India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 26, 2024
చివరి నిమిషంలో పెళ్లి క్యాన్సిల్.. కారణమిదే
అతని నెల జీతం రూ.1.20 లక్షలు. ప్రైవేట్ కంపెనీలో ఉద్యోగం చేస్తున్నాడు. ఆస్తిపాస్తులు బాగానే ఉన్నాయి. దీంతో పెద్దలు ఓ అమ్మాయితో పెళ్లి నిశ్చయం చేశారు. తీరా పెళ్లి పీటల మీద కూర్చున్నాక యువతి మనసు మార్చుకుంది. తాను GOVT ఉద్యోగిని తప్ప ఎవరినీ పెళ్లి చేసుకోనని తేల్చిచెప్పింది. చేసేదేమీ లేక ఇరు పక్షాలు మ్యారేజ్‌ను రద్దు చేసుకున్నాయి. యూపీ ఫరూఖాబాద్ జిల్లాలో జరిగిన ఈ ఘటన సోషల్ మీడియాలో వైరలవుతోంది.
News November 26, 2024
PAN 2.0కు ఆమోదం: ఇకపై PAN కార్డులు పనిచేయవా?
ప్రస్తుతం వాడుతున్న PAN కార్డులు పనిచేస్తాయి. అన్ని సేవలకూ దానిని వాడుకోవచ్చు. <<14708948>>PAN 2.0<<>> ప్రాజెక్టు ఆరంభమయ్యాక పాతవాటిని QR కోడ్ ముద్రించే కొత్తవాటికి అప్‌గ్రేడ్ చేసుకోవాల్సి ఉంటుంది. ఇందుకోసం ప్రభుత్వం ఒక వెబ్‌పోర్టల్ తీసుకొస్తోంది. ఇప్పుడున్న నంబర్ మాత్రం మారదు. అప్‌గ్రేడ్ చేసుకోవడానికి ఎలాంటి డబ్బు చెల్లించాల్సిన అవసరం ఉండదు. PAN/TAN వ్యవస్థను పూర్తిగా డిజిటలైజ్ చేయడమే ప్రాజెక్టు ఉద్దేశం.
News November 26, 2024
రిషభ్.. నువ్వెప్పుడూ నా సోదరుడివే: జిందాల్
వేలంలో LSGకి వెళ్లిన రిషభ్ పంత్‌ను ఉద్దేశిస్తూ ఢిల్లీ క్యాపిటల్స్ సహ యజమాని పార్థ్ జిందాల్ ఎమోషనల్ ట్వీట్ చేశారు. ‘పంత్. నువ్వెప్పుడూ నా సోదరుడివే. నీకోసం ఏం చేయాలో అంతా చేశాం. కుటుంబీకుడిలా ట్రీట్ చేశాం. నిన్ను వేరే జట్టుకు కోల్పోవడం చాలా బాధగా ఉంది. ఎప్పటికీ నువ్వు డీసీ ఆటగాడివే. మళ్లీ ఎప్పుడైనా కలుస్తామేమో. డీసీతో ఆడినప్పుడు తప్ప మిగిలిన సమయాల్లో నీ ఆటను ఆస్వాదిస్తాను’ అని పేర్కొన్నారు.
News November 26, 2024
మళ్లీ సినిమాల్లో నటిస్తారా? రోజా సమాధానమిదే
మళ్లీ నటించాలని భావిస్తున్నట్లు మాజీ మంత్రి రోజా ఆసక్తి వ్యక్తపర్చారు. ‘బాహుబలి’ శివగామి, ‘అత్తారింటికి దారేది’ అత్త తరహా క్యారెక్టర్లు లేదా డాక్టర్, లాయర్ వంటి కీలక రోల్స్ చేయాలని కోరుకుంటున్నట్లు ఓ ఇంటర్వ్యూలో చెప్పారు. 90వ దశకంలో హీరోయిన్‌గా మెప్పించిన రోజా సెకండ్ ఇన్నింగ్స్‌లో గోలీమార్, మొగుడు లాంటి సినిమాల్లో నటించారు. ఈసారి ఆమెను ఏ రోల్‌లో చూడాలి అనుకుంటున్నారు? కామెంట్ చేయండి.
News November 26, 2024
భోజ్‌పురి ఇండస్ట్రీ పేరును వారు పాడుచేశారు: రవికిషన్
భోజ్‌పురి సినీ పరిశ్రమలో కొత్త తరం నటీనటులపై నటుడు రవి కిషన్ తీవ్ర ఆగ్రహం వ్యక్తం చేశారు. ఇండస్ట్రీ పేరును వారు పాడుచేస్తున్నారని మండిపడ్డారు. ‘భోజ్‌పురి సినీ పరిశ్రమలో నేను మూడో దశను ప్రారంభించాను. కానీ దాన్ని మా తర్వాతి తరం వారు సద్వినియోగం చేసుకోలేకపోయారు. పరిశ్రమకున్న పేరును చెడగొట్టారు’ అని ఆవేదన వ్యక్తం చేశారు. తెలుగులో రేసు గుర్రం, సైరా తదితర సినిమాల్లో ఆయన నటించారు.
