India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 9, 2024
రోహిత్ శర్మ ఖాతాలో చెత్త రికార్డ్
అడిలైడ్ టెస్టు ఓటమితో రోహిత్ శర్మ ఓ చెత్త రికార్డును సమం చేశారు. టెస్టుల్లో వరుసగా 4 పరాజయాలు చవిచూసిన మూడో కెప్టెన్‌గా.. ధోనీ, కోహ్లీ, దత్తా గైక్వాడ్ సరసన రోహిత్ నిలిచారు. టెస్టుల్లో అత్యధిక వరుస ఓటములు చవిచూసిన కెప్టెన్ల జాబితాలో మన్సూర్ అలీఖాన్ పటౌడి (6), సచిన్(5) తొలి రెండు స్థానాల్లో ఉన్నారు. టీమ్‌ఇండియా స్వదేశంలో రోహిత్ కెప్టెన్సీలో న్యూజిలాండ్‌ చేతిలో 0-3 తేడాతో ఓడిన విషయం తెలిసిందే.
News December 9, 2024
నేడు తెలంగాణ తల్లి విగ్రహం ఆవిష్కరణ
TG: CM రేవంత్ రెడ్డి నేడు తెలంగాణ తల్లి విగ్రహాన్ని ఆవిష్కరించనున్నారు. ఏటా డిసెంబర్ 9న అవతరణ దినోత్సవం నిర్వహించి ‘జయ జయహే తెలంగాణ జననీ జయ కేతనం’ ఆలాపన చేయాలని ప్రభుత్వం నిర్ణయించింది. తెలంగాణ రాష్ట్ర ఏర్పాటుకు సంబంధించి తొలి ప్రకటన 2009 డిసెంబర్ 9న వెలువడిన నేపథ్యంలో ఇదే రోజు పండుగలా నిర్వహించాలని రేవంత్ సర్కార్ నిర్ణయం తీసుకుంది. ఈ మేరకు ఉత్తర్వులు వెలువడగా, CM అసెంబ్లీలో ప్రకటన చేయనున్నారు.
News December 9, 2024
యాప్ డౌన్‌లోడ్ చేసుకోవాలని కాల్ వస్తే జాగ్రత్త!
AP: తమ యాప్ డౌన్‌లోడ్ చేసుకుంటే షేర్ మార్కెట్ ట్రేడింగ్ టిప్స్ చెప్తామని, లాభాలు చూపిస్తామంటే కాల్స్ వస్తే నమ్మొద్దని VJA పోలీసులు హెచ్చరిస్తున్నారు. పొరపాటున మోసపోతే బాధితులు వెంటనే 1930కి కాల్ చేసి ఫిర్యాదు చేయాలని చెబుతున్నారు. అలాగే, పోలీస్/సీబీఐ/ఈడీ అధికారుల పేరుతో వచ్చే వీడియో కాల్స్ పట్ల జాగ్రత్తగా ఉండాలంటున్నారు. వీడియో కాల్స్, మెసేజ్‌ల ద్వారా అరెస్టులు చేయరని అవగాహన కల్పిస్తున్నారు.
News December 9, 2024
యుద్ధంలో 43వేల మంది సైనికులు మృతి: జెలెన్‌స్కీ
రష్యాతో యుద్ధంలో 43వేల మంది సైనికులను కోల్పోయామని ఉక్రెయిన్ అధ్యక్షుడు జెలెన్‌స్కీ ప్రకటించారు. దాదాపు మూడేళ్లుగా చేస్తున్న యుద్ధంలో మరో 3.70లక్షల మంది గాయపడ్డారన్నారు. రష్యా 1.98లక్షల మంది సైన్యాన్ని కోల్పోయిందని చెప్పారు. అటు, ఇరుదేశాలు కాల్పుల విరమణ అమలు చేయాలని ట్రంప్‌ పిలుపునిచ్చారు. ఫ్రాన్స్‌ అధ్యక్షుడు మేక్రాన్‌, జెలెన్‌స్కీలతో నిన్న భేటీ అయిన ఆయన ఈ యుద్ధంలో ఇరుదేశాలు నష్టపోయాయన్నారు.
News December 9, 2024
చలికాలం ఏ మాయిశ్చరైజర్లు వాడాలంటే!
చలికాలంలో చాలామంది చర్మం పొడిబారి ఇబ్బంది పడుతుంటారు. చర్మతత్వాన్ని బట్టి ఫుల్‌క్రీమ్‌ లేదా ఆయిల్‌ బేస్డ్‌ మాయిశ్చరైజర్లను స్నానం చేశాక కనీసం 10 నిమిషాల్లోపు రాసుకోవాలని వైద్యులు చెబుతున్నారు. ఆయిల్‌ స్కిన్‌ ఉన్న‌వాళ్లు జెల్‌ లేదా లోషన్‌ బేస్డ్‌ మాయిశ్చరైజర్లు వాడితే మంచిదని సూచిస్తున్నారు. మహిళలు మేకప్‌ వేసుకునే ముందు క్లెన్సింగ్‌ మిల్క్‌ ఉపయోగించి, తర్వాత మాయిశ్చరైజర్‌ వాడాలంటున్నారు.
