India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 24, 2024
రాజ్ థాక్రేకు భంగపాటు
మహారాష్ట్ర అసెంబ్లీ ఎన్నికల్లో రాజ్ థాక్రేకు చెందిన నవ నిర్మాణ సేన పార్టీ ఘోర పరాజయం పాలైంది. మొత్తం 125 స్థానాల్లో పోటీ చేయగా ఒక్క చోట కూడా విజయం సాధించలేకపోయింది. 2006లో రాజ్ థాక్రే ఈ పార్టీని స్థాపించారు. 2009 అసెంబ్లీలో 13 స్థానాల్లో, 2019 ఎన్నికల్లో ఒక చోట గెలుపొందారు.
News November 24, 2024
111 కోట్ల జీరో టికెట్లు జారీ: మంత్రి పొన్నం
TG: తమ ప్రభుత్వం ఆర్టీసీలో తీసుకొచ్చిన ‘మహాలక్ష్మీ’ పథకం ద్వారా మహిళలు రూ.3,747 కోట్లు ఆదా చేసుకున్నారని మంత్రి పొన్నం ప్రభాకర్ వెల్లడించారు. డిసెంబర్ నుంచి ఈ నెల 20 వరకు 111 కోట్ల జీరో టికెట్లు జారీ చేసినట్లు తెలిపారు. పథకం అమలు తర్వాత ఆర్టీసీ ఆక్యుపెన్సీ రేషియో 94 శాతానికి చేరిందని చెప్పారు. తాము అధికారంలోకి వచ్చాక TGSRTC ప్రభుత్వ సహకారంతో 1,389 కొత్త బస్సులను కొనుగోలు చేసిందని పేర్కొన్నారు.
News November 24, 2024
IPL: మెగా వేలానికి వేళాయే
ఎప్పుడెప్పుడా అని ఎదురుచూస్తున్న సమయం రానే వచ్చింది. ఇవాళ, రేపు మధ్యాహ్నం 3.30 గంటల నుంచి సౌదీ అరేబియాలోని జెడ్డాలో ఐపీఎల్ మెగా వేలం జరగనుంది.
* మొత్తం స్లాట్స్: 204 * వేలంలో పాల్గొనేవారి సంఖ్య: 577
* భారత ప్లేయర్లు: 367 మంది * విదేశీ ప్లేయర్లు: 210 మంది
* అత్యంత పెద్ద వయస్కుడు: అండర్సన్(ENG)
* పిన్న వయస్కుడు: వైభవ్ సూర్యవంశి(బిహార్)
* లైవ్: స్టార్ స్పోర్ట్స్, జియో సినిమా యాప్, IPL వెబ్‌సైట్
News November 24, 2024
IPL: ఏ ఫ్రాంచైజీ వద్ద ఎంత డబ్బు ఉందంటే?
* పంజాబ్ కింగ్స్: రూ.110.5 కోట్లు * RCB – రూ.83 కోట్లు
* CSK- రూ.55 కోట్లు * ఢిల్లీ క్యాపిటల్స్ – రూ.73 కోట్లు
* గుజరాత్ టైటాన్స్- రూ.69 కోట్లు * LSG-రూ.69 కోట్లు
* KKR- రూ.51 కోట్లు * ముంబై ఇండియన్స్ – రూ.45 కోట్లు
* సన్ రైజర్స్ హైదరాబాద్- రూ.45 కోట్లు * RR-రూ.41 కోట్లు
* ఈ వేలంలో అత్యధిక ధర పలికే ఆటగాడు ఎవరో కామెంట్ చేయండి?
News November 24, 2024
Great: సుకుమార్ ఇంట్లో హెల్పర్.. నేడు ప్రభుత్వోద్యోగి!
డైరెక్టర్ సుకుమార్ ఇంట్లో హెల్పర్‌గా ఉన్న దివ్య అనే అమ్మాయి చదువుకుని ప్రభుత్వోద్యోగం సంపాదించారు. సుకుమార్ భార్య తబిత ఈ విషయాన్ని ఇన్‌స్టాలో వెల్లడించారు. ‘దివ్య చదువుకుని నేడు ప్రభుత్వోద్యోగిగా కొలువు సాధించింది. మా కళ్లముందే రెక్కలు విప్పి పైపైకి ఎగురుతున్న దివ్యను చూస్తే చాలా గర్వంగా, తృప్తిగా ఉంది. తన కొత్త జర్నీకి మా శుభాకాంక్షలు’ అని పేర్కొన్నారు. సుకుమార్ కుటుంబమే ఆమెను చదివించడం విశేషం.
