India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 27, 2024
కష్టాలను దాటొచ్చి కప్ కొట్టాడు!
ఐపీఎల్-2024 విజేతగా కేకేఆర్ నిలవడంలో ఆ జట్టు కెప్టెన్ శ్రేయస్ అయ్యర్ కూడా కీలక పాత్ర పోషించారు. సీజన్ ప్రారంభానికి ముందు అతను చాలా క్లిష్ట పరిస్థితులను ఎదుర్కొన్నారు. గాయం బారిన పడటం, టెస్ట్ జట్టులో స్థానం కోల్పోవడం, బీసీసీఐ కాంట్రాక్టు దక్కకపోవడం ఇలా వరుసగా ఎదురుదెబ్బలు తగిలాయి. అయినా వీటన్నింటిని అధిగమించి ఐపీఎల్‌లో KKR సారథిగా, బ్యాటర్‌గా రాణించి తన జట్టును ఛాంపియన్‌గా నిలిపారు.
News May 27, 2024
వర్చువల్ క్రెడిట్ కార్డులు అంటే?
భౌతిక రూపం లేకుండా ఆన్‌లైన్‌లో అందుబాటులో ఉండే డిజిటల్ కార్డులే వర్చువల్ క్రెడిట్ కార్డులు. ఆన్‌లైన్ ట్రాన్సాక్షన్స్ చేయడానికి వీటిని ఉపయోగిస్తారు. సాధారణ కార్డుల్లాగే వీటికి కూడా నంబర్, CVV, వాలిడిటీ ఉంటుంది. ఈ వివరాలన్నీ ఆన్‌లైన్‌లో అందుబాటులో ఉంటాయి. ఈ కార్డులు వన్ టైమ్ యూసేజ్ ఆప్షన్‌తో వస్తాయి. ఒకసారి వచ్చిన కార్డును 24-48hrs వరకు మాత్రమే వాడవచ్చు. కార్డు అవసరం లేనప్పుడు క్యాన్సిల్ చేయవచ్చు.
News May 27, 2024
❤️మనసులు గెలుచుకున్న SRH!
టోర్నీ ఆద్యంతం ఆకట్టుకున్న SRH చివరి మెట్టుపై బోల్తా పడింది. IPL చరిత్రలో అత్యధిక స్కోర్(287), పవర్ ప్లేలో హైయెస్ట్ స్కోర్(125), అత్యంత వేగంగా 150+ స్కోర్ ఛేదన.. ఇలా ఎన్నో రికార్డులను SRH తిరగరాసింది. అభిషేక్, హెడ్, క్లాసెన్ వీర బాదుడు కోసం మిగతా జట్ల ఫ్యాన్స్ సైతం SRH మ్యాచ్ కోసం ఎదురుచూసేవారు. విధ్వంసకర ఆటతీరుతో కమిన్స్ సేన మిగతా జట్లను భయపెట్టింది. FINALలో ఓడినా అభిమానుల మనసులు గెలుచుకుంది.
News May 27, 2024
IPL-2024 రికార్డులు
IPL చరిత్రలో అత్యధిక సిక్సర్లు(1260) నమోదైన సీజన్‌గా 2024 నిలిచింది. అలాగే అత్యధిక రన్ రేట్(9.56), అత్యధిక 200+ స్కోర్లు (41), అత్యధిక సెంచరీలు(14), అత్యధిక స్కోర్ (287/3 SRH), ఛేజింగ్‌లో అత్యధిక స్కోర్ (262, PBKSvsKKR), T20 మ్యాచ్‌లో రెండు ఇన్నింగ్స్‌లు కలిపి హైయెస్ట్ స్కోరు (549-SRHvsRCB) నమోదయ్యాయి. అలాగే త్వరగా పూర్తయిన ఫైనల్/నాకౌట్ మ్యాచ్‌గా (29overs) నిన్నటి ఫైనల్ మ్యాచ్ నిలిచింది.
News May 27, 2024
నేడు రేవ్ పార్టీ కేసు నిందితుల విచారణ
బెంగళూరు రేవ్ పార్టీ కేసులో నటి హేమతో సహా 8 మందిని సీబీఐ నేడు విచారించనుంది. ఈనెల 27న విచారణకు రావాలంటూ వారికి సీబీఐ నోటీసులిచ్చిన సంగతి తెలిసిందే. ఈ కేసులో అరెస్టై, జుడీషియల్ కస్టడీలో ఉన్న నిందితులను అదుపులోకి తీసుకుని విచారించేందుకు పోలీసులు నేడు కోర్టులో పిటిషన్ వేయనున్నారు. కాగా రేవ్ పార్టీలో 103 మంది పాల్గొనగా, 86 మంది డ్రగ్స్ తీసుకున్నట్లు తేలిందని పోలీసులు ఇప్పటికే వెల్లడించారు.
