India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 24, 2024
Summer: కూరగాయలు, పండ్లు పాడవుతున్నాయా?
* కూరగాయలను నేరుగా వేడి తాకే ప్రదేశంలో పెట్టవద్దు.
* ఫ్రిజ్ టెంపరేచర్ 4°C లేదా అంతకంటే తక్కువే ఉంచాలి.
* ఫ్రిజ్ అంతా సరుకులతో నింపకుండా గాలి తాకేలా స్పేస్ ఉంచాలి.
* అరటి, యాపిల్, టమాటా, అవకాడో లాంటి పండ్లు, కూరగాయలు ఇథలిన్‌ను విడుదల చేస్తాయి. వాటి వల్ల మిగిలినవీ త్వరగా పండుతాయి. అలా కాకుండా ఉండాలంటే వాటిని వేర్వేరుగా ఉంచాలి.
* త్వరగా పాడయ్యే వాటిని ముందు వాడుకోవడం ఉత్తమం.
News May 24, 2024
దుబాయ్ వెళ్తున్నారా? ఇవి తెలుసుకోండి!
విజిటింగ్ వీసాతో దుబాయ్‌కి వెళ్లేవారి వీసాల నిబంధనల్లో అక్కడి ప్రభుత్వం కీలక మార్పులు తీసుకొచ్చింది. సందర్శకులు తప్పనిసరిగా కనీసం 3000 AEDలతో పాటు రిటర్న్ టికెట్ బుక్ చేసుకొని ఉండాలి. డబ్బులు లేకపోతే క్రెడిట్ కార్డయినా ఉండాలి. దుబాయ్‌లో ఎక్కడ ఉండనున్నారో ముందే తెలపాల్సి ఉంటుంది. ఇవి చూపించకపోతే బోర్డింగ్‌కు అనుమతించరు. నిన్న కొచ్చిన్ ఎయిర్‌పోర్టులో 20 మందికి దుబాయ్ వెళ్లేందుకు పర్మిషన్ ఇవ్వలేదు
News May 24, 2024
16,344 వడదెబ్బ కేసులు.. 60 మరణాలు
ఈ వేసవిలో కొన్నిచోట్ల వర్షాలు పడుతున్నప్పటికీ మరికొన్ని చోట్ల గరిష్ఠ ఉష్ణోగ్రతలు నమోదవుతున్నాయి. మార్చి 1 నుంచి ఇప్పటి వరకు దేశ వ్యాప్తంగా 16,344 వడదెబ్బ కేసులు నమోదు కాగా.. 60 మంది ప్రాణాలు కోల్పోయారని నేషనల్ సెంటర్ ఆఫ్ డిసీజ్ కంట్రోల్ నివేదిక తెలిపింది. రాజస్థాన్‌లోని బార్మర్‌లో గురువారం 48.8డిగ్రీల ఉష్ణోగ్రత నమోదైంది. ఈ ఏడాది నమోదైన గరిష్ఠ ఉష్ణోగ్రత ఇదే.
News May 24, 2024
T20WC జట్టు ప్రకటించిన పాకిస్థాన్
టీ20 వరల్డ్ కప్‌లో పాల్గొనే పాకిస్థాన్ జట్టును ఆ దేశ క్రికెట్ బోర్డు ప్రకటించింది. జట్టు కెప్టెన్సీ బాధ్యతలు బాబర్ ఆజంకు అప్పగించింది.
జట్టు: బాబర్ ఆజం, షాహీన్ అఫ్రిది, మహ్మద్ రిజ్వాన్, అబ్రార్, హరీస్ రవూఫ్, అబ్బాస్ అఫ్రిది, నసీమ్ షా, ఆజం ఖాన్, ఇఫ్తికార్, అమీర్, సైమ్ అయూబ్, ఉస్మాన్ ఖాన్, ఫఖర్ జమాన్, ఇమాద్, షాదాబ్.
>> అమెరికా, వెస్టిండీస్‌లు వేదికలుగా జూన్ 2 నుంచి ఈ వరల్డ్ కప్‌ జరగనుంది.
News May 24, 2024
కోల్‌కతాలో 60రోజులు 144 సెక్షన్.. BJP సీరియస్
రాజకీయపరమైన హింసాత్మక ఘటనలు జరిగే అవకాశం ఉందనే ఇంటెలిజెన్స్ వర్గాల సమాచారంతో కోల్‌కతా నగరంలో పోలీసులు 144 సెక్షన్ విధించారు. మే 28 నుంచి 60 రోజుల పాటు ఈ ఆంక్షలు ఉంటాయని తెలిపారు. కాగా.. దీనిపై స్పందించిన బీజేపీ ప్రధాని మోదీ రోడ్‌షోను అడ్డుకోవాలన్న ఉద్దేశంతోనే మమత ప్రభుత్వం ఈ నిర్ణయం తీసుకుందని ఆరోపిస్తోంది. కాగా.. మే 28నే కోల్‌కతాలో మోదీ రోడ్ షో చేయాల్సి ఉంది.
