India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 1, 2024
IT రిటర్నులకు ఈ నెల 15 వరకు గడవు పొడిగింపు
2023-2024కు సంబంధించి ఇన్‌కమ్ ట్యాక్స్ రిటర్నుల దాఖలుకు గడువును ఈ నెల 15 వరకు పొడిగించినట్లు CBDT వెల్లడించింది. గత నోటిఫికేషన్ ప్రకారం నిన్నటితోనే గడువుగా ముగియగా పన్ను చెల్లింపుదారుల సౌలభ్యం కోసం ఈ అవకాశం కల్పించినట్లు తెలిపింది.
News December 1, 2024
OTTలో అదరగొడుతున్న తెలుగు సినిమా
దుల్కర్ సల్మాన్ నటించిన ‘లక్కీ భాస్కర్’ సినిమా OTTలో దూసుకుపోతోంది. 15 దేశాల్లో టాప్-10 లిస్టులో చోటు దక్కించుకుంది. ఈ మూవీ నవంబర్ 28 నుంచి Netflixలో తెలుగు, తమిళ, మలయాళం, కన్నడ, హిందీ భాషల్లో స్ట్రీమింగ్ అవుతోంది. వెంకీ అట్లూరి దర్శకత్వం వహించిన ఈ మూవీలో మీనాక్షి చౌదరి హీరోయిన్‌గా నటించారు. జీవీ ప్రకాశ్ కుమార్ సంగీతం అందించారు. డబ్బు చుట్టూ తిరిగే ఈ సినిమా ప్రేక్షకుల నుంచి ప్రశంసలు అందుకుంటోంది.
News December 1, 2024
UK ట్రాన్స్‌పోర్ట్ సెక్రటరీ రాజీనామా.. ఎందుకంటే?
UK ట్రాన్స్‌పోర్ట్ సెక్రటరీ లూయిస్ హై అనుకోకుండా చేసిన ఓ తప్పిదం తన పదవికి రాజీనామా చేసేలా చేసింది. 11ఏళ్ల క్రితం ఆమె వస్తువులు దొంగతనానికి గురవగా పోలీస్ కంప్లైంట్‌లో మొబైల్ కూడా చేర్చారు. కానీ మొబైల్ ఇంట్లోని కబోర్డులో కనిపించినా పోలీసులకు ఇన్ఫార్మ్ చేయలేదు. తర్వాత లొకేషన్ ట్రాక్ చేసి ఆమెను పోలీసులు విచారించారు. ఆమెను కోర్టులో హాజరుపరిచారు. ఈ ఘటన ఇప్పుడు వెలుగులోకి రావడంతో ఆమె రాజీనామా చేశారు.
News December 1, 2024
భారీ ఎన్‌కౌంటర్.. మృతిచెందిన ఏడుగురు మావోలు వీరే
TG: ములుగు జిల్లా చల్పాక సమీపంలోని అటవీ ప్రాంతంలో జరిగిన <<14757563>>భారీ ఎన్‌కౌంటర్‌లో<<>> ఏడుగురు మావోయిస్టులు హతమైన విషయం తెలిసిందే. వీరు ఇల్లందు-నర్సంపేట ఏరియా కమిటీకి చెందిన వారని పోలీసులు గుర్తించారు. మృతుల్లో బద్రు, మల్లయ్య, కరుణాకర్, జమున, జైసింగ్, కిశోర్, కామేశ్ ఉన్నారు. ఉమ్మడి వరంగల్ జిల్లాలో 14 ఏళ్లలో ఇదే అతి పెద్ద ఎన్‌కౌంటర్ అని సమాచారం.
News December 1, 2024
50 శాతం పెరిగిన గోల్డ్ రుణాలు.. తగ్గిన పర్సనల్ లోన్స్
FY2025 తొలి 7 నెలల్లో గోల్డ్ లోన్స్ 50 శాతం పెరిగాయని RBI వెల్లడించింది. ఈ ఏడాది మార్చిలో రూ.1.05 లక్షల కోట్ల రుణాలు ఉండగా, అక్టోబర్ 18 నాటికి రూ.1.54 లక్షల కోట్లకు చేరినట్లు తెలిపింది. ఇదే సమయంలో గృహ రుణాలు కూడా 12.1 శాతం పెరిగాయని పేర్కొంది. అయితే వ్యక్తిగత రుణాలు 3.3 శాతం తగ్గాయంది. మొత్తంగా అన్ని రకాల రుణాలు 4.9 శాతం అధికమై రూ.172 లక్షల కోట్లకు చేరుకున్నట్లు వివరించింది.
