India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 13, 2024
అల్లు అర్జున్ అరెస్ట్‌ను ఖండించిన YS జగన్
అల్లు అర్జున్ అరెస్ట్‌ను ఏపీ మాజీ సీఎం జగన్ ఖండించారు. ‘సంధ్య థియేటర్ వద్ద జరిగిన తొక్కిసలాట ఘటనలో మహిళ ప్రాణాలు కోల్పోవడంపై అల్లు అర్జున్ తన విచారాన్ని వ్యక్తంచేసి, ఆ కుటుంబానికి అండగా ఉంటానంటూ బాధ్యతాయుతంగా వ్యవహరించారు. అయితే ఈ ఘటనకు నేరుగా అతణ్ని బాధ్యుణ్ని చేయడం ఎంతవరకు సమంజసం? ఈ ఘటనలో తన ప్రమేయం లేకపోయినా అర్జున్‌పై క్రిమినల్‌ కేసులు బనాయించి, అరెస్టు చేయడం సమ్మతంకాదు’ అని ట్వీట్ చేశారు.
News December 13, 2024
కేంద్ర మంత్రి నిర్మలతో సీఎం రేవంత్ భేటీ
రాష్ట్ర పున‌ర్విభ‌జ‌న చ‌ట్టంలో పేర్కొన్న విధంగా TGలోని వెనుక‌బ‌డిన జిల్లాల‌కు పెండింగ్‌లో ఉన్న ₹1800కోట్ల గ్రాంటును విడుద‌ల చేయాల‌ని కేంద్ర మంత్రి నిర్మలను CM రేవంత్ కోరారు. ఉమ్మడి రాష్ట్రంలో చేప‌ట్టిన ప్రాజెక్టుల‌కు సంబంధించి AP, TG మ‌ధ్య రుణాల పంపిణీ విష‌యంలో TG నుంచి ₹2547cr రిక‌వ‌రీకి కేంద్రం ఏక‌ప‌క్షంగా ఆదేశాలిచ్చింద‌ని, దీనిపై మరోసారి స‌మీక్షించి స‌రైన నిర్ణయం తీసుకోవాల‌ని విజ్ఞప్తి చేశారు.
News December 13, 2024
భోలే బాబాను అరెస్ట్ చేయలేదెందుకు?: AA ఫ్యాన్స్
‘పుష్ప-2’ ప్రీమియర్ షోలో తొక్కిసలాట జరిగి ఓ మహిళ మృతి చెందడంతో హీరో అల్లు అర్జున్‌ను పోలీసులు అరెస్ట్ చేశారు. ఈక్రమంలో ఆయన ప్రమేయం లేకుండా జరిగిన ప్రమాదంలో బన్నీని అరెస్ట్ చేయడం ఏంటని ఫ్యాన్స్ పోస్టులు పెడుతున్నారు. యూపీలోని హాథ్రస్ సత్సంగ్‌లో జరిగిన తొక్కిసలాటలో 121 మంది చనిపోయినా ‘భోలే బాబా’ను అరెస్ట్ చేయలేదని, బన్నీనైతే మాత్రం అరెస్ట్ చేస్తారా? అని గుర్తుచేస్తున్నారు.
News December 13, 2024
అల్లు అర్జున్‌కు 14 రోజుల రిమాండ్
సంధ్య థియేటర్ తొక్కిసలాట కేసులో అల్లు అర్జున్‌కు నాంపల్లి కోర్టు 14 రోజుల రిమాండ్ విధించింది. దీంతో కాసేపట్లో పోలీసులు ఆయన్ను చంచల్‌గూడ జైలుకు తరలించనున్నారు. కోర్టు పరిసరాల్లో భారీగా ఫ్యాన్స్ మోహరించడంతో పోలీసులు అప్రమత్తమయ్యారు. జైలు పరిసరాల్లో భారీ బందోబస్తు ఏర్పాటు చేశారు. అంతేకాక బన్నీని జైలుకు తీసుకెళ్లే వరకూ కాన్వాయ్ వెళ్లే మార్గం క్లియర్ చేసేలా ట్రాఫిక్ పోలీసులు చర్యలు తీసుకుంటున్నారు.
News December 13, 2024
పోలీసులు, ప్రభుత్వంపై హీరో నాని ఫైర్
తోటి హీరో అల్లు అర్జున్‌ను అరెస్ట్ చేయడంపై నేచురల్ స్టార్ నాని తీవ్రంగా స్పందించారు. ‘సినిమా వ్యక్తులకు సంబంధించిన ఏ విషయంలోనైనా ప్రభుత్వ అధికారులు, మీడియా చూపే ఉత్సాహం సాధారణ పౌరులపై కూడా ఉండాలని కోరుకుంటున్నా. థియేటర్ ఘటన దురదృష్టకరం. మనం ఇలాంటి ఘటన నుంచి నేర్చుకోవాలి. జాగ్రత్తలు తీసుకుని మళ్లీ జరగకుండా చర్యలు చేపట్టాలి. ఇది మనందరి తప్పు. దీనికి ఒక వ్యక్తి బాధ్యత వహించడు’ అని ట్వీట్ చేశారు.