News November 26, 2024
Warning: ఆండ్రాయిడ్ ఫోన్ వాడుతున్నారా?
ఆండ్రాయిడ్ 12- ఆండ్రాయిడ్ 15 వరకు ఆపరేటింగ్ సిస్టమ్స్‌ ఫోన్లను వాడుతున్నవారికి కేంద్ర ప్రభుత్వం హెచ్చరికలు జారీ చేసింది. ఆ ఓఎస్‌లో చాలా లోపాలున్నాయని భారత కంప్యూటర్ ఎమర్జెన్సీ రెస్పాన్స్ టీమ్(CERT-In) తేల్చిచెప్పింది. వీటిని హ్యాకర్లు గుర్తిస్తే వినియోగదారుల భద్రతకు తీవ్రస్థాయి ముప్పు వాటిల్లుతుందని ఆందోళన వ్యక్తం చేసింది. అప్‌డేట్స్ రాగానే వెంటనే ఫోన్ అప్‌డేట్ చేసుకోవాలని సూచించింది.
News November 26, 2024
‘జీబ్రా’కు అలా జరగకూడదని కోరుకుంటున్నా: సత్యదేవ్
‘జీబ్రా’ సినిమాతో ప్రేక్షకుల ముందుకు వచ్చిన సత్యదేవ్ ఎమోషనల్ పోస్టు చేశారు. ‘ఇది మీరు ఇచ్చిన విజయం. థియేట్రికల్ హిట్ కోసం ఐదేళ్లుగా ఎదురుచూశా. నేను హిట్ కొడితే మీరు కొట్టినట్లే ఫీల్ అవుతున్నారు. చాలా సంతోషంగా ఉంది. బ్లఫ్ మాస్టర్ సినిమాను మీరు థియేటర్‌లో మిస్సై తర్వాత OTT, యూట్యూబ్‌లో చూసి ప్రశంసలు కురిపించారు. జీబ్రాకు అలా జరగకూడదు. దయచేసి మూవీని థియేటర్లలో చూడండి’ అని రాసుకొచ్చారు.
News November 26, 2024
నా సెక్యూరిటీని వెనక్కి తీసుకోండి: స్వరూపానందేంద్ర
AP: తనకు కల్పిస్తున్న భద్రతను వెనక్కి తీసుకోవాలని ప్రభుత్వానికి విశాఖ శారదాపీఠాధిపతి స్వరూపానందేంద్ర స్వామి లేఖ రాశారు. ఇప్పటివరకు రక్షణ కల్పించిన YCP, TDP ప్రభుత్వాలకు ధన్యవాదాలు తెలిపారు. ఇకపై తపస్సు చేసుకుంటూ రిషికేశ్‌లోనే గడుపుతానని ప్రకటించారు. YCP ప్రభుత్వం గతంలో శారదాపీఠానికి వైజాగ్ వద్ద రూ.225Cr విలువైన 15ఎకరాలను రూ.15 లక్షలకే కేటాయించింది. కూటమి ప్రభుత్వం దాన్ని స్వాధీనం చేసుకుంది.
News November 26, 2024
పుష్ప-2కు మూడో మ్యూజిక్ డైరెక్టర్?
పుష్ప-2 ప్రాజెక్టులోకి ముచ్చటగా మూడో సంగీత దర్శకుడు ఎంట్రీ ఇచ్చినట్లు తెలుస్తోంది. ఖైదీ, క, డిమోంటీ కాలనీ-2 తదితర చిత్రాలకు పనిచేసిన శామ్ CS పుష్పలోని ఓ ఫైట్ సీక్వెన్స్‌కు BGM అందిస్తున్నట్లు సమాచారం. అల్లు అర్జున్ జాతర గెటప్‌ను ఆయన ఇవాళ సోషల్ మీడియాలో పోస్టు చేయడంతో ఆ వార్తలు నిజమేనని అభిమానులు కామెంట్స్ చేస్తున్నారు. DSPతో పాటు తాను BGM అందిస్తున్నట్లు తమన్ ఇటీవల ప్రకటించిన విషయం తెలిసిందే.
News November 26, 2024
మహారాష్ట్ర సీఎం పీఠం బీజేపీదే?
మహారాష్ట్ర సీఎం ఎవరనే సందిగ్ధానికి తెర పడినట్లు తెలుస్తోంది. దేవేంద్ర ఫడణవీస్ వైపే బీజేపీ అధిష్ఠానం మొగ్గు చూపినట్లు సమాచారం. మరికాసేపట్లో ఆయన పేరును అధికారికంగా ప్రకటించే అవకాశం ఉంది. ఏక్‌నాథ్ శిండే, అజిత్ పవార్‌కు డిప్యూటీ సీఎం పదవులు ఇవ్వనున్నట్లు తెలుస్తోంది. శిండే వర్గానికి 12, అజిత్ వర్గానికి 10 చొప్పున మంత్రి పదవులు ఇచ్చేలా ఒప్పందం కుదిరిందని సమాచారం.
Featured News
Sorry, no posts matched your criteria.