India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 1, 2024
కొత్త మెడికల్ కాలేజీలకు 380 పోస్టులు మంజూరు
AP: రాష్ట్రంలోని కొత్త మెడికల్ కాలేజీలకు 21 విభాగాల్లో 380 పోస్టులు మంజూరు చేస్తూ ప్రభుత్వం ఉత్తర్వులు జారీ చేసింది. రాష్ట్రంలో 17 కొత్త కాలేజీలు ఏర్పాటు చేస్తుండగా, 2023-24 విద్యా సంవత్సరంలో మచిలీపట్నం, నంద్యాల, ఏలూరు, రాజమండ్రి, విజయనగరం కళాశాలలను ప్రారంభించారు. 2024-25 అకడమిక్ ఇయర్‌లో పాడేరు, పులివెందుల, మదనపల్లె, మార్కాపురం, ఆదోని కాలేజీలు ప్రారంభం కానున్నాయి.
News June 1, 2024
వచ్చే 5 రోజులు వర్షాలు.. నేడు ఈ జిల్లాల్లో!
TG: వచ్చే 5 రోజులు పలు జిల్లాల్లో తేలికపాటి నుంచి భారీ వర్షాలు కురుస్తాయని HYD వాతావరణ కేంద్రం వెల్లడించింది. నేడు NLG, WRGL, HNK, జనగామ, SDPT, BNR, వనపర్తి, RR, HYD, MDCL, VKB, MHBR, NGKL, NRPT, జోగులాంబ గద్వాల జిల్లాల్లో వర్షాలు పడతాయని ఎల్లో అలర్ట్ జారీ చేసింది. రేపు VKB, PDPL, RR, వనపర్తి, NRPT, గద్వాల్, SRCL, NGKL, SNRD, MDK, కామారెడ్డి, KRMR జిల్లాల్లో వర్షాలు కురుస్తాయని అంచనా వేసింది.
News June 1, 2024
నేడు పెద్ద హనుమాన్ జయంతి.. కొండగట్టుకు పోటెత్తిన భక్తులు
TG: నేడు పెద్ద హనుమాన్ జయంతి కావడంతో కొండగట్టు క్షేత్రానికి భక్తులు భారీ సంఖ్యలో తరలివస్తున్నారు. ఆలయ పరిసరాలు భక్తులతో నిండిపోయాయి. గత 2 రోజుల నుంచి ఉత్సవాలు జరుగుతుండగా, దీక్ష విరమణ చేయడం కోసం మాలదారులు ఆలయానికి పోటెత్తారు. భక్తుల రద్దీ నేపథ్యంలో 650 మంది పోలీసులతో భద్రత ఏర్పాటు చేశారు. కోనేరులో నీటిని ఎప్పటికప్పుడు మార్చుతున్నామని, కొండపైకి 4 RTC బస్సులను ఏర్పాటు చేసినట్లు అధికారులు తెలిపారు.
News June 1, 2024
GDP వృద్ధి ట్రైలర్ మాత్రమే: మోదీ
FY24 చివరి త్రైమాసికంలో <<13350881>>GDP<<>> వృద్ధి 7.8% నమోదవడం దేశ ఆర్థిక వ్యవస్థ పురోగతికి నిదర్శనమని PM మోదీ ట్వీట్ చేశారు. ఇది మరింత వేగవంతం కానుందన్నారు. ‘ప్రపంచంలో అత్యంత వేగంగా అభివృద్ధి చెందుతున్న ఎకానమీగా భారత్ కొనసాగుతోంది. FY24లో 8.2 వృద్ధి రేటు నమోదవడమే దీనికి ఉదాహరణ. కష్టపడి పనిచేస్తున్న ప్రజలకు ధన్యవాదాలు. నేను ఇప్పటికే చెప్పినట్లు రాబోయే మంచి రోజులకు ఇది ట్రైలర్ మాత్రమే’ అని పేర్కొన్నారు.
News June 1, 2024
నాసిరకం విత్తనాలు.. ఈ సూచనలు పాటించండి
నకిలీ విత్తనాలు రైతన్నల పొట్టకొడుతున్నాయి. నాణ్యమైన విత్తనాలకు కొన్ని సూచనలు:
*దళారుల వద్ద కొనొద్దు. వ్యవసాయశాఖ లైసెన్స్ ఉన్న దుకాణాల్లోనే కొనాలి.
*విత్తన తయారీ, గడువు తేదీ, సంస్థ పేరు, లేబుల్, ధర, అమ్మినవారి సంతకం చూసుకోవాలి.
*కచ్చితంగా రసీదు తీసుకోవాలి. బిల్లు లేనిదే విత్తనాలు కొనుగోలు చేయవద్దు.