News December 1, 2024
బఫర్ జోన్లలో నిర్మాణాలకు NOC.. రూ.కోట్లలో AEE అక్రమార్జన!
TG: నీటిపారుదల శాఖ <<14752463>>ఏఈఈ నిఖేశ్ అక్రమాలు<<>> వెలుగులోకి వస్తున్నాయి. HYD శివార్లలోని బఫర్ జోన్లలో భారీ నిర్మాణాలకు, విలువైన భూములకు అక్రమంగా NOC జారీ చేసి అతను జేబులు నింపుకున్నట్లు సమాచారం. రంగారెడ్డి మైనర్ ఇరిగేషన్‌లో పనిచేస్తుండగా అతనిపై చాలా ఫిర్యాదులు వచ్చినా చర్యలు తీసుకోలేదని ప్రచారం జరుగుతోంది. దీంతో నిఖేశ్ ఎవరికైనా బినామీనా? అనే కోణంలోనూ ACB దర్యాప్తు చేస్తోంది.
News December 1, 2024
కేజీ చికెన్ ధర ఎంతంటే?
TG: చికెన్ ధరలు కాస్త తగ్గాయి. ప్రస్తుతం HYDలో కేజీ చికెన్ రూ.180 నుంచి రూ.220 వరకు అమ్ముతున్నారు. మరోవైపు కోడిగుడ్డు, కూరగాయల ధరలు మండిపోతున్నాయి. కోడిగుడ్డు రూ.7, టమాటా రూ.50-70, చిక్కుడు రూ.100, ఉల్లిపాయలు రూ.60 పలుకుతున్నాయి. మరి మీ ప్రాంతంలో చికెన్ రేటు ఎలా ఉందో కామెంట్ చేయండి.
News December 1, 2024
ప్రాక్టీస్ మ్యాచ్.. భారత్ బౌలింగ్
ఆస్ట్రేలియా పీఎం లెవెన్‌తో ప్రాక్టీస్ మ్యాచ్‌లో టాస్ గెలిచిన భారత కెప్టెన్ రోహిత్ శర్మ బౌలింగ్ ఎంచుకున్నారు. తొలి రోజు ఆట వర్షం కారణంగా పూర్తిగా రద్దయిన విషయం తెలిసిందే. ఇవాళ ఇరు జట్లు చెరో 50 ఓవర్ల చొప్పున బ్యాటింగ్ చేయనున్నాయి. ఈ నెల 6 నుంచి ఆడిలైడ్ వేదికగా డే నైట్ మ్యాచ్ జరగనున్న విషయం తెలిసిందే.
News December 1, 2024
కోతికి పంది కిడ్నీ.. 6 నెలలు జీవించిన మంకీ
చైనా సైంటిస్టులు జన్యుసవరణ చేసిన పంది కిడ్నీని కోతికి అమర్చగా అది 6 నెలలకుపైగా జీవించింది. ఒక జాతి అవయవాలను మరో జాతికి మార్చే పరిశోధనలో ఇది కీలక పురోగతి. గతంలో అమెరికా శాస్త్రవేత్తలు పంది గుండెను మనుషులకూ విజయవంతంగా అమర్చారు. అయితే వారు ఎక్కువ కాలం జీవించలేదు. పంది అవయవాలు హ్యూమన్ ఆర్గాన్స్‌కు సమానమైన పరిమాణంలో ఉంటాయి. దీంతో వీటి అవయవమార్పిడిపై పరిశోధనలు సాగుతున్నాయి.
News December 1, 2024
బాబు ష్యూరిటీ-బాదుడు గ్యారంటీ: అంబటి
AP: విద్యుత్ ఛార్జీల పెంపుపై మాజీ మంత్రి అంబటి రాంబాబు స్పందించారు. ‘ఎన్నికల ముందు బాబు ష్యూరిటీ- భవిష్యత్ గ్యారంటీ.. ఎన్నికల తర్వాత బాబు ష్యూరిటీ-బాదుడు గ్యారంటీ’ అని రాసుకొచ్చారు. బెల్ట్ షాపులు నిర్వహిస్తే కఠిన చర్యలు తీసుకుంటామన్న సీఎం చంద్రబాబు వ్యాఖ్యలపైనా ఆయన సెటైర్లు వేశారు. ‘ప్రతి వైన్ షాపునకూ బెల్ట్ ఉంది.. బాబుకే బెల్ట్ లేదు తీయడానికి!’ అని రాసుకొచ్చారు.
Featured News
Sorry, no posts matched your criteria.