News May 24, 2024
ఎమ్మెల్సీ ఎన్నికల్లో ఓడితేనే కాంగ్రెస్‌కు కనువిప్పు: హరీశ్
కాంగ్రెస్ నేతలు ఇంకెంత కాలం కేసీఆర్‌ను తిట్టుకుంటూ బతుకుతారంటూ బీఆర్ఎస్ ఎమ్మెల్యే హరీశ్ రావు ప్రశ్నించారు. ఆ పార్టీ అధికారంలోకి రాగానే నీళ్లు, కరెంట్ మాయమయ్యాయని ఆరోపించారు. ‘త్వరలో జరిగే పట్టభద్రుల ఎమ్మెల్సీ ఉప ఎన్నికలో ఓడిస్తే తప్ప కాంగ్రెస్‌కు కనువిప్పు రాదు. ఆ పార్టీకి ఓటేయడమంటే వారి అబద్ధాలను ఆమోదించడమే. రాష్ట్రమంతా పంటలు ఎండిపోయాయి. క్రాప్ హాలిడే నెలకొంది’ అని ఆందోళన వ్యక్తం చేశారు.
News May 24, 2024
బంగ్లాను చావు దెబ్బ కొట్టిన ఈ పేసర్ ఎవరు?
IPL2020 వేలంలో KKR ఓ అమెరికా పేసర్‌ను కొనడం సంచలనంగా మారిన విషయం గుర్తుందా? అతడే ఈ US బౌలర్ అలీఖాన్. బంగ్లాదేశ్‌పై అమెరికా 2-0తో T20 సిరీస్ నెగ్గి చరిత్ర సృష్టించడంలో కీలకపాత్ర పోషించారు. 2వ T20లో 3 వికెట్లు తీసి బంగ్లా టైగర్లను చావుదెబ్బ కొట్టారు. పాక్‌లో పుట్టి USకి వలస వెళ్లారు. IPLలో గాయంతో KKRకు ఆడకపోయినా.. ఆ ఫ్రాంచైజీ జట్లలోనే మిగతా లీగ్స్‌లో డెత్ ఓవర్ స్పెషలిస్టుగా అదరగొట్టారు.
News May 24, 2024
బౌల్ట్.. తగ్గేదేలే
RR బౌలర్ ట్రెంట్ బౌల్ట్ అద్భుతంగా రాణిస్తున్నారు. ఈ సీజన్‌లో అతడు ఇన్నింగ్స్ తొలి ఓవర్లలో 7 వికెట్లు పడగొట్టడం విశేషం. పవర్‌ప్లేలో 12 వికెట్లు తీశారు. ఈ సీజన్‌లో ఇప్పటివరకు 16 వికెట్లు పడగొట్టారు. 2020 సీజన్‌లోనూ అతడు ఇన్నింగ్స్ తొలి ఓవర్లలో 8 వికెట్లతో సత్తా చాటారు. ఇక ప్రస్తుతం SRHతో జరుగుతున్న మ్యాచ్‌లో ముగ్గురు కీలక ఆటగాళ్లను బౌల్ట్ పెవిలియన్ పంపారు.
News May 24, 2024
ముస్లిం రిజర్వేషన్లపై మళ్లీ మాట్లాడితే దావా వేస్తా: షబ్బీర్
TG: బీజేపీ మతాల మధ్య చిచ్చు పెడుతోందని కాంగ్రెస్ సీనియర్ నేత షబ్బీర్ అలీ తాజాగా ఆరోపించారు. మతపరమైన రిజర్వేషన్ల అంశం కోర్టు పరిధిలో ఉందని, వాటిని తొలగిస్తామని పీఎం మోదీ ఎలా అంటారని ప్రశ్నించారు. ముస్లిం రిజర్వేషన్లపై ప్రధాని మళ్లీ మాట్లాడితే పరువునష్టం దావా వేస్తానని హెచ్చరించారు. మైనారిటీల రిజర్వేషన్ పేదరికం ప్రాతిపదికన మాత్రమే ఇచ్చారని అలీ తేల్చిచెప్పారు.
News May 24, 2024
బిగ్‌బాస్కెట్ గోడౌన్‌లో డేట్ అయిపోయిన వస్తువులు!
బిగ్‌బాస్కెట్ గోడౌన్‌లో చేసిన తనిఖీల్లో డేట్ అయిపోయిన వస్తువులను ఫుడ్ సేఫ్టీ అధికారులు గుర్తించారు. HYD కొండాపూర్‌లోని మసీదు బండలో గడువు ముగిసిన చికెన్ మసాలా, చికెన్ సాసేజ్‌లు, పిజ్జా చీజ్, పనీర్, ఐస్‌క్రీమ్‌లు, పాలసీసాలు, థిక్ షేక్స్, ఇతర వస్తువులను కనుగొన్నారు. నిర్వాహకులకు నోటీసులిచ్చిన అధికారులు.. తాత్కాలికంగా లైసెన్సును రద్దుచేశారు. వినియోగదారులు ఎక్స్‌పైరీ డేట్‌ను చెక్ చేసుకోవాలని సూచించారు.
Featured News
Sorry, no posts matched your criteria.