• Download our app
News November 24, 2024

ఈరోజు నమాజ్ వేళలు

image

తేది: నవంబర్ 24, ఆదివారం
ఫజర్: తెల్లవారుజామున 5:10 గంటలకు
సూర్యోదయం: ఉదయం 6:26 గంటలకు
దుహర్: మధ్యాహ్నం 12:03 గంటలకు
అసర్: సాయంత్రం 4:04 గంటలకు
మఘ్రిబ్: సాయంత్రం 5:40 గంటలకు
ఇష: రాత్రి 6.56 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.

News November 24, 2024

పుట్టినరోజు శుభాకాంక్షలు

image

ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.

News November 24, 2024

శుభ ముహూర్తం

image

తేది: నవంబర్ 24, ఆదివారం
బ.నవమి: రా.10.20 గంటలకు
పుబ్బ: రా.10.16 గంటలకు
వర్జ్యం: లేదు
దుర్ముహూర్తం: సా.4.01-4.46 గంటల వరకు

News November 24, 2024

TODAY HEADLINES

image

✒ మహారాష్ట్రలో NDA, ఝార్ఖండ్‌లో ‘INDIA’ విజయం
✒ వయనాడ్‌: 4,10,931 ఓట్ల తేడాతో ప్రియాంక గెలుపు
✒ MHలో అభివృద్ధి, సుపరిపాలనలు గెలిచాయి: మోదీ
✒ 26న మహారాష్ట్ర సీఎంగా ఫడణవీస్ ప్రమాణం?
✒ ‘మహా’ ఫ‌లితాల్ని ఊహించ‌లేదు: రాహుల్
✒ పవన్ ప్రచారం చేసిన 10 స్థానాల్లో బీజేపీ గెలుపు
✒ ఏపీలో 2029లోనే ఎన్నికలు: సీఎం చంద్రబాబు
✒ కొడంగల్ ప్రజలను ఇబ్బంది పెట్టను: CM రేవంత్
✒ INC 11నెలల పాలనలో 42మంది మృతి: కవిత

News November 24, 2024

మోస్ట్ బ్యూటిఫుల్ గ్రౌండ్.. ఎక్కడంటే?

image

న్యూజిలాండ్‌లోని క్వీన్స్‌టౌన్ మైదానం మోస్ట్ బ్యూటిఫుల్ గ్రౌండ్‌గా మారింది. మంచు కొండల పక్కనే ఉన్న ఈ మైదానం చూపరులను ఆకట్టుకుంటోంది. చుట్టూ ఎలాంటి గోడలు, ఫెన్సింగ్ ఉండవు. స్వేచ్ఛగా మ్యాచ్ వీక్షించవచ్చు. ప్రస్తుతం ఈ స్టేడియంలో ఇంగ్లండ్, న్యూజిలాండ్ XI మధ్య వార్మప్ మ్యాచ్ జరుగుతోంది. ఈ మ్యాచ్ సందర్భంగా తీసిన ఫొటో సోషల్ మీడియాలో వైరల్‌గా మారింది.

News November 24, 2024

చెప్పులు లేకుండా నడుస్తున్నారా?

image

పాదరక్షలు లేకుండా వాకింగ్ చేయడం వల్ల అనేక ప్రయోజనాలున్నాయని నిపుణులు చెబుతున్నారు. ‘పాదాలు నేరుగా నేలను తాకడం వల్ల విశ్రాంతిగా అనిపిస్తుంది. నాణ్యమైన నిద్ర, రోగనిరోధక శక్తి పెరుగుతుంది. ఒత్తిడి తగ్గుతుంది. రక్తప్రసరణ మెరుగుపడుతుంది. BP కంట్రోల్‌లో ఉంటుంది. కాలి కండరాలు బలపడతాయి’ అని పేర్కొంటున్నారు. షుగర్ పేషెంట్లు, అరికాళ్ల పగుళ్ల సమస్యలు ఉన్నవారు చెప్పులు లేకుండా నడవొద్దని సూచిస్తున్నారు.