News November 24, 2024
208 ఓట్ల తేడాతో గెలిచిన మహా కాంగ్రెస్ చీఫ్
మహారాష్ట్ర అసెంబ్లీ ఎన్నికల్లో కాంగ్రెస్ కూటమి ఘోర పరాజయం మూట కట్టుకోగా ఆ పార్టీ రాష్ట్ర చీఫ్ నానా పటోలే కొద్ది ఓట్ల తేడాతో గట్టెక్కారు. సకోలి స్థానం నుంచి బీజేపీ అభ్యర్థి అవినాష్ బ్రహ్మంకర్‌పై 208 ఓట్ల తేడాతో గెలుపొందారు. పటోలేకు 96,795 ఓట్లు రాగా, బ్రహ్మంకర్‌కు 96,587 ఓట్లు వచ్చాయి. ఓవరాల్‌గా అత్యల్ప మెజారిటీ MIM అభ్యర్థి ముఫ్తీ మహ్మద్ ఖలీక్‌(162 ఓట్లు)ది కావడం గమనార్హం.
News November 24, 2024
తెలుగు టైటాన్స్‌కు ఐదో పరాజయం
ప్రో కబడ్డీ లీగ్‌లో గుజరాత్ జెయింట్స్‌తో జరిగిన మ్యాచులో తెలుగు టైటాన్స్ 31-28 పాయింట్ల తేడాతో ఓటమి పాలైంది. TTలో విజయ్ 15 పాయింట్లు, గుజరాత్‌లో ప్రతీక్ 11 పాయింట్లు సాధించారు. ఇప్పటివరకు 13 మ్యాచులు ఆడిన తెలుగు టైటాన్స్ 8 విజయాలతో రెండో స్థానంలో ఉంది. మొదటి స్థానంలో హరియాణా స్టీలర్స్ కొనసాగుతోంది.
News November 24, 2024
నవంబర్ 24: చరిత్రలో ఈరోజు
1897: హాస్యనటుడు వంగర వెంకటసుబ్బయ్య జననం
1880: ఆంధ్రా బ్యాంకు వ్యవస్థాపకుడు భోగరాజు పట్టాభి సీతారామయ్య జననం(ఫొటోలో)
1924: సినీ దర్శకుడు తాతినేని ప్రకాశరావు జననం
1952: భారత మాజీ క్రికెటర్ బ్రిజేష్ పటేల్ జననం
1953: రచయిత యార్లగడ్డ లక్ష్మీప్రసాద్ జననం
1961: భారతీయ రచయిత్రి అరుంధతీ రాయ్ జననం
2018: కన్నడ నటుడు, మాజీ కేంద్రమంత్రి అంబరీష్ మరణం
* అంతర్జాతీయ ఎవల్యూషన్ డే
News November 24, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News November 24, 2024
నెతన్యాహుపై అరెస్ట్ వారెంట్‌ని గౌరవిస్తున్నాం: కెనడా
ఇజ్రాయెల్ ప్రధాని నెతన్యాహుపై అంతర్జాతీయ క్రిమినల్ కోర్టు జారీ చేసిన అరెస్ట్ వారెంట్‌ను తాము గౌరవిస్తామని కెనడా ప్రధాని జస్టిన్ ట్రూడో స్పష్టం చేశారు. అంతర్జాతీయ చట్టాలకు లోబడే తామెప్పుడూ పనిచేస్తామని పేర్కొన్నారు. ఇప్పటికే యూకే, బెల్జియం, ఐరోపా సమాఖ్య, ఫ్రాన్స్, ఇరాన్, ఐర్లాండ్, జోర్డాన్, నెదర్లాండ్స్, నార్వే, స్వీడన్, దక్షిణాఫ్రికా, స్విట్జర్లాండ్, టర్కీ దేశాలు వారెంట్‌ను అంగీకరించాయి.
Featured News
Sorry, no posts matched your criteria.