News May 27, 2024
వాట్సాప్‌లో ‘1 మినిట్ వాయిస్ స్టేటస్’ ఫీచర్
ఆండ్రాయిడ్, IOS యూజర్లకు వాట్సాప్ ‘వాయిస్ స్టేటస్ అప్ డేట్స్- 1మినిట్ లాంగ్’ ఫీచర్ తీసుకొచ్చింది. ఈ ఫీచర్ సాయంతో యూజర్లు ఒక నిమిషం వరకు నిడివి ఉన్న వాయిస్ నోట్స్‌ను స్టేటస్‌గా పెట్టుకోవచ్చు. ఆడియో అప్‌డేట్స్ ఎక్కువ షేర్ చేసుకునే వారికి ఇది ఉపయోగకరంగా ఉండనుంది. ప్రస్తుతం లేటెస్ట్ వెర్షన్స్ అప్‌గ్రేడ్ చేసుకున్న యూజర్లకు ఈ ఫీచర్ అందుబాటులో ఉంది. త్వరలోనే మిగతా వారికి అందుబాటులోకి రానుంది.
News May 27, 2024
టీ20 WCకి ముందు వెస్టిండీస్‌కి బిగ్ షాక్
T20 వరల్డ్‌కప్‌కు వెస్టిండీస్ ఆల్‌రౌండర్ జాసన్ హోల్డర్ గాయం కారణంగా దూరమయ్యారు. కౌంటీ ఛాంపియన్‌షిప్‌లో వోర్సెస్టర్‌షైర్ తరఫున ఆడుతుండగా అతను గాయపడినట్లు విండీస్ బోర్డు తెలిపింది. కానీ గాయానికి సంబంధించి పూర్తి వివరాలు వెల్లడించలేదు. అతని స్థానంలో ఓబేడ్ మెక్కోయ్‌ను ఎంపిక చేసింది. హోల్డర్ లాంటి సీనియర్ ప్లేయర్ WCకి దూరమవడం దురదృష్టకరం అని చీఫ్ సెలక్టర్ డెస్మండ్ హేన్స్ అభిప్రాయపడ్డారు.
News May 27, 2024
నేడు పంజాబ్‌కు సీఎం రేవంత్
తెలంగాణ సీఎం రేవంత్ రెడ్డి ఇవాళ పంజాబ్ రాష్ట్రానికి వెళ్లనున్నట్లు కాంగ్రెస్ పార్టీ వర్గాలు తెలిపాయి. లోక్‌సభ ఎన్నికల ప్రచారం కోసం ఆయన నేడు ఉదయం హైదరాబాద్ నుంచి పంజాబ్‌కి బయల్దేరనున్నారట. అక్కడ ప్రచార కార్యక్రమాల్లో పాల్గొన్న అనంతరం సాయంత్రం తిరిగి హైదరాబాద్‌కు చేరుకుంటారని పార్టీ వర్గాలు పేర్కొన్నాయి.
News May 27, 2024
OGలో పవన్ కళ్యాణ్ పేరు ‘ఓజాస్ గంభీర’: సుజీత్
OG సినిమాలో పవన్ కళ్యాణ్ పాత్ర పేరు ‘ఓజాస్ గంభీర’ అని దర్శకుడు సుజీత్ వెల్లడించారు. కార్తికేయ నటించిన ‘భజే వాయు వేగం’ ప్రమోషన్స్‌లో భాగంగా OG సినిమా విశేషాల్ని పంచుకున్నారు. మొదట పవన్ తనను రీమేక్ కోసం పిలిచారని, తర్వాత కొత్త కథ ఏదైనా ఉందా? అని అడిగితే OG స్టోరీ చెప్పానని తెలిపారు. అది ఆయనకు నచ్చడంతో సినిమా పట్టాలెక్కిందని పేర్కొన్నారు.
News May 27, 2024
ఐపీఎల్‌లో విరాట్ కోహ్లీ పేరిట మరో రికార్డు
ఐపీఎల్‌లో అత్యధిక సార్లు(2) ఆరెంజ్ క్యాప్ గెలుచుకున్న భారత ప్లేయర్‌గా విరాట్ కోహ్లీ రికార్డు నెలకొల్పారు. 2016లో 973 రన్స్, 2024 సీజన్‌లో 741 రన్స్ చేసి కోహ్లీ టాప్ స్కోరర్‌గా నిలిచారు. గతంలో వార్నర్ 3 సార్లు, గేల్ 2 సార్లు ఈ ఘనత సాధించారు. ఈ సీజన్‌లో వరుస విజయాలతో ప్లే ఆఫ్స్‌ చేరిన ఆర్సీబీ, ఎలిమినేటర్‌లో నిష్క్రమించిన సంగతి తెలిసిందే.
Featured News
Sorry, no posts matched your criteria.