News November 24, 2024

దేశంలోని 19 రాష్ట్రాల్లో NDA ప్రభుత్వాలు

image

BJP సారథ్యంలోని NDA కూటమి దేశంలోని 28 రాష్ట్రాల్లో 19 చోట్ల ప్రభుత్వ భాగస్వామిగా ఉంది. తమిళనాడు, కేరళ, కర్ణాటక, TG, పంజాబ్, హిమాచల్ ప్రదేశ్, ఝార్ఖండ్, మిజోరం, WBలలో కాంగ్రెస్, ఇతర ప్రాంతీయ పార్టీల ప్రభుత్వాలు నడుస్తున్నాయి. నేడు మహారాష్ట్రలో మహాయుతి ఘన విజయం సాధించిన నేపథ్యంలో NDA పాలించే రాష్ట్రాల మ్యాప్ వైరలవుతోంది. కాంగ్రెస్ స్వతహాగా 3 రాష్ట్రాల్లోనే (TG, HP, KA) ప్రభుత్వంలో ఉంది.

News November 24, 2024

కన్నడ సినిమా సక్సెస్ వెనుక యశ్ ఉన్నారు: శివ కార్తికేయన్

image

‘కేజీఎఫ్’ యశ్ కారణంగా కన్నడ సినిమాకు ప్రపంచవ్యాప్త గుర్తింపు వచ్చిందని తమిళ నటుడు శివకార్తికేయన్ ప్రశంసించారు. గోవాలో జరిగిన ఓ కార్యక్రమంలో ఆయన మాట్లాడారు. ‘కన్నడ చిత్ర పరిశ్రమలో నాకు మొదట తెలిసిన వ్యక్తి శివ రాజ్‌కుమార్. చాలా స్నేహశీలి. కానీ ఆ పరిశ్రమకు యశ్ చేసిన మంచి అంతా ఇంతా కాదు. కేజీఎఫ్-1 వచ్చినప్పుడు ఆ పరిశ్రమ సక్సెస్ అయింది. కానీ కేజీఎఫ్-2తో భారత సినిమా సక్సెస్ అయింది’ అని కొనియాడారు.

News November 24, 2024

డిసెంబర్ నుంచి ఫేస్ రికగ్నిషన్ అటెండెన్స్

image

తెలంగాణ సచివాలయ ఉద్యోగుల అటెండెన్స్‌ విధానంలో మార్పులు రానున్నాయి. డిసెంబర్ నుంచి ఫేస్ రికగ్నిషన్ అటెండెన్స్ అమలు చేయనున్నట్లు ఉన్నతాధికారులు తెలిపారు. సమయానికి రాని ఉద్యోగులపై ఇటీవల మంత్రులు ఆగ్రహం వ్యక్తం చేశారు. దీంతో ఈ తరహా అటెండెన్స్ విధానాన్ని అమలు చేయాలని నిర్ణయించారు. ప్రతి ఫ్లోర్‌లోనూ, వివిధ డిపార్ట్‌మెంట్‌ల వద్ద కూడా అటెండెన్స్ మెషీన్లు ఏర్పాటు చేయనున్నట్లు తెలుస్తోంది.

News November 24, 2024

OFFICIAL: మహారాష్ట్ర ఫలితాలు

image

మహారాష్ట్రలో మహాయుతి కూటమి అఖండ విజయం సాధించింది. మొత్తం 288 అసెంబ్లీ సీట్లకు గాను 233 స్థానాలను సొంతం చేసుకుంది. బీజేపీ 132, శివసేన (SHS) 57, ఎన్సీపీ 41, JSS 2, RSJP 1 సీటు కైవసం చేసుకున్నాయి. అటు మహావికాస్ అఘాడీకి 49 సీట్లు మాత్రమే వచ్చాయి. శివసేన (యూబీటీ) 20, కాంగ్రెస్ 16, ఎన్సీపీ (శరద్) 10, ఎస్పీ 2, PAWPOI 1 సీటు సాధించాయి. ఇతరులకు 6 సీట్లు వచ్చాయి.

Featured News

Sorry, no posts matched your criteria.

↑