*పంట పూర్తయ్యే వరకు ప్యాకెట్లు, బిల్లులు ఉంచుకోవాలి.
News June 1, 2024
నేడు తెరుచుకోనున్న ఇంటర్ కాలేజీలు
వేసవి సెలవులు ముగియడంతో తెలుగు రాష్ట్రాల్లోని జూనియర్ కాలేజీలు నేడు రీఓపెన్ కానున్నాయి. TGలో మొత్తం 3,269 కాలేజీలు ఉండగా, నిన్నటి వరకు 2,483 కళాశాలలకు ఇంటర్ బోర్డు అఫిలియేషన్ ఇచ్చింది. వీటిలో 1,443 ప్రైవేటు కాలేజీలు ఉన్నాయి. అయితే మిక్స్‌డ్ ఆక్యుపెన్సీ భవనాల్లోని ప్రైవేటు కాలేజీలపై బోర్డు ఇంకా ఎలాంటి నిర్ణయం తీసుకోలేదు. దీంతో ఆయా కాలేజీల్లోని సెకండియర్ విద్యార్థుల భవితవ్యంపై అయోమయం నెలకొంది.
News June 1, 2024
తెలంగాణ స్థానిక ఎన్నికల్లో టీడీపీ పోటీ: చంద్రబాబు
TG: ఇక నుంచి తెలంగాణ రాజకీయాలకూ సమయం కేటాయిస్తానని టీడీపీ అధినేత చంద్రబాబు పార్టీ నేతలతో చెప్పారు. స్థానిక సంస్థల ఎన్నికల్లో టీడీపీ పోటీ చేస్తుందని, నేతలు సిద్ధం కావాలని సూచించారు. నిన్న HYDలో టీటీడీపీ నాయకులు చంద్రబాబుతో సమావేశం అయ్యారు. త్వరలోనే రాష్ట్ర పార్టీ అధ్యక్షుడిని నియమిస్తానని, తెలుగు జాతి ఉన్నంత వరకు రెండు రాష్ట్రాల్లో తెలుగుదేశం పార్టీ ఉంటుందని CBN స్పష్టం చేశారు.
News June 1, 2024
150 ఏళ్లుగా రుతుపవనాల ఎంట్రీ సమయంలో మార్పులు
దేశంలోకి రుతుపవనాలు ప్రవేశించే సమయం గత 150 ఏళ్లుగా మారుతున్నట్లు ఐఎండీ రికార్డులు చెబుతున్నాయి. గత ఏడాది జూన్ 8న కేరళ తీరాన్ని తాకిన రుతుపవనాలు ఈ సారి అంచనా కంటే ఒకరోజు ముందుగానే(మే 30) కేరళలోకి ప్రవేశించాయి. త్వరలో తెలుగు రాష్ట్రాలకు విస్తరించనున్నాయి. 1918లో మే 11న, అత్యంత ఆలస్యంగా 1972లో జూన్ 18న, 2020లో జూన్ 1, 2021లో జూన్ 3న, 2022లో మే 29న రుతుపవనాలు కేరళలోకి ఎంట్రీ ఇచ్చాయి.
News June 1, 2024
రాష్ట్రానికి తిరిగొచ్చిన సీఎం జగన్
యూకే పర్యటనకు వెళ్లిన ఏపీ సీఎం జగన్ రాష్ట్రానికి తిరిగొచ్చారు. కాసేపటి క్రితం గన్నవరం ఎయిర్‌పోర్టుకు చేరుకున్నారు. అక్కడి నుంచి తాడేపల్లి నివాసానికి వెళ్తారు. ఎన్నికల పోలింగ్ అనంతరం గత నెల 17న ఆయన తన కుటుంబ సభ్యులతో కలిసి విదేశీ పర్యటనకు వెళ్లిన సంగతి తెలిసిందే.
News June 1, 2024
నేడే తుది విడత పోలింగ్.. సా.6 నుంచి ఎగ్జిట్ పోల్స్
లోక్‌సభ ఎన్నికల తుది విడత పోలింగ్ నేడు 8 రాష్ట్రాలు, ఒక UTతో కలిపి మొత్తం 57 స్థానాల్లో జరగనుంది. నరేంద్ర మోదీ, అనురాగ్ ఠాకూర్, కంగనా రనౌత్ వంటి ప్రముఖులతో సహా మొత్తం 904 మంది అభ్యర్థులు బరిలో ఉన్నారు. పోలింగ్ పూర్తయిన తర్వాత సా.6 గంటల నుంచి ఎగ్జిట్ పోల్ ఫలితాలు వెలువడనున్నాయి. వాటి కోసం రాజకీయ నేతలతో పాటు ప్రజలు ఆసక్తిగా ఎదురుచూస్తున్నారు.
Featured News
Sorry, no posts matched your criteria.