ నిరూపించుకోవాలని స్పష్టం చేశామ‌ని, లేదంటే ద్వైపాక్షిక బంధాల్లో తీవ్ర ప‌రిణామాలు ఉంటాయ‌ని హెచ్చ‌రించామ‌న్నారు. ఆ బాధ్యత పాక్ చేతుల్లోనే ఉందన్నారు.
News December 13, 2024
సంధ్య థియేటర్ లెటర్‌పై పోలీసుల వివరణ
సంధ్య థియేటర్ యాజమాన్యం బందోబస్తు కోరినట్లు లెటర్ వైరలవడంపై HYD పోలీసులు స్పష్టతనిచ్చారు. ‘సెలబ్రిటీలు, భారీగా జనం వచ్చే ఈవెంట్లకు బందోబస్తు కావాలంటే PSకు లేదా ACP/DCP ఆఫీసుకు వచ్చి వివరాలు ఇవ్వాలి. కానీ ఈ మూవీ విషయంలో నిర్వాహకులు లెటర్ మాత్రమే ఇచ్చారు. అయినా బందోబస్తు కల్పించాం. కానీ హీరో రావడం, కారు పైనుంచి అభివాదం చేయడంతో పరిస్థితి అదుపు తప్పింది. తొక్కిసలాట ఘటనకు ఆయనే కారణం’ అని తెలిపారు.
News December 13, 2024
రైల్వే ప్రాజెక్టులపై కేంద్రానికి CM రేవంత్ విజ్ఞప్తులు
TG: కాజీపేట‌లో ఇంటిగ్రేటెడ్ రైల్వే కోచ్ ఫ్యాక్ట‌రీ నెల‌కొల్పాల‌ని కేంద్ర మంత్రి అశ్వినీ వైష్ణవ్‌ను CM రేవంత్ కోరారు. రాష్ట్రానికి సంబంధించిన పెండింగ్ అంశాలు, రైల్వే ప్రాజెక్టులపై ఢిల్లీలో ఆయనకు వినతిపత్రం అందజేశారు. VKB-కృష్ణా, క‌ల్వ‌కుర్తి-మాచ‌ర్ల మధ్య నూత‌న రైలు మార్గం నిర్మించాల‌ని విజ్ఞప్తి చేశారు. డోర్న‌క‌ల్‌-మిర్యాల‌గూడ, డోర్న‌క‌ల్‌-గ‌ద్వాల రైలు మార్గాల‌ను పునఃప‌రిశీలించాల‌ని కోరారు.
News December 13, 2024
అల్లు అర్జున్‌తో మిస్ బిహేవ్ చేయలేదు: పోలీసులు
అల్లు అర్జున్‌ను బెడ్ రూమ్‌లోకి వెళ్లి అరెస్ట్ చేశారని, ఆయనతో తమ సిబ్బంది దురుసుగా ప్రవర్తించారని వస్తున్న వార్తలను పోలీసులు ఖండించారు. ‘మేము వారి ఇంటికి వెళ్లగానే దుస్తులు మార్చుకోవడానికి అల్లు అర్జున్ టైమ్ అడిగారు. తన బెడ్ రూమ్‌కు వెళ్లారు. పోలీసులు బయటే ఉన్నారు. ఆయన బయటకు వచ్చాకే కస్టడీలోకి తీసుకున్నారు. భార్య, కుటుంబంతో మాట్లాడేందుకు ఆయనకు సమయం ఇచ్చాం’ అని స్పష్టం చేశారు.
Featured News
Sorry, no posts matched your criteria.