News December 9, 2024
ఢిల్లీలో కనిష్ఠ ఉష్ణోగ్రతలకు అవకాశం: IMD
దేశ రాజధానిలో DEC 10- 14 వరకు ఉష్ణోగ్రతలు పడిపోతాయని IMD తెలిపింది. అత్యల్పంగా 3°C వరకు నమోదయ్యే అవకాశం ఉందని, ఢిల్లీతో పాటు యూపీ, పంజాబ్, హరియాణాలో చలి తీవ్రత పెరుగుతుందని చెప్పింది. పైప్రాంతాల్లోని పర్వతాల్లో మంచు పడటం, వర్షాల వల్ల ఉష్ణోగ్రతలు కనిష్ఠానికి చేరుకుంటాయంది. ఉత్తరభారతంలో ఇవాళ, రేపు దట్టమైన పొగమంచు కురిసే అవకాశం ఉందని తెలిపింది. ప్రజలు తగు జాగ్రత్తలు తీసుకోవాలని సూచించింది.
News December 9, 2024
రూపం ఏదైనా తెలంగాణ తల్లి ప్రతిరూపమే: విజయశాంతి
TG: రూపం ఏదైనా బలిదానాలతో సాధించుకున్న ప్రతి తెలంగాణ తల్లి స్వరూపం మనకు ప్రతినిత్యం ప్రాతఃస్మరణీయమని కాంగ్రెస్ నేత విజయశాంతి అన్నారు. అమ్మోరు తల్లి లెక్క నూరు రూపాలైనా, ఏ రూపంలో ఉన్నా మన తెలంగాణ తల్లి ప్రతిరూపమే అని చెప్పారు. నిర్బంధాలను దాటుకొని 2007లో తొలిసారి తెలంగాణ తల్లి విగ్రహం ఏర్పాటు అయిందన్నారు. ఆ తర్వాత BRS, ఇప్పుడు కాంగ్రెస్ ఆవిష్కరిస్తున్న విగ్రహం తెలంగాణ తల్లి ప్రతిరూపమే అన్నారు.
News December 9, 2024
పుష్ప-3 వచ్చేది ఎప్పుడంటే..
పుష్ప-2తో అల్లు అర్జున్, సుకుమార్ ఘనవిజయాన్ని ఖాతాలో వేసుకున్నారు. పుష్ప-3 ఉంటుందని ఆ సినిమా చివర్లో క్లారిటీ ఇచ్చేశారు. కానీ అదెప్పుడు అన్నదే బన్నీ ఫ్యాన్స్‌లో చర్చనీయాంశంగా మారింది. టాలీవుడ్ టాక్ ప్రకారం.. త్రివిక్రమ్‌తో కలిసి ఓ ప్రత్యేకమైన కథతో బన్నీ సినిమా చేయనున్నారు. అది పూర్తయ్యాకే పుష్ప-3 గురించి ఆలోచిస్తారని తెలుస్తోంది. ఇప్పటికే ‘పుష్ప’ సినిమాల కోసం బన్నీ ఐదేళ్లు కేటాయించడం గమనార్హం.
News December 9, 2024
NIA మోస్ట్ వాంటెడ్‌.. 2,500 కి.మీ వెంటాడి పట్టుకున్నారు
NIAకు మోస్ట్ వాంటెడ్‌గా ఉన్న కమ్రాన్ హైద‌ర్‌ను ఢిల్లీ పోలీసులు 2,500 KM వెంటాడి పట్టుకున్నారు. మాన‌వ అక్ర‌మ ర‌వాణా, ఫేక్ కాల్ సెంట‌ర్‌ల‌తో దోపిడీ కేసులో ఇతను కీల‌క నిందితుడు. ఓ క‌న్స‌ల్టెన్సీని న‌డుపుతూ థాయిలాండ్‌, లావోస్‌కు భార‌తీయుల అక్ర‌మ ర‌వాణాకు పాల్ప‌డ్డాడు. కొన్ని నెలలుగా రాష్ట్రాలు మారుతూ త‌ప్పించుకు తిరుగుతున్న కమ్రాన్‌ను ఢిల్లీ స్పెష‌ల్ సెల్ పోలీసులు శ‌నివారం HYDలో అరెస్టు చేశారు.
News December 9, 2024
మీకో చట్టం.. ప్రతిపక్షానికి మరో చట్టమా?: అంబటి
AP: రాష్ట్రంలో అధికార పక్షానికి ఓ చట్టం, ప్రతిపక్షాలకు మరో చట్టం అమలవుతోందని మాజీ మంత్రి అంబటి రాంబాబు మండిపడ్డారు. సోషల్ మీడియాలో అసభ్యకర పోస్టులు పెట్టారని YCP నాయకులపై తప్పుడు కేసులు పెడుతున్నారని ఆరోపించారు. మాజీ CM జగన్, ఆయన సతీమణి, మాజీ మంత్రులపై టీడీపీ వాళ్లు పోస్టులు పెడుతుంటే ఎందుకు చర్యలు తీసుకోవడం లేదని ప్రశ్నించారు. పోలీసులు తమ ఫిర్యాదులకు స్పందించడం లేదని, ప్రజలు గమనించాలని కోరారు.
Featured News
Sorry, no posts matched your criteria.