News December 13, 2024
నీటి సంఘాల ఎన్నికలను బహిష్కరిస్తున్నాం: జగన్
AP: నీటి సంఘాల ఎన్నికలను బహిష్కరించాలని నిర్ణయం తీసుకున్నట్లు వైసీపీ అధినేత వైఎస్ జగన్ ప్రకటించారు. నో డ్యూ సర్టిఫికెట్లు గ్రామస్థాయిలో ఇవ్వకుండా ఎన్నికల ప్రక్రియను అపహాస్యం చేస్తున్నారని, పోలీసులతో కలిసి అప్రజాస్వామికంగా ఎన్నికలు నిర్వహిస్తున్నారని ఆరోపించారు. కూటమి పాలనకు వ్యతిరేకంగా రైతులు చేస్తున్న పోరాటానికి మద్దతుగా నిలిచిన తమ పార్టీ నేతలను హౌస్ అరెస్ట్ చేయడాన్ని ఆయన ఖండించారు.
News December 13, 2024
Allu Arjun Arrest: షారుఖ్-వడోదర కేసు ఏంటంటే..
అల్లు అర్జున్‌పై హైకోర్టులో వాదనల సందర్భంగా ఆయన తరఫు న్యాయవాది షారుఖ్-వడోదర తొక్కిసలాట కేసును నివేదించారు. తన సినిమా రయీస్‌ ప్రమోషన్ల కోసం 2017లో షారుఖ్ గుజరాత్‌లోని వడోదర రైల్వే స్టేషన్‌కు వెళ్లారు. ఫ్యాన్స్‌కు బహుమతులు విసిరేయగా, అందుకునే క్రమంలో తొక్కిసలాట జరిగి ఓ వ్యక్తి మరణించారు. అయితే ఆ కేసులో షారుఖ్ తప్పులేదని సుప్రీంకోర్టు 2022, ఏప్రిల్ 27న తేల్చింది.
News December 13, 2024
హైకోర్టులో కొనసాగుతున్న వాదనలు
TG: అల్లు అర్జున్ దాఖలు చేసిన క్వాష్ పిటిషన్‌పై హైకోర్టులో పోలీసులు, బన్నీ తరఫు న్యాయవాదులు సుదీర్ఘంగా వాదనలు కొనసాగిస్తున్నారు. ఇప్పటికే పోలీసులు అరెస్ట్ చేయడం పూర్తైన నేపథ్యంలో కేసు క్వాష్‌పై ఇప్పుడేం మాట్లాడలేమని, బెయిల్ గురించే మాట్లాడాలని బన్నీ తరఫు న్యాయవాదులకు కోర్టు సూచించింది. అటు బన్నీపై నమోదైన సెక్షన్లకు బెయిల్ ఇవ్వొచ్చని ఆయన తరఫు లాయర్లు కోరుతున్నారు. దీంతో తీర్పుపై ఉత్కంఠ నెలకొంది.
News December 13, 2024
మేం పర్మిషన్ ఇవ్వలేదు: పోలీసులు
అల్లు అర్జున్ సంధ్య థియేటర్‌కు వచ్చేందుకు తాము పర్మిషన్ ఇవ్వలేదని చిక్కడపల్లి పోలీసులు తెలిపారు. బందోబస్తు కల్పించాలని లెటర్ రాసినట్లు సంధ్య థియేటర్ లాయర్ ఆ లేఖను కోర్టుకు సమర్పించారు. అయితే ప్రీమియర్ షోలు వేసుకోవచ్చు కానీ హీరో, హీరోయిన్ రావద్దని చెప్పినట్లు పోలీసులు తాజాగా వెల్లడించారు. పైగా బన్నీ ర్యాలీగా వచ్చారని, ర్యాలీలకు ముందస్తు అనుమతి ఉండాలని పోలీసులు చెబుతున్నారు.
News December 13, 2024
రోహిత్ కోసం రితిక స్పెషల్ విషెస్
9వ పెళ్లి రోజు సందర్భంగా భారత క్రికెటర్ రోహిత్ శర్మకు ఆయన భార్య రితికా సజ్దే శుభాకాంక్షలు తెలిపారు. రోహిత్ ప్రస్తుతం BGT కోసం ఆస్ట్రేలియాలో ఉన్న సంగతి తెలిసిందే. ఈ నేపథ్యంలో రితిక ఇన్‌స్టాలో తన భర్తపై ప్రేమను వ్యక్తీకరించారు. ‘బెస్ట్ డాడ్, బెస్ట్ హస్బండ్, బెస్ట్ ఫ్రెండ్. ఇంతకు మించి నాకు బెస్ట్ దొరకరు’ అని క్యాప్షన్ ఇచ్చారు. 2015, డిసెంబరు 13న ఈ జంటకు వివాహం కాగా ఓ పాప, బాబు వారికి జన్మించారు.
Featured News
Sorry, no posts matched your criteria.